永樂餃子店

营业中

休息中

近來係上環返工,雖然唔太咬到野,但都忍唔住開地圖睇下附近有咩食,附近食粥果間冇良心,唔食得,哩間永樂餃子店都近,而且之前見到d group 友有介紹過,絕對食得過.因為好多餃子都溝左豬仔,冇食豬肉以黎已經好少食餃子,我直接入鋪問佢地邊款餃子冇豬肉,成熟d 既店員話雞肉,海鮮同羊肉餃子都食得,嘩,開心到邊開工邊諗食邊款,最後決定羊肉餃子同雞肉餃子雙拼,$57(連分湯)由於佢個湯係花膠淮山豬骨湯,聽到超正但唔飲得,我就請佢幫我分湯,返去淨試味,經過半個鐘有多既車程,終於返到屋企,包裝好完整,打開個碗蓋,d 湯既香味飄出黎,真係好香花膠湯味,試少少,香濃如老火湯.不得了,再打開另一碗,餃子已經痴埋一齊,將湯倒入餃子碗,之後用筷子輕輕整鬆返d 餃子,再倒走湯,拿拿聲試食,因為分唔到邊隻係邊種餃,是旦夾起一隻夾開佢睇睇,係羊肉餃,但...點解咁多大蔥????傷心左,我唔食蔥,就咁咬d 餃,都幾重臭蔥味,立即點埋醋同豆板醬(佢有跟埋比我呀),可以遮到d 蔥味.醋仲令羊肉味更突出,之後試黎試去都搵唔到雞肉餃,乾脆全部打開曬佢地XDD雞肉餃比較實淨,要整細舊D我先食到,冇羊肉咁濃味,唔洗點醋同豆板醬都

鮮肉芝士餃 (5隻) 上海麵 $43🙆🏿‍♀️價錢好相宜花膠淮山豬骨湯湯底白白地色就知佢足料又夠味😋飲落去真係冇味精餃子方面就叫咗芝士餃🧀足足有成5粒餃子粒粒餃子都大大粒 皮都算薄而且粒粒都好多肉芝士就繼續期望可以再多啲就good good😅最後同友人交換咗兩隻鮮肉香菇粟米餃都係大大粒 同好多肉粒粒粟米🌽 都可以一試最衰呢度冇得叫雙拼如果唔係想食埋鮮肉紫菜餃(之前食過都幾特別 幾好食)另外鮮肉香辣餃都幾多人叫🌶下次都想試吓酸辣土豆絲 $20 💁🏿‍♀️第一次叫嚟食我哋share食 都幾大碟土豆絲係比較硬嘅 佢切到好幼一株株咁當開胃菜都ok而佢嘅酸辣汁係碟底 個人覺得唔辣我試一次就夠😂鮮肉香菇粟米炸餃8隻 $51 💁🏿‍♀️另外上次都食過炸餃8隻淨餃$48 炸餃加$3佢即叫即炸 熱辣辣上枱個人略嫌炸不太脆 邊邊有啲硬食到中間都係好多料嘅但老實講我比較鍾意食湯餃多啲❎加一服務費

今次嚟到上環，想食啲平平地嘅嘢就諗起餃子😆平時中意食煎炸嘢嘅我大多數都會嗌湯餃，比佢地自己煲嘅湯吸引😍#鮮肉芝士餃 (淨餃 $48) 😋好味指數：(7/10) 呢個係花膠淮山豬骨湯🐷個湯飲落冇我想像中咁濃郁，不過都飲有淡淡嘅花膠味，好中意呢種冇味精好似屋企嘅感覺😚餃子皮唔會一夾就爛😗芝士雖然冇拉絲果隻效果，不過我覺得朕芝士味都ok，不過如果係芝士控應該會想再濃啲🤓#酸辣土豆絲 ($20) 😋好味指數：(7/10) 土豆絲酸辣適中，就覺唔食得辣都唔怕👀另外試咗朋友嘅辣味同粟米餃都唔錯😆

鮮肉紫菜餃(8隻) • HKD$48賣點絕對係佢嘅湯底！💛食過咁多間，佢個湯底係最好～原味湯底係花膠湯，一入口已經好舒服嘅感覺，仲要冇味精👍🏽食完餃子係會忍唔住飲埋d湯🤣而且餃子黎講粒粒都大隻飽滿～欣賞佢個餃子皮唔會爛，係有少少煙韌嘅口感😚其實之前都幫襯過幾次，食過幾款，個人覺得最好食係呢個，一咬已經好香紫菜味！😋Tips: 餐牌冇寫，但係湯餃加兩蚊有得溝兩款口味！落單嗰時直接同姐姐講就得～

好鍾意食餃子嘅我，以前可以連續食幾日餃x屋😅 可惜今非昔比，已經好耐冇去過啦😔 所以黎得上環，梗係要試下上環一間餃子店啦🤩 可能因為閒日撞正食晏時間，坐到爆之餘，出面都keep住有幾台客等位。今次嗌咗外賣，食落覺得堂食或者外賣分別應該不大！由嗌嗰刻開始，到攞到都等咗成50分鐘🤯 耐到懷疑佢啲餃子皮係咪即叫即採...🤥 有一台客係我落咗單20分鐘後先入去堂食，但係野食都已經到齊。我就問個阿姐，佢既然叫我自己入廚房問🤯 我真係o咗嘴.. 後尾真係入咗去廚房問，佢冇了解過狀況，直接話人地係打黎落單。解釋完之後，佢抄返張單出黎，就話好快有，似乎係漏咗單。呢間就成為我第一間等一份外賣都要等差唔多成粒鐘嘅餐廳☹️🥟 雙拼炸餃 $53🌽鮮肉香菇粟米餃 餃子咬落雖然脆，但係冇乜味。佢有俾醋同埋豆瓣醬，但係兩款醬汁都超級鹹🤢 點丁少咁多都鹹到呢.. 餃子皮好大塊，料唔算好多，搞到個餃子邊好硬，食到牙都軟🥶 餡料大部分都係粟米粒，鍾意食粟米嘅話應該幾鍾意。🥬鮮肉紫菜餃同樣嘅問題，超級硬，餃子又冇味😓 我以為自己味蕾有問題，已經好認真咁dap真佢，但都真係要dap得好真先有淡淡嘅紫菜味🤥 粟米餃本身都好少肉，

Stopped by for a quick meal post-boxing after heading back to work, a hearty bowl of dumplings with rice noodles 米線, no fancy decor, but will for sure leave you with a full stomach. Their dumplings were quite heavily seasoned, and the filling was more on the mushy side, so it really comes down to how you like your dumplings. Personally I prefer wanton skinned dumplings😉Overall, a decent meal and very reasonably priced (bear in mind, we were starving 🙈) Swipe to the end for the menu! 🥟雞肉冬菇木耳餃 Mu

之前食過永樂一直都相安無事，男職員亦很有禮，亦好喜歡永樂的湯底，所以今日再去食。但今次食完之後，唔會再有下次，因為真係好失望。首先，喺疫情下要求食客搭枱，當我哋拒絕搭枱，女職員表現非常不滿。我地明白每個座位都係錢，所以無阻其他食客，願意等張唔洗搭嘅枱。最後，等到有吉枱，職員將唔需要搭嘅吉枱比左其他遲嚟嘅食客，要求我地搭枱。當時實在等咗太耐亦趕時間，唯有勉強搭枱。我哋知道可以唔食或走人，但打工仔只得一個鐘午飯時間，真係無辦法。另外，我哋要求多湯，但感覺今日係加水而唔係加湯，真係比平時食嘅淡好多。不過呢個問題都只係小問題。最嚴重嘅係，我哋未食完碟土豆絲，該名態度惡劣嘅女職員就將唔要嘅落單紙扔落去，想趕客走（當時係有吉位的），而另一位著圍裙的女職員更拎起我哋張單叫我哋埋單走，而當時我哋係等緊一份外賣。其實返工得一個鐘午飯時間休息，真係無人想接受到呢種待遇。幫襯你係真心欣賞食物，但呢種服務態度真係接受不了。

呢度既餃子有好多款餡料可以揀🥰, 餃子可以揀浄餃/配米線, 自己下次食會叫湯餃🤣湯底清甜天然既老火湯味😍, 健康啲🤣✨雲耳椰菜豬肉餃/鮮肉香菇粟米餃 (8隻) 💰48 (雙拼+💰2)💫評分: 8.6/10📝椰菜比例多啲, 鮮肉香菇粟米入面有好多粟米粒, 餡料爽脆飽滿, 每隻脹卜卜, 餃子皮比較厚身好飽肚🤰🏻✨炸鮮肉韭菜餃/鮮肉芝士餃 (8隻) 💰48 (炸+💰3, 雙拼+💰2)💫評分: 8.1/10📝成隻去炸, 本身餃子皮係比較厚, 所以炸完個皮會脆同硬身, 加豆瓣醬食好正, 芝士🧀餃第一次食, 炸咗好match好香口, 炸餃揀重口味嘅餡一流永樂餃子店📍上環禧利街21號地下(上環🚇 A2 出口行3分鐘就到)💫評分: 8.5/10💬豆漿(💰8)standard味, 大杯啲就更好, 小食3件炸雞翼(💰15)好普通無味唔好叫🥲, 會再幫襯因為真材實料價錢對得住食物質素, 店員姨姨仲問我地鍾意食炸定煮多啲, 我同朋友都話一定係煮‼️

今日晚餐無著落，去永樂外賣自取鮮肉芝士餃，$49 有八隻大大粒，等咗五分鐘就拎到啦～附送一盒豆瓣醬，好惹味㗎！手掌咁大一隻，多餡、爆汁、皮喺餃子界嚟講算好薄，入口好柔軟。開蓋仲有煙出，隔咗廿分鐘先食都仲係熱辣辣㗎！菜、肉嘅比例恰到好處，啲菜仲好爽口㗎！加埋湯底十分和諧，好似聽緊Mariah Carey 唱歌咁，好smooth呀～～食完唔會好重味精咁要飲水～如果芝士味再濃啲就perfect池啦～有得買生餃子返屋企自己寫的～下次試吓先！

👍🏾推薦程度：餃子好食湯好飲，普通人嗌一碗淨餃應該都夠。特登搭車嚟食個水餃都值！不過小食麻麻地。大力推介粟米同芝士水餃，重有佢個花膠湯。💰抵食程度：🥟🥟🥟(3/5)餃子嚟講佢呢個價錢淨餃得8隻老實係有少少肉赤，不過食落口同飲埋湯就覺得都值回票價。但如果大食少少嘅，埋單可能都成百文一個人。首先講個餃子皮，好有咬口，唔會係一pat嘢咁，又唔會爛溶溶。再講佢個餡，夠味夠多夠實淨。到湯底，重花膠味，夠濃，又冇味精，飲咗兩碗都重想飲。豆漿就好似台灣早餐店嘅咁，如果再大杯啲就開心晒。幾款小食反而都麻麻，冇乜味。佢一叫就八隻，個人覺得普通男性食量嚟計就應該唔多夠。不過可以先叫八隻試咗先，再試其他味，或者大家各自叫完再分享。

本人十分鍾意食餃子 晏就十二點幾既時間決定同男朋友試下依間良心小店❤️炸咖哩薯仔餃（8隻）比較少見既味道 食落竟然有種中東炸咖哩角既風味😂但味道正常 炸落唔會變左好乾好硬韮菜湯餃（8隻）湯底濃 但稍為有點咸 湯煮餃子皮食落唔會有粉感 厚薄適中 而且餡料十足夠扎實 口感唔錯 但韮菜味唔算好香 未夠突出酸辣土豆絲不過不失 酸味沒有很突出 亦唔會好辣 平時無食開辣既朋友都可以試下總結份量十足 飽子偏大 有一隻手指咁長 我哋未食完已經有飽肚感覺 埋單$120唔洗 可再回頭試

夜晚好想食啲有湯嘅嘢所以嗌永樂外賣！門面有一番時代感但又一啲都唔殘舊今次叫咗雞肉冬菇木耳餃（淨餃）總共8隻每隻都超肥美好足餡咁雖未至於每啖都有餡但食落好足料！可惜啲肉味唔出，唔講嘅話完全唔知食緊雞肉不過不得不提！佢啲湯正到嘭嘭聲！超足料！勁有飲緊媽咪煲湯嘅味道！店家都聲稱佢冇落味精，而我嗰晚都冇口渴感所以估唔到係個湯令人咁驚喜店方仲有好多其他選擇咖！

見咁多食評讚好，經過又咁多人叫外賣，一於試試。點了白菜餃5隻和上海面。餃確係好大隻，面亦不少。但餃吃下去只食到一陣油味，肉味和菜味都食唔到，覺得好滯口，面無乜問題。個面湯確係花膠淮山味，淨飲是好味的，但餸面亦覺得比較甜而不夠鹹。整體來說食過一次就夠。

而家冬天最啱就係食返碗熱野暖下身🔥 今日經過呢間餃子店 之前朋友食過話極力推薦🙈 所以就試吓~~🥟雲耳椰菜豬肉餃 (8隻) $48湯底有兩款 我就揀咗呢個花膠淮山豬骨🍖湯 睇相覺得平平無奇 但確實味道係非常濃郁❗️🤤 飲到啖啖的花膠味 真材實料😆 最後成碗湯飲晒😛餃子可以揀浄餃 或者配米線每一隻都脹卜卜☺️ 餡料好足料 椰菜比例多啲 椰菜同雲耳都好爽脆 口感好豐富 不過略嫌餃皮厚左啲🙊~~評分📈味道 7.5/10性價比 7.5/10—Rating 📈Taste 7.5/10Worthiness 7.5/10~~🏠永樂餃子店📍上環禧利街21號地下

📍上環永樂餃子店💖💖🥟一直聽聞永樂嘅餃子唔錯，成日行過都見到好多人排隊🤪琴日經過嘅時候唔係繁忙時間唔洗排隊，就一於同朋友試下😆餐牌有多款餃子，真係好難揀😂另外可以揀淨餃8隻，或者5隻餃配麵～小編因為比較肚餓所以就要咗5隻配麵😆------------------------------⭐️雞肉冬菇木耳餃配上海麵（$43）呢到嘅湯底係用上花膠淮山豬骨湯，標榜無味精❌飲落幾鮮甜，唔會口渴！🙈🙈餃子隻隻脹卜卜好足料👍雞肉餡食落幾有鹹香，冬菇同木耳絲增添咗口感～惟餃子皮再薄返啲會更出色～上海麵滑捊捊好彈牙👍整體唔錯🤤小編仲試咗朋友嘅鮮肉白菜餃（不過無影到相🤣）個人覺得豬肉餡食落會鮮味過雞肉，肉香都會濃啲～所以比較推介豬肉餃呢😆------------------------------整體嚟講餃子真材實料，價錢親民～店員姨姨親切有禮，會再encore呢‼️------------------------------賣相：7.2/10味道：7.6/10性價比：7/10回頭度：7.8/10------------------------------店舖資料名稱：永樂餃子店地址：上環禧利街21號地鋪前往