沾仔記麵食

营业中

休息中

沾仔記🍽️-蝦籽撈麵好鐘意飲蝦籽撈麵個上湯勁濃味🤣蝦籽麵質夠彈牙爽口👍-雲吞牛肉河招牌乒乓波咁大粒既雲吞梗係要試下！皮薄足料入面有3粒蝦🦐牛肉都好嫩滑配河粉再加佢個秘制辣椒油😋-炸雲吞個雲吞皮夠薄所以炸完勁脆卜卜😍再沾甜酸醬好味🤤-炸鯪魚球呢個炸起熱辣辣發脹勁大粒😂😂佢個蜆芥都好好味唔會好咸😌-#foodieluveat#foodieluveat_hk#foodieluveat_尖沙咀#foodieluveat_港式#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西 #沾仔記 #雲吞麵 #佐敦 #港式粉麵 #沾仔記麵食-🌟評分:🏅🏅🏅🏅📍地址: 佐敦廟街300號地舖

黎左佐敦廟街食雲吞麵😋呢間沾仔記好似已經開左好多年，主要就係做雲吞、鯪魚球同牛肉既湯麵，價錢都幾抵食。1️⃣雙拼湯麵（雲吞加鮮牛肉湯麵）（$42）雲吞有兩大粒！皮薄，咬開入面已經見到起碼有兩三隻蝦😳大粒足料！牛肉係有質感一啲都唔韌，質素係唔錯架wor! 大地魚湯底清甜，麵夠爽彈👍2⃣️雙拼湯麵（雲吞加鯪魚球湯麵）（$42）鯪魚球同雲吞都各有兩粒，鯪魚球比我想像中大粒，一落食一路食到魚香味～湯底都係清甜，加少少醋更加好味。3⃣️時令油菜（上湯豆苗）（$26）有得揀上湯或者蠔油，感覺豆苗配上湯夾啲。湯底都係清甜type，豆苗份量算唔錯～4️⃣甜酸炸雲吞（$45）炸得好脆而且一啲都唔油，餡料一樣係大大粒足料，點埋甜酸醬開胃好食！

沾仔記麵食可選擇但平、雙拼、三拼。沾仔記甘係食雲吞😬加錢蝦籽撈麵！雲吞超足料，裏面包咗三隻蝦加肉，食起上嚟，好滿足，蝦肉亦都好大呀，皮薄餡靚！蝦籽撈麵，蝦籽份量好多，面係鹼水味，但完全冇鹼水味，軟硬適中，彈牙！另外一碗，雙拼鯪魚球同鮮牛肉。鯪魚球都係大大粒， feel到係新鮮魚整成，口感彈牙，牛肉鮮嫩，份量多。炸雲吞，外脆內軟，油炸得來唔油膩！油菜整體嚟講，都不錯，價錢合理，鍾意食雲吞麵一定要試！

同朋友做完運動就黎開餐, 原來呢間沾仔記係食佢招牌三寶: 雲吞, 鯪魚球和鮮牛肉. *鯪魚球， 牛肉， 雲吞（ 三拼）$47我地兩位都各自叫左三拼, 我就要粗湯麵, 朋友就叫左三拼蠔油撈麵, 碗麵都好大碗~牛肉一啲都唔會小, 新鮮又軟腍， 鯪魚球比想像中大粒， 唔會話好多粉, 食到有魚味， 雲吞皮薄餡靚, 大粒又飽滿, 入面餡料有大蝦豬肉, 食落彈牙爽口，粗麵真係唔錯, 唔會有鹼水味, 咁既價錢真係抵食呀!*油菜 $26豆苗，新鮮嫩綠, 份量多想試蜆介鯪魚球, 不過要兩點後先有供應, 下次再黎食過~

有朋友係外國返黎嘅， 尊登帶佢去食d 地道野， 之前朋友介紹我食過d 間麵舖幾好食， 今日帶埋朋友黎試吓.鯪魚球， 牛肉， 雲吞麵（ 三拼）：上次食完覺得好好味， 今次再encore , 記住轉蝦籽撈麵， 蝦籽味好出，牛肉新鮮， 淋身， 鯪魚球大大粒， 啖啖肉， 雲吞入面隻蝦大仔彈牙，足料， 食完啲碗麵我朋友都讃😋蜆介鯪魚球： 有大同小之分， 小有3 粒， 大有5 粒， 二個人3 粒唔夠， 要叫大，即炸， 上碟熱辣辣， 粒粒都好大粒，炸得剛剛好， 外脆內軟， 推介😍😍油菜： 菜心，大碟同新鮮

今日路過佐敦，在廟街碰到朋友，他說剛從這裏吃過下午茶，他推薦這裏說價廉物美，便來到這裏。雲吞麵$35，雲吞內的蝦肉爽口彈牙，尺寸頗大，跟傳統廣東做法有點出入，不過喜歡吃蝦肉的，必定喜歡這款。湯底的味道跟傳統的雲吞麵有點不同，不過都非常清甜可口。雲吞牛肉河$41，牛肉鮮嫩可口，不會過肥，配合雲吞一起吃，是最佳拍檔。豆苗$26，這個時令，吃豆苗沒有渣滓。蜆芥鯪魚球，鯪魚球外表香脆，內裏爽口彈牙，加點惹味的蜆芥醬汁，更加美味可口。紅花花伝檸檬茶$8可口可樂$8

呢間餐廳出名既食物有三樣，一係鯪魚球，二係雲吞，三係新鮮牛肉，如果你三樣都想食好似小編甘就一定要叫三拼滿足晒食到唔同食物同有齊三款美食既麵食，麵食三拼同淨食都係一樣價錢，如果唔想食晒三拼可以食單拼或者雙拼，呢度食物即叫即整，環境都整潔，我地叫左一碗三拼幼麵，麵身彈牙同大碗，鯪魚球好大粒食落好有魚肉味，勁抵食，我地仲叫左一碗雲吞牛肉河粉，河粉都好軟熟。炸物叫左一份炸雲吞涵料都ok多，咬落勁脆，如果大粒d就更正。

原來廟街有一間隱世之名嘅餐廳，聽講食細蓉好出名，名叫沾仔記麵食。這裡的菜單僅有三款餸——鯪魚球、牛肉和雲吞，但卻讓人感受到濃厚的用心。三併粗麵粗麵彈牙，搭配牛肉鯪魚球和雲吞。鯪魚球好大粒，每一口都十分彈牙。雲吞係自家製，薄皮包裹著豐滿的餡料，有超大隻嘅鮮蝦。雙拼配蝦籽撈麵雙拼揀咗牛肉同雲吞，牛肉的口感柔嫩，雲吞入面啲蝦好新鮮。蝦籽撈麵味道鹹香，令人回味無窮。蜆蚧鯪魚球炸過嘅鯪魚球非常香口，肉質鮮味彈牙，再加上蜆蚧的獨特風味，好好食！值得一提的是，$8便可享用一支裝飲品，超級划算。

沾仔記名物： 雲吞｜鯪魚球｜鮮牛肉雲吞皮薄餡靚，由鮮蝦同埋豬肉製成，再添加大地魚粉提鮮，味道出色之餘，口感夠晒彈牙～鯪魚球大大粒，新鮮鯪魚肉，再配上上陳皮，味道零舍濃郁～ 鮮牛肉好新鮮，肉質極度嫩滑，肉汁飽滿～烹至剛熟，口感軟糯/充滿肉汁並豐富味甜三拼轉米粉 大地魚乾熬煮而成，味道濃郁鮮甜雙拼轉蝦子撈麵竹昇麵爽口彈牙，蝦子好香！自家製辣椒油都好正～加咗蝦米特別香口，一試難忘！沾仔記麵食 (佐敦)佐敦廟街300號地舖

呢間港式麵食專注做三款食材 鮮蝦雲吞新鮮牛肉同埋鯪魚球可以揀單拼雙拼或者三拼 豐儉由人㗎～～湯底係傳統店鋪嘅做法 用咗豬骨 大地魚同埋羅漢果熬製味道清得嚟鹹鹹甜甜 同三款食材同埋麵底都好夾👌🏻1️⃣單拼 $35呢款每次嚟都會嗌 絕對唔可以錯過😋淨鯪魚球一份四粒超大粒 軟熟微彈牙超級香魚味而且完全無骨 平時怕魚刺同埋魚腥味嘅朋友仔都可以試試！2️⃣雙拼 $41嘿嘿所以呢款又有鯪魚球 係鯪魚球拼新鮮牛肉新鮮牛肉同打邊爐嘅肥牛好唔同 比較有嚼口有韌性另外都嗌咗個雲吞麵 我哋都叫佢乒乓波雲吞 因為真係大粒到好似乒乓波咁🤣大大粒雲吞飽滿多汁 薄薄嘅雲吞皮包住彈牙嘅蝦球同埋豬肉餡 鹹甜適中又唔會太過油膩配搭第一次食嘅粗麵 口感煙韌彈牙鹼水味都好ok🥬腐乳通菜綠油油嘅通菜新鮮脆嫩 份量都幾多㗎 建議可以同朋友share～腐乳醬鹹香味十足 又有椒絲嘅微辣 鹹香惹味😈😈

【佐敦•沾仔記麵食】@ππππππππππππππππππππππππππππππ激抵三拼蝦籽撈麵鮮蝦雲吞雲吞皮薄透，包裹著飽滿的鮮蝦餡料，鮮味十足，口感滑嫩。湯底清淡卻不失鮮香鮮鯪魚球魚球彈牙，鮮美的口感讓人一口接一口，與雲吞相輔相成新鮮牛肉牛肉切片厚度適中，肉質鮮嫩，與湯頭的搭配恰到好處米粉與時令菜心米粉滑順，吸附了湯汁的美味，讓人忍不住多喝幾口湯。時令菜心與油菜的清脆口感，讓整碗湯更顯清新。低糖豆漿最後搭配的低糖豆漿，既清爽又健康，完美作為餐後飲品餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 150✨✨✨✨✨✨✨✨✨✨✨✨✨#佐敦美食 #沾仔記麵食 #web3佐敦沾仔記麵食 (佐敦)佐敦廟街300號地舖

係佐敦收工搵食真的不難。難在想食咩。都唔諗到食什麼時候。就見到一間幾好幾舒服既麵檔仔。**蚝油豆苗**豆苗鮮嫩，經過快速翻炒後，保持了脆爽的口感，搭配上濃郁的蚝油，讓整道菜散發出誘人的香氣。十分開胃，**雲吞撈粗**，雲吞的餡料鮮美，讓人一口咬下去，肉汁瞬間在口中爆開。撈麵的醬汁調味恰到好處，讓整碗麵條更添風味。雲吞的皮薄餡多，肉質彈牙可口。**蜆介鯉魚球**，蜆的鮮甜與鯉魚球的彈性相得益彰。魚球的口感滑嫩，搭配蜆的鮮味，讓整道菜充滿了海洋的氣息。調味適中。

黎香港必食其中之一一定係雲呑麵，最出名正宗一定係沾仔記，價錢唔貴，而且用料新鮮今次同黎香港旅遊既國外朋友吃，別有一番風味，現場落住大雨但都一樣咁多遊客慕名而來呢度memu好簡單，就係單餸兩餸定三餸，第一次都建議直接三餸，完全係0後悔的選擇我就揀左三餸米粉，食落都幾特別，餸分別係雲呑、牛肉同埋鯪魚球，三樣都出色到爆雲呑皮薄而鮮蝦超級彈牙，不得了，口感同味道都非常出色鯪魚球勁香口，無骨，勁大的一球，共有2粒，份量完全夠食，不過最重要都係口感一絕，完全係可以為左呢個回頭再吃！！！

【油尖旺區】【沾仔記麵食】同田慈仁喺佐敦，行行吓肚餓就搵吓嘢食，一時三刻都唔知食乜好。見到呢間沾仔記，知道佢哋都係老字號嘅麵檔，就入去試一試佢。行近先發覺原來都幾多人，張張枱都好似坐滿晒人咁，點都一定要搭枱。搵到兩個相連位置就坐低咗，就開始睇有乜嘢食。麵食嘅餸其實得三款，雲吞、牛肉、鯪魚球，田慈仁試 $41 嘅「牛肉雲吞河粉」，再飲 $8 嘅「津路烏龍茶」。佢都有夾啲料畀我一齊食，所以我都知道啲嘢唔錯。尤其係佢哋最出名嘅雲吞，真係皮薄餡靚，蝦味濃郁得嚟仲要勁大粒，一啖係食唔到一粒嘅。我就試 $41 嘅「鯪魚球撈粗麵」配 $8 嘅「低糖豆漿」，撈麵本身要加 $6 所以單餸都係呢個價。而佢哋嘅鯪魚球都好高質素，同埋都係好大粒，豆漿亦都好飲。我哋都試咗 $45 五粒嘅小食「甜酸炸雲吞」，係好足料嘅炸雲吞嚟。夾埋 $143，係可以嘅。。。（地址：佐敦廟街300號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty

我和好友去行寶靈街，順道去位於佐敦廟街300號地舖的沾仔記麵食開餐，環境舒適，坐得舒服。我點左個三拼（雲吞、牛肉及鯪魚球）湯麵 $47，好友話唔肚餓，淨係要小食，小食係蜆蚧鯪魚球（5個）$45，甜酸炸雲吞（5個）$45，郊外油菜（生菜）$18。三拼湯麵賣相不錯，雲吞好大粒，蝦肉彈牙，鯪魚球大大粒又好好食，鮮牛肉嫩滑又牛味濃郁，麵底煙韌爽口；蜆蚧鯪魚球炸得皮脆肉嫩，十分香口；炸雲吞亦係即叫即炸，脆卜卜又好好味；生菜青綠好鮮甜。