泉成茶餐廳

此茶記落戶黃大仙現址多年，身為街坊嘅揾食肥華，祗有在此店前行過路過，但從未幫襯過。3月27日肥華在新光中心淘多多買完所需用品後，趁勢走入此間老店，食翻個早餐順便緬懷一吓8O年代裝修格局嘅茶餐廳情懷，而肥華在此食到嘅早餐質素亦算Ok。熱奶茶，茶底夠香入口綿滑以茶記水平來講屬於優質。火腿絲通粉，湯底稍咸，通粉煑得過淋口感略差。煎双蛋，一般茶記貨色，冇驚喜亦冇令人失望。牛油餐包，自家出品餐包水準甚佳。今日呢餐懷舊早餐，此店風格及食物都冇令肥華失望，可算不枉此行⭐️⭐️⭐️…查看更多

味道唔太差，杯凍齋啡都可以，最緊要麵包係新鮮唔係預製菜，個公仔麵就比較淋差少少，但以咁嘅價錢都算係合理，仲要喺地鐵站隔離，要求有不能夠太高，炒蛋都OK，食落都有雞蛋味…查看更多

毗鄰旅遊景點黃大仙祠的舊式茶記，光顧當天為星期六且為午餐時段，接近座無虛席但未見有遊客，還好有一張空檯，便即刻「埋位」坐……點了份茶餐，這裡的茶餐更接近其他同行的常餐，因為除了有湯粉麵，還有二度，既然叫得做餐，當然有餐飲，而且不用等下午2點（多數其他同行茶餐開始供應時間），上午11點已有供應！另外出餐速度超快拍得住澳字頭名店……茶餐湯粉麵為叉燒湯意粉，香港代表性料理，叉燒份量足、靚，意粉尚算彈牙，且湯底不鹹反而有清甜味！二度方面奄列靚仔、包就由餐包轉成方包，少數有供應餐包的茶記！餐飲方面則為熱齋啡，為檀島咖啡，即用沖煮絲襪奶奶茶方式製作的咖啡，咖啡香濃，但不會過於苦澀且略帶酸味（不是變質的酸味）！現在很多茶記為求方便都不再沖製檀島咖啡而改為機器製即磨咖啡了……最後這是少數還有室外座位的茶記，好處是方便吸煙者……（因為法例上禁止室內吸煙）…查看更多

【黃大仙區】【泉成茶餐廳】呢排同美女朋友食過唔少餐廳，有間茶記佢話佢幾中意，所以有一日就叫埋我去食。我作為一個茶記 foodie，梗係去啦。係呀，食茶記就被人話茶記 foodie，食好少少就被人話係鱔稿，喺香港做 foodie 好慘㗎。咁我呢餐就梗係自費，咪玩啦，真係茶記喎。呢啲唔係雨後春筍式嘅冰室熱潮產物，係真茶記喎，例如下晝去都可以叫嘅「早餐」，$40 有「火腿通粉」同「腸仔蛋」，加 $2 有埋「牛油多士」，再加 $2 飲「凍奶茶」。呢個係美女朋友叫嘅，佢講得中意嘅，就梗係覺得好食，唔通中意食難食嘅嘢咩。我就食 $40 嘅「茶餐」，有「牛油餐飽」、「火腿奄列」、「沙嗲牛肉麵」，質素就係傳統茶餐廳咁，不過不失。餐飲我揀「熱奶茶」，係具茶記質素嘅，可以放心叫。補多 $10 要兩個「蛋撻」，佢唔係最佳狀態，唔評論。夾埋 $94，係唔錯嘅茶餐廳體驗嚟。。。（地址：黃大仙龍翔道120號新光中心二座地舖）…查看更多

黃大仙嘅街坊茶餐廳，早餐出餐速度超級快！價錢實惠，早餐沙嗲牛呢個價錢嚟講可以接受味道正正常常茶餐廳風味基本上想食嘅茶餐廳菜式都會有地點位置亦就腳，不失為一個選擇…查看更多

茶餐細份又唔飽,價錢又唔係平過人,坐得勁逼勁辛苦... 重點係果度請啲阿姐都勁寸,態度差過人... 根本唔當你係客......茶杯又舊又污糟, 以後唔會再幫襯.....…查看更多

勞動節假期，一早起身食個早餐，本身諗住排壽司郎，你知已經超級多人，都唔知要搞到幾時，落到黎下面見到呢一間泉成茶餐廳，食咗個早餐先叫咗一碗鮮奶麥皮，店員都好好呀因為佢有兩款選擇一款牛奶麥皮，令一款係鮮奶麥皮，好詳細咁同我解釋咗牛奶麥皮就係用粉去沖，鮮奶就真係用奶鮮奶麥皮口感就比較甜一啲，同埋滑d,在配搭埋個奶茶完美～ 如果佢係有得搭埋個三萬字就更加好啦，杯奶茶值得一讚，因為茶味都幾出，遲咗少少影相得返咁少添始終係舊式茶餐廳，難免啲用具會比較舊一啲，如果佢可以更換下啲茶杯就好啦，因為眼望都有少少崩角另外就係店員嘅包嘅時候，未有帶手套就直接掂落個包度，同時有做收錢嘅角色，呢樣野就真係要改善下啦…查看更多

舖面有賣包嘅茶記真係買少見少喇！有麵包師傅即製！太陽蛋煮得剛剛好！個麵夠硬身最緊要係杯熱鴛鴦，比例恰到好處!人地話茶餐廳嘅靈魂係奶茶咖啡，哩到就有靈魂喇，又近馬會🤤…查看更多

今日初一，去完拜黃大仙，諗住喺附近食埋嘢先返舖，自己一個，茶餐廳最實際！👍🏻去到啱啱好11:02，無早餐😭但好在茶餐11:00開始⋯⋯其實本人覺得應該係常餐😂邊有茶餐係11:00開始😂😂有A - 义燒湯意粉、B - 沙嗲牛肉麵 C - 餐肉米粉可以揀，3個都可以跟埋牛油餐包、火腿奄列／煎蛋咁我就揀左A餐配牛油餐包、火腿奄列、熱檸水上餐次序～熱檸水→义燒湯意粉→牛油餐包火腿奄列湯意粉個湯無咩味，我要加辣椒油先有辣椒味食下，不過意粉彈牙、唔霖，Good！义燒都ok，但係瘦义嚟嘅！牛油餐包嚟到仲暖嘅，係牛油太少⋯⋯火服奄列有啲半生熟蛋醬，好味，但唔夠熱！熱檸水我食哂成個餐先攪佢，都仲熱到入唔到口，但檸檬有成6片，差唔多半個，加哂分！👍🏻👍🏻👍🏻…查看更多

以前好鍾意黎食呢間茶餐廳，貪佢夠懷舊又抵食。之前去做大裝修，再去食嘅時候已經唔同晒，之前有個伯伯會成日喺度，佢好好人架，不過最近幾次去都冇見佢。食物質素比以前差左，咁沙嗲冇咁濃味，加上侍應姐姐越嚟越串，我叫咗一杯紅豆冰，以前飲好好飲，今次飲既係酸嘅，希望佢哋品質把關可以做得好啲，如果唔係以後都唔會黎。…查看更多

4月食而加先打食評...不過就係呢段時間都返左去食3次@@因為真係幾好食呢日去朋友屋企打麻雀打到咁上下就是旦去一間茶餐廳食飯啦.我地叫左豬扒炒面,廈門炒米,炸雞翼,干炒牛河,菜同凍0茶第1,講下環境先,無油沐沐ge感覺,有電視睇,有冷氣涼唔錯.聽朋友講呢間茶餐廳都做左好耐,唔怪之仲有d好vintage ge餐牌.第2,服務可能係老牌茶餐廳,d姐姐都好nice好,唔洗點叫佢地就會過黎serve你.不過好特別ge地方個收銀姐姐/妹妹?好後生,同我差唔多大,唔知係唔係太子女呢..佢真係好好笑容,唔似有d食店收銀員無表情找錢又大大力dum落個兜度...service真係比滿分 第3, 食物真係好出奇,唔HEA喎,又夠味.淨係講個炸雞翼,都脹卜卜,我地都食左幾隻先記得影相 不過坐坐下發覺冷氣有d大,下次去都係帶定件"嬲"好d…查看更多

泉成一向有品質保証, 雖然店內細小, 一家大小吃飯的很多. 但我較喜歡外賣自取.今晚又冇飯吃, 在餐牌上點指兵兵, 有了答案. 廈門炒米上次是星洲炒米, 今次試另一個地方: 廈門炒米!酸酸甜甜話咁快吃了一半, 原來都幾飽.份量多, 另一半可留明天lunch box~配料有火腿絲, 蛋絲, 青椒絲, 韮皇絲, 都不是貴格貨.但混在一起, 變成一道超班美食小店的用心, 令每個客人覺得物有所值; 還是小店, 令我想起小時候在屋村商場裡買糖果的店已經不起租貴而結業. 希望大家的一小綿力, 多多支持老店, 小店. …查看更多

1/3 同媽咪去返以前係南邨，而家搬咗嘅泉成餐廳食野。牛肉燴意粉，多汁肉嫩，正！！！牛腩好林，面脆卜卜，好味！！！奶茶好滑，讚好！！！…查看更多

夏門炒米, 星洲炒米, 炒貴刁....................................是日晚餐:- 夏門炒米查實男朋友好想好想食炒貴刁, 我唔知乜野原因, 係未食過, 定係食完唔記得係唔好食...定點.我....係...唔...中意...食...貴...刁....ga!講番個炒米, 一個字: "掂"等左10分中左右, 就有得食~配料不夠多, 但太肚餓了, 咩都好味!個人好喜歡吃酸, 所以蕃茄醬帶點酸, 很開胃.由起初態度惡劣食物又不太好吃, 到現場吃過之後, 慢慢改觀了.不過冇睇波直播, 呢個真係執輸左~~…查看更多

明明之前就食過唔好味, 又翻兜喎~咁第過一次唔可以即刻foul既, 又俾多一次機會你!是日晚餐:- 西炒飯($26)西炒飯vs生炒牛肉飯, 兩者感覺很相似, 實際上是兩回事.西炒飯是洋食, 用蕃茄醬來炒.餡料都用急凍材料如, 粟米, 青豆, 蘿蔔粒.配上蕃茄, 香腸, 煎蛋...由於蕃茄醬太多食落又甜又酸.d飯冇一粒粒, 試過一次, 都係喜歡生炒牛肉飯~ 時菜鮮魷炒河($28)原來味菜係好食過時菜架!今次係白菜仔, 加上大大塊魷魚.河粉太多, 令到送菜太少.冇左d豆豉同酸菜, 係差d~都夠鑊氣, 不過真係太大碟, 食唔完..河粉比飯貴2~3蚊架!!…查看更多