河內越式料理 (西洋菜南街)

营业中

休息中

小妹係大圍食過呢間餐廳覺得都唔錯，點知係旺角見到呢間餐廳即時再食回味吓🤭 因為呢間餐廳🍴好有正宗🇻🇳 風味🫢餐廳牆身嘅畫亦豐有越南特色😍相當不錯😎生熟牛肉湯湯檬一上枱覺得幾大碗😋亦有好多配料，如芽菜、洋蔥、粒型辣椒仔及半個青檸，而生牛肉方面有幾片，亦有幾片熟牛肉，食落幾嫩口 🍽️味道新鮮，整體來講算不錯🤤越式豬頸肉呢款越式豬頸肉燒得好焦香，食落口已經感覺到好惹味，又嫩口，仲有酸辣醬汁，提升豬頸肉味道👅越式三寶飯3寶飯有2隻雞翼，豬扒及2片扎肉，豬扒薄切，質感不算，扎肉味道正常，少少蔥油提升香口味道，唯飯🍚相對較硬，如果飯可以淋少少會較好🙈椰汁紅豆冰呢款椰汁紅豆甜度適中，椰香味濃，紅豆又多又軟淋，且冰涼香口，正😄😼熱龍眼冰味道香甜，且超級足料😍有大量杞子及龍眼肉，完全估唔到…呢間越式餐廳環境舒適，重點份量滿足及價錢合宜，絕對值得一試😆

河內越式料理 @hanoivietnamesecuisine.味道：😋😋😋😋抵食：👍🏻👍🏻👍🏻👍🏻👍🏻環境：⚡️⚡️⚡️回訪指數：🤤🤤🤤🤤🤤/5.午餐想吃點簡單的 同朋友揀左撈檬食份量超大 再加份小食 d餸好香 香脆程度剛剛好有卡位坐 同朋友舒舒服服坐左2個鐘..小食✨越式豬頸肉(細) 🌟🌟🌟🌟🌟 $32心係邪惡嘢食㗎啦 但口感完全唔覺得油膩 肉質好彈牙 好多汁 處理過程好好 冇嗰浸豬嘅臭味.主食✨撈檬 紅蘿蔔絲同埋青瓜絲 欣賞佢整得好長條好多粉面都會整到碎濕濕 仲有啲椰菜絲同蔥花 成個賣相唔錯.香茅豬扒撈檬 🌟🌟🌟🌟🌟 $62好少食煎炸嘢 怕落好重料豬扒煎得好香脆 冇好油嘅感覺 讚👍🏻.牛肉撈檬 🌟🌟🌟🌟🌟 $62牛肉份量好多 面頭仲有啲芝麻粒洋蔥好入味 撇除咗臭青味 仲有啲花生粒粒.飲品✨熱越南滴漏咖啡 $18朋友喝的 見到有小煉奶 溝嘅時候好香.青檸梳打 (走冰) $10青檸好鮮檸檬味 配梳打水 好解渴 又健康..2人消費 $184人均 $92...💫 👩‍💻OP網址: 河內越式料理 (西洋菜南街) 網址: https://s.openrice.com/Qr

🤣性價比高越南餐廳🤣-朋友大力推薦一間旺角既越南餐廳，咁啱又好耐冇食越南嘢（有d掛住🙈），所以就試左依間餐廳😬果然充滿越南風味，而且好食得黎大分飽肚👍🏼-🐮極品牛三寶湯河粉 （$71）咩都想試所以叫左牛三寶，一次滿足三個願望🤣三寶係生牛肉，牛展，牛丸😍最好食係好香既牛𦟌，牛丸好彈牙，生牛肉好嫩好滑，湯底牛骨湯好有越式風味。-🍜越式春卷撈檬($64)外皮香脆內裡餡料(粉絲,甘荀,木耳,肉碎)飽滿，加埋酸酸地既撈檬，大滿足😋-🐷越式香茅豬扒（細）（+$24）大大塊豬扒，煎得岩岩好，香脆得黎散發隱隱香茅香味。-🍹龍眼冰 (+$10)龍眼冰清甜足料，滿滿既龍眼肉加埋杞子， 解暑之選。-🫖杞子龍眼茶 (+$5)同樣都係滿滿既龍眼肉加埋杞子，但熱飲係另一種風味👍🏼-📍 河內越式料理（西洋菜南街）旺角西洋菜南街204號地下

同朋友行吓行吓，行到太子西洋菜南街，馬路兩邊都係食肆，有齊地道或東南亞風味，梗有一款啱食。見到一間越式河粉幾吸引 ，入到裏面有大大幅越南美少女相片，加上優雅裝飾，有一種清新格調。極品牛三寶湯河粉值得推介，材料有生牛肉、牛展及牛丸，非常豐富。大大片生牛肉浸喺湯裏面，軟滑可口，牛展則爽口入味，牛丸Q彈，味道濃郁，配合幼滑河粉及濃香牛肉湯底，非常惹味。朋友點嘅順化豬肉卷撈檬 都好吸引，首先豬肉卷炸得甘香鬆化，肉香四溢，口感有層次。而撈檬混和適量嘅魚露後，入口冰涼又清爽，令人再三回味。我和朋友不約而同點咗椰汁三色冰，有紅豆、綠豆及珍多粉條，三種顏色好吸引，入口甜甜地，咬落軟滑，配埋冰凍椰汁，唔會太甜，消暑解渴。店員服務態度良好，上菜速度快，下次再試埋其他食品，相信可以盡情感受異國風情。

今日約左上去佢屋企打機，諗住食個快飯點知旺角禮拜日真係好多人，行經呢度就快趣買個晚餐上去。要左個順化豬肉卷撈檬，食落真係好食，豬肉卷味道好食，輕煎過後外皮又d脆口，好似中式臘腸同西式肉腸嘅融合版，既有肉又但食落又有油脂香，另外檬粉份量十足，QQ滑溜，夾埋調味魚露醬，涼浸浸好味道。加配左一份蝦餅，一客4件，金黃色外皮，脆邊惹味，拎到上朋友屋企仲好夠熱，食到粒粒小蝦肉，正！再飲埋杯先芒果西米露，芒果非常之清香，西米細細粒彈牙有咬口，加埋椰汁，簡直係呢一餐嘅完美點綴！

今日同為食仔一齊係TOP行街，行到攰就係附近搵野食，呢間越南餐廳叫河內，應該幾正宗，就決定試下啦#極品三寶湯河粉-我走左蔥，三寶其實就係生牛肉、牛𦟌同牛丸，湯河跟左青檸同辣椒，我落晒，河粉加辣椒先正架嘛👍🏻，生牛肉浸左陣湯，變左半生熟，勁正#魚露雞扒撈檬-雞扒雖然係炸既，但唔會乾，入面仲好有肉汁，加埋有青瓜同蘿蔔絲，好平衡飲食#越式豬頸肉-豬頸肉燒得岩岩好，仲好有油份，店家好聰明咁用左生菜墊底吸多餘既油份，好食，做小食唔錯#龍眼冰-識飲一定飲龍眼冰，呢間既龍眼肉勁多，超過10粒，同埋唔會太甜，非常好

依家喺香港越南餐廳真係開到周街都係，今次推介平民又好食嘅一間，地理位置又方便，第二次食簡單留個comment！👏🏻店舖環境唔大不過座位都夠寬，成個環境有小小越南嘅裝飾，餐牌選擇都幾多，想食飯想食麵定係食小菜都有👌🏻大大碗生熟牛肉河一拎上嚟，我自己都嚇親，真係非常大碗😂而且啲牛肉嘅份量一啲都唔hea，生熟都有，而且個湯比較清甜！想簡單食個河粉，真係非常推介😋😋😋香茅豬扒河粉同樣咁大碗嘅河粉，女仔應該食唔晒，豬扒就另上，一大塊鬆化入味，值得一讚嘅係佢嘅豬扒唔油膩，感覺健康少少🤏🏼輕食炸春卷一啖咬落去超級脆，細細嚿餡料都幾豐富，有米粉有蔬菜～飲品Beverage一杯青檸梳打& 一杯芒果西米露～最愛食西米露，將甜品變成飲品😂為簡簡單單嘅一餐加分🥰

今晚收工後, 我和朋友去了旺角行街, 行行下看到這間越南粉麵店很像挺不錯, 便決定進去吃.極品牛三寶湯河粉 ($71):  牛三寶為生牛肉, 牛展和牛丸.  生牛肉真的很香滑, 完全不會韌, 好好食, 牛的質素都高. 牛丸好重牛味, 幾彈牙又大粒, 幾好食. 牛展都一樣好滑, 不錯. 而且牛的份量都多, 真的不錯.河內牛腩片湯河粉 ($66) : 牛腩片好香滑, 完全不會韌, 而且份量都合理. 一定夠飽肚, 河粉都幾滑, 湯底又幾好飲, 不錯. 跟餐加配了小食--香茅雞翼 (2件共$22): 香茅雞翼非常脆, 煎得好香口, 惹味, 香茅味重, 不錯.熱飲:  檸檬蜜糖薑茶  跟餐加$5就有,  薑茶好重薑味, 但同時飲到蜜糖的甜, 檸檬的酸味, 成杯飲品, 薑味,蜜糖和檸檬的味混合在一起, 甜甜酸酸的, 很好飲, 很特別.椰汁綠豆冰, 跟餐+$10就有, 不貴. 椰汁好香, 甜甜的幾好飲.

🍴順化蕃茄蟹肉扎肉湯檬 66 蚊🍅🦀個湯河蕃茄味香濃 應該冇落糖 豆卜好入味 盡吸 湯汁 蟹肉新鮮 仲有好彈牙既炸肉 個豬肉味都幾濃 整體唔錯🍴越式春卷 22 蚊🔥春卷整得夠香脆 入面既豬肉 木耳蘿蔔絲夠爽 食落好有口感🍴魚露雞扒蛋飯 61 蚊🐥個雞扒厚切好香脆 個魚露汁好香 配雞扒正 🍴羅望子冰10 蚊 🍴越式青檸冰 10蚊#雞扒 #越菜菜 #春卷 #魚露 #蟹肉 #蕃茄 #撈檬 #札肉Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~ #河內越式料理旺角西洋菜南街204 號地鋪~~~~~~~~~~~~

星期五放工去左旺角買嘢，順便食埋野先返屋企，簡單食左個越南粉。極品牛三寶湯河粉 $71三寳有生牛肉、牛展、牛丸，湯底都幾濃郁，生牛肉最好食唔韌。天氣涼食碗熱辣辣嘅河粉真係好好，芽菜又爽口。順化豬肉卷撈檬 $63豬肉卷外皮金黃香脆，裏面豬肉甘香。撈檬就我一向都鍾意食，青瓜紅蘿蔔絲同埋生菜絲撈埋檬粉，加上魚露，清爽又好食。越式豬頸肉 $32我哋追加左一份小食豬頸肉，雖然係細size嘅，但係份量都OK，有差唔多六七件，香茅味幾香，豬頸肉爽口，但係略嫌乾咗少少，要來餸湯粉唔錯。飲品方面，我哋叫咗兩杯熱飲，檸檬蜜糖薑茶同埋蜜糖柑桔茶，薑茶好濃，柑桔茶都好足了，飲完喉嚨幾舒服。

喺太子西洋菜南街有間食肆好多人幫襯，食客不斷，相信食品質素一定有保證，於是同阿姨試一試。我點咗個順化蕃茄蟹肉扎肉湯檬，大量鮮蕃茄令到湯底好香濃，檬粉嘅份量頗多，好大碗，配埋蟹肉及扎肉一齊食好滿足。阿姨喜歡河內生熟牛肉湯河粉，生熟牛肉兩種口味，互相配合，鍾意牛肉嘅朋友一定啱食，濃香牛肉湯底，滑溜嘅河粉，一定冇得彈。我地仲叫咗一個越式炸春卷，裏面餡料好簡單，係米粉、紅蘿蔔及雲耳 ，但蘸上大量魚露後，鬆化香口又夠脆。再加一個越式豬頸肉，份量雖然較少，但外皮極為酥香，肉質彈牙，有咬口，好食。跟餐叫咗飲品係鮮芒果西米露，上面鋪滿新鮮芒果肉，香甜美味，裏面充滿粒粒軟滑嘅西米，每一口都好滋味 。阿姨試咗個羅望子冰，漸變淺啡色顏色好靚，飲落微酸微甜，非常消暑，好醒胃。其實餐牌仲有好多越式美食，惟有約多幾個朋友下次再嚟。

午餐叫了一碟雞扒蛋飯當時還有10分鐘後下午茶，但店員沒有說（因為之後我隔離枱落單另1位店員有提下午茶就到，我心𥚃已經感覺到不快）當碟飯到我食咗一嚿雞已感到好油，之後就發現好好多油喺塊生菜面，（忘記影相）我沒有立即投訴，心想算吧，就沒有再食因我真係好多油，（因為我之前曾經食過是沒有問題）當我準備走及比錢，同時向店員講雞扒好多油，店員說「雞扒係炸。所以多油」個店員仲講2次聽完又聽我非常火滾。我說「夠知雞扒係炸，但係你上碟時是否需處理啲油隔一隔？是否一羹油附上係生菜面免費送比客人食？」這個投訴店員毫無悔意，解釋又過分，雖然我附近工作，但都不會有下次幫襯

之前係大圍分店食過覺得幾唔錯，今日係旺角做野經過見到又食佢😆食物質素份量都依舊幾算多，午市滿座🈵環境較細內部有點黑，服務就普普通通可以再好啲😅◂ ◂ ◂ ◂ ◂ ✐☡ ▸ ▸ ▸ ▸ ▸▸ 越式咖厘牛腩飯之前食過蕃茄牛腩覺得唔錯今次試下佢個咖喱牛腩咖喱唔辣清淡椰香又幾滑撈埋少少粘白飯食胃口大開🤤牛腩有唔少肥肉唔多啖啖肉肉質嫩腍易咬唔痴牙👍🏻仲配有唔少粉粉地薯仔▸ 順化豬肉卷撈檬豬肉卷幾好食少少脆肉質軟嫩檬粉份量都幾多下又彈牙配埋紅蘿蔔、菜絲、花生碎等配料撈上多多酸辣汁夠唒清爽🥰▸ 越式炸春卷跟餐加配小食正常發揮外皮脆口餡料都算多粉粉地又有點咬口▸ 安南鮮蝦米紙卷外皮QQ餡料以粉具多蝦一小隻開邊唔仔細食唔覺有扎肉薄薄一小舊整體有點失望🤪▸ 越南滴漏咖啡 (熱)咖啡控表示這很不錯耶🤩食完個飯就啱啱好滴完飲得整個感覺似食緊冧酒朱古力飲落有陣好濃郁冧酒味🤔口感非常順滑偏苦但唔澀配有煉奶加咗少少甜甜地如怕苦可加多啲煉奶更易入口▸ 凍鹹檸七鹹柑桔夠咸但有點硬🍊整體都唔錯

今日陪朋友去太子買貓糧及玩具，行到攰攰地又肚餓，見有間，朋友鐘意食越式菜😍，於是決定入去試試😁。香茅沙爹牛肉 (3串) $66.-牛肉質感軟腍，燒得剛好又乾身，沙爹醬比較濃稠，惹味香口帶陣陣花生香味。越式春卷河粉 $64.-河粉份量好多😃，湯底調味剛好又清甜，春卷炸得好香脆，餡料飽滿，味道香甜😋。炸蝦餅 (追加小食-細) $32.-蝦餅炸得香脆，口感軟熟彈牙。越式豬頸肉蛋飯 $63.-飯夠熱又軟熟，配菜有熟蛋及四季豆。豬頸肉份量多，質感軟滑爽彈，有肉味油脂比例高，燒得焦香有微微燶邊🥰，有驚喜！炸軟殼蟹 (追加小食-1隻) $44.-軟殼蟹炸得非常香口，肉質濕潤有淡淡蟹味。熱越南滴漏咖啡 (跟餐配) 加$18.-食飽飽後，當然要飲杯越南咖啡，見咖啡一滴一滴，慢慢地集液成杯，感覺好優閒☺️。咖啡香醇味道微苦。椰汁冰 (跟餐配) 加$10.-椰汁冰涼清甜，解喝又消膩。

今日想食越南野 但係又唔知食咩好就係旺角入左間好耐歷史既河內食我最愛既牛河~咖哩牛腩飯柔軟的牛腩肉與濃郁的咖哩醬完美結合入口時散發著誘人的香氣牛腩經過緩慢燉煮肉質鮮嫩多汁完全融入了咖哩的風味。咖哩的味道剛好適中既有微妙的辛辣感又帶有淡淡的甜味幾好食牛三寶湯河集合了牛丸、牛肉和牛展每一樣食材都保持著鮮嫩彈牙的口感湯河本身有著滑順的質感，與三寶食材完美融合牛丸鮮嫩可口，牛肉酥軟多汁而牛展則帶有豐富的肉汁和風味而且仲好大碗喎炸春捲小食外層酥脆的春捲皮包裹著豐富的蔬菜和肉類餡料超脆爽的口感。搭配上點綴的沾醬更是增添了整道小吃的風味河內越式料理 (西洋菜南街)西洋菜南街204號地舖