沙嗲王

我們一行11人 ( 10 位大人1位小朋友 )，一起到佐敦恆豐中心 <沙嗲王>！ 當中包括剛新婚的朋友、好幾位姊妹、新婚朋友的妹妹及姨甥女！熱鬧非常！先到先取枱，由於，未夠 7:00pm ，就算要一張可容納11人的長枱亦無須等位。這間 <沙嗲王> 一入門口，先見到 A 貨奧巴馬公仔，有7成似的！ 既有趣又驚喜！這裡真是很大！店內有多張大枱！四周還有頗為醜陋的海盜公仔，令同枱小朋友大叫驚驚！如果要落單、叫店員...，只需按枱上那個電子儀器，方便又高科技！ 我記得 <沙嗲王> 好幾年前已引入這小儀器！個人頗為欣賞！11人到齊，看看餐牌，食物款式算多！而且，價錢平宜！ 幾十 $ 已有餐！相當抵食！日式蛋包飯 $45 蛋包飯淋上茄汁，始終是最完美配搭！ 簡單以雜豆、蕃茄、西蘭花作點綴；炒蛋薄而滑，略帶有些少蛋汁，炒飯份量認真多，十分慷慨！朋友說這是既美味又穩陣的選擇！鮮茄焗餃子 (餐) $48人工化的味道！加上不少茄膏！不太討好！ 酸度頗高！烚過的餃子再拿去焗，餃子皮腍得沒有口感可言！ 餡料是椰菜及豬肉，一食之下是雪藏貨色！質素一般！ 小食拼盤 ( 跟鮮茄焗餃子餐送 )用來作中華沙律的海帶食起來有嚼勁！而且份量的確不少！味道調教得恰到好處！豆腐滑溜而入口即溶！ 麻醬增添甜香味！ 炸三文魚卷實在太熱氣，所以無食。煙肉蘑菇忌廉意粉 (餐) $47意粉是軟硬適中！煙肉及蘑菇份量算多，充滿菌香！ 味道頗為濃郁！忌廉汁可算不少！ 以這價錢來說，已經令人滿意及收貨！白咖哩豬扒 配油酥餅 $54白咖哩汁不覺得辣！反而幾惹味！ 豬扒香煎！甘香鬆脆！加上香茅等配料，令香味提升不少！油酥餅每人撕下一小片，實在滋味！雖然味道上很香，質感卻不夠酥，頗為軟熟，無論淨食抑或伴上白咖哩汁，亦是來得不俗！沙嗲牛肉米線 $40沙嗲牛肉肉質鬆軟，十分惹味！ 湯底香濃美味帶椰香！芝士海鮮焗飯 (餐) $68總算足料的海鮮飯，包括：魷魚、蝦、魚柳...等。小朋友說好味！不過份量太多，只食了一大半！蟹肉扒西蘭花 $38西蘭花很清爽！味道淡應是調味不足！蒜蓉牛油雞翼 $59無疑是充滿蒜徇，很是吸引！ 因炸得太久稍乾一點！而且炸粉較厚！ 肉質也缺乏彈性！普普通通！避風塘軟殼蟹 ( 12 件) $88熱辣辣！香氣四溢！外層炸至金黃鬆脆很可口！ 一咬開，蟹肉軟綿綿！ 完全符合外脆內軟！忌廉湯質感濃稠，味道一般！ 熱檸檬茶紅茶的清香配合檸檬的獨特酸味！兩者互相輝映！有幫助消滯解膩！青檸金梅蜜 +$12.5外型好像花瓶很大瓶！ 味道卻比預期淡！珍珠奶茶 +$4珍珠帶點煙韌！奶茶入口香滑！至於，甜度是剛好！草莓沙冰 +$13以透明玻璃杯送上，看來好似奶昔！顏色鮮艷！賣相不俗！士多啤梨汁味道濃郁！幾甜！口感冰涼！這餐晚飯很是經濟！質素卻是一般！…查看更多

如果想食一餐香脆可口的晚餐, 我第一時間諗到「沙爹王」~果度差不多每一款小食都煎炸過的, 最o岩我口味!!今晚一行4人去左佐敦分店, 比荃灣果間闊落~4人卡位好好坐, 一d都唔迫因為我果幾位朋友仔都唔大食, 所以今次只叫左6樣野~1) 雞扒熟蛋飯 -- 雞扒係炸過的, 好香口, 我覺得如果係滑蛋會更正!!2) 印度薄餅(配咖喱汁) -- very good! 咖喱汁好香好濃, 微辣, 不過要趁熱食, 凍左會硬好多3) 北海道芝心餅 -- 口感有d似炸年糕, 煙煙韌韌, 幾得意! 頗有芝士味, 值得一試啊~4) 蒜茸牛油雞翼 -- 每次""必食"", 非常濃郁的蒜茸牛油香, 真係一試難忘架!! PS:怕口氣者咪食5) 東京吉列蝦餅 -- 每一塊都真材實料, 好好味! 好彈牙!6) 椒鹽脆豆腐 -- 外面脆脆地, 入面非常滑! 豆腐本身冇咩味, 不過醮埋甜鼓油, 好match~總括黎講, 是日晚餐好滿足, 份量剛剛好,可能我比較大食, 如果同老公一齊去, 一定唔止叫咁少食物啊~嘻…查看更多

約了九姑婆出來吃飯，九姑婆話去這兒吃，所以我們便到這兒吃。我叫了：清湯雞扒湯粉絲－不錯，雞扒好滑，好好味，正！媽媽叫了：芒果蝦沙律－不錯，好正，好大隻蝦！三姨叫了：鮑汁什菌豆腐鍋－不錯，ｄ冬菇好好味！九姑婆叫了：脆雞洋蔥蛋石頭鍋飯－好好味，ｄ脆雞好滑，而飯亦好好味！我亦叫多一個：芝焗一口貝－好正，Ｄ芝士好香！服務態度不錯，我下次會再來！…查看更多

約了舊同學吃飯，選了以前最喜歡吃的沙嗲王，佐敦地鐵站一出便是。正午一時也不用等位，被安排坐在比較安靜的內房，很好第一道來的是薄餅，熱辣辣的充滿牛油香，配上少辣咖哩汁，好吃。份量也不少，兩人分吃每人吃到一塊半。附飲品一杯。朋友點的先到，看上去足料，沙嗲味香濃，朋友吃得滿意附飲品一杯。難得來當然要嘗新，等一段時間不過當滾熱辣上枱時，證明等待是值得的，夠熱的話難食極也有限。有大量豆腐和菇，鮑汁十分惹味，下飯一流，適合冬天吃不過沒有肉真的不夠喉，最愛的還是白咖哩豬扒飯飯量很多，我這個大胃王也差點吃不完沙嗲王是用按鍵方法叫侍應，方便快捷，不過結賬速度有點慢。原本連加一$102，不過每次吃也會有coupons，用之前的只要$79，很抵…查看更多

其實本人諗標題的能力是極度差的下次索性改第幾篇算啦哈哈哈不過今次呢，真係想講食左咁多次沙嗲王，佢的芝士真係讓人念念不忘，雖然唔係話名貴啊上等啊等等，但戈陣芝士味真係令人食過翻尋味一早約好今日同友人去沙嗲王大吃一頓，預先諗定食咩好食咩好初頭講到天花龍鳳，叫十幾樣咁，但兩個胃，多極有限佐敦舖都唔係第一次光顧，不過係頭一次同呢位友人來，六點度，唔洗等位，兩個人當然想坐卡位，淨返一張未執的，侍應見到我們呆呆地企係度都主動幫我地執完野比我地入座。坐低左之後，就係諗食咩喇，拎支筆圈起佢，廢事自己善忘一雞扒熟蛋飯配熱朱古力，一白咖哩豬扒飯配芒果紅茶，一奶油津白，一芝士焗餃子，一脆蝦棒，一粒粒墨魚餅，一椒鹽雞軟骨。好多野食啊先來既係野飲，熱朱古力係友人既，話似美祿，同埋粉味我的芒果紅茶就不過不失啦，不過質素唔係次次一樣，有時太甜，有時冇味再來係芝士焗餃子，其實本人醉心芝士焗年糕多點，但怕漏，友人又喜歡吃呢個，於是就點呢個。餃子餡料如果有點菜就會更加健康啦。（芝士好吃）本人對雞軟骨其實冇咩特別感覺，不過呢個我覺得肥左點咬落去有點似食緊肥豬肉咁一貫的好吃同埋感覺健康多的友人點的，我冇吃後尾友人都清晒，應該不錯吧？只能說一句唔值囉其實又真係唔係話好好味，普通味都係冇咩特別感覺平時叫走蔥都有好多次唔會走，但都唔會特別追究，今次本身又係黎左個冇走蔥的，但佢擺低埋小食，後尾我地同佢講我地唔係叫套餐的，佢睇左張單，又睇到我叫左走蔥，主動幫我換過碟服務良好其實就個人而言，好多野食拍埋落白咖哩同埋芝士度，就顯得失色好多，哈哈容許我寫呢個咁偏心既食評吧因為野食太多，兩個人都要食左好耐先食得晒（不浪費嘛）今次真是大滿足了走時擺低三十元現金券同埋二百四十個大洋，平均都係百幾蚊一個人，但試到咁多野食，好抵失去三十元現金券，又拎返二十四元現金券.....姐係迫我下次又再黎食過姐…查看更多

同朋友去食沙嗲王，之前食了幾次，食物好惹味。今次le間有”自選一餐” (時有時無，可能間間不同，或者無俾牌)叫了2個餐，再散叫其他。蜆炒得很惹味，但食多幾啖，覺得肉質不太新鮮，好”林”，不太有彈性。百香果玉露$19有橄粒、jerry，好好咬。一邊飲一邊咬，幾得意。娘惹咖哩牛肉飯$36，必吃~! 牛肉嫩滑，咖哩味濃烈，好好味~!雞軟骨好好咬。加多d鹽會更好。軟殼蟹加醬汁食很不錯~!套餐:白咖哩豬扖飯$56，也是必吃~! ^0^白咖哩好香濃!食到好飽~^ ^…查看更多

幾個月無幫襯沙嗲王了，原來轉了餐牌，晚餐的小食是指定的，不再是六選一。由於小食不對口味，改了散叫。之前對沙嗲王的印象很好，食物質素和服務也不錯，但今天卻失望而回。沙嗲肥牛金邊粉仍然KEEP到水準，好味炒聖子只有雪味，沒有任何應有的鮮味，肉還肉，殼還殼，懷疑用雪藏聖子肉，殼翻用印度薄餅好厚身，酥皮完全分離大蝦沙律菜不爽、蝦腸有沙蟹粉豆付煲職員無提我哋要不停攪下佢，痴底，味道尚算不錯青蘋果綠茶糖水係曬底，又有舊啫喱頂住，攪唔到，飲頭幾啖都係糖水，之後杯嘢變咗無味…查看更多

[b]沙嗲王.......永遠是最好的 !! 晚市一個套餐.....$50~$60...包一杯飲品...一個小食...同雪糕(牛奶公司細杯)....飽曬 豬軟骨拉面....唔似正中日本拉面.......勝在大碗 !! 以前小食有得4選1...而家只得一種就是炸蝦...另外叫了石頭窩飯....黎時熱騰騰...似足正宗的韓國石頭窩飯啊!另外叫了韓國炒年糕...嘩...好辣呀...但咁貴...份量小了點..…查看更多

又到沙嗲王用餐，不過這次是獨吃，經濟實惠點就叫了個大鹵肉飯和印度薄餅。大鹵肉飯的份量相當的大，單單一個餐已吃得我撐大個肚子，而薄餅只吃了幾口便吃不下，只好兜著走。且看白飯好大好大碗，對胃口不大的我而言，根本就吃不完，真浪費，一想起非洲兒童沒飯吃，而我則在浪費食物，簡直有種罪惡感。如果餐廳可以讓食量大的客人選擇大碗飯，而飯量小的客人選擇小碗飯，那就不會太浪費了。大碗飯吃不完，但大鹵肉卻一掃而光，大塊大塊鹵肉，大口大口地咀嚼，肥瘦適中，可惜最好吃的豬皮卻被廚師棄用，如果大鹵肉可以像東坡肉一樣，連著豬皮，然後用鹵水汶到入口即溶，那就更好吃了。豪爽的東北人說“大口大口喝酒，大口大口吃肉”，今晚的我可謂吃得夠豪放的。…查看更多

如今百物騰貴，到處大唱“漲價潮”，咁就苦佐我類尋常百姓家，去街市買餸，咩嘢菜都加價，肉類同海鮮更是大幅漲價。去餐廳食嘢，餐廳一樣有壓力，來貨貴，租金升，通帳一樣令餐廳老闆透不過氣來，惟有轉嫁俾食客，孰不見餐廳嘅餐牌全部不約而同全部漲價？始終“通帳猛於虎”，我等只好“自求多福”。但“民以食為天”，“身體是革命的本錢”，營養要跟上。餐廳環境衛生和食物一樣不能太委屈自己，慳家嘅食法至好就係揀經濟實惠嘅套餐。套餐固然合算，但太死板，受太多限制。如果想多品嘗幾樣品種，又不想食單調枯燥嘅套餐，一樣可以找到慳家嘅食法，咁就係兩三個朋友一起用餐，可以揀多啲菜款，AA制後就好抵食啦。仲有更著數嘅係沙嗲王食完之後有10%嘅現金代用券送，下次用餐又可以慳錢，耶！耶！！和朋友去了沙嗲王用晚餐，兩個人的食量都不大。XO醬海鮮炒飯------飯粒硬軟適中，有蝦、帶子、魷魚和蟹肉，加埋XO醬炒，少少的辣味同海鮮嘅鮮味相得益彰，我好中意份炒飯！蟹肉炒西蘭花-------好多蟹肉哦，蛋白又滑，嘻嘻，連汁都撈埋！脆蝦棒-------都唔錯，但我唔敢多食，怕熱氣，近排長太多豆豆，激氣！嗚！嗚嗚！！呢餐也算係慳錢有道，哈哈哈！！！…查看更多

今日一行4人去左佐敦決定喺附近搵野食, 好快就唸起沙嗲王, 因為地鐵站一出就係啦, 非常方便, 其實呢到既午餐都好抵, $40up就有個飯/麵, 小食, 飲品同甜品, 呢到最出名既係白咖喱豬扒飯, 咁岩午餐又有, 就要左個白咖喱豬扒飯,脆蝦棒, 蒜蓉包, 清湯豚肉粉絲, 白汁海鮮意粉, 炸蝦餅, 柑桔檸檬特飲白咖喱豬扒飯 - 3件豬扒, 大量白咖喱, 一碟白飯, 份量都算多, 白咖喱唔辣, 豬扒好淋幾好味清湯豚肉粉絲 - 清湯真係好清既湯底, 豚肉好似肥牛咁, 只係變左做豬肉啫, 味道一般白汁海鮮意粉 - 第一次黎沙嗲王食意粉, 味道一般, 白汁要熱食, 凍左會痴埋一舊炸蝦餅 - 蝦餅尚算ok脆蝦棒 - 跟餐小食有4條, 份算都算多, 味道一般, 碟邊沙律少得滯蒜蓉包 - 蒜蓉味都好重, 包身軟熟柑桔檸檬特飲 - 呢杯特飲倒出黎可以有2杯份量, 除左有柑桔同檸檬味外, 仲有話梅既咸味, 入口感覺特別, 並不難飲…查看更多

在我未開始寫食評之前, 沙爹王是我常去的餐廳之一. 主要是因為每次食完, 都有返張贈劵, 俾你於限期內再去食, 再有折. 而且食物味道香口, 餐廳主題又令人非常之開心. 所以, 差不多隔兩、三個月, 就會幫襯一次. 後來, 熱情過了, 吃也吃厭了. 數數手指, 也足足有四年沒有來過. 這一次選擇呢一度, 第一, 因為是姐生日, 第二, 我有張潮州商會的$200贈劵, 第三, 的確是太耐冇黎, 大家都想試一下, 現在的沙爹王變成了什麼樣子, 仲好唔好食. 而這次帶了BB一起出門, 故選擇了近地鐵站, 而人流較少的佐敦店. 後來, 發覺我的決定是錯誤的, 商場人流少是好, 餐廳地方大也是好. 不過恆豐中心呢一個舊商場, 沒有升降機, 而沙爹王又在商場的最底層, 除非你搭地鐵, 從地面, 要把BB跟其座駕, 搬到低層, 非常之辛苦. 就算出入地鐵站, 也要爬十幾級樓梯...真不方便.安排了我們一張大長檯, 連BB, 10個人, 可以排掛坐. 佐敦店地方又寬闊, 坐, 的確坐得非常舒服. 可能是本身的人流不多, 他們可以讓我們慢慢等人, 慢慢聊天, 慢慢的逗BB玩, 完全不急於要我們落單點菜. 到我們ready時, 按一下檯上的挈, 不一會就有店員過來, 為我們服務. 因為太太食素, 點都要問長問短, 首要是安排好她的食物, 我們才能安心的繼續點菜. 可是, 點了所有的芝士菜式, 廚房連忙order返個哥仔出來, 說製作芝士時, 已把火腿肉混了進去. 問了上湯時菜, 又說湯底是雞湯......最後只能叫一個奶油津白俾太太食. 再加一碗白飯, 同一份印度薄餅.先評一評奶油津白, 就是簡單的灼黃芽白. 尚有少少鹽味來帶一帶個味. 清清的清菜, 有汁有味. 冇野啱齋妹食啊, 這是沒辦法中既辦法. 來沙爹王, 食的絕對不是沙爹. 我們主要來食他們的炸點小食同馳名的白咖喱飯. 味道, 是南洋眾國家的地道風味. 不過, 是經過modify的. 小食類: 越南豬肉粉卷, 有少少像廣東式的雞絲粉卷, 不過是乾吃, 不用豉油. 那粉卷皮, 比較煙韌, 裡面的豬肉, 夾雜了一些香口的菜. 雖是蒸點, 但也非常之香口. 再者, 面頭的一小綴肉鬆, 令本身已經香口的粉卷, 更加之香甜可口. 深海棉花魷魚, 多年前來的時候, menu上是沒有呢一味東東的. 新產品, 魷魚又一向被鎖定是香口之物. 所以一早已列入我們的大order之中. 這個炸魷魚, 一夾起, 未放入口, 已經感覺到此物, 的確如棉花的棉. 味道香口, 但魷魚味不重. 做法應該是溝粉做, 所以, 魷魚既成份, 應該不太高. 這東西, 以味道香同夠腍搭夠. 椒鹽雞軟骨, 以前每次來, 都會選擇上的. 貪佢香口, 有雞味, 而中間又有粒軟骨仔咬咬下. 炸完, 再用椒鹽爆一爆的. 雖然好熱氣, 但味道香, 味道濃, 始終是吸引的. 脆蝦棒, 也是以前常來時, 必點之物. 不過, 這個脆蝦棒, 感覺他們做得有點失手了. 名字是脆, 但一咬, 竟然不脆. 像極一條炸起好耐, 餡料出水搞到個皮腍返既春卷一般. 雖然有好香既蝦味, 但冠了名是脆, 來到不脆, 就有點貨不對板了. 主食類: 是次沒有叫我們常吃的芒果炒飯. 只食其馳名的白咖喱. 亦試一下他們的"新野". 首先出場的主食, 是娘惹咖喱牛肉飯. 一聽名字, 充滿了馬來西亞的風味. 雖同樣是咖喱, 但一看色水同散發出來的香味, 就分別出這是南洋人做咖喱的手法. 因為始終都帶一點椰子香. 而這娘惹菜,味道較辣. 不過重洋蔥味, 重花生的, 重香料味, 令到商咖喱非常之香. 如果不是太辣, 這咖喱會好似白咖喱一般, 閃電地被我爸同姨丈兩個飯人清場. 白咖喱豬扒飯, 說起來, 這是沙爹王的招牌野食. 那道白咖喱, 味道香, 帶著甜椰椰的椰子香同花生香, 而且唔辣. 豬扒足件. 炸得又香又腍, 易入口, 而白咖喱汁, 撈飯食, 直頭會令人想食多幾碗飯. 白咖喱炸魚飯, 味道一樣, 但換成了炸魚. 口感不同, 但炸魚的味道, 是更加的香口, 更加的熱氣. 不過魚肉就欠了點鮮味. 欠了點肉味. 汁好, 但比起豬扒來, 就差勁了一點. 南洋味當中, 也加入了南亞的食品, 食咖喱, 除了送飯, 又點少得印度薄餅呢. 這薄餅, 的確有印度的風味. 煙韌香口. 充滿了奶油味道, 帶有酥油香. 用來點咖喱食, 比起撈飯, 更加能帶出咖喱的濃郁芳香味道.味道還算是保持得到, 但服務上, 全靠檯上的按鈕...有時揮手, 揮到手軟也沒人來, 而且又唔係客多. 最懊惱的, 是準備上我們的蛋糕時, 叫了人來收檯, 收了一半, 之後那人就再沒有有跟進了. 要再按鈕, 才有人再來, 收拾手尾.味道尚可的一夜, 最可惜的, 是沒有東西啱老婆食.........而且, 服務...他們太過依賴那個破按鈕了........我們還是喜歡傳統的, 手揮人來.…查看更多

若不是上開飯網找到恆豐地庫的沙嗲王, 基本上我已忘記了多年前曾光顧過此店, 當年要花不少時間等位, 還未有馬車及海盗的鬼馬裝修.當晚九時半到, 還要等了五分鐘, 二人才被安排坐於馬車上. 日式蟹粉豆腐鍋 ($38)賣相雖不及菜單相片吸引, 但熱騰騰的蒸氣不斷從鍋中散發出來, 使我拍照時變得朦朧, 不能清楚地對焦. 若寒冬品嚐更加合適, 蟹粉已混入豆腐中, 只見到金黄色的獻汁及嗅到蟹粉的香味. 白咖喱豬扒飯 ($38)還記得認識沙嗲王便必選此飯, 香囗的豬扒亦有三件, 也許我愛吃香滑清淡的白咖喱汁撈飯, 多過辣味濃郁的黃咖喱, 帶有點香葇味, 水準穩定. 飯後送上簿荷糖, 以保持口氣清新, 我寫下建議作支持, 還有優惠卷留待下次使用. 多年來沙嗲王提供經濟的菜式, 雖有加一收費, 也值得繼續支持. …查看更多

點解平時諗唔到食咩就會去沙嗲王???因為貪佢次次食完用完優惠卷都再送優惠卷佢好似一至兩個月就到期..次次都有$10回饋xdd所以差不多到期前就會來一次~ e間比tst個間小人*好多時都唔洗等位服務ok!!!應該人手比較多而且有得坐個架船really good2個人撐台腳ma通常都係食白咖哩豬扒飯再叫多個餱or小食* 甜品今次就叫多個上次好鐘意食既豆腐!!!用來lo飯好好味~~而且仲好夠熱,,,好似用左好多料去整咁…查看更多

每年的聖誕小妹總愛找來摯親好友一同吃餐飯，歡渡聖誕。早在11月我已向2位友人詢問時間，日期和地點，但到最後當然是未得出結論，結果在放假後幾天友人突然提出想吃沙嗲王，又突然話29號晚上有空可以一起外出玩樂，當然一口答應啦。所以話有時一早定落的計劃反而不及突如其來的構想好就這樣往尖沙咀方向走去，點知我們又走錯方向，走了過來佐敦，但大家都意在吃沙嗲王，到哪裡吃也不成問題，反而更好因為大家都已經肚餓了以往沒機會光顧，一直被沙嗲王的海盜公仔吸引，很想知入面是怎樣一回事，現在終能入內一嚐究竟，我當然要打醒十二分精神，試真Ｄ有幾好食！走入這個神秘的地域，發現入面原來都幾大，侍應帶著我們走到好入好入，像是無盡頭，最後我們都帶到一個角落，非常不錯，周圍沒有其他人的吵鬧聲不會被人騷擾，靜靜的能安心聊天！剛坐下時小妹我喜歡仔細興意餐廳的報置，這裡的海盜公仔少不了，特別就特別在每個公仔的神態不同，令我真是有點置身在海盜船上的感覺，而店亦刻意只用彩色的裝飾燈，聖誕氣氛相當濃厚，如果有播放聖誕歌就更好了就在我四處張望的時候，友人就已經盯著桌上的餐牌兼墊枱紙，上面有極~~多款菜式可以選擇，衹是飯和小食的選擇已多到令我們三人很煩惱，全部都想吃但就是不能像牛般有四個胃友人雖然不時向我們推薦，但我和另一友人都想試下新野，所以就一起對著餐牌「搵食」。最後我們在左思右想的情況下要了燒汁饅魚石頭鍋飯、避風塘炒軟殼蟹(標准)、炸蝦卷和友人向我們極力推薦芒果蟹肉蛋白炒飯。這裡點餐得簡單，在決定好吃什麼後在餐牌座上的按扭按下"點菜"，然有就有服務員過來了，不需像在茶餐廳那樣叫天不應叫地不聞。完全點菜後的工作就是等食！好了，終於到了食飯的時候了，第一個被送來的是避風塘炒軟殼蟹(標准)，比鐵板餐吃的size還要細小，可能是我對他標准size有太大的幻想，所以有點失望吧。不過不要緊啦，吃少點留起個肚在之後那些嘛！標准size的炸軟殼蟹有2隻，又被店家一分為二即總共4件。(若覺得不夠，還有加量和雙位的選擇)每件蟹都沾上了薄薄一層炸漿且炸得乾身，時間亦控制得很好不會過老，蟹肉不算多但頗滑，咬下燙嘴而且還有新鮮肉汁滲出，蟹件上還有適量的蟹膏，愛吃的人一定很滿意。而店家亦灑上大量的炸蒜粒，非常香，使整道菜變得成惹味！友人不斷以蒜粒來拌飯呢！(ps.友人推介用沙嗲汁拌飯：$10/碗)在差不多吃完後，石頭鍋飯就送來了！小妹遠遠的就被他的氣味吸引著，他用上大量冬菇，洋蔥，一條燒饅魚，一隻生雞蛋和少量芝麻碎、紫菜碎，令到這道菜式單是看就足以引死人！在友人的幫忙將他完全下搞拌後每人大概都能分到2-3碗，小妹能吃到非常多的冬菇(日式飯加冬菇有點怪，加上我有點懷疑以冬菇去佔位置)，冬菇煮得透徹軟熟，整個飯的香味主要來源應該是他，而饅魚亦煮得很軟，不知不覺就把他吃了，洋蔥絲則是頗辛辣，刺激著我的口腔，吃到近底時還可以吃到飯焦呢之前友人決定要這個還是另一款石頭飯，於是我問他有後悔嗎，他立即回答"沒有"，這個菜式的確很吸引我們呢另一道小吃：炸蝦卷又隨即送來了，真的不要被圖片騙到因為會很容易失望的！一碟有7條細小的蝦條，亦只有普通手指般粗幼，但細看其中他的蝦肉剔透，看得出真材實料，而且也不像某些餐廳做到死死實實，咬下相當鬆化，吃得到是新鮮即炸不是翻炸，非常好吃！而友人推薦的芒果蟹肉蛋白炒飯在最後亦送來喇。其賣相十分吸引，一大碟的金黃炒飯上鋪滿芒果粒，附有肉鬆和腰果，再加點蔥花作點綴，又一令人心動的菜式，而我認為他的精髓在於芒果和肉鬆！先說他的炒飯，炒得乾身，蛋和蔥的味道都很香，其實不怎樣吃到蟹肉因為切得碰和完全與飯混合，而他的腰果炒得剛剛好十分脆口，芒果就已經很熟很甜，故當所有料都搞拌一起吃時，那種好吃真的非筆墨能形容，為我帶來驚喜！我一定會將這個炒飯推薦給其他人！吃飯途中大家都點了一杯飲料，價錢圍繞$22-25左右，小妹點的是藍莓玉露，在杯底在一大舊jelly和藍莓醬，杯子裡也有許多椰果粒粒，這杯飲料的口感幾豐富，邊喝果汁邊能吃到jelly和椰果，幾特別，不過我覺得有點甜。而友人則點了榴槤飄香，但實際上不如其名字般有榴槤香，飲落榴槤味亦不重，中規中矩啦。另一友人點的仙草奶茶就較遜色，茶味很淡，而且仙草未切得開，一大片，吃得不怎方便，小妹覺得街頭的奶茶店的仙草奶茶會更好飲。我終於能夠一嘗心願到沙嗲王吃飯，這個在突然之間的決定沒有失望，反而令我很滿意！在我整體的印象裡這裡的質素很高，食物也很美味，亦是一個三五知己聊天的好地方！(呵呵呵)，我一定會帶我的老爸來吃的下次一定要試下他的印度薄餅和發掘其他好吃的菜式…查看更多