泉成茶餐廳

此茶记落户黄大仙现址多年，身为街坊嘅揾食肥华，祗有在此店前行过路过，但从未帮衬过。3月27日肥华在新光中心淘多多买完所需用品后，趁势走入此间老店，食翻个早餐顺便缅怀一吓8O年代装修格局嘅茶餐厅情怀，而肥华在此食到嘅早餐质素亦算Ok。热奶茶，茶底够香入口绵滑以茶记水平来讲属于优质。火腿丝通粉，汤底稍咸，通粉煑得过淋口感略差。煎双蛋，一般茶记货色，冇惊喜亦冇令人失望。牛油餐包，自家出品餐包水准甚佳。今日呢餐怀旧早餐，此店风格及食物都冇令肥华失望，可算不枉此行⭐️⭐️⭐️…查看更多

味道唔太差，杯冻斋啡都可以，最紧要面包系新鲜唔系预制菜，个公仔面就比较淋差少少，但以咁嘅价钱都算系合理，仲要喺地铁站隔离，要求有不能够太高，炒蛋都OK，食落都有鸡蛋味…查看更多

毗邻旅游景点黄大仙祠的旧式茶记，光顾当天为星期六且为午餐时段，接近座无虚席但未见有游客，还好有一张空台，便即刻「埋位」坐……点了份茶餐，这里的茶餐更接近其他同行的常餐，因为除了有汤粉面，还有二度，既然叫得做餐，当然有餐饮，而且不用等下午2点（多数其他同行茶餐开始供应时间），上午11点已有供应！另外出餐速度超快拍得住澳字头名店……茶餐汤粉面为叉烧汤意粉，香港代表性料理，叉烧份量足、靓，意粉尚算弹牙，且汤底不咸反而有清甜味！二度方面奄列靓仔、包就由餐包转成方包，少数有供应餐包的茶记！餐饮方面则为热斋啡，为檀岛咖啡，即用冲煮丝袜奶奶茶方式制作的咖啡，咖啡香浓，但不会过于苦涩且略带酸味（不是变质的酸味）！现在很多茶记为求方便都不再冲制檀岛咖啡而改为机器制即磨咖啡了……最后这是少数还有室外座位的茶记，好处是方便吸烟者……（因为法例上禁止室内吸烟）…查看更多

【黄大仙区】【泉成茶餐厅】呢排同美女朋友食过唔少餐厅，有间茶记佢话佢几中意，所以有一日就叫埋我去食。我作为一个茶记 foodie，梗系去啦。系呀，食茶记就被人话茶记 foodie，食好少少就被人话系鳝稿，喺香港做 foodie 好惨㗎。咁我呢餐就梗系自费，咪玩啦，真系茶记㖞。呢啲唔系雨后春笋式嘅冰室热潮产物，系真茶记㖞，例如下昼去都可以叫嘅「早餐」，$40 有「火腿通粉」同「肠仔蛋」，加 $2 有埋「牛油多士」，再加 $2 饮「冻奶茶」。呢个系美女朋友叫嘅，佢讲得中意嘅，就梗系觉得好食，唔通中意食难食嘅嘢咩。我就食 $40 嘅「茶餐」，有「牛油餐饱」、「火腿奄列」、「沙嗲牛肉面」，质素就系传统茶餐厅咁，不过不失。餐饮我拣「热奶茶」，系具茶记质素嘅，可以放心叫。补多 $10 要两个「蛋挞」，佢唔系最佳状态，唔评论。夹埋 $94，系唔错嘅茶餐厅体验嚟。。。（地址：黄大仙龙翔道120号新光中心二座地舖）…查看更多

黄大仙嘅街坊茶餐厅，早餐出餐速度超级快！价钱实惠，早餐沙嗲牛呢个价钱嚟讲可以接受味道正正常常茶餐厅风味基本上想食嘅茶餐厅菜式都会有地点位置亦就脚，不失为一个选择…查看更多