法國飯店

首先，happy hour ，buy 1 get 1 free，谂住同女朋友一边叹酒，一边行住睇日落。 之后一个推俾一个，话冇得外卖，就焗我哋坐低。咁佢想收+1服务费都算见过环境都唔错，就坐低咗。点知到埋单嘅时候，见到系收两杯嘅价钱就问过店员。点知个店员就话，系计人头，当刻已经嬲到爆炸。跟住问佢另外两杯可唔可以拎走用个胶杯装住，佢只系同我讲冇杯盖，但可以拎走，当刻好似火上加油咁，就唔好同我一开始讲冇得take away。如果其他时段去食真系唔知会发生啲咩事，绝对唔会再帮衬！！！黑到爆炸！！…Read More

黄金海岸广场有活动，难得同小朋友黎玩，散场周围都多人，拣间望落坐得舒服质素又唔错既光顾。8:10pm入座，10分钟内order ，一个$1188 二人餐及一人餐，约8:45pm来了二人餐的海鲜拼盆。由于小朋友都开始饿到无耐性，就问问侍应小姐「请问可否上左个汤先，小朋友饿了。」侍应小姐回覆「好的帮你跟跟。」15分钟后仲未上，再追问「可否上个汤先？就黎一个钟啦，净系黎左海鲜拼盆。。可否先上个汤比小朋友饮左先？ 」在旁的仔仔已经饿到喊左两次，侍应小姐再回覆我等等。其实自己语气都好好而且都唔系高要求要主菜之类，只系想先碗热汤比小朋友暖下个胃，我估汤都唔会每碗煮挂？都可以一个钟都起唔到？实在难接受！等到9:15pm，仍然未上汤x3，前菜及3款主菜。实在太耐！问另外一位貌似高级d的侍应小姐，她解释人多呀多单之类，其实都唔系我要考虑既野，因为当时9:15 已经唔少枱走左，而且广场有活动商户都增加人手吧？消化唔到咁多客充唔好开咁多枱喇？（有室内外）。到9:25已经认唔住，身边小朋友再次饿到喊，我决定马上带佢地离开餐厅、要求未来的全部取消，要求只付海鲜拼盆费用。该高级d侍应小姐都有道歉，说拼盆就免除费用了。但我真系了解下贵公司的出餐问题，明知有活动一定人流多，出餐都可以慢到咁，如果拼盆、汤、前菜等每款相隔15分钟出，我觉得都可以接受，起码有野出，唔系白白咁等1小时净系出一款，而且前题呢3款野食我相信都唔系即叫即做即砌盆，出餐情况实在难以接受！一定唔会再光顾，几好食都咁话。…Read More

位于屯门黄金海岸的法国餐厅，餐厅设计设计优雅风格，特别是户外座位更可以观赏海景及停泊于旁边的豪华游艇，感受清新的海风之余更多可以发挥无限想像空间，彷佛自己也身在这些豪华游艇上😆 享受着各式葡萄酒，使气氛更加浪漫。今日与家人一起聚会，各人order一份set lunch 而我就order左-烟熏鸭胸配餐汤（杂菜汤） 我本身很喜欢食这餐厅的油封鸭腿，但今日见到有这个烟熏鸭胸就心郁郁想试试😊果然不错的选择喜欢烟熏的香味恰到好处没有完全掩盖鸭胸本身的肉香😊 而且烹调刚刚好，鸭胸不会过熟而使肉质变硬，而系肉嫩可口肉质还有微微的粉红色真系一试难忘😋 还有最值得一试就系蕃茄汁大𧎚意大利粉，香浓的蕃茄酱汁挂满了一条意粉 入口每一啖都充满着浓浓的蕃茄香味，主角大虾有3 只，份量都算足，每只大虾都是弹牙可口充满了茄酱嘅香味，一家人边吃边讲笑，就这样渡过一个愉快的下午，快乐其实很简单。…Read More

叫咗两个lunch sets。前菜系沙律同杂菜汤，主菜一个系香蒜大虾配辣蕃茄汁，另一个系香煎三文鱼柳配牛油香槟汁。其实唔太觉香蒜大虾配辣蕃茄汁有辣嘅感觉，可能本身我对于辣味嘅敏感度比较低，如果同我一样，可以放心食用呢道菜，唔使怕辣。香煎三文鱼柳配牛油香槟汁旧三文鱼分量算大，啲薯蓉都够滑~讲返环境同服务先，两者都系好好，环境对著个海?，而且侍应逐道逐道菜上，主菜还主菜，唔会好似某啲餐厅咁唔分主次。BTW，坐出面啲台垫上面有啲树趺落嚟嘅嘢，但侍应有帮我哋拨走咗佢~~…Read More

两人下午茶时光☕️今日同好耐无见既朋友一齐想揾个宁静，望到海既地方倾计，就拣左呢间餐厅啦。:):)下午茶餐包括了一样食物同饮品🥤炸鸡腿薯条比较油腻，薯条份量比较少，蕃茄汁少少酸，鸡腿味道香浓，外表够脆蟹肉忌廉意大利粉比较creamy，汁酱可以再多些，蟹肉加入了汁酱，但汁酱遮盖了蟹肉本身的原味，意大利粉面条煮得冧身，但份量比较少，唔适合大胃口人士😂😂饮品分别叫左热柠茶同热奶茶，比较港式茶餐厅感觉😮😹…Read More