沖繩二段料理 (荷里活廣場)

营业中

休息中

今日約咗人三點半，三點鐘早到左，諗住有啲時間上去食啲嘢， 我知道半個鐘頭可能有啲急，不過食十分鐘我諗都夠食。點知我3點03分入單，到3點23分先至有嘢嚟，仲要係我催佢幾次佢先至有嘢嚟。佢個杯咖啡好似水，嗰啲烏冬好糊 中，嗰啲肉好鞋。完全唔明白點解會收咁貴，仲要成個場好多油煙味，葵湧廣場都可能好過佢。可能係我問題，我唔應該預半個鐘食，唔應該貪方便，唔應該見到佢個招牌同埋啲相就走入去，應該要做下功課先。我下次一定唔會，唔會係佢呢度食。

因為好想食佢個冬甩所以去咗呢間餐廳食lunch，叫咗自由配嗰個Set，佢都有幾多選擇，而我就揀咗以下呢個配搭: A. 櫻花蝦明太子蒸飯B. 黑糖檸檬雞C. 沖繩海鹽焦糖冬甩雪糕D. 凍咖啡(加HK$6)蒸飯啲飯偏淋，味道亦偏淡，本身以為明太子會好鹹。檸檬雞炸得幾脆，肉質都嫩滑同Juicy, 黑糖檸檬呢個配搭都幾新鮮，同份量都幾多。冬甩好出色，好有口感，又唔會太甜，配埋雪糕好夾。總結嚟講，甜品好食過主菜。主菜就不過不失，無咩特別。埋單我呢個餐要$104.5，性價比一般。而且杯咖啡都一般，唔太值得加錢，可以飲返其他免費跟餐嘅算。

去咗南蓮園池玩咗一日之後，影咗好多靚相，跟住就去荷裡活廣場，食返少少嘢補充體力。由於朝早已食了一個大早餐，所以實在食不下太多的東西，只想少少地食個下午茶，坐低飲下嘢食件蛋糕這樣。見到這間，早前看youtube的時候，看見有日本的youtuber介紹，佢哋啲冬甩非常好味。即刻入去試試。地方不大，雖然裝修有啲特別，但非常熱亦冇乜太多冷氣。見到他們店面，有不少冬甩，亦見youtuber介紹，所以我們都想試一試，可惜電話QR落單居然找不到冬甩選項，亦沒有任何下午茶或小點，或飲品之類可以選擇。只見到他們的二段料理。問待應他們說要找他們落單，全部都要問他們，非常麻煩。下單後他們又回來說，每人最低消費$80， 即係並不歡迎你入來食冬甩或者飲嘢，那為什麼一入店時，不說明最低消費？當時是大概近四點鐘我們叫了一個雙拼嘅冬甩連雪糕，另一個就係冬甩加雪榚，有麻糬煙韌嘅感覺，幾有趣嘅。亦有一塊類似朱古力的鬼面，打咭可愛，但我食唔落因為太硬亦冇乜味。飲品就係好普通嘅凍奶茶。見好多人食二段料理炸雞，可能真係無乜人好似我們這樣想要輕食。總括而言，一次經驗就夠，應該不會再回頭，因為服務質素，非常不好below aver

昨日我約左大學同學係大家返屋企既中轉站食飯，揀左依間沖繩料理。佢通常係一個飯配一個炸雞加甜品和飲品，百零蚊，算幾抵。我點左明太子烏冬，佢係撈既烏冬，好香濃既明太子，加上忌廉既烏冬，口感好滑。再配柚子醬炸雞，帶著柚子醬既炸雞酸酸甜甜，外脆肉唔鞋，一點都唔膩，唔錯！朋友既係壽喜燒牛肉湯烏冬，甜甜的壽喜燒烏冬最岩配牛肉，牛肉掛上壽喜燒汁更鮮甜。再配佢獨特既焦糖布甸炸雞，醮焦糖香加上微微既乳酸味布甸，每依度炸雞更帶多2份層次，減退炸雞既肥膩👍🏻今晚既重點黎勒！雪糕冬甩，佢依度既冬甩帶點煙靭、非常好口感，加上焦糖醬，超香！微熱既冬甩將冷凍既雪糕溶化，撈埋一齊食真係大好き🥰

芝士蕃茄炊飯+黑糖檸檬雞+沖繩海鹽焦糖冬甩雪糕+無糖烏龍茶: HK$105芝士和蕃茄是絕配的組合，尤其芝士熱融後變成拉絲芝士。就個人喜好來看，炊飯真的好吃。其次，甜的黑糖汁與炸雞一起吃，既甜又鹹的味道不錯。想轉換味道的話，可以加入檸檬汁。第三，冬甩既可以單純沾上海鹽焦糖醬汁吃，又可以與醬汁和雪糕一起吃。就個人角度來看，這是美味的甜品。如果想嘗試，可以於下午茶時段進食，會有一些較便宜價格的套餐。店舖收取10%的服務費。

食物好味多選擇，環境優美，已經唔係頭幾次食，可以話係老顧客最鐘意食佢地海鹽焦糖布甸炸雞加壽喜燒烏冬布甸口感絲滑，加上暖暖嘅烏冬加埋雪糕冬甩真係好甜，好好食，感覺幸福 附送嘅烏龍茶好清新個frd嘅明太子烏冬都幾特別

甜品才是重點的日本餐廳每個月至少吃一次但都是衝着甜品而去🍩沖繩海鹽焦糖冬甩這個甜品雖是隨餐附送但冬甩口感煙煙韌韌新鮮出爐的冬甩配上雲尼拿雪糕海鹽焦糖醬甜咸適中搭配起來非常融洽海鹽焦糖醬根本就是神來之筆把這甜品昇華到另一個層次總之超超超級好食十分推介因為太喜歡這個冬甩我幾乎每次都會加錢追加兩個冬甩👀大家留意👀外賣的冬甩因為不是即叫即造口感沒有那麼煙韌也沒有海鹽焦糖醬味道像普通麵包店的冬甩反觀，主食比較普通🐷大阪燒醬吉列豬扒吉列豬扒份量比較小勝在即叫即製上桌時很香脆搭配大阪燒醬味道不錯🍅蕃茄起司炊飯🧀️用新鮮蕃茄製成加上許多芝士每口飯都能做到芝士拉絲中意蕃茄和起司的朋友可以一試沖繩蒸飯🍚有香菇🍄甘筍🥕洋蔥🧅一起蒸味道清淡健康之選

沖繩二段定食 $79.0套餐定食人~鍋燒料理/烏冬/甜品/餐飲🟢蜜糖芥末黑椒雞，甜甜辣辣的，雞塊好juicy🟣配濃蕃茄湯烏冬+$19.0 大量蕃茄蓉，湯頭好清甜，配滑滑的烏冬， 超好味道🟠沖繩海鹽焦糖冬甩 海鹽焦糖醬冬甩配雲呢拿雪糕，鹹甜交雜，層次分明🥤配冰凍嘅烏龍茶，烏龍茶味香濃

今次嚟到鑽石山附近行咗成個荷里活廣場 覺得呢間餐廳嘅餐牌都幾特別 所以就試一試😍沖繩蒸飯連埋菇/甘筍/洋蔥一齊蒸 味道清淡 健康嘅選擇😂黑糖檸檬醬油豚肉蒸飯其實唔太食得出檸檬味 味道一般芝士蕃茄雞蕃茄芝士呢個配搭本人大愛 係拉到絲既芝士😋😋加埋炒洋蔥 令整個味道酸酸甜甜 好開胃撈飯一流南蠻雞炸雞件加上酸酸沙律醬幾開胃 上枱熱辣辣同脆 沖繩海鹽焦糖冬甩呢個甜品隨餐附送 冬甩口感軟糯 熱冬甩配雲尼拿味雪糕 好好食👍🏻👍🏻👍🏻 十分推介整體嚟講地理位置方便，性價比高套餐包埋甜品飲品都係$130內 個人認為幾抵食👍🏻👍🏻👍🏻

每次黎呢間重點一定係個甜品海鹽焦糖波提DonutQR code 落單，同時有實體menu 睇，幾好今次食$79（另加一） 自由組合除左蒸飯，有得揀期間限定 蟹湯炊飯，濕濕地，有D芝士，唔錯。 料理揀左海鹽焦糖布甸雞，試下新奇野好味wor，炸雞一向好味，個布甸好似乳酪酸酸甜甜，同個炸雞一齊食，一凍一熱咁正食完正餐，店員就會問可以上甜品未甜品海鹽焦糖配個雪糕好味，配donut 又好味，雪糕同熱donut一齊食都係冰火咁， 完美句號～

經濟實惠之選😚1. 天婦羅拼盤. 明太子烏冬鍋燒定食 $119 拼盤包括蜜糖芥末炸雞🍗，野菜🥬天婦羅，🌸櫻花蝦蝦片🦐及蜜糖芥末雞軟骨餃子🥟～配菜豐富，雖然餃子比較麻麻地，但滿滿嘅明太子令烏冬充滿明太子味，帶有微辣能夠刺激到食慾😋2. 雜炊牛肉鍋燒定食 $149揀左柚子壽喜燒湯底，清新嘅柚子味減少整個湯底嘅油膩感，而且配上肥牛感覺好fresh~ 最後加埋D芝士落個烏冬度係超正！ 3. 沖繩海鹽焦糖冬甩雪糕 以上定食都會送一客沖繩海鹽焦糖冬甩雪糕🥯🍦雖然可以加錢轉其他口味，但其實呢個味已經好好食！冬甩口感煙韌，海鹽焦糖醬咸味適中，相對其他焦糖醬唔會太甜，配搭雪糕及海鹽焦糖醬完全將味道昇華到另一個層次！根本打從心底就係為左沖繩海鹽焦糖冬甩雪糕而黎😆 呢個先係成個餐嘅重點呀！

未去過沖繩，亦未食過沖繩料理。吸引我入去試試既係包點櫃中既冬甩，造型實在太攪笑，太吸引。餐廳採取開放式設計，有不同既沖繩特色擺設同裝飾。打開餐牌，發現有好多不同既組合，有選擇困難既我又要經過一輪爭札先可以點餐。最終選擇左2人前套餐： 有天婦羅拼盤，大蝦明太子烏冬，牛肉壽喜燒雜炊鍋，沖繩海鹽焦糖朱古力冬甩 加餐飲 x2。拼盤中既蜜糖芥末炸雞甜甜地好惹味；櫻花蝦蝦片脆卜卜都好好味😋；烏冬有少少辣但唔食得辣既人都食到。最特別係個牛肉壽喜燒雜炊鍋，先加牛肉享用火鍋，之後再加其他配料，最後倒埋個飯落去就變成左湯飯。飯粒吸收晒湯底既精華，所以食落啖啖都好惹味，口感豐富。最後食埋今餐既主角-沖繩海鹽焦糖朱古力冬甩，趣怪既造型令人唔忍心一口食佢落肚。焦糖加朱古力醬再配香草雪糕，絕對每啖都超級邪惡但又超級好味😋😋😋。冬甩幫呢餐飯畫上完美句號！

上網見到呢間好似唔錯 但每次都無心機等位🥲上網search 發現原來可以遙距取飛!!! 超級方便!!! 所以就決定咗食呢間 重撘緊車嗰時攞定飛 慳返唔少時間👍🏻👍🏻試咗個望落最特別嘅沖繩海鹽焦糖布甸雞 有擔心過唔夾但出奇地好味！布甸就咁食都好味 但加埋炸雞就好特別好好味👍🏻👍🏻而個飯就無乜特別 普普通通正正常常咁佢送嘅甜品都好好味 冬甩非常煙靭 同雪糕好夾 令我一度懷疑佢係被主食耽誤嘅甜品店😂😂下次去會試下其他飯🙈

未曾去過沖繩觀光的，不如先到沖繩過江龍《Antoshimo Cafe & Bakery》吧！他們家的海鹽焦糖雪糕冬甩可是掀起過一陣熱潮呢～愛吃甜點的，絕不能錯過喔！.🧡沖繩海鹽焦糖布甸雞來挑戰一下又鹹又甜的獵奇創新組合（雖然實際上並不會把雞和布甸同步放進嘴裡🤣）。主要是炸雞件上鋪了海鹽焦糖醬，再加一大塊布甸作賣點，滿有新鮮感。🧡壽喜燒牛肉烏冬壽喜燒高湯鍋底清淡卻不失清甜。暖呼呼的烏冬軟滑煙靭，牛肉有淡淡牛香，讓人感到舒服的主餐。🧡芝士雞份量比想像中多，一大盆雞塊。芝士醬配炸雞，雖然很罪惡，但超惹味！🧡沖繩海鹽焦糖雪糕冬甩最後當然少不得招牌雪糕冬甩🍩！沖繩海鹽、自家製焦糖，加上特製麻薯配方，外脆內煙韌，一點也不油膩，配搭頂層的雪糕，開心❤️

第一次嚟幫襯食個下午茶, 入內座位闊落,點了一個壽喜燒烏冬味道不錯, 重點係想試佢最出名既沖繩海鹽焦糖冬甩雪糕,好好味,好想添食, 整體唔錯, 會想搵日嚟試下佢既沖繩雜炊火鍋定食!