泰作

营业中

休息中

聖誕節去酒店Staycation, 諗住叫外賣拎番去食。第一次試吓尼間。叫咗泰式海南雞飯、加埋兩份串燒雞、等等。點知返到去發現成盒海南雞飯無俾到飯，又無豉油或者汁，點食呀?? 跟住又發現俾漏咗成份串燒，但明明張單有計到錢🙄第二日番去揾老闆娘了解，希望可以退番漏咗單嘅錢…點知佢態度非常差🙄🙄🙄仲賴話係我地/有人攞錯，自己唔睇…唔通我要自己行入去你廚房自己攞?? 食物一般 Food taste just average 外賣漏單 Takeaway missed order 服務態度惡劣 Terrible service of staff

不知所謂黎兩次條魚都有血。 第一次黎經理仲話我地未等佢滾就食（哦。一定係咁啦😤）第二次黎到我成家人望住條魚祈禱超過十分鐘又係有血，經理仲要埋黎講一堆英文is not my problem,我條魚今日買，我都係而家先知啫，下….咁問題一定係我地到啦⋯⋯完全唔自得自己有錯，怪條魚，唔會怪下自己廚房嘅做法。

食物方面：泰蛋咖喱炒大蜆($148)，個汁嘅味道夠濃，咖哩味夠香。啲蜆就好少、得九隻，同埋啲蜆雖然肉質彈牙，但完全冇鮮味泰隆鑊炒金不換沙嗲肥牛鍋($128)，上枱時會一直加熱保持溫度，份量正常味道尚可，金菇都幾多，味道方面有濃郁嘅沙嗲味，正常嘅沙嗲肥牛鍋，但係就冇乜特別炭燒泰國爆高大頭蝦配野味泰式蝦醬炒飯($138)，個飯炒得幾入味幾香，有埋啲臘腸粒都幾好食，大頭蝦就燒過龍，燒到有啲乾，味道一般環境方面：坐位舒適但就有少少油漬，餐具都算乾淨服務方面：正常待客，唔會好熱情同你傾計或事事招呼周到，但又唔會黑面無禮貌，對客有笑容同正常語氣P.S.有加一服務費

經常到這店吃早餐，主要因為店員服務好，環境舒適及味道OK。但今天早餐叫了一份豬扒冬陰功湯米粉， 豬扒只得半件！猪扒雪雪白白，不似曾經煎或炸。不知是否開始優化成本了？

Intro: 青衣城最近開左唔少餐廳，人流都多左唔少，而有一間泰國餐廳吸引到唔少青衣居民食飯，呢到假日午餐大約100左右，總有幾款可以揀得落手～___________________🍽 ”泰作”泰式海南雞拼無骨豬手飯💰 88（假日lunch，凍飲+3）⭐️ 7.5/10✍🏻 海南雞同豬手嘅份量多，但豬手皮佔嘅比例比肉嘅多；✍🏻 海南雞有鞋有滑，最緊要有汁可點，味道唔錯；✍🏻 呢個餐包埋油飯同湯，冬瓜湯反而唔似坊間泰國餐廳咁鹹。🍽 泰式車仔船河（拼雞扒、豬扒）💰 76（假日lunch，凍飲+3）⭐️ 8/10✍🏻 今次就試左兩個餸嘅泰式船河，揀左檬粉，呢到嘅檬粉浸左湯好正，索左船河應有嘅香味，仲好彈牙爽口；✍🏻 雞扒豬扒都好大塊，大塊到差唔多佔左船麵嘅80%，口感同味道都唔錯；🍽 碳燒菠蘿海鮮炒飯💰 88（假日lunch，凍飲+3）⭐️ 8/10✍🏻 炒飯配料極多，有肉鬆腰果、菠蘿粒（非罐頭、一大片燒菠蘿、大蝦同三色豆等等✍🏻 碳燒菠蘿嘅表面好似好乾咁，但其實充滿菠蘿汁，唔算酸仲帶點甜；✍🏻 炒飯炒得幾惹味，粒粒分明又乾身，加埋肉鬆腰果嘅配搭幾好，食過菠蘿粒真係幾開胃。🍽 “泰作”鮮蝦金邊粉

今天跟幾位同事外出吃飯🍚去了青衣城廣場這間餐廳叫twinkle elephant 外觀也不錯，野食也不算貴🤞🏼我叫了個青咖喱牛腩飯少少辣，味道撈飯也OK 另外兩位同事叫了海南雞飯👍🏻食落普普通通另外一位同事叫了豬手飯💕這個幾好味職員的服務態度也很好🥰👍🏻

平日下午12:15左右去食野QR code落完單好快飯品就黎之後一路等一路等，等左45分鐘不斷入客人但唔出野食只係見到間唔中出飯同小食個d,叫湯河嘅客人至少要等30分鐘以上，每枱都係咁催幾時有D staff都好混亂苦等到食物出黎，d staff又唔知係邊張枱，要次次禁番部機睇番單，等左45分鐘都係黎錯要再等過好唔好食已經唔係重點，等咁耐食咩都唔覺好味同特別唯一可以讚係QR code落單方便同多選擇唔會再幫襯😂

本人好鐘意食辣野，同埋食泰國菜，小朋友開學後又有metime時間，相約了一位媽媽可以享受一下美食，呢間之前已經食過好多次，最欣賞店內的咖哩，水準超級穩定，每一次都唔會失望已回，座位都非常闊落，座得非常舒適椰香黃咖哩飯朋友比較細食，又唔食太辣，點了一個黃咖哩飯已經有好多配料，有薯仔、洋蔥等等，醬汁充滿奶油香，口味純厚又易入口，味道偏甜香脆魚柳配青咖哩飯魚柳即叫即炸，香脆可口，青咖哩味道獨特，辛辣度比較強，啱曬嗜辣者必叫冰凍棷汁味道香濃，飲落好滑溜，甜味適中，味道真的不錯呀

咖哩蟹肉枕頭包($168)✅賣相100分📸✅有兩大隻軟殼蟹🦀🦀✅香脆得黎入面食到仲有蟹肉👏🏻✅個包都焗到外脆內軟🍤❌咖喱味比較淡，唔夠香☹️❌因為咖喱味淡，食到後面個包只係一個淋哂嘅包🍞💦❌加埋一都接近$200，唔平💸📝6/10火車頭炒飯($98)✅好大碟，好足料🍚✅炒飯炒得唔錯，粒粒分明有鑊氣🥘✅洋蔥炒到有明顯甜味🍬❌不過大量洋蔥同芥蘭令到個飯太有咬口🤔❌食落無咩泰式風味，有啲似揚州炒飯😂📝7/10⭐️總括而言…咖哩枕頭包吸引到隔籬枱哇哇聲😧，主要原因係佢地散叫咗咖哩同啲手抓餅($38兩塊)💸，所以想食咖哩建議跟埋包。炒飯係一個茶記食到驚喜嘅級數🎉，炒得唔錯👍🏻。唔係超好食，但都無上網講到咁難食🤔。要收加一☝🏻，所以晚市都幾貴，聽講下午茶抵deal，可以一試。

我已經唔係第一次去呢間嘢度食，我同我啲朋友去親都覺得冇乜問題我今次去同朋友一齊去慶祝生日水準係穩定keep得到並唔係好似前面嗰啲post講咁差我寫食評咁耐每一間餐廳總會有少量嘅錯誤，我記得三日前應該都係打風㗎我從來本人都唔叫外賣，因為唔係好相信送外賣嗰啲人做過啲乜嘢 ，再加上而家啲餸上門嘅人係咩人大家心照啦而且外賣根本會令食物變質另外一個post就話等45分鐘，個餸都唔利，我諗呢個人係咪未出過街食嘢？15分鐘至20分鐘，就會出聲啦，等到45分鐘先嚟講，有冇人信呀？我首先重申一點，我係與任何餐廳無關我係有嗰句講嗰句我只係眼見有啲人所謂嘅食評，根本係無理取鬧同埋九唔搭八影衰晒真係寫食評嘅人我再重申多一次，我係與任何餐廳無關講完

外賣俾錯，餐廳電話又打唔通🥲有數件數，但冇打開來睇，返到屋企生蝦變咗蝦餅，打極電話都唔通，除咗牛肉沙律，其他都一般，木瓜沙律有陣怪味，第一次食蝦餅中間有餡，口感麻麻

食物唔算難食但都稱唔上好食，炒豬頸肉落單後45分鐘一直唔未上菜，直到催單就秒速上菜。趕時間真係等到好生氣就上左個冬陰功湯，八十幾蚊就一隻半蝦，孤寒！白飯都食完，剩下個炒豬頸肉唔催都唔上！差評！黑名單！食物唔算難食但都稱唔上好食，炒豬頸肉落單後45分鐘一直唔未上菜，直到催單就秒速上菜。趕時間真係等到好生氣就上左個冬陰功湯，八十幾蚊就一隻半蝦，孤寒！白飯都食完，剩下個炒豬頸肉唔催都唔上！差評！黑名單！

點解話可以入黑名單，原因係我位置好近水吧位，我親眼見住隻烏蠅飛左落我杯沙冰上面停留，而當時兩位員工，我好肯定佢哋係睇到，因為佢哋兩位都有做撥走隻烏蠅的動作，而佢哋竟然照上杯野飲俾我……. 眼不見為乾淨，可惜我見丫！食物味道黎講其實真係一般，正正常常！我點左以下食物：1. 青木瓜沙律 - lee個係我哋一致認為最好食2. 蝦餅 - 正常3. 豬手- 偏甜4. 串燒（朱同雞）- 冇得點牛…真係有啲無言5. 炒金邊粉 - 唔夠鑊氣6. 菠蘿炒飯 - 唔夠鑊氣7. 蒜容𥖁 - 多啲蒜蓉唔該8&9 芒椰沙冰 & 芒果沙冰埋單7百左右，價錢係合理！

琴日同朋友去青衣城一邊傾野一邊食飯又去咗呢間泰國嘢食我哋兩個人叫咗個芭堤雅燒雞半隻呢隻雞又嫩又滑燒起上嚟又唔乾身加埋兩個汁，簡直一流👍👍👍👍👍蝦頭醬海鮮炒飯呢個炒飯味道唔會太甜海鮮夠入味重點嘅係佢吵到炒飯嘅要求，食到一粒粒，呢個先係重點，好食👍👍👍👍👍椰子雞湯呢個湯椰子味夠唔會太重，啲雞超滑不過真係要講返個湯嚟嘅時候夠熱但係飲完一碗隔一陣先再飲就唔夠熱呢個就要店舖自己好好處理，不過味道都係好好👍👍👍👍馬拉盞炒芥蘭呢個菜好多喺出面呢都好喊，一係就無味但係呢一個顏色夠，菜身夠爽，有喊度但唔會係死喊。佢仲要即叫即炒即刻拎出嚟夠熱超好食👍👍👍👍👍特別要讚佢哋嘅職員，當時晚市爆場我試吓問吓佢哋，因為我哋有嘢傾想轉枱，佢哋二話不說就已經轉到枱俾我，絕對冇詐型一流。👍👍👍👍👍

今日又黎食下午茶，又係唔令人失望，而且又有新野食，就係泰式泡檸椒香雞腳，同埋椰汁蠔仔湯飯。炒飯，炒麵嗰啲絕對穩定 👍👍👍👍👍今日要講既三個餸1 咖喱蟹肉枕頭包咖喱汁香而 不膩，多蟹肉，個麵包香脆又鬆軟👍👍👍👍👍2椰汁蠔仔湯飯(new)睇個名唔好以為剩係得椰汁，其實佢係白色嘅冬陰公再加上椰香。加埋佢夠熱，真係好好飲而入邊啲蠔仔，絕對唔係蠔豉，而且啲蠔好乾淨有蠔味。👍👍👍👍👍3 泰式泡檸椒香雞腳(new)首先呢個係小食雞腳浸得入味，但絕對冇破壞雞腳本身嘅爽度味道酸度適中，有適當嘅辣味。絕對唔會令你識唔到落去佢隻有兩條泡椒喺個碟度嗰，兩條泡椒好好食又酸又辣好好味，絕對係餐前開胃小食👍👍👍👍👍真心，本人勁愛日本野食，自從呢間泰國菜開咗之後，我喺呢個商場食泰國菜仲多個日本嘢。呢間餐廳係得嘅。ps 我絕對唔係一個打手，我係一個鍾意四圍去食嘢寫食評嘅人，完