泡泡麵館小廚

今日嚟到泡泡麵館小廚，地方寬敞，坐喺舒舒服服嘅卡位，感覺好 chill 😌🍜 *招牌酸菜魚麵*一上枱就聞到香味～配料好足：雲耳、菇類、蔬菜粒、酸菜，仲有主角酸菜魚！魚片滑到不得了，仲要無骨，食得好安心～湯底唔算太辣，帶少少麻香，啱晒唔太食得辣嘅朋友，入口好順 😋佢唔係用普通嘅米線，而係上海麵我覺得好夾呀！🥟 *泡泡上海小籠包*即叫即蒸，熱辣辣上枱～豬肉餡好足，成個小籠包都係肉香，咬落去爆汁！🔥 小心燙口但好滿足～真係有驚喜！☕️ *凍齋啡*就...正常發揮啦～無驚無喜，純粹解渴 😅總結：泡泡麵館小廚環境舒服，食物有水準，尤其酸菜魚麵同小籠包值得一試！下次會再嚟 explore 多啲菜式～推介指數：👍🏻👍🏻👍🏻👍🏻👍🏻…查看更多

今晚，我嘅朋友同我決定到觀塘試下間叫做泡泡麵館小廚嘅店。聽講呢間店嘅食物好正，於是我哋就迫不及待想去品嚐。一入到去，店內嘅氛圍好輕鬆，服務員都好有禮貌。首先，我哋點咗花膠雲吞雞湯麵，湯頭清甜，雲吞滑溜，真係好味！接住，我哋又試咗招牌酸菜魚麵，魚肉鮮嫩，酸菜味道夠勁，令人食得停唔落口。除咗麵，仲有泡泡上海小籠包，包子一咬就有湯汁流出，味道真係好正！最後，我哋仲點咗手作韭菜水餃，餃皮薄，餡料足，咬落去好香口。飲品方面，我哋選咗熱蜜茶同熱柚子茶，兩款飲品都清新，特別適合呢個天氣。整體來講，今晚嘅晚餐真係好滿意，食物又好，環境又靚，絕對值得再來！ …查看更多

觀塘開好多樓上舖，俚間就開公司附近😋其實唔單單係面館，佢地仲可以帶海鮮來加工，5-11pm 仲有Happy hours 優惠😊裝修簡潔，但出品真材實料，比正規上海麵館好味😋但價錢就好經濟👍今日就帶朋友嚟食招牌麵🍜天氣熱，先嚟二杯凍飲🥤✨凍蜂蜜🍯柚子茶，凍檸檬🍋利賓納🥤二杯都酸酸甜甜，夠凍，好醒胃，好正😊✨排骨擔擔麵🍜炸豬扒大大塊，厚切🐖面層炸脆香，肉質好juicy,又腍又滑，正😄擔擔麵湯底，好中意花生🥜芝麻味好濃，加入菜埔，上海面索花生濃湯，太好味😋✨胡椒豬肚雞花甲湯麵🍜朋友話好特別，胡椒豬肚跟花甲會係咩味道🤭先飲一口湯已經讚不絕口😂胡椒嘅香加花甲鮮甜，好夾😋豬肚又唔會有腥味，雞肉夠滑，唔怪得係店招牌👍✨泡泡上海小龍包一龍4個，圓圓轆轆脹卜卜，趁熱食一咬肉湯汁流出來，皮薄餡靚，一定要試👍✨士匪雞翼🐓好中意食孜然粉，雞翼比較細，肉唔算多，但炸得好香好脆。一間商業大廈樓上舖，服務好，價錢實惠，我就喜歡流港消費啦😊…查看更多

【泡泡麵館小廚】上次去咗觀塘附近啲工廈覓食，發現呢間麵館 佢地仲有happy hour 優惠🤣 店面裝修唔算好靚但乾淨企理📸排骨擔擔麵 🐖🌶湯底花生味超濃郁！辣度啱啱好 麵質爽口掛湯 炸排骨係驚喜位～炸到超香口但仲有肉汁 仲要大大塊！抵讚👍胡椒豬肚雞花甲湯麵 🍲🐚必試招牌！湯底飲第一啖已經好驚艷～胡椒味勁香但唔嗆喉，花甲鮮甜無沙，豬肚處理得好乾淨。冬天食一定暖粒粒💛紅油抄手 🥟🔥皮薄餡足 辣油+醋比例完美 仲有啲蒜泥喺到 一份都有6 7粒 而且大大粒 呢個價錢黎講份量算多 抵食～川味口水雞 🐔🌶雞肉超滑 麻辣醬汁好正宗 辣得好過癮🔥凍檸茶☕凍檸茶茶底夠濃 幾好🤩凍華田❄普通凍華田🤣…查看更多

朋友推薦我去依間泡泡麵館小廚試吓好正嘅擔擔麵～鋪頭位置喺商業大廈內，環境乾淨企理，座位舒適，有種家庭式小店嘅親切感🥰🍜排骨擔擔麵$75湯底正宗，麻醬香味濃郁，帶微微嘅辣，層次豐富 麵條爽滑掛湯，重點係塊炸排骨😍😍大大塊 炸得金黃酥脆，肉質鬆軟唔乾柴，同濃味嘅擔擔湯好夾！💯🍄‍🟫嫩雞蘑菇煨麵$65湯底呈奶白色，清甜可口 飲落好順喉，帶有淡淡菇菌香同雞湯嘅鮮甜😚 雞肉份量足 好嫩滑，蘑菇爽口，配埋吸晒湯汁嘅麵條，食落好暖胃舒服～推薦🐔川味口水雞$38必食！口水雞好嫩滑🤤 份量好足夠share，凍食好啱夏天，辣度適中，食落好過癮🥟香煎鍋貼 $38鍋貼煎得啱啱好，底部金黃微焦，夠香脆。外皮厚度適中，咬落去肉餡飽滿，味道鮮香。點少少醋食更加提鮮，係不錯嘅點心選擇👍🏻…查看更多

泡泡麵館小廚 (觀塘)觀塘駿業街64號南益商業中心6樓C室味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：沙薑蔥油雞飯 $72，紅油抄手 $42，陳醋青瓜白木耳 $15，凍檸檬利賓納 +$8沙薑蔥油雞飯：以白切雞肉為主角,搭配上香氣四溢的沙薑和蔥油,雞肉煮至恰到好處的嫩滑,保留住肉質的鮮嫩多汁,沙薑的獨特香氣和蔥油的醇厚滋味完美融合,再配以白米飯,令人垂涎欲滴！😄😄😄紅油抄手：抄手賣相討好,皮薄餡多,在口中爆發出豐富的肉汁滋味,搭配的紅油微辣而不失香醇,令人回味無窮！👍👍👍陳醋青瓜白木耳：以清脆的青瓜和爽口的白木耳為主角,搭配上恰到好處的陳醋醬汁,是一款美味可口的開胃菜！😍😍😍凍檸檬利賓納：以凍檸檬為基底,融合了利賓納的獨特風味,是一款清爽怡人的飲品！😋😋😋…查看更多

觀塘工業大廈經常都有好多餐廳，價錢大眾化，而且味道都幾唔錯，簡直係打工仔嘅飯堂，今日放工同小朋友買完嘢，就帶佢嚟試吓花膠雲吞雞湯麵份量都幾多，一定係首先俾佢大大塊花膠吸引，即入口有厚度有質感，仲要幾大塊，不過我最鍾意反而係佢雲吞大大粒，皮薄餡多，雞湯亦都唔會好鹹，但係味道濃郁。另外我自己食酸菜魚湯麵，啲魚幾滑，不過我覺得可以再辣啲就更加惹味，好彩我點着口水雞，口水雞凍食，但係雞好滑，將口水雞辣汁撈埋湯麵一齊食，辣度就啱啱好，小朋友鍾意食小籠包，小籠包同雲吞一樣都係好多餡，大大粒肉，總括嚟講樓上餐廳份量真係多好多，下次有機會要試其他嘢食。…查看更多

這間麵館環境大，座位闊落舒服。雖然話係麵館，但除了麵食，亦有小食及飯類的，價錢大份抵食。老闆推介他們的招牌小籠包，即叩即蒸，製作需時，所以一坐底先點了一客。，上枱熱辣辣，皮薄多汁，一籠4隻都只是$38，無投訴，抵食。胡椒豬肚雞花甲湯麵，大大碗$76，以爽口豬肚絲，滑雞及鮮甜無沙的花甲入饌，加入辛辣芳香的胡椒粒，熬出香濃微辣的湯底，鮮甜而帶點微辣，好開胃，配上海拉麵，夠飽肚。上海排骨菜飯，排骨炸得金黃香酥，肉質不乾身，份量大，配上菜飯感覺比較健康。…查看更多

👉 花膠雲吞雞湯麵 $88 🐟🐔🍜  真心足料！花膠厚身又滑溜，雲吞爆餡豬肉鮮香，雞湯金黃濃郁飲到底都唔口渴～麵質爽口吸湯力max，暖胃之選🔥  👉 上海排骨菜飯 $68 🍖🥬🍚  排骨即炸超香脆！咬落「咔嚓」聲肉質juicy唔乾柴～菜飯粒粒分明，混咗少少豬油香🥹邪惡但停唔到口啊！  👉 泡泡上海小籠包 $38 🥟💨  皮薄到透光！夾起唔穿底👍 一啜爆湯汁💦豬肉餡紮實帶薑香，點少少醋食更提鮮～  👉 土匪雞翼 $32 🌶️🍗  必食邪惡小食！外皮灑滿孜然同微辣土匪粉🔥咬開肉嫩爆汁，送酒一流🍻食完手指都啜埋～    人均$100左右飽到上心口🤰 隱世樓上小店冇味精，打工仔lunch衝上去啦！📍記住係6樓C室～  ---  得閒去試下啦，包你滿足過打風瞓晏覺🌪️😴！ (by 為食街坊)…查看更多

觀塘的樓上食肆多得很，當中不少小店的製作也出色，今日朋友帶我來這間新式上海麵館，也值得一試炎炎夏日，先點了陳醋青瓜木耳開開胃，別小看這款涼拌小品，木耳是否有咬口，青瓜如何切，陳醋落多少都要細心，這幾方面都做得好，很平均，甜酸度調節得好好，青瓜和木耳都非常爽口小籠包皮薄餡靚是必需，這裡做得到之餘，包內湯汁夠多，一咬入口就泌一聲幾乎噴出來，很澎湃呀！酸辣雲吞湯(減少吃澱粉質走麵）酸辣湯好正宗，料多而湯不會太濃，雲吞大大粒，完全有畫龍點睛的效果另外點了招牌酸菜魚湯麵，上菜的時候，作為芫荽控的我要嘩一聲叫出來，因為滿滿的芫荽舖在湯麵上，當然還有酸菜這個主角啦，這裡還配了青瓜木耳，這些拌着上海麵吃非常好，個人覺得湯可以多少少辣味，魚片幼滑冇骨，又夠份量，性格比高！排骨擔擔麵一直是我最愛的上海飾物，排骨上菜已經聞到陣陣香味，熱辣辣咬入口，口感極佳，肉汁豐富，沒有炸至太乾身，擔擔麵的花生醬非常香口，撈勻拌着上海麵吃，是最美味的配搭晚市飲品半價，也沒有加一服務費，性價比很高，期待下次再來…查看更多

觀塘快食健康之選！觀塘駿業街除咗有大排檔出名，對面馬路南益商業中心都有間食麵，lunch time排晒隊㗎！胡椒豬肚雞花甲湯麵湯底清香濃郁，有胡椒豬肚、啖啖雞件、粒粒花甲，麵條則吸收了湯汁的精華，令人回味無窮。泡泡上海小籠包小籠包的皮薄透亮，咬下去瞬間湧出鮮美的湯汁，肉餡鮮嫩多汁，讓人忍不住一口接一口。😆😆😆😆☕️☕️☕️☕️😎🥲🥲😄😙😄🐶😘😙😙😙😙🥲🥲🐰🙂‍↔️😝…查看更多

最近同同事去左呢間麵館食lunch，估唔到都有驚喜泡泡上海小籠包小籠包層皮好夠薄，餡嘅份量好足，一咬落去好有爆汁感覺，唔錯唔錯土匪雞翼 呢碟雞翼淨係睇賣相都已經覺得炸得好靚好香脆，聞落好有孜然同辣椒粉味。食落果然幾辣不過食落又幾惹味溏心燻蛋燻蛋凍凍地食原來都幾唔錯溏心蛋黃入口好滑溜，幾有煙燻味同埋有有淡淡嘅鹹香上海排骨菜飯菜飯好足料好多菜，排骨份量好多，而且炸得啱啱好，炸皮好薄，食落唔會覺得熱氣。 蠔仔冬菜肉末泡飯呢碗泡飯超大碗，我地要兩個人share佢入面配料都好多，蠔仔好鮮甜，冬菜同肉碎令個湯好夠味，啲飯亦都吸左湯入面啲精華，飲完覺得好暖笠笠飯麵類可以跟餐，凍飲+$4，熱飲+$2。我地跟餐叫左凍檸茶同熱華田，凍檸茶超大杯，幾值得飲呀～…查看更多

去觀塘做完野又遇到落雨 喺附近食埋晚飯先走上網發現左間幾多人讚嘅上海野 網上啲人話係觀塘打工仔嘅熱門飯堂 即管去試試睇餐牌又幾抵食 我地叫左勁多野先二百頭仲要全日都唔收加一 真係值得支持下上海排骨菜飯塊豬扒仲大過我塊面 炸得夠酥脆 朋友點嘅酸菜魚湯麵帶麻椒香味 好多魚片好滑溜上海小籠包個皮厚薄適中 咬落去都幾juicy口水雞我地一致認為係最好味 一定要叫咁大份先38蚊邊度搵 雞肉好嫩滑 少少辣幾惹味溏心蛋好好食 個溏心蛋黃啱啱好 呢間冷盤唔錯…查看更多

話說中午見到有酸菜魚麵只要79，但是人流超多要排隊，沒食成。於是晚上再去碰碰運氣，可能位於樓上店的關係，結果幾乎可以獨霸餐廳，上菜速度超快，環境又大，性價比高，晚巿真低食！當晚點了2碗湯麵加小食，麵食湯底好飲，麵食餸料多，分別是招牌酸菜魚湯麵，湯底不酸超適合愛魚湯真味的人食，加上魚多又滑嫩，大大片萵筍與魚湯混着食真的好配搭。然後是胡椒豬肚雞花甲湯麵，餸料多到疊起來的格局，加上濃郁的胡椒豬肚湯底，湯滲入雞肉、豬肚及大蜆中實在食着有味。之後是川味口水雞，鹹辣嫩雞肉，辣味適中，怕辣的朋友也能食的辣度。再來是泡泡招牌小籠包，高湯皮薄實惠小籠包，性價比高。最後是溏心燻蛋，胡椒鹽味溏心蛋，趣味性的創作，溏心恰到好處的好食。…查看更多

Apm食嘢真係又貴又普通，識食一定係去附近樓上鋪食。近排成日去「泡泡麵館小廚」食佢哋嘅上海排骨，配菜飯或者擔擔麵都好正。🔸酸辣雲吞湯麵$58勁大碗酸辣湯，好足料有好多木耳、豆腐、豬皮。酸酸地好開胃，又唔係好辣。雲吞好鮮甜！🔸上海排骨菜飯$68好大塊豬扒，炸得好酥脆，肉質好腍好多肉汁！🔸泡泡招牌小籠包$38皮薄餡靚，好多湯汁！🔸土匪雞翼$32香脆多肉汁。孜然粉味道好濃，辣度十分高。我覺得比起連鎖米線店好食好多！…查看更多