影片
更多
2022-11-25
1144 浏览
📌 河內越式料理 (西洋菜南街) - 旺角西洋菜南街204號地舖🗓(25/11) 星期五 ⏰ 晚上7點左右 💈特式：最近成日心思思想食越南野，今日係旺角行完街經過見到呢間河內，覺得價錢都相當親民，所以就入去試下，之後再睇返佢另外仲有兩間分店係尖沙咀同大圍。🥩🍔🌭🌮🥗🥯🥘🍲🍝🍣🥟🍤🍱食物：見到佢主食類都係大約$60左右，另外仲可以加$2~30蚊加配小食，而家等我同大家講下越式味道先。主食 - 主食我就揀左河內生熟牛肉湯河粉同順化豬肉卷撈檬。生熟牛肉粉最大嘅好處係食到兩種唔同口感，生嘅牛肉上枱後浸一浸湯就做到剛熟效果，食落口好淋滑，熟牛肉佢就係比腩片，牛味重d香d，個湯面有好多蔥絲/洋蔥好香，我就好鐘意，不過唔鐘意嘅朋友都可以走左佢，總結算係一碗高質嘅生牛肉湯河；順化豬肉卷我係第一次食，口感同味道都唔錯，有d似煎香左嘅豬肉條，外皮有木脆口，咬落又煙煙韌韌咁。小食 - 小食就加配左份越式豬頸肉，分量都唔細，同埋好大塊，好香口同有少少脆皮嘅效果。☕️🍵🥤🧋🍺🍷🥃🍹🧉🍾🍶🥛飲品 - 飲品叫左兩杯特式飲品，椰汁綠豆冰同蜜糖柑桔冰，椰汁綠豆冰好重又香椰汁味，杯柑桔冰無我想像中咁好酸，飲完有d夏
🗓(25/11) 星期五 ⏰ 晚上7點左右
💈特式：最近成日心思思想食越南野，今日係旺角行完街經過見到呢間河內，覺得價錢都相當親民，所以就入去試下，之後再睇返佢另外仲有兩間分店係尖沙咀同大圍。
🥩🍔🌭🌮🥗🥯🥘🍲🍝🍣🥟🍤🍱
食物：見到佢主食類都係大約$60左右，另外仲可以加$2~30蚊加配小食，而家等我同大家講下越式味道先。
主食 - 主食我就揀左河內生熟牛肉湯河粉同順化豬肉卷撈檬。
生熟牛肉粉最大嘅好處係食到兩種唔同口感，生嘅牛肉上枱後浸一浸湯就做到剛熟效果，食落口好淋滑，熟牛肉佢就係比腩片，牛味重d香d，個湯面有好多蔥絲/洋蔥好香，我就好鐘意，不過唔鐘意嘅朋友都可以走左佢，總結算係一碗高質嘅生牛肉湯河；
順化豬肉卷我係第一次食，口感同味道都唔錯，有d似煎香左嘅豬肉條，外皮有木脆口，咬落又煙煙韌韌咁。
小食 - 小食就加配左份越式豬頸肉，分量都唔細，同埋好大塊，好香口同有少少脆皮嘅效果。
☕️🍵🥤🧋🍺🍷🥃🍹🧉🍾🍶🥛
飲品 - 飲品叫左兩杯特式飲品，椰汁綠豆冰同蜜糖柑桔冰，椰汁綠豆冰好重又香椰汁味，杯柑桔冰無我想像中咁好酸，飲完有d夏日feel，如果夏天飲應該仲fit。
🍽環境：餐廳環境嘅衛生/整潔方面做得唔錯，比人感覺都舒服企理，餐廳有好多卡位，枱面空間亦都足夠，坐落都幾舒服。
🤵🏻🤵🏻♀️🤵🏻♂️服務：員工服務態度都唔錯，亦都見到樓面姐姐做野好勤快，仲有都好清楚咁介紹店內特式食品/飲品，上菜速度都好快，唔洗等好耐。
💰💸價錢：叫左兩個主食兩杯特飲再外加1個小食，埋單都唔洗$180，認真抵食。
🐲💬總結：我覺得呢間越式餐廳d食物價錢好親民，食物質素亦有返咁上下，如果有朋友想食平嘅越南野，我推薦可以嚟試下。
推薦指數：❤️❤️❤️❤️🤍
河內生熟牛肉湯河粉
$64
36 浏览
0 赞好
0 留言
順化豬肉卷撈檬
$62
28 浏览
0 赞好
0 留言
越式豬頸肉
14 浏览
0 赞好
0 留言
16 浏览
0 赞好
0 留言
张贴
