沙嗲王 (新都城中心二期)

久違嘅周六晚餐服務- 有禮貌食物- 保持一貫水準1. 鐵板雞扒清湯粉絲- 雖然冇左雞髀，但雞扒依舊大塊，水準保持中上。2. 酸菜魚白飯- 味道唔差，但係份量少左啲。3. 椒鹽豆腐- 好食，推介！…查看更多

白咖喱豬扒飯：30年王牌神作！香茅豬扒×椰香白咖喱的靈魂暴擊** ### 🌟 **白咖喱醬：獨門秘方征服三代胃** 一上桌先被琥珀色醬汁勾魂！號稱「三巨頭之首」的白咖喱，以泰國香料＋椰奶慢熬，入口先是溫柔椰香，尾韻滲出微辛黃薑與香茅氣息，稠度如絲綢般掛滿每粒飯，濃而不膩，連小朋友也搶著撈汁。老顧客狂讚：「同廿年前味道一模一樣，茶記白咖喱天花板！」 ### 🥩 **香茅豬扒：三大塊厚切炸功封神** **厚度良心**：每塊豬扒厚過1cm，霸氣鋪滿半個碟！外層脆漿「咔嚓」碎裂，內裡肉質軟嫩帶嚼勁，香茅醃製入味卻不搶肉鮮。**神級炸技**：即叫即炸鎖住肉汁，咬開熱氣騰騰，蘸滿白咖喱後脆皮仍堅持3分鐘不軟塌，油控精準毫無油膉味。 ### 🍚 **黃金配角：珍珠飯×酸菜解膩方程式** - **飯粒分明**：選用泰國香米，乾爽吸汁力強，拌醬後每口飯都裹滿金黃咖喱。 - **酸菜神救援**：醃蘿蔔粒爽脆酸香，中和濃郁醬汁，食完整碟零罪惡感！ …查看更多

沙嗲王嘅白咖喱香茅豬扒飯真係驚艷到我！🍛 第一次見白咖喱以為係蘑菇湯，入口先發現係微甜帶辣嘅濃郁醬汁，香茅味好出但又唔會太搶✨ 最正係炸到脆卜卜嘅豬扒，熱辣辣咁蘸滿咖喱汁，撈飯食真係停唔到口😋 價錢嚟講份量足，難怪咁多人幫襯。…查看更多

點了他們的白咖喱豬扒飯，結果讓人非常失望。這道菜以前口味還不錯，豬扒鮮嫩多汁，咖喱濃郁香滑，但現在完全變了樣。豬扒變得又硬又乾，切起來費力，吃起來更是毫無口感可言。至於白咖喱，味道非常淡薄，幾乎感覺不到應有的香氣和層次，連基本的水準都達不到，跟以前那種讓人回味無窮的味道簡直是天壤之別。更讓人不滿的是服務態度也大不如前。服務員看起來毫無熱情，對顧客的需求愛理不理，完全感受不到應有的用心和專業素養。加上價格一樣高昂，但提供的餐點品質卻大幅下降，性價比可以說是極低。這樣的用餐體驗讓人感到非常不值得，花這筆錢簡直是浪費。綜合以上種種問題，真心建議大家不要再去這家餐廳光顧。與其花錢買氣受，不如選擇其他更有誠意的餐廳°…查看更多

細個讀書成日食沙嗲王今次帶埋小朋友過嚟一齊食沙嗲王必食白咖喱香茅豬扒飯同以前水準一樣香茅豬扒唔油膩 亦都唔會太鹹白咖喱有椰香味 亦都唔會太辣，小朋友都食到（但係要辣少啲汁啊） 避風塘蝦份量好多！ 蝦都彈牙 呢個可以再encore蕃茄汁雞肉蛋包飯唔知點解今日嘅蕃茄汁有少少苦澀唔知係咪啲蒜蓉燶咗？🤣🤣但係整體都好食嘅雞肉都好嫩口，唔乾叫咗正餐，半價即係$18可以換一個甜品我叫咗個心太軟，嚟到超好笑勁細個🤣🤣🤣 味道係正常既 但$18 得兩啖 下次唔會叫了…查看更多

服務態度惡劣！晚餐時段，冇人排隊，店內空位多多，無人執台。女店員叫我地入去坐，沒有指明坐位，我地就選左個位，冇坐下，因張枱未執，站咗喺度，期間店員冇問過我地是否需要QR code, 而我地張枱亦冇人執，當女店員終於發現我地站着，佢先係度話：［我未執喎，你出去先啦，我都唔知你要坐呢度］，明明店內冇人，明白執台需要時間，但都唔應該用如此惡劣態度待人，此事件已不是第一次，之前亦係同一間店有類似經歷，貴公司請人標準有待考察！…查看更多

入座後掃碼點餐，上餐速度快，食物美味可口，分量可接受。可惜，餐廳安排客人就坐以便利服務員服務為本，明明當時餐廳另一部分是空的，但係仍然將所有客人安排在同一區域，令用餐過程十分迫挾，但價錢合理所以都值得快食。…查看更多

今日元旦2025年1月1日新一年第一個晚餐黎到寶琳沙嗲王，我地四個人叫左兩個二人餐食，不過如果直接有四人餐又幾好呢。每套二人餐都好多嘢食揀，有菜，有湯，更加有我最中意飲嘢酥皮湯。小食叫左雞翼仲有四隻，真係超抵食。越式春卷都正，如果生菜再多少少就好完美啦。主食最正最好食個人覺得係黃咖哩吉列魚柳蛋包飯。其次，我覺得係漢堡扒鐵扒飯，不過衣個我食左好多次，今次就試下白咖哩豬扒，牛肉粉絲，蟹王豆腐鍋飯。不過原來白咖哩喺未太辣，豬扒又多塊又好淋。蟹王豆腐都正呀，真係食得出有蟹王味唔係得個樣👍飲品我中意飲榴槤沙冰，我覺得有榴槤肉食幾好，啲冰又有榴槤味，好香。其他親友不愛吃就叫左芒果粒粒寒天波波，我見其他枱也多人飲。之後仲散叫左$18 (8粒) 燒賣當小食食下，雖然貴左少少，但好食。散叫左薯條，廿幾蚊大大碟好香脆，最後仲有甜品雪糕或心太軟或榴槤肉粒等等，我緊係食雪糕，出面買都唔平架。…查看更多

屋企人有幾年喺外國，無食過沙嗲王，今次返香港指名要食返呢個童年回憶。我哋3個人試咗幾款野:❤️必食白咖喱香茅豬扒飯: 同細個食嘅味道同份量一樣，都係有3塊大大舊嘅香茅豬扒，豬扒冧得來好有質感，白咖喱多汁，送飯一流😍另一必食沙嗲肥牛粉絲煲: 沙嗲王另一招牌之選，有濃濃嘅沙嗲，食完成碗都唔會覺得漏👍🏻小食方面就嗌咗海皇焗蟹蓋，XO醬炒蘿蔔糕，脆蝦棒。呢幾款都係經典小食，全部都冇令人失望佢都仲有推出好多新款式，期待下次再encore…查看更多

沙嗲王真係可以話係姊青年時代既飯堂，以前觀塘有一間好大間以海盜主題既沙嗲王，成日都去食。去沙嗲王一定要嗌白咖喱豬扒飯，我諗人人都明白，到而家食返都好好食，同以前既味道一樣，豬扒仍然有香茅味。而家沙嗲王多左好多唔同小食，以前就最鐘意食脆蝦棒，今次試牛油雞翼、炸饅頭 & 印度薄餅咖喱， 印度薄餅就唔建議大家嗌啦😂 📍沙嗲王 (新都城中心二期) (將軍澳)將軍澳寶琳欣景路8號新都城中心二期2樓2001-02&2087A號舖…查看更多

星期日兩個人5點左右去到食個飯，一人一人個餐加碟菜，等左十分鐘左右就上齊。味道和細個食嗰陣差唔多都保留到合格水準。先講食物質素後提及服務態度蟹黃豆腐飯其實都好食，和十年前味道幾乎一 樣，份量都好夠蔥油雞扒蛋飯就比較一般，和其他茶餐廳味道差不多，不過不失炒菜反而幾好，有d鍋氣但就細碟d。餐廳也有提供自助水吧，方便食客自己浸水飲大約食左50分鐘，未到6點鐘，餐廳開始滿座。其中一個員工走過黎和我嘅講食夠90分鐘就要交枱，我即刻反映要求佢檢查清楚先，因為根據我哋張單係唔夠60分鐘。然後再等多10分鐘左右，另一員工過黎重覆我哋食超過90分鐘，我又重覆講多次未夠60分鐘和埋拎埋張入座收據（電子單有寫入座時間）。今時今日政府仲講要推動「好客之道運動」，本地客食都唔開心，何況係遊客？ 原本限時食飯都算，今次仲要係未食夠鐘就已經催人交枱。0分服務係俾嗰兩個催枱員工！…查看更多

今日又心思思掛住沙嗲王,所以趁唔係好夜,就早D去食,點知都等左一段時間~龍蝦湯第一次叫,估唔到係咁好飲架!!~食極唔停芝士條真係次次都必叫~蒜香牛油烤餅好香蒜蓉味,正阿!!~印度薄餅配黃咖哩汁印度薄餅好香好好食,配埋黃咖哩汁好夾,一D都唔辣架~泰好味之叉燒豬頸肉配泰式汁 (半份)哩個豬頸肉d肉好夠淋,配埋泰式汁酸酸地幾好食!~蟹粉豆腐鍋飯唔怪得係皇牌,真係好好食!!…查看更多

今日一個人食飯，唔知食咩好，行行吓見到沙嗲王，就決定入去啦叫左d吸引我嘅食物~食極唔停芝士條真係食晒都覺得唔夠喉🤣～沙嗲牛肩胛烏冬沙嗲湯底濃郁，烏冬彈牙～蒜蓉牛油雞翼即叫即炸，所以等得最耐，但係值得嘅…查看更多

今晚隨便去咗沙嗲王食晚飯，去到見到有個二人餐，都幾抵， $268，有兩個前菜、一個小食、兩個主菜、兩杯嘢飲同兩杯雪糕，而且啲選擇都唔係hea，小食嘅有蒜蓉牛油雞翼或者炸雞嗰啲揀，加多少少錢仲可以要XO醬蘿蔔糕或者炸軟殼蟹，而主菜嘅選擇仲有沙嗲王嘅必食三巨頭，分別係白咖喱豬扒飯、蟹粉豆腐鍋飯同埋沙嗲牛肩胛粉絲，其實好吸引，不過因為驚太多，最終都係叫返單點，每一次去都會想試新嘢，但最後每一次去都係揀返白咖喱豬扒，今次都唔例外，不過見到個滑嘟嘟炒蛋黃咖喱厚切吉列豬扒飯，個樣都好吸引，掙扎咗好耐，最後見到原來可以加錢轉白咖喱汁，why not both，所以最後叫咗滑嘟嘟炒蛋白咖喱厚切吉列豬扒飯，另外加多個沙嗲牛肩胛粉絲，個牛肩胛粉絲仲升級咗雙份牛肩胛，當然白咖喱同個沙嗲一如既往冇得輸，想講嘅係個厚切吉列豬扒真係堅厚切，比起原本嘅香茅豬扒更厚，但食落去比起更加薄嘅香茅豬扒更加腍，但係腍得嚟啲肉唔會散，又唔似係鬆肉粉，個吉列炸漿又做得厚薄適中，吉列係需要比較厚先至會夠鬆化，但過厚又會變得硬脆，但佢個炸漿做得啱啱好，而且淋咗白咖喱汁隔咗一陣都唔會令到個吉列變腍，雖然肉味唔夠香，但係成個吉列豬扒可以做到咁厚切又咁腍，而吉列又鬆脆，真正嘅外脆內軟，至於個炒蛋就熟咗少少，但係都唔差，白咖喱配埋呢個吉列豬扒，下次唔使再諗香茅豬扒，至於個沙嗲牛肩胛粉絲，沙嗲有水準，佢唔係花生味好香好濃，但係以湯粉絲個濃度嚟講就啱啱好，粉絲一開始嚟到嘅時候唔係好掛湯，但慢慢粉絲會吸收咗啲湯，食嘅時候粉絲唔單止冇漲，仲做到可以掛湯，連帶啲沙嗲汁一齊食，好正，當然啲牛肩胛唔係咩頂級牛肩胛，牛味唔濃，但比起普通肥牛好，唔會碎濕濕，亦唔會有一大嚿肥膏黐住晒，同沙嗲相比完全變咗配角，雙倍份量就純粹滿足食慾，一直以來，你唔會對沙嗲王好有期望，覺得會食到啲咩山珍海錯，每一次去親都一定係叫白咖喱，呢幾年沙嗲王嘅分店少咗，但係覺得佢質素反而好咗，多咗好多新嘢食，雖然最後都只會揀白咖喱，但係一直都好想有機會試吓其他嘢，希望下次會試一試其他新嘢。…查看更多

見朝頭早多咗啲時間諗住食個早餐，行咗一個圈都唔知食咩好最後就入咗沙嗲王。沙嗲王同以前唔同咗，入到去同而家好多餐廳一樣都可以QR自己掃code。個人嚟講我覺得咁樣比較方便，唔使成日等店員 。另外而家做埋會員再送埋幾蚊現金券俾你。早餐同一般茶記差唔多，都係通粉米線，再加個麵包。早餐嚟講，我覺得叫做都幾平30零$40有一個早餐套餐。而且選擇都叫做幾多。環境嚟講，座位同埋地方都叫做比較多比較大同埋比較舒服嘅，唔會坐埋好似好迫咁咁樣 。…查看更多