泰中意

餐廳完全隱藏在村屋之中, 如果朋友不向我介紹, 加上以前住大圍才能容易找到餐廳 😆 餐廳在村屋地下, 以白杏色為主, 環境蠻清新。生蝦刺身 $178生蝦刺身每件也不小, 上面有辣椒和蒜粒, 點綴一下便好了, 不用跟刺身一起吃 😗 刺身非常新鮮爽彈, 比平時日本的蝦刺身更爽口 🤩 配上秘制甜酸醬, 泰式風味立刻顯現出來 🤗 有幸店員推介, 這款是今餐最好吃的菜餚。菠蘿雞絲炒飯 $105一般都是菠蘿海鮮, 今次試試點雞絲代替, 首先炒飯上面鋪滿肉鬆 😃 雞絲味道依然不會被覆蓋, 裡面有提子乾, 炒飯能做到粒粒效果。我與朋友已經各吃了1碗, 炒飯好似沒吃過一樣, 懷疑廚師把飯堆到滿滿 🤭泰式炒金邊粉 $95朋友很喜歡金邊粉, 所以特別期待, 可惜我跟朋友都覺得金邊粉有點未如理想 🫠 味道上微酸, 是正常的, 不過粘性稍重, 而且過於乾身。泰式椰子雞湯 $68湯品應該有6碗份多, 多到像灌水般 😅 未喝已經嗅到椰子飄香, 大概迎合香港人口味, 只有微微酸, 裡面有大量雞肉和芫荽蔥, 這也是其中1道我喜歡的菜式 😊馬拉盞炒菜苗 $78菜苗青翠鮮嫩, 但略嫌硬了點, 用馬拉盞炒香, 每條菜苗都充斥馬拉盞的惹味 😌可以說餐廳性價比超高, 菜餚份量驚人, 相信一家大細大約只需要3百多就可以了, 而味道也很不錯。…查看更多

今日同屋企人去到大圍行街， 行街後去左田心村醫肚。 在村內竟然有間高質泰國Fusion 菜式 。 餐廳闊落舒適，都算多人， 好多都係街坊。 好多款式選擇。最後叫了以下食物。 1. 泰式拼盤（$128）這道拼盤非常豐富，包含了蝦餅、素菜春卷、魚餅和單骨雞翼。今日有其中一樣未有貨， 睇黎泰好食，所以售馨，非常適合分享，且配有兩種醬汁，泰式辣醬和蜜糖。 蝦餅：蝦餅外脆內嫩素菜春卷：清新可口魚餅：鮮味也突出雞翼：香脆可口 2. 鮮柚子蝦球沙律（$83）沙律清爽宜人，蝦球鮮嫩，搭配柚子的酸甜味，讓整體口感更加豐富。適合在熱天享用，能夠有效解膩，增添一絲清新。 3. 泰式炒金邊粉（$95）炒金邊粉的味道濃郁，米粉有口感，煙韌。配料新鮮，搭配了大量芽菜和果仁碎和其他配料。讓這道菜色香味俱佳，口感豐富，好食。4. 芒果紫糯米（$68）甜品當然不能錯過泰式經典糯米飯，紫糯米香甜，搭配新鮮的芒果，口感柔軟且帶有濃郁的椰奶香味，為這餐畫上完美句號。…查看更多

❣️大圍泰中意性價比Fusion泰國菜❣️今次同朋友去大圍搵食，呢間「泰中意」真心驚喜😍佢哋啲食物全部即叫即做，熱辣辣上枱🔥我哋叫咗個冬陰公鮮蝦忌廉意粉，個配搭超有創意🦐Fusion得嚟又唔會怪，酸酸辣辣嘅冬陰功味同忌廉汁意外地夾🙌🏻大蝦又爽又彈牙，意粉掛滿汁，食到停唔到口😝泰式青咖哩雞都好正，咖哩香濃帶少少辣，雞肉嫩滑，仲有啲茄子同豆角索晒汁😜我哋加配咗烤薄餅，一份有兩件，抵食到爆！薄餅烤到脆脆哋，點青咖哩汁食，簡直無得頂😚飲品方面，我飲椰青，清甜解膩；朋友飲凍即磨咖啡，話香濃順喉，唔會苦澀😌…查看更多

自從上次試過之後，好欣賞佢係即叫即做食落熱辣辣好好味，同埋大份又唔貴，性價比高，所以就一直想再來吃。今次黎食，食物方面依然保持水準。青咖喱雞的香料層次豐富，椰奶的溫潤完美中和了辣度，雞肉選用髀位，燉煮得軟嫩入味，送飯一流！仲要係份量幾多，感覺係食極都仲有！海南雞飯絕對是驚喜，雞肉份量十足，去骨後仍堆滿整碟，肉質嫩滑有雞味，蘸上濃淡適中的自製醬，更顯風味。最出色是那碗油飯，雞油的香氣撲鼻而來，飯粒乾爽分明，與嫩滑雞肉形成完美搭配。特別想讚今次試嘅馬拉盞炒椰菜，鑊氣足，椰菜爽脆清甜，馬拉盞鹹香惹味，食到最尾都唔會油淋淋，水準很高！小食蒜蓉包也令人驚艷，法包外皮烤得金黃酥脆，內裡鬆軟，塗滿了牛油蒜蓉醬，每一口都充滿濃郁香氣。飲品椰汁珍多冰用料實在，綠色粉條軟糯有嚼勁，搭配濃郁椰奶和恰到好處的甜度，清涼解膩。整餐下來，無論是食物的質素、份量，都讓人感到物超所值。…查看更多

今晚去到大圍搵食，見到呢間泰國菜好似幾吸引，平日夜晚都爆曬場，Menu仲有啲fusion特色，所以同男朋友入咗去食泰式明爐烏頭魚肉鮮甜，火候啱啱好，配上惹味嘅湯底同配料，食到停唔到，連湯都飲晒泰式海南雞飯配香茅油飯係另一亮點，雞皮滑肉嫩，隻雞都幾大隻，所以叫咗半份都好多肉食。佢哋配咗三隻醬汁，三款都好好食，超推薦泰式辣醬。泰式沙嗲串燒(豬、牛、雞各二串)燒得香口 juicy，沙嗲醬濃而不膩，好惹味，每啖都係享受。整體嚟講，呢度嘅菜式質素高、份量足，價錢親民，食完真心覺得物超所值！環境乾淨企理，服務員態度親切，落單到上菜都好快，絕對係同朋友或家人聚餐嘅好選擇…查看更多

終於去咗大圍試呢間泰式fusion菜佢係村屋地下有啲隱世但渣車去其實幾方便錶位行過去2分鐘就到講返佢啲嘢食先都幾好食 份量又夠大碟 價錢合理💎泰式青木瓜沙律 同我係Bangkok食嘅味一樣架！💎馬拉盞炒椰菜苗 好有鑊氣 見到每條菜都有掛住啲汁！💎冬陰公鮮蝦忌廉意粉 冬陰公味超濃 酸酸地好開胃！💎泰式燒鱔 唔係好泰式 但絕對滿足我超鍾意食燒鱔！💎椰青💎椰汁珍多冰最後我仲想叫多個芒果糯米飯㗎但真係太飽喇留返下次再嚟食過😋😋…查看更多

📍 大圍田心村 上次食過一次，念念不忘佢嘅 🌟冬陰功湯🌟，酸酸辣辣，特別開胃！今次再約朋友一齊食，真係要再encore！💥______________________________🚶‍♀️ 路線攻略（兩條路都得！）1️⃣ 地鐵 F出口 → 天橋向田心村方向 → 見到「田心村」牌匾 → 一路直行就到！2️⃣ 圍方 UniQlo 出口 → 天橋向田心村方向 → 同樣見到「田心村」牌匾 → 一路直行！______________________________🍲 必食回歸系列🌶 冬陰功湯：蝦開邊，唔使用手，方便又 juicy！大量車厘茄，酸辣醒胃，真係飲完想再飲！🍛 泰式海南雞飯（半隻）：雞肉嫩滑多汁，油飯香到不得了～我心中嘅「油飯世一」！______________________________🧆 新試小食拼盤！驚喜爆燈！炸蝦餅 + 炸魚餅 + 香葉包雞 + 春卷 + 單骨雞翼✨ 全部切開細件，方便 share，熱辣辣上枱，賣相靚又性價比高！尤其炸魚餅，彈牙又微辣，食到停唔到口！🤤…查看更多

在大圍的田心村，隱藏著一間名為“泰中意”的融合菜餐廳，這裡的美食絕對值得一試。餐廳的裝潢簡約而不失雅致，營造出一種輕鬆愉悅的用餐氛圍。“泰中意”以fusion菜單而聞名，將泰國、中國和意大利的元素巧妙結合，讓每道菜都充滿驚喜。首先，全部食物即叫即做，午巿套餐的性價比更高。大推碳燒豬扒飯味道清新，味道濃郁，碳燒獨特的香味讓人一口接一口。而☺️甜品，泰式芒果糯米飯更是讓人驚艷，香濃的椰漿與煙韌的紫糯米互相融合，獨特的口感讓人回味無窮。此外，餐廳的服務也相當周到，店員親切熱情，隨時準備為客人提供建議和幫助。總的來說，這是一間值得一訪的餐廳，讓你在品味多元美食的同時，感受到濃厚的文化交融。…查看更多

有朋友介紹我大圍有間隱世泰菜，又平份量又大味道質素都高質，我就即刻帶埋最鐘意食泰國菜嘅媽咪去試吓啦😙餐廳主打泰、中、意三地風味融合的創意fusion菜式，都令人驚喜連連。特別推薦冬陰功鮮蝦忌廉意粉，將經典泰式酸辣冬陰功湯底完美融合意大利忌廉醬，酸辣與香滑在口中激盪，帶來層次豐富的味覺享受😍青咖哩牛腩用上濃郁的醬，配以燉得軟爛入味的牛腩，咖哩醬汁香濃帶有淡淡椰香與草本香料的層次，還帶有一點點微辣的刺激感，豐富而平衡。牛腩口感嫩滑，輕輕一咬即化，完美吸收了咖哩的精華🥰炭燒豬頸肉選用肥瘦均勻的豬頸部位，經過慢火炭燒，外皮微微焦脆，散發出迷人濃郁的炭火香氣。其獨特的脂肪分布讓肉質既保有多汁的軟嫩，又帶有彈牙口感😌泰式拼盤，每款小食獨立調味，齊集一碟，賣相吸引，一次品嚐多重風味~呢間餐廳價錢親民又有高質素，好啱一大班朋友或家庭聚餐😍食得夠飽又唔傷荷包，真係泰抵食！…查看更多

來大圍食泰國菜🇹🇭要有講究，大圍街坊推薦，最鐘意就係來泰中意食泰國菜🇹🇭 ，幾乎每晚都爆棚，真系要提醒🔔大家book 定位啊🤭今晚約左大圍的朋友二人聚餐，簡單點左幾款喜歡的泰式美食，味道👅風味都正宗可口：1. 金不換肉碎炒飯 $95 份量夠二人，味道不錯2. 鮮柚子蝦球沙拉🥗 $83 主打一個清新減脂，岩曬健身人士🤭3. 炭燒豬頸肉 $78 必食推薦👍，絕對係招牌，炭燒簡直就係食豬頸肉的正宗炮製方法，不二之選，一定要食4. 芒果🥭紫糯米 $68 大大舊芒果，少少酸，希望下次芒果會甜翻D 飲品：即磨咖啡☕️ （凍）$28 ,提神不錯，口味可以另外呢度都可以飲酒🍻，啤酒買二送一喔，想買手信既可以買咖啡豆，應該口味不錯😌…查看更多

早排去咗大圍食泰菜 ，菜式即叫即做，環境清雅舒適主菜叫咗素菜濕炒河，素菜新鮮，配汁味道唔錯，份量十足！仲有大大塊碳燒豬扒配白飯，可以揀蔥油或轉泰式辣汁飲品分別揀咗椰青同珍多冰，椰青夠曬大個，夠曬冰涼，啱曬要嚟降下溫！甜品有自家製芒果紫糯米，大塊芒果加上軟綿嘅椰汁紫糯米飯，有口感又夠曬滿足～整體而言，價錢合理，性價比高，除素菜濕炒河，也有不少其他素食可以選擇，例如多款泰式炒菜、素春卷，青木瓜沙律等，適合素食人士#SandyFoodies #Food #泰國菜 #Thai #ThaiFood #素菜 #芒果糯米飯 #大圍 #泰中意 …查看更多

泰中意係一間位於大圍田心村254號地舖嘅泰國菜小店。店舖係村屋兩層樓，環境舒適寧靜，適合小組聚會或家庭用餐。主打泰式、中式同西式fusion菜式，按港人口味調製，份量超大碟，價錢親民，服務親切，難怪大受歡迎，全場爆滿。⭐️泰式海南雞反配香茅油反（半隻）油飯加咗香茅清香撲鼻，唔會太油膩，海南雞嫩滑多汁，雞皮爽口有雞味，半隻雞足夠兩個人分，沾埋特製汁，送飯一流，食到停唔到口！⭐️泰式海鮮濕炒河濕炒勁入味，海鮮新鮮彈牙，有鮮蝦、魷魚、芽菜等等非常足料，河粉彈牙煙韌，食落層次豐富。 ⭐️碳燒朱頸肉炭燒香氣四溢，豬頸肉厚切軟嫩多汁，外焦內嫩，肥瘦平衡，泰式醬汁微微辣，呢個係必點，份量都好多，同朋友share 啱晒。 ⭐️芒果紫糯米 芒果新鮮果肉鮮甜，紫糯米軟糯Q彈，淋埋椰汁，泰式經典，解膩一流，$48 超抵食！📍 泰中意 (大圍)大圍田心村254號地舖…查看更多

本身諗住黎二刷燒膳竟然又比我試到新野☺️極厚切！燒牛脷🙀🙀真係堅厚切 同埋食落好軟身輕輕燒一燒都唔會好硬 大推大推🤩最估唔到係泰式餐廳會食到lol燒膳串真係好鬼滑❣️啖啖肉佢個Padthai係濕炒既 甜度比較重兼唔辣 佢啲芽菜條條都咁肥嘟嘟🤣有生味添椰汁冰好椰奶味 抵消串燒嘅油膩度～～今次坐樓上比較寧靜啲 唔洗驚姐姐唔理你 因為佢有鐘仔禁🤣🤣👌🏻呢間舖頭開喺屋村夜晚都full House滿晒，如果大家未食記得早啲嚟排隊啦…查看更多

泰中意這間隱藏於沙田大圓田心村的小店，絕對是街坊的泰式美食寶藏！今日重點推介必食之選——藤油碳燒豬扒配白飯，豬扒份量驚人，厚切大塊，炭火香氣撲鼻，表面微焦內裡肉質軟嫩多汁，搭配秘製醬汁同炒律菜，簡直係大滿足之選！另外，泰式青咖喱豬頸肉香濃惹味，豬頸肉彈牙入味，送飯一流；小食如泰式炸春卷同沙爹串（6串）香口惹味，蘸上特製醬汁更顯風味。甜品必試芒果紫糯米，芒果香甜，糯米軟糯，配上椰汁珍多冰或椰汁冰，為這頓泰國盛宴畫上完美句號。蒜蓉包（2件）烘得香脆，蘸咖喱汁食更是絕配！如此抵食大份嘅泰式美食，你點可以錯過？快啲嚟試下啦！食過嘅朋友，留言分享你最愛邊道菜啦～ 😋…查看更多

呢間餐廳由地鐵站行一陣先到，正正因為咁，反而有種遠離煩囂嘅感覺，附近無咩車聲同人潮，環境幾清靜。等埋朋友收工食晚飯啱啱好黎到仲有張枱，點知坐低無十分鐘，門口就已經開始有人等位，我同朋友都話好彩早左到。我哋叫咗個黃咖喱雞、炭燒豬頸肉同蒜蓉包。所有食物都係熱辣辣上枱，個鑊氣同熱度，一食就知係即叫即整，唔係一早煮定擺喺度翻熱，熱辣辣真係好食。首先講個黃咖喱雞，真係好出色。個咖喱汁好香濃，椰奶同香料味平衡得好好，辣度係溫和而持續嗰種，唔會搶喉，但令人一路食一路想飲多啖汁。用個汁嚟撈飯，真係想食多碗白飯。雞肉份量都多，而且冇骨同埋唔係d雞碎，係一件件幾嫩滑嘅雞髀肉。炭燒豬頸肉燒得啱啱好，邊位有少少焦香，入口好香口，咬落去有嚼勁但唔會韌，好惹味。蒜蓉包亦比想像中大份，有成六件，烘得金黃香脆，蒜蓉同牛油味都好足料，點咖喱汁食簡直係絕配。埋單計返，兩個人食到好飽飽，人均都係二百零蚊。以今時今日嘅物價，呢個價錢仲可以食到即叫即做、份量十足嘅食物，性價比真係無得輸，出面連鎖餐廳絕對食唔到呢種質素。今次體驗幾滿意，已經約定朋友下次再嚟試埋其他餸菜。…查看更多