法國佬烘焙店

法國出名水果tart就係人都知今次試咗水果撻同杏仁藍莓撻。水果撻賣相好吸睛，色彩繽紛，上面有草莓、火龍果、芒果、菠蘿同提子，啖啖都係清新果香。水果新鮮多汁，甜中帶微酸，配搭底層嘅吉士忌廉，口感香滑又唔會太甜膩。撻底焗得香脆，厚薄適中，食落有層次感 至於杏仁藍莓撻，味道就相對濃郁。表層鋪滿金黃香脆嘅杏仁片，再淋上焦糖漿，入口堅果香同焦糖香好突出，甜味豐富但唔會死甜。內層藍莓餡酸酸甜甜。撻底同樣脆口，帶少少牛油香，咬落去滿足感強。總括嚟講，兩款撻風格唔同，一個清新一個濃郁，水準互補令人有再回購嘅衝動。…查看更多

經過舖頭門口已經聞到好香牛油味 一望到玻璃櫃上面嘅鮮果撻 即刻想買嚟食😳<法國佬鮮果撻>🍓🍈🫐🍍🥭🍇🥧一入口好Fresh 😍夏天食就最啱 餅底係厚身唔油膩個種 連埋Custard 同水果食好夾 Custard唔會過甜 下次入西貢一定會再食😋<法包🥖> 原條 $25法包用焗爐焗5分鐘左右再食 好脆口 不過就冇乜特別 下次去一定會試其他嘢🤣…查看更多

法國佬鮮果撻 $50撻size差唔多有手掌咁大✋撻面新鮮生果多到堆滿如山 🫐🍓撻皮好香好鬆化餅底custard 好好味又唔會太甜配埋鮮果食好夾😍個人好推介👍👍👍…查看更多

今次兩二次光顧，就是難忘那黑麥芽長棍……黑麥芽長棍 $28老板娘（和法國麵包師合營這店）只簡單應要求把法棍一分為二，用紙袋簡單裝好。紙袋滲出陣陣麥香，麵包外層堅硬裏面則柔軟實在。整個包是可以用手搣開的。柔軟的麵包帶有麥籽粒，口感不錯。麵包帶有麥香和些微的苦味，用料有誠意，老板「法國佬」的堅持吧！老板娘建議第一天放室溫，第二天才需放雪櫃。放雪櫃亦只放一天便應食完。用法棍自製了兩款三文治，好味到不得了！店內還有雜果撻、meringue 等，賣相吸引，下次有機會才試，因為……今天只為尋味法棍。…查看更多

一直都好想嚟呢度買佢嘅烘焙食品。今次終於有機會嚟到，雖然好多烘焙食物都已經售罄。今次老闆娘介紹呢個蘋果蛋糕(老闆娘提及蛋糕係有用少許乳酪造）咁啱亦都係啱啱熱辣辣烘焙出嚟。老闆娘話擺落雪櫃凍食加雪糕更美味。所以一於買返去試吓。返到屋企忍唔住即刻趁暖暖地切啲嚟食。一切開見到粒粒蘋果已經心心眼。食落口好有牛油蛋糕味，面脆卜卜蘋果甜甜酸酸絕對係一個⭐️⭐️⭐️⭐️⭐️星星嘅蛋糕。今我再期待雪落雪櫃之後嘅味道。😋😋😋希望下次買到鮮果撻😍…查看更多

上網見到有間法國人開嘅蛋糕店，去開西貢就一於試下，下午近5點時間去買，原來仲有賣其他餅乾之類嘅產品，就試下最出名嘅鮮果撻，入面有啲位可以坐，不過一場嚟到西貢，就拎走去左海旁食鮮果撻睇落色彩繽紛幾吸引，水果睇落幾新鮮，雖然50蚊一個，但份量都幾大嘅，女仔食一個做下午茶應該會飽，如果有埋熱茶就岩岩好生果酸酸甜甜幾好，襯埋底吉士醬幾有傳統果撻嘅感覺，軟滑微甜唔會好漏，餅底係挺身有啲硬度果種，咬落脆口，有牛油香，係西式撻做法下次嚟會試埋其他嘢…查看更多

搭船出海玩完返嚟西貢市中心經過呢間舖頭見到好多人排隊即刻買個外賣甜品食下先😍😍個水果tart非常豐富好多水果 水果的新鮮度和質量都好好上面覆蓋著糖漿看起來非常吸引糖漿不會太甜食落去仲享受到水果的自然甜味下面有吉士甜度剛好撻皮酥脆，內餡濃郁帶有香濃的牛油味道成落去甜點好豐富就算需要排隊 呢間法式甜品外賣值得一試$50 一個 最後少少失望，係佢俾咗一個外賣袋我裝🥺…查看更多

下午與太太去西貢閒逛. 路經見到 *法國佬* .麵包舖. 隨意選了件 *鮮果撻*. 咬了一口后. 完全冇諗過這樣美味.  一句講哂 *正* . 同時店主熱情有禮. 現在來說很少見.  …查看更多

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗去西貢通常都係因為遊船河或者食海鮮，之前同朋友響西貢市閒逛時，路經一間唔算特別起眼嘅烘焙店，見舖頭細細但入面有唔少人，就入去睇吓！店員好熱情招待，我見店內有兩個座位，櫥窗嘅鮮果撻好吸引，有少少想試，但我又住得遠，冇奶油攞住一個撻返屋企，就問吓可唔可以坐低食個撻，店員笑住話梗係可以，我就買一個試吓！🍴鮮果撻（$50）店員問我要唔要切開一半，當然好啦！估唔到一間細細嘅烘焙店買個撻都好用心咁將個撻切好放上木板俾我！一咬落去，撻皮牛油味好香又非常鬆化，吉士唔算好甜，好味！店員主動問我好唔好食，我答好好食，佢笑得好開心，原來佢唔係店員係老闆娘 ，佢話我知原來法國佬係真法國人，佢除咗係烘焙師之外，仲係朱古力師、甜品師仲做咗西廚幾年，將唔同技巧放入烘焙產品中，店入面嘅烘焙產品由麵糰開始都係親手製作，店內有製作機器，咁啱法國佬響度整緊麵糰。而且佢仲攞過美國 Miami 長棍獎（即係整長法包嘅獎）！既然係攞獎嘅法包，梗係要試！佢有原味同黑麥芽味，我揀咗冇試過嘅黑麥芽味！🍴黑麥芽長棍（$28）因為我要帶走，我問老闆娘可唔可以幫我切開一半，佢幫我切好用紙袋裝住，仲好有儀式感咁貼咗一個貼子。我試咗3款方式食，先試就咁食，因為返到屋企已經凍晒，個皮煙韌得嚟唔會好似其他法包咁硬身，唔可以用嚟卜頭😂，麵包厚實得嚟又鬆軟，唔會食完好似一陣風咁冇咗。黑麥芽味道有丁丁酸味同帶少少苦甘味，而且麥味較濃，係我鍾意嘅味道。跟住用光波爐輕輕焗一焗，外皮變得脆，搽牛油食一流。最後試埋夾腸仔番茄芝士焗熱食，都係好好食，果然攞獎係有原因。老闆娘仲話俾我知，劉青雲都好鍾意食呢款黑麥芽長棍，隔幾日就會嚟買，可能下次去買時會見到影帝呢～ 食緊撻嘅期間，有好多客人出出入入，又有行山常客，話嚟親西貢都嚟買嘢食，如果大家去開西貢，可以去試吓呢間小店。…查看更多

之前個個禮拜都去大坑，食完早餐就會去巡吓間麵包舖睇吓有冇嘢吸引到我，而家冇呢次歌仔唱聽到電台介紹一家法式麵包店，響西貢 直接問我個妹（佢住喺西貢）原來佢都有食過，電台介紹佢出名嘅鮮果撻、法式長棍、可麗路⋯結果阿妹真係幫我買咗鮮果撻同埋可麗路俾我試吓🥲🥲好感動雪中送炭其實我本人對於鮮果撻就一般，蛋撻係OK嘅曲奇皮更加OK，不過中間加咗鮮果就有啲麻麻哋啦，唔知點解（縱然佢啲鮮果又真係新鮮嘅）仲有佢啲吉士可能我麻麻哋啦仲要俾我發現，原來成$50一個咁貴 （雖然佢個size比出邊大一啲）好彩佢冇買個大size返嚟切咋🤪可麗路嘅size我就幾喜歡啦細細的，不過我重未試，試咗再update西貢我又未必成日會去，除非⋯⋯…查看更多

佢嘅鮮果撻無論係個撻底定係吉士去到生果，都真係超級好食，另外佢仲有蘋果蛋糕，杏仁片，都好食到不得了，而家我唔會喺其他地方買蛋糕，雖然唔係住西貢，但都會特登返嚟西貢買嚟食…查看更多

今日入西貢搭小巴嘅時候，經過見到有間新開嘅法國佬烘焙。因為喺法國住過一段時間，對croissant有情意結，所以特登行過去買一個牛角包，諗住試吓。入邊都幾靚，仲播埋啲法文歌同有張cert 好似好勁咁，d包下面都有啲法文名好似好authentic咁。講返個包，牛角包賣$23 ，望落都幾靚仔，就係經典牛角包🥐嘅樣。但我食第一啖時就後悔了，個牛角包完全冇佢應有嘅牛油香氣同酥脆嘅口感，食落去有d韌，就只係似一個普通港式麵包舖嘅豬仔包，但中間仲有少少苦澀味。總括而言，如果你想裹腹又唔介意比呢個錢，你都可以試吓，但如果你想食一個真正嘅法式牛角包，我建議你去都係去過第二間。…查看更多

超級美味的鮮果撻，生果新鮮、撻皮鬆脆；帶牛油香；雖然貴少少，但真心好吃😋 。另一極推是他們的法包，以180度番焗5分鐘，外皮脆而不硬；內裡柔軟，簡簡單單，伴以油醋汁同吃，既美味又健康。店內還提供牛角酥、曲奇、咖啡、奄列、沙律及三文治等選擇，下次一於試多幾樣！#法國佬鮮果撻 $50/細，$250/大#法國長棍 $18/細，$25/大#法國佬烘焙店地址: 西貢福民路58-72號高富樓地下1號舖電話: 56124539…查看更多

果日入到西貢當然要試試近期都出名嘅鮮果撻入到鋪頭已經聞到好香嘅氣味我哋買咗兩件4個人分切嘅時候已經知會個撻底好脆食落口嘅感覺直頭係鬆化而不鬆散又唔會過硬配上酸酸甜甜嘅鮮果簡直一流…查看更多

星期六一大清早就同屋企人入西貢食早餐，呢排網上互聯網成日有人分享西貢自家製新鮮果撻，食完早餐睇準時間即刻沖去西貢法國佬度睇一睇仲有冇新鮮果撻因為網上成全佢自家製嘅果撻好早買完！地點非常容易搵，一見到個櫥窗已經被七彩嘅果撻吸引😍😍入到店內已經有兩個客人排隊買緊果撻，我即刻二話不說買6個每款味兩個嘅果撻佢新出有一款新嘅cream撻，店主話最好切開四份嚟食再配咖啡一齊食更美味😍😍所以我買完即刻返屋企自家沖杯咖啡配個撻食，真係非常之好味，唔怪之得咁快賣晒…查看更多