泉章居 (已結業)

朋友介紹吓，嚟到呢間位於旺角，歷史悠久嘅泉章居酒家，真係俗語話齋薑係越老越辣嘅，地點唔算10分容易搵，但係一去到地下望見酒樓嘅時候，就已經有一種懷舊嘅味道滲出嚟啦…查看更多

終於等到可以四人同桌食飯，所以就忍唔住要來旺角泉章居食下小菜先。因為之前只可以兩個人，根本就食唔到多款既野，所以家下可以4個人，就可以來食番佢呢到既正野了~!!!!雖然都只係家常菜，不過呢到真係整得好食。鹽焗雞、生炒骨、椒鹽九肚魚、梅菜扣肉，同埋海鮮雜菜煲~!!!!!!每個都整得好靚仔架~!!!真係好好食~!而且全都好睇又好食。梅菜扣肉真係我的最最最最愛，雖然話好多脂肪，不都入口甘香而且一咬就融的感覺，真係太正。每個菜的份量都好多，可以大家盡情食，真係爽. 埋單好像係$800左右，呢個價錢同質素係成正比~!!!一分錢一分貨，所以係值既…查看更多

這店最有名的是霸王雞，之前吃過，的確不錯，但因為前一晚剛吃過白切雞，今晚不想吃雞，所以改為點了牛腩煲和蟹肉扒西蘭花。牛腩煲：份量很多，味道還可以，不過牛腩煮得不夠軟，支竹則很好吃。蟹肉扒西蘭花：西蘭花的軟硬度剛剛好，蟹肉和蛋白不少，味道一般。這晚的食物，似乎不達米芝連的級數，看來下次還是點霸王雞吧。環境和服務都不錯，桌子之間有足夠距離，坐得舒服，侍應有禮貌，工作效率也高，上菜加熱水等等，很快就辦好。…查看更多

在家抗疫所以買外賣回家吃，剛經過旺角泉章居有外賣八折，所以買了它的金牌鹽焗雞，滿心歡喜回家一看隻雞並不完整，看似沒有了部份。外買八折看似騙局，將貨就價，仲話自己係米芝蓮食市，十分失望。:(…查看更多

端午節一班朋友慶祝生日，早兩個禮拜訂位，滿心歡喜去食鹽焗雞同炸大腸。7個人叫左個《6人餐》再加多個「粉絲雜菜煲」，上左幾碟餸都好地地，突然聽到壽星女大叫！我坐隔離就即刻望下，原來係半隻曱甴😡😡有兩隻翼同前三分一嘅身，佢見到即刻作嘔又喊！🤮即刻叫侍應嚟，佢地一見到就勁快手收走隻碟，仲收埋個粉絲煲，經理見我地一班後生仔，諗住是但安慰我地，受害者壽星女又去左洗手間嘔同洗口，就咁話換過碟餸同free俾我地，我地都唔識點處理。但之後壽星女同坐隔離嘅我已經勁無胃口，我地又唔知另一半曱甴去左邊。食完之後，有兩個朋友都肚痾同嘔，我地咩相咩證據都冇影😢想報食環署都唔得，大家真係唔好去食！…查看更多

第19次寫食評同朋友在旺角揾食，佢話好耐無去過泉章居，不如舊地重遊，我當然樂意奉陪6:30到達，人不多，坐四人枱，舒舒服服食個晚飯。我們叫左2碟餸：半隻金牌鹽焗雞：三個字，好味道，金牌二字不是浪得虛名，份量足，有雞味，肉又滑蟹肉西蘭花：蟹肉味道略淡，但佈滿菜面上，西蘭花夠新鮮，夠爽加上2碗白飯，一支藍妹，落樓只係：HK374 …查看更多

泉章居我哋原本7個人去食， 但係我哋叫咗六人餐， 估唔到都好夠食。 基本上係食唔曬， 首先要推介嘅係嗰個腩肉， 個腩肉一啲都唔肥膩，好脆口， 仲有淡淡嘅豬油香， 咬落去非常之有口感。 另外嗰一碟蒸雞又係份量超級多， 大家食極都食唔曬， 啲雞肉都尚算嫩口。 最後我哋都嗌咗個冬瓜湯， 因為大家好肚餓呀淨係掛住食， 唔記得咗影相， 但係都係非常好飲。 最後總結嚟講,, 食物嘅份量同質素都係好好, 個六人餐最後埋單嘅錢大概係2000蚊左右。 我本人覺得都可以試得過。( 可能八個人食都夠分 Hahaha)…查看更多

📍#泉章居📍Chuen Cheung Kui .🇭🇰香港旺角奶路臣街33號依利大廈2樓及地下E號舖🇭🇰Shop E, 2/F and G/F, Lisa House, 33 Nelson Street, Mong Kok, HK.#旺角 #中菜 #MFJ旺角 #MFJ中菜 #Mongkok #ChineseFood #MFJ_Mongkok #MFJ_MongKok.#Michelin #米之蓮 .人均消費: HKD200.味道: 👅👅👅賣相: 👀👀👀價格: 💰💰💰💰環境: 🌹🌹服務: 👨🏻性價比: ⭐️⭐️⭐️⭐️回頭率: 🔆🔆🔆.泉章居係香港開業幾十年，更加是米之蓮推介，品質保證❣️旺角分店人多到不得了，侍應都忙不過來！餐牌選擇多，但價錢比較大眾化，十分適合一班人聚餐！.⭐️#金牌鹽焗雞 HKD308 人人都推介的招牌菜，HKD308一隻又不算太貴隻雞都幾大隻雞肉算幾香滑，雞皮好厚好香，但其實唔係真係好咸，主要調味都係靠碟類似沙薑既醬，整體不錯，值得試.Ⓜ️#巧製梅菜扣肉 HKD98另外出名菜 梅菜扣肉ER...我真心覺得好普通，跟茶餐廳差不多😅肉的確幾腍幾肥，但不太入味連我最喜歡的梅菜都很普通不算難吃但我不推介.👎🏻#春卷拼炸大腸 HKD148這真不行！春卷其實是羅漢齋卷，但有一陣的油味，而且一夾就散炸大腸炸得太乾了，而且一點味都無HKD140真的不太值.⭐️#八珍炆豆腐 HKD98八珍豆腐煲的汁超好味，下飯一流豆腐唔錯頗滑，反而肉味偏淡相反配料超好味😂.⭐️#五柳鯇魚 HKD350我覺得個五柳魚價性比十分高HKD350一條真的超值，而且超大條！炸得勁香脆，而且肉質很滑如果個汁可以再酸多一點點會更開胃.💯#客家炒米 HKD98喂，超好味的客家炒米！ 雖然普通料，但炒得非常惹味米粉跟平時食的不同，比較粗同硬身但好有口感，飽都吃了兩碗.👎🏻#西檸煎軟鴨 HKD130好難食鴨，鴨肉好鞋好韌，而且又無味西檸汁太酸，跟鴨肉對不上.💯#咸蛋黃金蝦 餐牌沒有但看到有人食我個人對黃金什麼的真係沒什麼興趣咦！又超級好吃！上菜都呆了一會，因為真的超小，但其實都有10幾隻蝦比較細隻但咸蛋黃非常均勻唔太多唔太少，味道岩岩好，推介💯.💯#脆皮炸鮮奶 HKD98看似麥樂雞😂超適合小朋友食外脆内暖，淨食一點都唔甜還有陣陣奶香我就無蘸糖怕太甜，拍得上大良出品，要吃！.雖然跟我想的有少許落差，但的性價比值高，唯獨是服務態度比較差.#mfoodjournal #instagfood #foodstagram #foodie #hkfoodie #foodblog #hkfoodblog #foodporn #fooddiary #相機食先 …查看更多

好久沒有幫襯此酒樓，因為要買波鞋所以晚上便在此吃晚飯我們叫了二人套餐是日例湯粉葛肥豬肉湯，但居然比我想像中幾好飲當然叫了他的招牌菜金牌鹽焗雞，雖然不是新鮮雞，但係雞也嬾滑。西芹蝦仁花枝片西芹也好爽口略嫌花枝片不嫰，堅固，蝦就普通了一點豉汁蒸大鱔，雖然豉油味道不是濃郁，沒有帶出魚的鮮味，也合胃口。…查看更多

今日午餐時間來到旺角，很久未去泉章居，所以就來到泉章居食午餐。上到見到人都比較疏落，並不是很多人。menu都有較多的選擇，所以都揀了一陣才選擇了一個乾炒牛河。乾炒牛河$51乾炒牛河有蔥、洋蔥及芽菜，牛肉切得適中，不過肉質有少少鞋，但都較入味，至於河粉，炒得都有鼓油的香味，整體味道不錯。豉椒排骨炒河轉米粉兜亂$51豉椒排骨炒米粉，配料有青紅椒及洋蔥，排骨入味都算可以，但可惜米粉的被炒到成塊成塊的，這個外表上已經扣了分，還有一些米粉未兜勻，呈現出原來的顔色 白色，味道稍為偏淡。…查看更多

近排好少出街食飯，突然老友叫到就去到旺角泉章居食飯，我地叫左一個4人餐有一隻雞加3個餸一個湯，湯是一個老火湯紅蘿蔔煲瘦肉，雞我地叫了招牌霸王雞，隻雞多肉又滑加上面頭有大量蔥花好食，3個餸我地叫左粟米魚柳塊，京都焗肉排，蟹蟹肉扒西蘭花，粟米魚柳塊送飯一流，京都肉排個汁有少少酸食完好開胃而蟹肉扒西蘭花既蟹肉灑在西蘭花面上令到西蘭花沒有那麼朝容易入口，而份量方便個個餸菜都好大碟食到我地4人都非常飽總括黎講非常抵食…查看更多

不知由幾時開始，同學聚餐多數會選擇泉章居。年少時多數去銅鑼灣分店，但自從搬了去銅鑼灣廣場後，感覺不在。想要近傳統風味，旺角分店依舊。十人聚會，只叫了半圍套餐，$1880 附酒水，有有湯、有魚、有菜、有金牌雞等等。除個別菜式是以六件上，其他都是大大碟，十個人竟然都食唔晒！每人平均$230@。大大碟，好抵食，又美味，交通又方便，旺角地鐵站E2 出口，直行幾分鐘便到達，老同學聚會的好選擇！（不過如果有行動不便的便要考慮一下，要行條樓梯上去！）…查看更多

旺角泉章居, 其實好耐都無去, 因為又要等位又要 Book. 又要指定時間交枱. 昨天去到唔限時, 唔使訂就立即有位, 全晚都唔滿座. 其實呢啲時候對食巿既影響就一定有的. 今次叫左個4人套餐, 改左個粟米魚肚湯, 其實整體既食物質素都可以保持到! 而個粟米斑塊我覺得係最好味既! 本來個朋友一心想食雞, 我就覺得霸王雞同鹽焗, 我可能會選擇後者. 因為佢個霸王雞同我响出面食既有一段距離紅燒豆腐其實又唔知點解每次都會點, 仲有個梅菜扣肉, 我都覺得佢做得好出色. 今次無點係因為大家都怕肥.... 我自己就好喜歡食! 送飯真係一流 ...今次試左個骨髓, 本身一個無味既食物, 佢靠個蠔油汁另到佢有味... 個人覺得一般. 我下次都未必會叫.…查看更多

今日午餐時間來到旺角的泉章居，現在是午市，餐廳都很多人食飯。餐廳位於一樓，裝修都光猛整潔。泉章居都算是老牌字號，有很多傳統的菜式。要了個咖哩牛腩飯轉麺$51配菜有洋蔥及青紅椒一齊炒。咖哩帶少少薑味，味道都不錯，牛腩炆得夠淋。一麺帶小小硬心，我喜愛腍小小的麺條會好些，麺條與咖哩汁一齊食，味道尚算不錯。…查看更多

黎得呢間梗係食雞，叫左鹽焗雞、西檸芝麻蝦球、牛肉煲，幾樣都好正，又唔貴，性價比出色 👍鹽分滲透入雞皮和肉裡，雞皮微鹹很滑，雞肉嫩而不柴，點沙薑更添風味。不過都幾多人，要等一陣位。…查看更多