江湖小棧

又到咗食煲仔飯嘅季節啦～🤤🤩‼️記得要打電話嚟book位先‼️職員會預先幫你落單 然後再安排入座喺門口再等多陣😗 一入去就有得食啦！.枱面有一樽豬油同一樽豉油可以自己落落完冚蓋等2分鐘就食得🤤會有飯焦！‼️唔好落太多豉油 太鹹就返唔到轉頭🤣‼️.🔹腐乳通菜煲 $92個煲一上枱係好熱🥵 要即刻撩吓啲菜先唔會黐底🔹 蝦膏豬頸肉煲仔飯 $92蝦膏鹹香濃郁🦐 豬頸肉爽口彈牙🐖🔹 臘味滑雞白鱔煲仔飯(三拼) $92唔知係咪因為三拼嘅關係… 白鱔只得一舊… 有啲可惜🥺🔹 窩蛋牛肉煲仔飯 $92牛肉份量都ok🐮…查看更多

🍚自選煲仔飯（$92 / 1-3款料）👉 叫咗白鱔＋田雞＋豆豉三溝！ 🔥 即叫即煲超滾熱！白鱔肥嘟嘟啱啱熟，田雞腿肉滑溜唔鞋口，豆豉鹹香撈飯一流！飯焦「喀嚓」脆口，豉油兜頭淋落去～香到隔籬枱望過嚟！抵食！ 🐟砵仔焗魚腸（$128）魚腸處理得幾乾淨冇腥味！蛋漿滑嘟嘟，加油炸鬼面頭脆脆地。但！魚腸個種「粉糯」口感真係好揀人食，我自己就麻麻哋呢種風味，食兩啖就放低筷子⋯⋯俾曬男友食😂煲仔飯高質必encore*^_^✨，魚腸就⋯⋯ 「唔系我杯茶」😂😂！不過百零蚊試到懷舊菜，可以當見識下～ 😂😂武俠風裝修有gimmick（牆上仲有楊過雕兄！），但位窄枱密，冷氣唔夠勁，夏天食煲飯會滴汗。等位閒閒哋1粒鐘，建議平日/21:00後嚟避人潮。 …查看更多

餐廳正常，環境同茶餐廳差唔多，但有收加一服務費。平時唔鍾意食煲仔飯，但呢間真心好食，食完會想再食多次。推薦👍🏻 值得一試😋1. 豉汁白鱔煲仔飯味道: 8/10 ⭐️性價比: 7/10推薦: 8/10 ⭐️煲仔飯新鮮熱辣辣，餐廳會提供豬油和豉油淋上煲仔飯，飯焦香脆，白鱔一共有4舊，又新鮮又好味，入口即化，食完想再食。2. 窩蛋牛肉煲仔飯味道: 6/10 性價比: 6/10推薦: 6/10 窩蛋牛肉煲仔飯相對普通，牛肉唔係特別好食，飯偏濕且蛋味唔出。雖然煲仔飯一樣新鮮，但白鱔出色好多，煲仔飯嚟講不太建議食呢個。…查看更多

第一次寫食評 就係劣評 自己都估5到 希望大家可以一齊慳錢錢 食性價比更高的 真的叫左2個煲仔飯+魚腸+魚肚鹹+燶 表達晒出嚟老闆態度差 真的差大家如果不信 可以去嘗試下 答案自己知如好或壞 都寫真實食評 5好中招…查看更多

荃灣一帶一向都有好多好野食🤗通常我去荃灣都係食米線比較多🤣因為有好多好出名既米線店都係呢區😊但今次我就唔食米線啦😚就轉左同屋企人食下炒餸食飯🤣😋啫啫芥蘭煲用煲上既菜式都熱辣辣，好有鑊氣😚我最鍾意😊芥蘭又好惹味 餸飯一流😊😋榨菜牛肉煲仔飯天氣稍為轉涼，食煲仔飯就一流啦😙今次就叫左呢信榨菜牛肉，嫩滑唔會太咸，之後一啖飯一啖榨菜一啖牛肉夾埋一齊食，味道就啱啱好😚 😋鮑魚雞煲鮑魚火喉岩岩好😊有咬口得黎又唔會好似橡筋咁😉除左有鮑魚之外，仲有入晒味嘅菇菇😙同埋啖啖肉又嫩既雞件☺️舔舔脷指數👉🏻7😋/10😋滿分 可以一試😋…查看更多

香港荃灣的一次探店經歷中，我發現了一家別具特色的煲仔飯店🏨，名為“江湖小棧”。走進店內，整個裝修風格散髮著濃厚的武俠氛圍，彷彿置身於古老的江湖之中。牆上掛著刀劍🔪🗡️，讓人不禁感嘆武俠世界的神奇和輝煌！坐下後，翻開菜單，點了一份經典的豉油排骨煲仔飯，不一會兒就被端上桌。煲仔飯散髮著誘人的香氣，米飯底部金黃酥脆，上面鋪滿了各種美味的配料，讓人垂涎欲滴。嘗了一口，豉油的味道濃烈卻不過分，明顯是用豬油熬制而成，香氣撲鼻，回味無窮，讓人忍不住一口接一口。總之，江湖小棧的煲仔飯不僅味道鮮美，而且獨具特色，讓人彷彿置身武俠世界之中。無論是裝修風格還是用餐體驗，都讓人流連忘返。強烈推薦給喜愛煲仔飯和武俠文化的朋友們前去品嘗，絕對不會讓你失望！真的極度推薦大家去吃，有得自己落豉油我本人自己是落了很多 正…查看更多

今晚同朋友們喺荃灣睇完戲就諗下食咩，睇戲前見到江湖小棧都大排長龍，但睇完戲大約9點鬆少少就無人排，如果大家黎想食就9點後唔洗排隊。住喺呢區咁耐都未食這，所以決定黎試下呢到既煲仔飯好無食。其實店係有啲迫，但呢日好好彩可以坐到卡位，因為平時朋友話黎食都係覺得啲位太迫。今次4個人就叫左4樣野，呢到上菜既速度都好快，已經好快齊哂4樣野 ：自選煲仔飯，蝦乾蝦醬瘦肉，有大量蝦乾而且好香濃既蝦醫味，瘦肉都好足味沾哂蝦醫味，仲有飯焦，好惹味！北菇滑雞飯，啲雞好滑，同埋菇都炆得岩岩好，好淋身。蝦乾粉絲煲，呢個必點，粉絲超入味，又有大量蝦乾！爆炒魚卜，朋友話佢地第一次食魚卜，都好好惹味，但魚卜就比較細粒同少，蔥佔既比例較多。雖然價公略貴，但多人食就會抵啲，下次要繼續同朋友分享…查看更多

👍🏼抵食指數：⭐️😋好食程度：⭐️⭐️⭐️之前成日見網上好多人吹捧呢間餐廳嘅煲仔飯，但每次經過都好多人排隊，所以都未有機會去一嚐。終於約埋屋企人一行程六人6點鐘見無咩人排隊，點知前面都仲有8張枱，以為等一陣就有位。但因為我哋6個人，餐廳啲侍應唔知有咩考量，唔識拍枱或者調位，安排入坐，每次都係入2-4 人枱，即使4 人台有人埋單，都唔會 hold 張枱出嚟，同個侍應反映，又完全無視建議，服務態度極為惡劣，最後等到8點九先可以入坐座。田雞排骨煲仔飯味道尚可，田雞仔都夠嫩滑，排骨反而一般般。臘腸白鱔煲仔飯 呢個算係最好食嘅鎮店之寶，白鱔都幾厚肉，又唔腥，咬落去係幾好食，夾埋煲仔飯中嘅豬油同豉油，口感同味道真係絕配，加埋焗好嘅飯焦真係無得彈。但不論排隊、服務都較惡劣，食得好趕之餘，並唔係每碟菜式都咁好食。除咗白鱔煲仔飯較為好食，其他煲仔飯唔係真係咁特別或者好出色，呢個價錢可以有更好嘅味道同服務～ …查看更多

呢間煲仔飯同朋友講左幾年都未去食🫢之前覺得有啲遠，但依家係荃灣返工又收早左就可以約去食😂.平日未夠六點去到都full full地，食完見門口有好多人等緊，要食真係要早d去到，餐廳有煲仔飯、小菜、串燒等等.自選煲仔飯-臘腸白鱔煲仔飯 $90煲仔飯款式好多，仲有自選配料可以自由配搭，煲仔飯上到枱先落豉油豬油再焗2分鐘，白鱔幾厚肉，飯吸左豉油豬油加埋飯焦幾香，整體都Ok.自選煲仔飯-臘腸豆豉鯪魚煲仔飯 $90朋友鐘意食豆豉鯪魚😂😂😂於是就叫左個豆豉鯪魚煲仔飯，就係普通豆豉鯪魚既味道，最緊要岩佢食.田雞排骨煲仔飯 $90我唔食田雞，聽朋友講排骨好多肥肉，田雞就得骨無肉…..啫啫芥蘭煲 $92幾有鑊氣，但係調味偏咸.爆炒魚卜 $132魚卜份量正常，但調味都係偏咸.整體黎講，唔洗等位或者等位一陣可以去食，但要等好耐就唔會食，未去到好驚艷～…查看更多

6:48PM到，等左1個鐘差唔多8點先入到。食物味道2.5/10。食唔哂。蓋又我自己開，豉油又我自己倒，水都冇幫我加過。夠膽死收我+1？！ 好彩無叫多幾樣。總之性價比極低。…查看更多

排隊混亂，基本上你嘈吓佢，下張就會係你。唔嘈佢嘅你就等吓先啦，11點可能有得你食嘅。😀Btw 佢收12點。既然係無排隊可言，誰大誰惡誰正確嘅，咁恕我無咁嘅口福食，都無福消受！咁樣做生意，我真係祝你好生意啦吓……查看更多

香港｜荃灣｜江湖小棧冬天要食煲仔飯，於是就黎左呢間荃灣人氣餐廳。開17:30，但係星期六17:10去到已經排咗十幾人，好彩都仲可以第一輪入到，要食真係要早啲去排隊。自選煲仔飯3款配料$90（4款$95）白鱔 豉汁 臘腸白鱔有三大舊，厚肉，魚肉彈牙，新鮮。配埋豉汁，提升咗鱔既味道。臘腸係段切，都有6-8舊，不過唔係好夠香。煲仔飯上枱時都會提供豬油同豉油，加上後蓋住焗幾分鐘，就有飯焦食。由於今次有豉汁，豉油落得太多，搞到有啲過咸。燒通菜（蒜蓉）通菜燒過後比較乾爽，加上大量蒜蓉、炸蒜，都幾重口味。不過就$5x, 有啲貴。涼拌雞軟骨呢個比較重口味，醬汁好濃味，似燒烤醬，唔係好夾。整體來講煲仔飯值得一試，想食都係早點去，因為食完都幾多人排隊，煲仔飯亦要等20分鐘。江湖小棧 (荃灣)荃灣鱟地坊30號寶成大廈1號地舖#江湖小棧 #煲仔飯 #白鱔煲仔飯 #臘腸煲仔飯 #荃灣美食 #荃灣…查看更多

天氣凍就會想食暖笠笠既野食，煲仔飯就岩曬🤤荃灣呢間煲仔飯長期都有人龍，我地大概7點幾到，等左40分鐘左右入座侍應教我地煲仔飯先開蓋落豬油再落醬油然後焗2分鐘就食得😍豆豉白鱔煲仔飯$88白鱔好有驚喜！厚肉肥美而且有彈性🤤我平時好少食白鱔但係呢個真係令我驚艷D飯吸左豬油同醬油好香😍加埋脆脆地既飯焦真係世界級臘味排骨煲仔飯$88呢個就普通d，不過都好味油鹽水浸花甲煲 $108花甲好新鮮同飽滿，但係相比起煲仔飯就普通d，如果唔係好多人一齊食就可以skip招牌燒通菜（蒜蓉）燒通菜真係唔係好多地方有，我地見幾特別就叫黎試下，有腐乳或者蒜蓉味，燒幾菜有燒烤味再落大量蒜，都可以叫黎試下整體黎講呢間白鱔值得一試！下次回想試埋其他款🤤Overall: 8.5/10…查看更多

幾次經過見到好多人排隊，好奇係咪真係咁好食，今日特登嚟到，排坐成個鐘，叫完飛仲要點咗單先又唔早講，排骨好鹹，腐乳通菜，應該係是但燒一燒就摞出嚟，牛柳麗都係好一般，菠蘿都冇炒過咁，又貴又難食，d人又好串，垃圾…查看更多

1730第一批入坐 坐到1830 同一時間入既客人都走曬 第二批人既野食都到 我兩個煲仔飯 蒜蓉排骨同土魷肉餅都係不知所終 不知所謂 唔講以為係慢煮煲仔飯 一個鐘都冇得食 俾狗食…查看更多