泰出色泰國餐廳

今日中午去咗天后呢間「泰出色」試佢哋嘅午市套餐，$65有個冬陰功雞絲湯河配凍檸茶走甜，性價比幾驚喜！ **🌶️ 冬陰功湯底正宗濃郁** 一上桌已經聞到香茅同南薑嘅香氣，湯底酸辣平衡得剛好，仲有淡淡椰奶香，飲落順喉唔嗆喉，絕對係泰國風味！湯料都足，有草菇、香葉等，誠意滿分。 **🍜 河粉滑溜份量足** 河粉浸喺湯裡都唔易爛，口感滑溜又掛湯，份量對女生嚟講足夠飽肚，男生食都唔會嫌少。雞絲處理得幾好，肉質嫩滑唔嚡口，唔會乾爭爭，同湯底好夾。 **☕️ 凍檸茶走甜有茶香** 凍檸茶叫咗走甜，茶底夠濃唔澀，飲落解膩，可惜檸檬得兩薄片，如果多一片香氣會更突出。不過$65連飲品來講，已經收貨有餘！ 整體來說，呢個套餐抵食又夠味，鍾意食泰菜嘅朋友可以一試～一定會再回頭！ **📍 泰出色泰國餐廳 (天后) 午市套餐：$65 推薦：冬陰功雞絲湯河、凍檸茶走甜** …查看更多

今天午膳時間是在這位於天后站站附近的泰式餐廳醫肚。午市套餐選擇也不少，飯和粉也有齊。我們二人各點了一個餐後，飲品便隨即送上。～泰式鹵水豬手飯賣相不錯，飯和豬手的份量確實不少。豬手肉不是太腍，但皮就是滿滿骨膠原。整體味道也不錯，沾上微辣的醬汁就較惹味。～泰式雞肉乾炒牛河加了蛋和醬汁炒的濶條河粉味道很好，最愛還是那些菜蔬。雞肉份量也不少，但卻沒有醃得入味，並不是我杯茶。飯後以熱檸檬茶作結是最好不過。這店不乏食客，是學生和上班一族的一個填肚選擇。…查看更多

3位 730入座 一入到去乜都冇冇講就冇枱坐門口位，冇得揀 本身我哋就冇話過要揀位，直接扣咗我帽子話你哋冇得揀㗎啦坐呢度 咁就坐低啦點知隔咗一陣 入嚟嘅三四張三人枱 都係冇訂位直接坐咗入邊啲卡位等咗一陣俾咗幾隻碟我 但又冇比餐牌我舉手問人攞餐牌 態度極度惡劣，覺得我好似吹佢咁 叫我等 「知道㗎啦，知道㗎啦」🙃再過咗幾分鐘都冇人俾餐牌 就舉手搵咗第二個人 俾咗餐牌 揀好晒嘢 好似完全唔夠人手搵咗好耐都搵唔到人落單 見到有人行過就嗌佢啦完全扮聽唔到 就咁行過終於有人過 咁就嗌啦 聽得明廣東話又扮聽唔明咁算啦，照落單 因為坐喺門口位真係好熱 嗰度門又不停咁有人出出入入咁我咪開口問佢，你入邊仲有冇位？我坐呢度有啲熱，因為門口位多人出入點知佢即刻就開口 「有啲人又覺得好熱，有啲人又覺得好凍，我都冇辦法」🙃？ 再同佢講多幾句，佢就勁晦氣咁話得啦，我同你較個冷氣🙃 西哂面咁搞到我一肚氣 ，直接無食 走人🙃…查看更多

全港最難食的泰國菜，他們的沙爹串燒雞肉串($79)是煮熟雞肉伴沙爹酱，極之極之難食。泰式燒雞半隻($108)無味又柴，三杯不合格的泰色珍多冰($78)只有椰奶水，像飲稀奶水。鳳梨海鮮炒飯($108)只有一隻蝦，來三個人加埋10%合共$537，超貴。永不再來。浪費金錢浪費我們的胃。…查看更多

今日下午1:45諗住食個late lunch ,俾相片吸引左，叫碟海南雞加豬頸肉飯，賣相差勁遠，雞又霉又有怪味，豬頸肉柴到呢！2:30阿姐話要用張枱，要我去另一度坐，四圍大把空枱，飲淨一啖都要趕客。埋單仲刻意把本來跟餐特飲優惠當正價計，扮傻話唔知！大家小心👀大眼、慎入！天后呢區實在大把好嘢食、間餐廳唔知係咪轉左手，服務同食物質素每況愈下，只係佢地點就腳，唔知唔覺俾佢裝修吸引咗入去，相片又呃得下人，實情浪費食物，浪費時間，浪費咗個享受美食嘅quota，極度失望，同感覺受騙，唔係咁啱check單，無啦啦俾佢加多幾十蚊，依家做食客，大把選擇，餐廳職員以為有水魚入咗去，想你點都得，明明冇人又要你搭枱坐，想逼你走又話張枱要用，後來趁客唔覺，趁機呃錢，離晒大譜！…查看更多

叫左喇沙 轉金邊粉要加$3都算一黎到個湯上面層油成cm咁厚，淨係片層油出黎已經用左5分鐘。冇不走啲湯食左5分鐘已經吸晒啲汁水。唔主張浪費食物嘅我都食唔到落去😓服務員態度十分一般 見隔離係咁出錯餐個客人冇出聲店員反而想發脾氣…查看更多

今天去天后做事，中午去買了午餐，順便買了一些甜點給同事吃，因為很少看到泰國餐廳有那麼多款甜點在門口賣。芋頭糕-超級濃的芋頭味，再加上粒粒的芋頭，非常香滑好吃。芒果布丁-整個都是芒果的果粒還有香味👍👍👍👍👍椰青糕-椰肉+椰青親自去做成的果凍口感，好吃西米椰汁糕-底部的芋頭香濃帶顆粒，再加上表面淋上濃濃的椰汁糕，兩個口感交接非常好吃。班蘭糕-班蘭葉加椰汁去做成的糕，非常清香。千層糕-班蘭葉及椰汁做成另外一款QQ糕。…查看更多

尋日收工去行工展會，行完工展會就梗係落天后搵野食啦，工展會期間都帶旺咗呢一區食肆～都有一段時間無來食過泰出色泰國餐廳，成9點半入座都仲有好多客人，店外的泰國甜品也是。。可能因為廚房比較忙，所以都等左15分鐘先上菜。泰式濕炒河配豬肉有好多有豬肉片和菜，仲要係濶身河粉，濶身河粉未必成日食到～泰式鐵板蠔仔蛋蠔仔蛋邊夠香脆，有鐵板承載著所以熱辣辣，底下仲有一層厚厚的芽菜，配搭一齊食份外好味。不過覺得侍應啲禮貌就一般般啦！！可以再有禮貌多啲。。…查看更多

食完飯經過見到宜間餐廳門口嘅泰式糕點好多人排隊買外賣 就好奇跟住排 見到款式勁多 大件價錢又平 幾吸引 椰汁西米糕 $8利用葉包住 椰汁好香濃 西米糕又幾滑 吾會太甜 椰汁芋頭糕 $7椰汁芋頭糕有小小芋頭香味 同芋頭粒 椰汁又吾會搶哂味 椰汁紫米糕 $7椰汁紫米糕非常足料 滿滿嘅紫米 香濃嘅椰汁紫米味 微甜 幾特別椰青糕 $8椰青糕口感爽口 清香嘅椰青味 加上小小嘅椰子肉 幾清爽珍多糕 $7珍多糕微甜 少少斑斕味同椰汁味 內有粒粒西米 …查看更多

不知所謂既餐廳，等四十分鐘都無餐到。食物普通不在話下，員工態度其差，落單後40分鐘只得兩個餐到，另外一個餐40分鐘後都冇到，中間催咗職員五次冇人理。其實只係簡單叫一個海南雞飯食完就返工，但係完全冇人理會。最後cut單走人。同枱有兩碟海南雞飯嚟咗，試咗一舊雞，超難食。餐飲體驗其他，唔理你乜嘢老字號？服務態度差根本留唔到客，仲要嘢食難食，簡直嚇死人。…查看更多

真係一個非常之差既晚餐！睇左啲食評見到都唔差就諗住去試下，點知食完都唔知食左啲咩。落單個陣已經叫左好多次，仲要啲野食等左勁耐先上枱。等唔緊要，但係上到枱既野完全唔值得等咁耐。個魚完全冇味，又鞋又過熟，有啲酸酸地既味。個菜偏淡，都算正常。個芒果糯米飯落單之後等左半個鐘，催左幾次都未上。見到個阿姐整晒所有野飲先開始整個芒果糯米飯。整完之後放係出餐位完全冇人理。成餐飯2個人食左成300幾蚊，食完之後仲有啲肚痛，唔會再有下次。…查看更多

4人泰難食晚餐🥣盛惠$840難食到一個點點了馬拉盞通菜 🈚️馬拉味！冬陰功湯冇冬陰功味！爐都點唔著蠔仔煎蛋 蠔有幾隻賣相睇咗都唔想食！🥹總之係冇人掂人生中食過一餐最難食嘅晚餐！🥹…查看更多

天后食泰菜，一定黎呢間老字號!!! 座位舒適，柔和燈光，真係好岩成班人黎慢慢食傾下計，同埋食物選擇都好多，我地今次叫左泰式倉魚❤ 中意食魚既必點! 黃立倉肉質實在零腥味，湯底酸咸甜都有齊哂，而且魚既份量都大大條，仲有D蔬菜 粉絲等配料，大滿足呀!!泰式蒜蓉炒西蘭花 ❤ 西蘭花要另外加$15 蒜蓉好香唔死咸，但如果西蘭花份量可以再多D就更好喇! 飛天炒芥蘭 ❤ 芥蘭好爽甜，中意咸香味重既必點飛天炒! 佢仲有豆豉，所以食起黎真係好香口。泰式鐵板黑椒魚柳 😃 原來魚柳係有炸過，粉醬唔算好厚，舊舊魚柳都好厚實，黑椒淋唔會好結身，仲有洋蔥 粟米芯等配菜，人多share就正喇!泰式街頭蒜蓉焗蠔 😗 3隻起 一隻蠔殼有兩粒蠔肉，蒜蓉係用新鮮粒粒蒜蓉，黎到真係熱LAKLAK…查看更多

最近試咗間泰國餐廳「泰出色泰國餐廳」, 正正位於好近維園既天后 🌆, 係出面經過見到入面裝修好有泰國風味 🏨, 一於就同朋友二個入去試下!今次一共叫左三度主菜: 飛天通菜 🥬, 冬陰功明爐烏頭魚(大辣) 🐟, 同埋肉碎香葉炒飯 🍚首先上枱嘅飛天通菜絕對係打響頭炮 🔥, 辣度既唔會過於刺激 😅, 又恰好夠辣 🌶️. 加上D菜新鮮爽脆 🥕, 真係一登場已經讓人食慾大增 😋. 我同朋友忍唔住連碟飯都未到已經極速食咗大半碟 🤤!跟住就係一盤濃郁鮮美嘅冬陰功明爐烏頭魚 🍲. 我地特登叫大辣 🔥, 因為知道條魚入味過程較慢, 但只要再煮多一陣子,湯底嘅香氣及辣味就已經完全滲透入魚肉之中 👌. 令整條魚同埋D配菜完全被辣味及香味所包圍 🌶️, 口感突出又極具特色 😍. 最後食哂條魚, 仲好味到連湯底D湯飲都飲哂 💯!至於最後一道主菜,即肉碎香葉炒飯 🍳, 簡直就係一絕 👍! 飯粒粒分明 🍚, 炒得香口可口 👏, 配上幾粒肉碎, 完全係一道正宗嘅泰式風味 😋!作為飲品,珍多冰真係驚喜滿分 😲! 濃郁嘅奶香迷人 ☕, 令人有種飄飄欲仙嘅感覺 😌. 相反,荔枝冰就味道相對一般 😑.總括嚟講,「泰出色泰國餐廳」絕對係一間值得一試嘅泰國餐廳 🤩! 每一道菜式都極其出色 💯, 料理手法用心 👨‍🍳, 絕 🙌. 下次再黎天后, 定必會再幫襯呢間餐廳 🤙!…查看更多

泰出色泰國餐廳 (天后)天后電氣道86號地舖1️⃣泰式蟹肉炒粉絲呢碟粉絲一出嚟就勁淡色，然後味道亦係好淡佢係似酒樓嘅炒米粉，完全無泰國元素係入面啲蟹肉小到爆，佢仲要加啲蟹柳落去扮蟹😂呢個煮法好有創意喎😂2️⃣青咖喱雞咖喱嘅味道偏淡，冇乜椰汁同香料味個雞有好大陣雪味，個陣味真係有啲反胃不過其他配菜好彩係淋嘅，唔係未熟！結論:味道麻麻，唔出色…查看更多