泫居酒屋

营业中

休息中

自宋皇臺站開通後，到九龍城搵食更加方便！除了有名的泰國菜，亦開了不少Café及居酒屋，今次一試位於地鐵站旁的泫居酒屋，假日午市套餐包括沙律、茶碗蒸、味噌湯及主食，絕對飽肚，而且十分豐富！🍱極上魚生丼 Deluxe Assorted Sashimi Rice Bowl ($188)配上海膽、三文魚籽、油甘魚、帶子、吞拿魚、三文魚、海蝦等刺身，款款新鮮肥美，極滿足！🍱角切什錦魚生丼 Assorted Chopped Sashimi Rice Bowl ($118)吞拿魚及三文魚切粒，加入三文魚籽、蟹籽、青瓜粒及玉子粒等，口感爽脆清新，十分開胃！

今日老闆請食晏，事前已選定燒銀鱈魚配湯魚湯飯（個飯唔係定食，所以冇跟沙律、茶碗蒸及麵豉湯），等待期間試咗隔離同事嘅沙律，唯一美中不足嘅係柚子醋汁鹹得滯要扣分之外就冇乜特別。茶碗蒸冇食過不作討論主菜：今次揀呢個飯係想試吓佢嘅魚湯湯底，最後發覺其味道根本就同其他餐廳嘅魚湯米線湯底差唔多，只係多咗啲蔥花同鰹魚碎調味。銀鱈魚嘅味道濃郁嫩滑，如果可以另上嘅話效果更好。你話呢個湯飯值唔值$246（未計加一）？以同樣質素我自己畀盡$130鬆啲先考慮吓揀佢。小食：試咗個炸蠔、雞軟骨同雞翼；炸蠔嘅脆漿上得略嫌太厚，不過好彩係即炸即食，味道算ok。雞軟骨係呢3款小食裡面最大嘅敗筆，雖然係新鮮炸出嚟，但係咬落去好乾，同鹽酥雞粒冇乜分別，食唔出佢係雞軟骨。燒雞翼嘅火候控制得唔錯，雞翼尖好少有餐廳係做得有Juice，呢方面係值得讚。

九龍城出名多野食～今日黎呢間日式餐廳食野～餐廳裝修以木系為主，營造到好日系感～ 感覺好舒適🥰 我地叫左幾款野食～ 首黎個蟹籽沙律🥗 呢個蟹籽沙律食材好新鮮！ 蟹籽好甜又爽口！ 叫左3款刺身，廚師推介油甘魚同赤海蝦刺身！仲有帆立貝～ 呢個厚切油甘魚真係好大塊～ 咬落好鮮甜😍肉質口感好好，好香，完成冇腥味！ 赤海蝦刺身都好甜～ 全部刺身都勁新鮮🥰為左想食炸野又想健康啲，我哋仲叫左野菜天婦羅～ 啲炸粉好脆，唔會擺一陣就腍左！ 感覺都想食下肉～ 所以又叫左燒豚肉🤤😋呢個燒豚肉外層燒到好香，食落又夠腍，唔會柴～ 配埋黃芥末醬，好夾😋最後叫多個冷蕎麥麵～ 份量夠兩個人食～ 仲有粒溫泉蛋添😋 餐廳服務員都好好，不斷會幫手加茶～ 食物係高質既！ 會再黎食～

瑩光鱿魚沖漬鱿魚好新鮮，而且配上青瓜絲，口感爽脆清新，食落幾特別，加上沖漬醬汁，酸酸甜甜，好開胃！酒盗芝士芝士味道好濃郁，配上鯷魚肝醬，用餅乾沾上好有風味。日式海蝦炒烏冬烏冬炒得十分香，海蝦處理得爽彈有口感，醬汁調制令人一啖接一啖食唔停口！煙肉蕃茄卷煙肉蕃茄卷嘅煙肉好夠味，蕃茄酸酸甜甜，兩者配合得好好！免治雞肉棒免治雞肉棒肉質幼嫩，燒得啱啱好，仲有啲微焦嘅香味。鲜冬菇串燒冬菇口感鮮嫩，燒得啱啱好，上面仲有啲柴魚粉好香！金目鯛刺身10切刺身新鮮到冇得輸，肉質幼嫩鮮甜銀鱈魚西京燒銀鱈魚魚肉細嫩，配上啲赤麵豉醬汁濃郁香味突出，配上蛋黃醬味道更balance👍

去開啟德果邊，好似無乜野好食。近近地黎九龍城，大把選擇。呢間居酒屋係近大馬路，裝修係木系，幾靚。地鐵站出口都係幾分鐘路。呢日星期日，都有lunch menu, 好抵食。北海道蟹井 - $158價錢黎講幾公道，蟹肉、蟹膏、蟹籽都比得好大方。當中由其蟹膏好香，每啖放小小都夠晒成碗飯。仲有兩隻蟹鉗肉，唔似其他餐廳會好水好梅，呢隻好彈牙！生姜豚肉井 - $84豚肉色水好靚仔，酒味好重好香，mix埋洋蔥既甜，味道好好。豚肉唔會太肥，但保持到豬既香味。雖然色水咁靚仔，但唔會太濃味，出色。沙律，茶碗蒸，味噌湯 - 跟餐跟餐食品黎講，有茶碗蒸真係好大方，蛋好滑，有酒味，入面有獅子狗、嗚門卷，份量十足；沙律切到一絲絲好好咬口，又容易入口，和風沙律汁酸酸地，作為開胃小食一流；味噌湯都好多油揚同昆布，唔會太咸。

同同事Farewell，當然要食好啲！原來宋王臺站附近原來唔止泰國嘢！有一間高質嘅日本菜隱藏喺依度！雜錦魚生沙律🥗-沙律菜非常新鮮爽口，配搭埋非常新鮮嘅角切魚生，主要係三文魚同油甘魚，相輔相成美味又健康。三色刺身-三文魚、油甘魚、帶子刺身厚切各兩件，三款都真係非常新鮮，唔會好似某啲餐廳過度雪藏，質感好有彈性肥美，絕對係我食過裏邊頭幾位！非常滿足！西斑牙銀堡壘生蠔🦪- 大大隻非常肥肥，味道都好新鮮，配搭左青檸，唔需要加其他海鮮醬，因為非常鮮甜！牛舌芯-牛脷當然要食厚切！佢熟度係啱啱好，裏面係半熟嘅狀態，充滿牛肉汁，口感脆口。焼活鰻- 比起燒汁鰻魚，我更加喜歡鹽燒，可以品嚐到魚本身鮮，鰻魚肉質有彈性，未到新鮮，魚皮燒得爽脆。風味海鮮粥- 碳水方面，我哋要咗個海鮮粥，粥底好棉，加上同蜆、蝦、蟹籽、同埋隱隱約約嘅蟹肉一齊煮，又鮮又甜！非常邪惡。

👧🏻😋👅🍽✨八折午市定食 高質抵食👏🏻-泫居酒屋🇭🇰 九龍城太子道西426號地舖 🇭🇰-🎏午市有八折（以下介紹為原價）, 計埋加一平均$100都唔使, 除咗主食仲有沙律, 茶碗蒸, 味噌湯同甜品🎏裝修同佈局超級和風, 木色枱燈做主調, 另有竹簾做間隔🎏黑板仔上寫咗每日新鮮直送海鮮, lunch time試唔到希望下次晚市有機會食-🍣 角切什錦魚生丼 $118💯雖然係角切, 但不減魚生鮮味, 三文魚, 吞拿魚, 油甘魚, 仲有魚腩位, 角切都唔頹好出色!💯仲有青瓜同玉子甜甜地, 加上飯面既飯素一齊食超豐富-🍜 野菜海蝦湯烏冬 $86✨六隻海蝦鋪滿烏冬面, 蝦肉鮮甜彈牙勁新鮮✨烏冬粗身好滑, 個野菜湯好清甜, 用金屬鍋上食到最尾仲係熱辣辣-🥗 定食💯沙律新鮮有醋汁, 車厘茄勁多汁; 茶碗蒸好滑, 白果好甘甜💯甜品係抹茶紅豆和菓子, 外皮煙韌, 紅豆餡唔會太甜好香-

😊有朋友係外地回港，約我去咗一間幾有情調嘅居酒屋聚會，入面環境好有日本情景，靜靜地好啱傾下計飲下酒！好舒服嘅地方！😌▶️慢煮有骨豚肉扒值得推介，一啲都唔鞋，肉入面好多汁，好夠味配生啤一流👍🏼各位叫呢個製作需時，提議一早叫會比較好！回頭率🈵🈵🈵🈵🈵▶️本航壽司盛都好高質素嘅人，三個唔同部位嘅拖羅，好高質素，去居酒屋都係欣賞手作壽司，值得去叫嘅一款，打卡好靚😍👍🏼回頭率🈵🈵🈵🈵🈵▶️雞掌肉我都係第一食，原來幾得意乜好味！鮮冬菇同煙肉蕃茄卷又係配下生啤之選😝必叫回頭率🈵🈵🈵🈵🚇地點超方便，宋皇台站一上就到，2分鐘內入舖超級方便！🪑店舖坐位，4人枱有6張，包房8人，吧枱4人坐！🚻店內有男女廁所！====================本航壽司盛$248日之雪花牡蠣$48/只慢煮有骨豚肉扒$128油甘魚壽司$70牡丹蝦壽司$68火炙平目魚邊沙律$110玉子冷鳥冬麺$78雜錦天婦羅$128雞掌肉$58鮮冬菇$20煙肉蕃茄卷$32SAPPORO生啤$58

趁着三號風球下的週日比較容易找到停車位，特意開車到九龍城晚膳位於宋王臺地鐵站出口附近的居酒屋格調高級，木系裝修充滿日本風情柔和燈光令人感覺舒服！並設有私人房間，盡享私隱空間小店供應的食物及酒品種類非常多，以爐端燒為主，亦有新鮮刺身壽司酒肴山葵八爪魚，刺激的山葵味令章魚的鮮更突出，帶來更有層次的味覺感受泫厚燒玉子以芝士包著厚蛋，加上魚子醬及金箔，賣相吸引人氣推介酒盜芝士一放入口中就感受到鮪魚內臟醃漬物濃烈的口感刺身深海池魚薄切帶出魚肉彈性，配以柚子醋更能帶出鮮甜味揚物雜錦天婦羅有海老、南瓜、蕃薯及青椒仔等等，炸得乾身串燒秋葵外皮燒得乾爽香口，內裡柔軟多汁牛舌芯口感軟嫩肥美，爽脆彈牙，非常惹味蘆筍豚肉卷外軟內脆，配搭清爽，豚肉不肥不膩一品料理玉子冷烏冬麵內有溫泉蛋、紫菜及天婦羅脆脆等配料， 湯底清甜

📍深海池魚薄切刺身新鮮，入口鮮甜，口感獨特，配上自家調製嘅汁醬，更加豐富其口感。📍瑩光魷魚魷魚滑嫩有嚼口，有些少帶回甘嘅後勁，新鮮海洋嘅味道。📍翠玉瓜有燒烤嘅香味之餘，亦保持到juicy嘅口感。📍單骨雞翼煎香有肉嘅雞翼，依然保持肉質嫩滑，同夠熱。📍蘆筍豚肉卷豚肉肥瘦均勻，配上蘆筍獨特嘅香味，增加口感。📍玉子冷烏冬烏冬彈口，加上天婦羅嘅脆皮碎碎，豐富左味道🔹🔹🔹🔹🔹🔹🔹🔹🔹🔹泫居酒屋九龍城太子道西426號地舖🔸🔸🔸🔸🔸🔸🔸🔸🔸🔸#九龍城好食 #九龍城食好西

九龍城· 新鮮寶箱刺身串燒居酒屋 泫居酒屋📍九龍城太子道西426號地舖➰今日與朋友相聚九龍城，但朋友在附近居住，已食厭了泰國菜，於是就帶我來到這間日式居酒屋，餐廳裝潢走傳統居酒屋風格，掛上日式壁畫，分為吧枱及卡座，吧枱前方為半開式廚房，更有一個冰鎮海鮮櫃擺滿時令空運鮮魚，另一邊則是串燒爐，今日想和朋友聊天，就選擇了卡位。.➰✥松葉蟹肉蟹籽沙律 💲88 ⭐️4/5⭐️沙律份量豐富，配上松葉蟹肉和蟹籽啖啖滿足感，開胃之選。.✥刺身 💲38 三文魚 💲70 油甘魚 💲56 帆立貝刺身 ⭐️4.1/5⭐️我們點了三款刺身，上枱時更是用了冰鎮寶箱盒擺盤出場，視覺效果很滿意，三文魚刺身厚切非常肥美，油甘魚刺身肉質口感幼滑細膩，帆立貝刺身更是鮮甜無比，很高質，推薦。.𖥕燒牛舌芯 💲68 ⭐️4.2/5⭐️𖥕燒大蔥日本雞肉 💲36 ⭐️4.1/5⭐️𖥕燒秋葵 💲32 ⭐️4/5⭐️串燒即點即燒，非常新鮮，當然少不了我最愛的牛舌芯，厚切舌爽彈滑嫩多汁，非常惹味。大蔥日本雞肉串配上日式燒式亦滑嫩滋味，最後點了串秋葵中和一下油膩感。.𖥕芝麻雞翼 💲48 ⭐️4.1/5⭐️雞翼上枱新鮮熱辣，入口保持肉汁嫩滑，水準很不錯。.❀溫泉玉子

屯馬綫宋王臺站B2出口步行1分鐘就到#泫居酒屋👘日系橫裝，幽靜得來每張枱都有扇簾隔住相當有私人空間🪭Lunch定食選擇都幾多，揀咗以下呢兩款🥢前菜3款和風沙律～用咗柚子醋汁，沙律菜爽脆清新又開胃配埋滑滑茶碗蒸及味噌湯🥢角切雜錦魚生丼$118材料非常豐富，三文魚籽、蟹籽、油甘魚、金木雕、三文魚等…魚籽粒粒飽滿鹹香🥢晶瑩剔透，口感軟腍細緻魚油甘香，飯質仲好鬆軟份量十足🥢蒲燒鰻魚飯$128盛盒一打開陣陣焦香味，鰻魚燒得好香口，而且厚肉肥美🤤，魚油味都幾突出，飯素同醬汁份量啱啱好。

位於九龍城好高質必定要推介嘅居酒屋🍻除咗嘢食質素全部都好好之外 店員亦非常有善 服務態度勁好 好親切😚重要最後有一個好驚喜嘅生日surprise🎂一定會再嚟💛地點上亦好方便 勁近地鐵站步行出口後步行2分鐘就到🤪-全部嘢食質素我覺得都屬於中上 所以我揀咗其中一啲我自己好喜歡嘅食物覺得特別需要推介🫶🏻💛味醂雞泡魚乾 | 松葉蟹肉蟹籽沙律 | 蟹膏豆腐 | 牛舌心串燒💛雞泡魚乾味醂調味非常之剛好 質感做得剛好 唔會太硬太乾 送啤酒一流 係一個非常好嘅下酒小菜 一口接一口😚個沙律簡份量非常慷慨 蟹肉蟹籽份量都好多 為成餐飯帶點清新感🥦蟹膏豆腐我覺得係最特別嘅 本身以為佢就咁豆腐配上蟹膏 點知佢直頭係將蟹膏打入豆腐內 所以個豆腐係淡黃色 口感嫩滑 重點係食到淡淡嘅蟹膏鮮味同埋鹹香🦀牛舌心厚薄剛好 軟腍又帶點咬口 不過唔會靭咬唔開嗰隻😆另外一提 好多謝店家嘅生日驚喜甜品 係一個自家製嘅開心果雪糕 大大球嘅雪糕外皮爆滿左開心果仁 非常有口感 入邊係濃郁嘅開心果雪糕 超滿足好開心😚❤️

九龍城嗰一帶全部都係餐廳，除咗出晒名嘅泰國菜，最近都開咗好多日式料理同埋Cafe，今次試吓居酒屋裝修嘅日式料理🎌～餐廳夜晚就係居酒屋，午市就主要提供一啲日式定食，選擇唔多，但勝在食材用料都好高質，份量大都幾抵食，值得一試！定食包沙律、茶碗蒸同味噌湯，欣賞佢個另茶碗蒸做得好綿滑，食到啖啖嘅鰹魚鮮味！佢午市套餐份量都幾足，另外仲有串燒提供，叫一份定食，再嗌啲串燒刺身過吓口癮都得～------------------------------🦀◖北海道蟹丼◗ $158呢個真係有驚喜，值得一試！丼飯面頭鋪滿蟹肉、蟹膏同魚子，下面嘅飯加入咗七味粉，佢嘅料都幾多！將所有料撈埋一齊，再加埋佢嘅醬油，食到啖啖嘅拆肉蟹絲，簡簡單單配上白飯已經好好鮮甜好好食；配合埋啲脆卜卜嘅魚子，口感更有層次！蒸蛋🍱◖蒲燒鰻魚飯◗ $128鰻魚係原條鰻魚，都幾大片，幾鍾意呢個鰻魚飯，佢醬汁份量啱啱好，夠味但係又唔會令到啲飯濕淋淋咁～鰻魚好爽口，油脂豐富，燒得夠香更帶出鰻魚嘅鮮甜，撈埋啲醬汁落啲飯到，加上粒粒分明嘅飯粒，真係食到停唔到口！🍜◖野菜海蝦湯烏冬◗ $86呢個烏冬湯底淡淡的，帶啲鰹魚香味，幾鮮甜，烏冬用咗讚岐

大家都知九龍城出名多泰國嘢🤩 但今日就同大家試下依間居酒屋🤟🏼 環境好有日本feel 裝修好靚 而且仲好乾淨整潔☺️ 食物質素亦高質 性價比超高！😊 我地order咗以下嘅菜式松葉蟹肉蟹子沙律日之雪花牡蠣 南非伊莉珍珠生蠔燒羊扒雜錦天婦羅玉子凍烏冬麵串燒翠玉瓜串燒鮮冬菇蟹籽沙律作為前菜 啲沙律菜全部都好Fresh 🥰有好多蟹籽 而且仲好大份😋 之後，我哋嗌咗兩款唔同產地嘅生蠔 廚房推介先食南非伊莉珍珠生蠔 後食日本嘅日之雪花牡蠣😆 前者蠔味比較淡 食得出好新鮮 而後者日本牡蠣味道較濃 蠔味較重😍之後就叫咗個燒羊扒 完全唔韌 又有濃濃嘅羊味😋另外請燒酒叫咗翠玉瓜同埋鮮冬菇 兩樣都好新鮮 而且蔬菜都燒到唔會太乾 仲有好多菜汁 好有水準😘 另外我哋仲叫咗一個玉子凍烏冬麵 將大量嘅炸物 紫菜加埋玉子撈落個烏冬度 一齊食 超級匹配 好似去咗日本咁🫡最後 仲有個雜錦天婦羅 有好大隻炸蝦 而且蝦都好新鮮 同埋炸粉好脆又薄 係一個好出色嘅天婦羅😛依間居酒屋每樣嘅食物質素都好高 不論係生蠔 炸物 烏冬 或是串燒 都好高質素☺️推薦大家去