泰廚房子 (德福廣場1期)

营业中

休息中

今次去咗間泰國餐廳，開心到跳起！🍽🤤先講個香茅檸檬龍眼蜜，呢款飲品真係清新得嚟，有種「哧哧嘴」嘅暢快，佢嗰陣淡淡香茅味，真係足以令人一試難忘！再嚟講串燒，呀，份量啱啱好，肉嘅香味夠嚟唔腍，真係食落口裡即刻明白咩叫做外焦內嫩，正！當然啦，唔少得最經典嘅泰式炒金邊粉，啖啖鮮蝦，每一啖粉都飽滿彈牙，充滿咗鮮味同埋熱情嘅泰式香料味，流嘅我滿頭大汗都要食埋嗰盤！最後個馬拉盞炒通菜，簡直係抵死，啱啱好嘅辣度令人食指大動！整體嚟講，呢間餐廳嘅食物質素真係好正，服務亦都相當周到。雖然位子有少少迫，但係咁味美食色，都值得介紹俾朋友。下次醫肚再諗唔到食咩嘅時候，記得千祈唔好錯過呢家泰國美食嘅好去處喇！🥰🌶🥥

呢間泰國餐廳，成日都會同同事嚟食。平時食開冬陰功湯麵，但係今次就想試豬手飯。佢嘅豬手飯唔單止腍仲幾入味，唔算好肥膩，仲有蔬菜做配襯，咁就一餐有晒肉同菜。仲有甜品🍮不錯選擇

平時喺附近返工已經成日呢間餐廳嘅午市套餐 味道質素都有保證！今日星期日又心思思想食泰菜，所以又專登返嚟食～ 我哋見到二人餐$288 非常抵食，不過原來套餐一般都係5點後先供應，而我地去嘅時間係下午茶時段。餐廳經理雄哥非常好人 即刻幫我哋問一問廚房睇吓可唔可以整到俾我哋食，好快就迎來好消息～😊二人餐非常豐富！味道全部都好好👍🏻- 串燒春卷木瓜沙律拼盤- 湯品 (我嗌冬陰功，仲要係用熱鍋上😱）- 燒雞- 黃咖哩配一款肉- 雞肉菠蘿炒飯/ 素泰式金邊粉- 馬拉盞炒通菜- 椰汁糕二人餐份量足夠三至四個人食！雄哥仲問我哋使唔使俾定外賣盒我哋打包返去😂其他侍應嘅服務態度都好好👍🏻 （食前唔記得咗影🫣二人餐嘅份量係放滿成張卡位😂）味道 ⭐️⭐️⭐️⭐️價錢⭐️⭐️⭐️⭐️⭐️服務⭐️⭐️⭐️⭐️⭐️環境⭐️⭐️⭐️⭐️回頭指數⭐️⭐️⭐️⭐️⭐️

啱啱喺呢間泰式餐廳食過一頓飯，感覺得意添！🌿🍛 佢個泰式炒金邊粉，簿薄嘅炒蛋香滑得嚟，包住啫啫嘅金邊粉，雖然粉麵味道或者可以再濃啲，但啲蝦雖然微微有少少冷凍味，整體嚟講都唔錯！炒得啱啱好，完全唔膩口。泰滋味拼盤就真係十足嘅驚喜！🤤 每樣小食都做得夠味又唔油膩，特別係果啲蝦餅，真係香脆可口，食落令人一啖接一啖。馬拉盞炒通菜同肉碎生菜包就勁辣勁鹹味十足，食多兩啖都要攞埋杯水解解渴，生菜包嗰部分希望佢哋下次可以大方啲！至於海南雞飯，味道算係中規中矩，冇乜特別驚艷嘅地方。甜品嘅芒果糯米飯就有少少失落，個芒果唔夠甜，食落有啲酸口。不過，講到飲品，珍多冰豐富嘅椰奶味同龍眼冰嘅香甜，實在係消暑好選擇，而青檸梳打就清爽得嚟解渴！🍹總括嚟講，今次食物體驗唔錯，有啲菜式真係惹味，有啲就仲有改善空間。個人真係期待下次再嚟試吓其他款式！😋🍴

是日到訪了位於九龍灣嘅一間泰式餐廳，決定來個泰國菜之夜晚餐～～孖住泰2人餐 $198黃咖哩豬扒 + 海南雞(例牌) + 泰式菠蘿雞粒炒飯 加配小食手包春卷拼魚餅(各2件) +$36整體食物質素中規中矩，用膳座位安排了卡位，寛敞舒適

個人喜愛海南雞飯嘅，不過呢間嘅黃飯就淨係得顏色，無乜香味。雞方面還好，雞味爭少少。冬瓜湯就似水多啲，無乜味。價錢方面就一般。所以以午餐嚟講都算啦。等位時間都比較長，如果比較趕時間就未必合適。

午市服務一片混亂，在門外攞飛等入座，侍應不按次序隨意叫後來者入座，同樣等候2人座位，餐廳招呼A004先入座而跳過A003。之後有食客離座，入面侍應連攞飛排隊的次序都唔睇就直衝到門口想隨便叫企近門口的人入座。食物質素只屬一般，泰式鮮蝦炒金邊粉，竟然無鮮蝦，跟餐牌所顯示的有極大距離。

特登接近下午茶時間去，因為唔多人。點知一入去就要我搭枱，眼見大把位，但問咗三個職員都堅持要搭枱，食個晏都要受氣，唔怪之得大家越來越唔鍾意喺香港消費。不知所謂即刻走人😡！

呢日同阿仔學完游水，一於去附近搵食，之前未試過呢間泰菜，呢日唔使排隊，就試吓佢。入到去裝修都好有泰國風情，有藤籃燈罩，牆身都有泰國特色畫。邊度有卡座，有普通座位，卡座係湖水藍色梳化椅，坐得好舒服。烤泰式雞髀煎蛋飯雞扒烤得好香又入味，肉質香滑又夠厚，煎蛋煎得香脆，兩者配埋個汁食，惹味又好味。海南雞飯定食黃油飯粒粒分明，飯質煙靭，但略嫌唔夠香。雞肉嫩滑，啖啖肉，點埋嗰醬食好好味。冬瓜湯清清地，仲有個芒果布甸送！手包春卷拼魚餅春卷熱辣辣送嚟，外層香脆，裏面有粉絲，雲耳，都好入味。魚餅好香，不過都幾辣，愛辣人士必食。

除咗海南雞飯之外，金邊粉都係我另一至愛好可惜，好難遇到炒得好好食嘅金邊粉我食過一次，蝦夠大酸酸甜甜夠入味雖然高質但係其實只係喺某商場嘅food court，可惜而家冇得食了。見到呢間泰國餐廳忍唔住試佢個炒金邊粉上菜嘅時候賣相幾好，加左分😀😀仲有條條香茅做伴碟😆😆😆飲品我冇要到泰式飲品，都係要返我最鍾意飲嘅凍檸茶整返嚟講都算吵得幾好味，算正常發揮😀金邊粉乾濕適中，加埋啲青檸汁酸酸甜甜咁👍

一大班朋友約食飯，到德福廣場泰廚房子食泰菜。但泰菜一邊太多人，所以安排我們一行人到旁邊西餐廳就座，應該兩邊都是同一集團和使用同一廚房。泰菜那邊的工作人員也不時過來安排。首先來一個泰式烤BB豬，肉質非常嫩，皮可口香脆。芭堤雅燒雞，有點乾，但味道不錯。泰式青咖喱配飯（牛)，叻喱不辣但有咖喱香，再加配手抓餅，沾滿咖喱汁非常滿足。清邁鐵板蠔仔蛋，蠔仔小小的但卜卜也很飽滿。菠蘿海鮮炒飯，海鮮料足，炒飯也炒得乾爽。鹹魚肉碎炒芥蘭及飛天炒通菜亦不錯。整體抵食，味道不錯。是一大班朋友聚餐之選。

好多年前來試食過，今日有機會再黎德福廣場，午餐就選擇食佢，服務員招呼坐下，我點一份“泰式青咖哩豬扒飯”，配一杯凍泰式奶茶，豬扒炸得幾好，泰式奶茶對我來講不夠濃度，還可接受。

今日放假起身經過見到泰國餐廳，由於好耐冇食過 所以睇完餐牌諗都唔諗就入左去食。首先我睇睇佢地既餐牌，見佢地有午餐set又包野飲，環境又幾唔錯，價錢都幾抵都，最正係包埋野飲，有泰式奶茶，檸檸茶，咖啡，凍飲又唔洗加錢，所以坐底試一試。我叫左個泰式鮮蝦炒金邊粉和凍泰式奶茶，睇相幾唔錯👍。黎到時份量超多，好大碟，同唔會超油。夠辣同花生碎都多，撈埋一齊時個提即變到好夠。凍奶茶都好正，好有泰國風味同唔會太甜，今餐真係滿足

德福平台有間平民泰國餐廳，星期日lunch time都好爆滿，氣氛不錯，我哋喺門口等多10分鐘左右就可以安排入座。1. 泰式炒金邊粉 $75伴碟有辣椒粉、花生碎、仲有一棵香茅🤣🤣金邊粉炒得好惹味，份量亦都唔少，裏面有鮮蝦、炒蛋、魚蛋👍🏻👍🏻😋😋仲附送泰式奶茶，凍飲唔使加錢。2. 泰式紅咖喱配香茅豬頸肉飯一上菜俾個碟嚇親，好大個碟🤣👍🏻佢哋嘅豬頸肉燒到好好味，好林😋紅咖哩嘅椰汁味好重，有少少辣，好開胃。兩個人埋單都唔使$200，抵食👍🏻👍🏻

食物質素合格，價錢亦相宜，想食泰菜嘅時候就會過去食個下午茶或者買外賣都係唔錯！價錢方面同茶餐廳差唔多，平日就唔多人唔需要等位，詩歌黃咖哩請假你豬頸肉，同埋泰式豬手都係合格有餘同埋泰式豬手，全部水準中上。