河內越式料理 (西洋菜南街)

营业中

休息中

今日同朋友喺太子lunch約左去河內食越南野😍好耐無食檬粉喇🤤成日經過太子都無試過呢間一睇menu原來都幾多選擇👍🏼湯檬、撈檬都有仲有飯餐添不過我覺得飲品吸引啲😂😂疫情嚴重每張枱都放左支搓手液又幾貼心喎👍🏼【椰汁綠豆冰】【椰汁三色冰】無特登叫少冰不過就算多冰都無溝淡椰汁味證明好足料❤️我中意三色冰多啲一次過飲到啫喱、紅豆同綠豆【生熟牛肉湯檬】生牛肉夠薄、夠嫩熟牛肉就咬口按個人口味加入青檸汁同辣椒層次就更加豐富🤤【牛丸撈檬】勁多粒牛丸😂表面輕輕炸過熱辣香脆，仲好有咬口添額外追加左兩個小食【炸蝦餅】【春卷】兩樣小食上枱個陣都熱辣辣勁香口好中意炸蝦餅夠厚肉又有少少蝦味！

今日去行下花園街，行完過去西洋菜南街搵野食，呢度美食林立我選左食越式料理。點河湯/撈檬可以追加小食又可以加配飲品。極品牛三寶湯河極品牛三寶湯河（生牛肉，牛展，牛丸）生牛肉肉質嫩滑，牛𦟌又幾煙韌，牛味香濃，牛丸又爽彈，河粉爽滑湯底濃郁美味可口越式炸蝦餅，蝦餅好爽口彈牙，蝦味香濃沾到甜辣醬好好味。越式豬頸肉燒到好香口，豬頸肉鎖住肉汁，食落又唔會肥膩順化蕃茄蟹肉扎肉湯檬，蟹肉好鮮甜，扎肉又爽彈，豆卜又索湯精華，蕃茄湯底好香濃鮮芒果西米露，有芒果粒，西米和椰汁又唔會太甜。杞子龍眼茶

今日放假去咗太子花園街「河內越式料理」嘆返個越南風味午餐🇻🇳店內裝修簡潔明亮，感覺乾淨衛生～餐牌上主打多款越式小食、湯粉、撈檬、飯類等等，價錢經濟實惠上湯灼田園菜白灼生菜新鮮碧綠，口感爽脆，好健康越式炸蝦餅蝦餅炸到金黃香脆，厚厚的，口感彈牙，鮮蝦味濃，沾上泰式酸甜醬後食用味道更佳極品牛三寶湯檬粉牛三寶分別有：生牛肉、牛丸、牛𦟌🐮好足料！半肥瘦嘅生牛肉被熱湯浸到七成熟，口感香軟，肉味濃郁！牛丸頗具嚼勁，好好食呢！牛𦟌半筋半肉，厚薄適中，啖啖肉！檬粉爽口幼滑，好掛湯呢越式河內三寶飯可以一次過試晒三款餐廳特色嘅越式河內三寶飯：香茅雞翼、炸豬扒、扎肉。雞翼肥美又大隻，香脆可口，充滿肉汁～豬扒都幾Juicy，豬味香濃，鹹香滋味，佐飯一流越南滴漏咖啡越南咖啡咁出名，梗係要試吓啦！滴漏咖啡味道香濃，芳香撲鼻熱奶茶口感絲滑，奶味比茶味重，幾好飲

今日去左太子到交收 交收完就約埋朋友係附近食飯 朋友帶路話同我去食越南菜🤣其實平時都好小食越南野 感覺幾有新鮮感～不過下午茶時間都幾多人食！又係下午茶時間 同朋友每人叫左一個下午茶餐下午茶優惠可以追加一個小食 特飲就加$10身為一個咖喱牛腩飯既粉絲 緊係要叫黎食🤣之後加左越式炸蝦餅！依個咖喱汁 唔辣既比較甜 牛腩好腍滑 牛腩亦都唔靭雞絲湯河粉 就另外加左一個香茅豬扒😋比較清淡 健康 河粉幼細得黎好爽口 唔會一夾就散！越式炸蝦餅+香茅豬扒炸蝦餅好大塊 口感好似魚蛋咁彈牙🤣而香茅豬扒比較有咬口椰果椰汁西米露+椰汁紅豆冰🤩椰汁西米露唔會飲落太甜 而且有粒粒椰果 配搭得好好👍🏻紅豆冰好多豆

冬天梗係去食下越南食品喇，因為佢既味道特別開胃呀，今日去開太子，見到越南餐廳即刻衝入去食餐好既先🎉🎉我嗌左魚露雞扒煎蛋飯，雞扒肉質好鮮嫰，而且份量多，香茅一入口即刻出哂嚟，表面仲有蔥油，白飯加上豉油，真係勁正，配埋隻流黃嘅煎蛋🍳成個配搭無得彈。香茅豬扒湯檬粉，豬扒煎得好好，卜卜脆既外皮，加上肉味十足既豬肉，口感同味道都超豐富，再加上惹味嘅湯頭都很不錯呢，味道有好地道既越南風呀🥰加左兩嗰小食，越式香茅雞翼，雞翼大大隻，煎得恰到好處，吃起來特別香口🥰越式炸蝦餅，炸到好脆口但係好薄身既外皮，加埋好豐富既蝦肉，真係好好食🎈🎈配以青檸梳打同檸檬蜜糖青檸真係絕配😝😝

一個人喺旺角，想食個簡單快趣嘅 early dinner，路過呢度，見到食越南菜🇻🇳，有粉、飯同小食，越南🇻🇳食物一般比較開胃，似乎幾啱呢日嘅胃口，又夠簡單，咁喺冇乜再考慮嘅情況底下，就決定入去開餐😆- $69嘅「極品牛三寶湯河粉」：有生牛肉、牛𦟌、牛丸，全部都幾好牛味😋；湯底微甜味道濃郁，呢一碗湯河粉 份量仲好大😆- $23嘅「越式香茅豬扒（細）」：外邊炸到脆脆哋，食落非常香口😋- $18嘅「熱越南滴漏咖啡」：咖啡好香濃，我只係加咗少少煉奶，所以咖啡只係微甜唔係超甜，咁樣又有越南🇻🇳風味又可以飲到咖啡嘅真味😋

旺角西洋菜街美食林立，今次發現新開的越式店，裝修唯美簡潔，帶有越式風情。.來到越式店當然是食Pho，牛魔王們當然要食極品牛三寶湯河$69、河內生熟牛肉湯河 $64，湯底清甜，一大碗份量超多很滿足。生熟牛肉有熟牛肉及生牛肉，牛肉特別嫩滑。；三寶河有牛𦟌、生牛肉及牛丸，牛𦟌厚切，筋肉比例剛好。.加$29有越式豬頸肉，切到有海浪紋，肉質嫩滑，加上辣醬食更有滋味。.加$10有特飲，鮮芒果西米露、青檸梳打，清新爽利，十分有越式風情。一冷（飲品）一熱（湯河），正！

我見到有個senior 既同事 大大聲 同d 新人講 , 如果d 客唔用既辣椒同青檸就收左佢 唔好比d 湯整污穢碟野， 留番比下檯用。之後一秒就收左我面前杯辣椒青檸， 但其實我係夾過杯野，而且我係要繼續用的，先不講佢未問過個客已經收左碟野，大佬呀～e 家疫情，你坐格離檯都要拎塊板隔住，d 野上左檯之後留比下手用， 污唔污糟d 呀， 點知d 口水細菌有無飛到落去，總之e 間野我係唔敢再幫襯的～～～🥲🥲🥲

PHO🍜 My Cup of PHO🥢..有時想簡簡單單吃碗河粉🍜，其實都可以好好食。今晚黎左旺角行街，隨意揀左一間越南店，環境乾淨企理，充滿越式風情，價錢親民，吸引左我來吃個Pho 呢。🐮🍜ll $69Raw beef, beef brisket slices, beef shank PHO🦀🍜ll $64Tomato Crab meat & Viet sausage PHO🐽ll +$23Grilled Lemongrass Pork Chop🐽ll +$29Grilled Pork Jowl🍹ll $26🥤ll $26吃越南菜一定唔少得PHO, 皇牌牛三寶🐮 (生牛肉`牛長`牛丸) 傳統味道，簡簡單單就是合我胃口。順化蕃茄湯檬🍅 湯底有茄香，加上蟹肉🦀 & 札肉🐽，吃膩傳統牛河可試試。小食同樣有質素，豬扒嫩滑 & 豬頸肉爽口，2款豬都不錯吃。飲品方面，鮮芒果🥭西米露，椰奶若然濃多一點點更滋味。青檸可樂🥤 喝下就是爽呢。簡簡單單，其實都可以很滋味滿足。便宜大眾化之選，而且店員服務超友善呢，下次經過可以再吃😋。..×××××ש旺角西洋菜南街204號地舖,.

趁周末得閒，去了旺角金魚街買魚仔。買完魚仔就到附近搵嘢食，見到有間越式料理，環境不錯，裝修企理，充滿越南風，便走入去，嘆下越南河粉。呢間餐廳選擇有很多，有不同配菜 (例如: 扎肉、豬肉卷、生牛肉、香茅豬扒等等) 的湯粉和撈粉，各式小食也有，例如: 炸蝦餅、豬頸肉、春卷、香茅雞翼等等。我發覺呢道的河粉份量非常大，湯底係牛骨淆的，非常好味，差點給我喝乾。河粉又非常之滑，兩者配合得天衣無縫。【極品牛三寶湯河粉】牛三寶顧名思義就係肥美的生牛肉、牛丸和牛腱，超大塊的生牛肉肉味濃郁，口感一流，牛腱和牛丸亦同樣出色。【越式香茅豬扒湯河粉】有骨豬扒超大塊，醃得入味，咬落香口，啖啖肉。【越式炸蝦餅】貨真價實，啖啖蝦肉，爽口彈牙。【越式炸春卷】香口，外皮夠薄夠脆，而餡料粉絲、木耳絲、甘筍絲就很新爽。【越南滴漏咖啡】滴漏咖啡係越南特式的飲品，熱水沖落咖啡粉，咖咖慢慢滲滴出來，然後加入鍊奶，咖啡味香濃夾上鍊奶的香甜，超正。

今次係旺角搵到依間越南菜餐廳🍴見到都幾多人去食～今次就下午茶時間去食😘下午茶價錢由$40至$60不等仲可以加錢追加小食😊-河內生熟牛肉湯河粉🍜($52)一上菜，見到份量唔惹少，估唔到下午茶的份量係咁大碗😝絕不吝嗇(*^ω^*)食極都有好多河粉和牛肉🤩牛肉肉質都嫩滑🥰湯底好香濃～幾吸引(๑･̑◡･̑๑)而且加左好多越式料理配料，有芽菜，九層塔，洋蔥等等正(//∇//)-順化牛肉撈檬🍜($48)同樣份量十足😙即使係大食的朋友都食唔曬成碗😂有好多配料，有紅蘿蔔絲，青瓜絲，九層塔，牛肉等等牛肉係肥牛，加左甜甜的醬汁🤩味道都不錯，加埋撈檬醬汁，好開胃🥰又Fresh( ´ ▽ ` )ﾉ-越式炸蝦餅 細 (＋$28)有4片大大片的炸蝦餅好有份量，而且每片蝦片都幾厚身😎而且炸得香脆😍食落好彈牙(*´ω`*)-越式豬頸肉 細 (＋$28)有5,6片豬頸肉👍🏻肉質好肥美😄帶點爽脆🤪-凍鹹檸七喜($10)蜜糖柑桔冰($10)兩款飲品都不錯，解渴降溫，清涼飲品🤓-Name🏠:：河內越式料理 Ha Noi Vietnamese CuisineLocation📌: 旺角西洋菜南街204號地舖（港鐵太子站 B2 出口,

今晚揀完禮服，好肚餓，喺附近見到「河內越式料理」，之前食過尖沙咀分店覺得唔錯，今次幫襯旺角店。估唔到咁多人排隊，好彩等咗幾分鐘就有枱。💁🏻‍♂️極品牛三寶河粉 $69生牛肉🥢牛𦟌🥢牛丸牛肉肉味濃郁，肉質嫩滑。牛𦟌連筋位都煮得軟腍，仲好入味。.牛丸都好彈牙。最好味係個湯底，濃郁鮮甜，同喺越南食都有九成似，河粉都好夠滑。.💁🏻‍♂️越式河內三寶飯 $68扎肉🥢雞翼🥢豬扒雞翼香脆多汁。豬扒有濃郁嘅香茅味，肉質仲好軟腍。附送嘅豉油唔會太鹹，撈飯食唔錯。.💁🏻‍♂️越式炸蝦餅（細）$29鮮味又彈牙，點泰式辣醬一流。.🧋鮮芒果西米露 $10芒果香甜又冇渣，同椰汁好夾。.🧋椰果椰汁西米露 $10椰果份量好多，少啲冰嘅話椰汁味更香。.

再次食呢間越南餐廳 性價比非常高 地方企理✅軟殼蟹撈檬軟殼蟹炸到超脆🥰🥳調味唔會好鹹，個撈檬擺盤擺到好靚，份量多幾抵食✅芒果🥭沙冰飲得出佢加左奶，芒果味好出夏天消暑一流🔹另外叫左個越式素春卷，勁足料，已經好夠脆食到好滿足.📌 河內越式料理 (#旺角)#旺角美食 西洋菜南街204號地舖-#hkig #hkigfood #hkfoodblogger #hkfoodie #食好西 #香港美食 #香港 #相機食先 #hkiger #852 #hkfoodlover #hkfood #hkfoodstagram #hkfoodporn #米線 #홍콩맛잡

河內越式料理 (旺角)旺角西洋菜南街204號地舖去完朗豪坊，走到西洋菜街搵食，突然想食越南野，發現有一間越南餐廳立即衝了進去。牛腩片湯河粉$64牛腩片大大片，份量都幾多，一碗河粉大大碗，一個人未必食得晒。牛腩味甚濃，湯頭清甜。極品牛三寶湯河粉$69極品牛三寶有牛丸、牛𦟌和生牛肉。最鍾意過程清湯腩湯底，河粉索了湯底非常濃味。越式炸蝦餅$29蝦餅都炸得幾香脆可口，蝦肉彈呀，睇得出都幾鮮。香茅雞翼$20其實小食跟餐都只不過係加$20，雞翼炸得好香口。牛油果沙冰$28牛油果味好香龍，沙冰西環，飲得出加了小小的椰汁，椰汁配牛油果清甜。芒果沙冰$20芒果味很濃郁，沙冰廢話，甜度適中，非常適合夏天。

之前都有食過這間河內越式料理的尖沙咀分店，很喜歡他們的招牌香茅豬扒。他們的餐牌選擇頗多，越式湯粉，撈檬，飯類及一系列越式小食都有提供，份量夠大，價錢夠平民。所以今日兩點幾來到都很爆場。選了我最愛的越式香茅豬扒湯河粉($60)，將煎得香口的豬扒跟湯粉另上，又會細心地將豬扒切開數塊方便進食。薄身的豬扒醃得入味，口感鬆化，食到陣陣的香茅味。湯底熱度十足，濃郁而不油膩，配上金不換，銀芽，香蔥等香料，加少許青檸汁就更加清新。另外有順化炸蝦餅撈檬($62)，四大件的蝦餅炸得香脆金黃而不油膩，口感彈牙，沾上甜酸醬更好味。撈檬有齊花生碎，炸蒜，生菜絲，蘿白絲，薄荷葉跟魚露同撈，味道清新開胃，最適合夏天食。每個主食可以追加一客小食，我加了$20 點了春卷二件，外皮酥脆，內邊餡料滿滿，主要有紅蘿蔔絲，木耳絲，粉絲及少許肉碎，沾上魚露更好味。