泰廚坊

营业中

休息中

屋企煮食爐壞咗，要食外賣。大熱天時好想食啲東南亞風情嘅食物，揀咗呢一間新開嘅泰國餐廳。呢間餐廳之前都係泰國餐廳尚泰嘅鋪位，入面啲間格都好似無乜變樣咁。我揀咗乾炒豬肉河同馬拉盞炒雞肉薯粉，午市套餐包一杯熱飲，我揀咗熱菜蜜同埋熱檸茶。先講個炒河，我見佢係闊嘅泰式河粉先揀佢。佢啲河粉顏色都幾靚，不過我嫌佢無泰式河粉嘅煙韌。佢啲豬肉都幾大塊，薄切得來幾入味，又唔鞋。至於個馬拉盞薯粉係用扁薯粉，幾煙韌同入味，不過啲雞肉有啲鞋。兩樣夾埋，炒豬肉配薯粉應該好食好多。佢呢個馬拉盞都幾辣，好彩有熱飲送。佢杯熱檸茶嘅茶底係泰茶底，令我有啲surprised 順帶一提，啲店員好好人，大熱天時嘅中午34度，佢叫我喺店內一邊嘆冷氣一邊等好窩心

泰廚什錦拼盤：一共有6款小食：多春魚、魚餅、蝦餅、素春卷、豬頸肉同鳳爪，但餐廳嗰邊容許大家酌量加減啲份量，例如我哋就唔要鳳爪，選擇其他小食多番少少。整體嚟講，每樣嘢都有中上以上水平，魚餅、蝦餅同春卷都做到脆口同平衡嘅調味，略嫌多春魚炸粉沾得有啲唔均勻，同埋豬頸肉嘅醃味唔夠突出，但憑$10X嘅價錢同充足嘅份量，已經算係非常抵食：）香芒蟹肉炒飯：即叫即炒，絕對係你望到同埋食到嘅鑊氣！芒果幾鮮甜，而且切得適中，唔係單純擺盤，係放埋落炒飯入面，夾得幾好；蟹肉你係會望到一絲絲嘅，但就唔好預好重蟹味，畢竟係佢哋用真蟹拆出嚟，而呢款炒飯亦唔係單純追求蟹味，屬於符合大眾口味嘅炒飯芒果沙冰：雖然Topping嘅芒果得幾粒，但明顯飲得出係落咗幾多芒果落去打，飲嘅頭幾啖有冰涼感，濃稠得嚟，又唔會漿口，都見唔到有好快溶嘅問題，飲足成餐飯都仲係有好重芒果味。只要唔好當佢係刨冰，基本上你肯定會滿意呢杯嘢飲～泰式燒春雞：非常香口同算幾嫩滑，燒雞嚟講一定收貨，不過要挑剔嘅就係香料味道唔算好重，都冇去走雞屎窟，單純就係食佢嘅口感同過口癮，對熱氣嘢唔係有特別喜好嘅人，可以再考慮嗌唔嗌芒果糯米飯：芒果有1/3個到，繼續保持