永華日常 (利東街)

今日喺湾仔永华试咗佢哋嘅招牌「鸡髀捞公仔面」，真系令人回味无穷！首先，鸡髀份量十足，皮脆肉嫩，煎得恰到好处，外层金黄酥脆，内里肉汁丰富，咬下去有种满足感。上面撒上嘅葱花同绿色青菜，增添咗清新嘅味道，配搭一啲秘制酱汁，咸香中带点微甜，味道层次感十足。公仔面煮得恰到好处，弹牙有嚼劲，吸收咗酱汁嘅精华，每一口都充满风味。旁边嘅饮品系一盅冰镇柠茶，柠片清新解腻，配住热辣辣嘅面食，正正好好。用餐环境方面，永华嘅装修简约舒适，枱面干净，服务员态度友善，点餐同上菜速度都算快，适合喺繁忙嘅湾仔区用餐。价钱方面，性价比高，捞公仔面加冻柠茶$60。对于咁嘅份量同味道，绝对值得一试。唯一小小嘅建议系，酱汁可能稍为多咗，食完有啲油腻感，如果可以调整下比例，会更加完美。总体嚟讲，呢个鸡髀捞公仔面系一众本地小店嘅佳作，无论系单独享用定系同朋友一齐share，都系唔错嘅选择，强烈推荐食肆爱好者嚟试试！下次一定再嚟，试吓其他菜式！…查看更多

今次介绍嘅系啊童@小薯茄都推荐嘅餐厅🙌🏻依度其中一个特色系可以自己扫QR code落单（厨师推介除外），所以唔使怕会好似其他茶记咁叫职员过嚟落单要好chur。店舖装修偏少女风，充满青春活力，环境都唔错！F餐 $148当晚晚餐选择都好多，小编拣咗烧汁肉眼扒配薯条。依个set包埋是日餐汤、前菜小食同特式沙律，所以都饱肚㗎！今次餐汤系酸酸甜甜嘅罗宋汤，睇得出蔬菜底都算多。前菜就系两片稍微调味过嘅蕃茄，好清新爽口。沙律就名乎其实充满特色，系薯蓉沟红萝卜粒，好味到好想单嗌多碗食😍小编牛扒拣咗三成熟，咁啲肉就无咁易喺块铁板上面overcooked~肉质方面就好juicy，连埋少许肥油一齐食都十分香口~ 薯条就略微咸咗少少。红豆冰就拣咗多奶少冰，入口好香滑，而且红豆量都多。留意返餐厅系走管餐厅，所以无饮筒提供♻️厨师推介 $98当晚系咕噜汁鸡扒配手工啤酒！小编朋友拣咗饭，如果系无饭人士可以选择面底。上菜睇到𠮶块鸡扒嘅size真系有被惊艳到，仲大份过兜饭🤣虽然系炸嘅但鸡肉都仲keep到鲜嫩~但当晚咁啱无哂咕噜汁所以试唔到味🤭手工啤就味道甘甜，仲有清淡嘅普洱香味，饮落都几爽。…查看更多

网上订购平台有优惠，呢个月食咗好几次永华早餐，真系不得了～早餐精选系我同同事首选，无论系鸡扒或者猪扒都好大块好入味！面底可以拣米粉、通粉果啲，汤系分开上，唔会太咸，都OK！配料可以拣两样，我差唔多次次都系拣炒滑蛋同餐肉，每次块餐肉都系劲厚同煎得好好味！面包方面系跟方包，我转过一次多士，觉得冇乜特别喇。饮品方面好多选择，热饮可以免费转菜蜜、柚子蜜、柑桔蜜或利宾纳，唔系间间都有。饮啡走的话系另外跟细盒炼奶～另外有一次试过早餐雪菜肉丝米，非常香，有虾米又有菜脯，非常之开胃！包装非常之好，次次都非常妥当。大推～…查看更多

难得喺市区去到11:30都仲有早餐食嘅餐厅，基本上一般港式早餐呢度都可以食到，我通常都嗌一个沙嗲牛面加火腿炒滑蛋，沙嗲牛面嘅沙嗲味道浓郁，牛肉份量亦相当充足。而炒滑蛋掌握嘅火候亦恰到好处。每次食完都满载而归。…查看更多

寻晚去咗永华日常餐厅试咗佢嘅海南鸡饭，整体感觉唔错👍。鸡肉非常嫩滑，同埋香味十足，食落口感真系唔错👌。配菜有青菜同埋配汤，啱啱好平衡咗鸡饭嘅油腻感🥬。最值得一提嘅系佢哋嘅酱汁，有蒜蓉酱、辣椒酱，味道多层次，可以自由配搭，令到鸡饭更有滋味🤤。服务方面，侍应态度亲切，落单同埋上菜速度都算快⏱️。环境亦都几舒适，唔会太嘈吵，适合同朋友或者家人一齐去享受😊。不过，价钱稍微偏高💰，但质素成正比。总括而言，永华嘅海南鸡饭值得一试，特别系钟意食鸡饭嘅朋友，唔会失望嘅！✨…查看更多