泰太廚房

今日晏昼无野做,渣左架车去鹿颈游车河,落返黎有 点肚饿,见呢间泰国菜有得泊车,门口装修又几靓, 就入去试下。泊低架车,紧系坐室外啦,凉凉地,虽然有太阳但系 餐厅有阳蓬遮住点解要写食评因为食左三样野我都觉得好够味,好似 泰国一样,师傅系厨房行出来我都见到系泰仔,果然 系真泰国菜。叫左个香草辣肉碎炒饭,好入味,食唔停口,加埋只 流心蛋,100分跟住黎个菠萝炒饭,好丰富,好大份,炒得好有镬 气,坐出面都听到厨房入面既炒炉声,劲连碟菜都 炒得好香,埋尾整个椰青坐左个半钟,出面仲可以食 烟,呢间真系力推…查看更多

今日万圣节一家人嚟咗大美督，拣咗呢间泰国菜食饭，订咗半只乳猪同埋一份咖喱大虾我哋比安排咗大圆桌，有风扇有风机，但系当日唔热嘅所以好舒服。叫咗几样嘢食，开头嚟咗订咗嘅烧乳猪，热辣辣，个皮超脆，肉好入味，浓浓嘅黑胡椒味，第一次食，相当唔错。跟住嚟咗个咖喱炒蟹，超大份，只蟹好大只，新鲜，收费600唔贵，咖喱好香creamy，我都送咗碗白饭。跟住叫咗个椰菜苗，生菜包，佢哋新嘅菜牌有个叫做粟米墨鱼波波，呢个都好得意，仲有个烧牛仔肠，小朋友话好好食，同埋个菠萝沙板都超正。一定会有下一次因为呢间泰国菜所有嘢都好食。…查看更多

衬住秋凉天气，就拣左踩单车入大尾笃随性咁揾左间泰国餐馆，点知每款菜都好好食睇完menu都觉得面包咖喱蟹非常吸引😋然后又点左酸辣海鲜汤、虾多士同通菜估唔到每款都好出色！咖喱唔太辣，面包好呃，都落得多蟹肉，唔腻虾多士啲虾好厚肉又新鲜，多士唔会落太多粉，十分推介饮品都好大杯 好足份量一边食 去到6点几发现好多book左枱嘅客人坐满成间餐厅唔少人渣车黎 亦都开放可以带狗狗入黎秋凉天气 坐露天位望住晚霞 其实都几正叫咁多野 埋单先$600几蚊 真系胜价比好高下次再踩单车入黎 绝对会再黎试其他菜式😍…查看更多

又到星期日，又要谂中午食乜嘢啦，听朋友介绍过呢间餐厅几好，就喺OpenRice碌吓碌吓，睇过啲食评又睇过啲相，觉得几吸引，今日就嚟试食啦。肉碎生菜包： 😋😋😋😋咖喱蟹肉面包： 😋😋😋😋竹炭面包软壳蟹： 😋😋😋😋火山骨： 😋😋😋😋泰式柠檬蒸鱼： 😋😋😋我们12点左右入座，餐厅客人不多，可能呢度主要是食泰国菜，没有碟头饭那类菜单提供，加上离开公众露天停车场比较远，所以附近那两间泰菜餐厅比较客多，不过如果想品尝特色泰菜，我𠮶人会选择泰太厨房。总括：味道👅几好！价钱OK！…查看更多

今次试吓呢间泰国菜，上次见佢都几多人又要排队，今日拣咗平日打电话去订枱，亦都有室内位置，冷气够劲👍🏻👍🏻我哋六个人本身想食炭烧乳猪，但系想试吓其他菜好唔好食先，先至叫多啲人嚟一齐试乳猪。我哋叫咗个小食拼盘，有虾饼鱼饼鸡翼蟹钳咖喱角鸡卷，样样都系炸，唔错。跟住有个无骨凤爪沙律，酸辣啱好，好开胃。另外叫咗个火山排骨，真系好大盆，又系酸酸辣辣咁，啲骨侧边啲肉黐住啲骨𠮶啲好正。炭烧串烧，佢哋系喺出边有泰国师傅喺出边炭烧，当然好正啦。泰国椰菜苗加脆肉，正常发挥。跟住叫咗个金枕头竹炭咖喱面包软壳蟹，见佢叫得意所以叫，一嚟到真系超大份，咖喱滑身，软壳蟹脆卜卜，加埋个竹炭面包又系脆卜卜，呢个真系必叫。仲有叫咗豪仔煎蛋，都好多蚝仔都系新鲜，热辣辣嘅铁板加埋煎蛋，点埋个士拉差辣椒酱真系好食。我哋六个人埋单先每人$220，有咁嘅份量认真抵食！…查看更多