永樂餃子店 (已搬遷)

食過依間野，真係其他餃子舖都唔想再食，贏哂八方，其他乜餃勿餃，餃子X。食過不下十次，由港島東專登過黎，帶埋呀爸呀媽黎食。知大家一定會話，我嚟食餃子唔係食人情味，所以人情味就唔講住。但如果你鍾意食厚身皮既餃子，呢一間真係必試。首次甘多款餃，私心鐘意羊肉餃，貪佢夠蘇，亦有啲京蔥喺入面，調味都啱啱好我覺得唔算咸。（ 不過鹹甜就好主觀嘅）再配埋佢嗰個花膠淮山豬骨湯底，佢寫到明絕無味精，每日新鮮製作。 我阿媽一飲味精就口渴，但佢食完成碗都冇話要飲水。 加上人地自家製嘅，個湯一定每一次嚟都有少少唔同味， 我理解係分別係極濃同濃。加上老闆娘非常好客有禮貌，老闆就更加好。 唔知點解其他朋友會經歷咗啲唔係咁好嘅遭遇。所以食厚子餃，我一定搵永樂。…查看更多

上環番工算係比較幸運, 因為午餐選擇都幾多今日突然想食水餃, 打開openrice一搵, 原來附近已經有一間門面非常老舊既一家老店, 連招牌都甩晒色入到去, 有一位非常健談同有禮既叔叔招呼明明只係幾十蚊一碗麵, 叔叔好有耐心同我介紹有咩食, 同埋點樣配最後我點左8隻韭菜水餃 加 麵, $63韭菜餃非常飽滿, 皮厚度適中, 中式餃當然唔會好似日式咁薄皮湯底100分, 老火湯咁既味, 好鮮甜好香, 我飲晒麵質可以, 唔太淋, 煮既時間好岩而最好既一點, 當叔叔拎袋外賣比我, 我講完唔該轉頭諗住走果一刻叔叔拍一拍我膊頭, 同我講「阿仔 就過年, 身體健康啊!」果份人情味, 突然湧上心頭, 而家香港有幾何重會聽到店員講身體健康?我即刻轉番身同叔叔講, 「大家咁話 你都要身體健康!」叔叔回番句「有心! 有心! 下次見」呢份人情味, 我可能聽日已經又同你再見。註: $63一碗麵我自己比得起, 唔洗咩贊助, 平台唔好誹謗我食免費麵。…查看更多

外賣攞翻屋企食 見到門面好似幾有風味諗住買黎食下冇諗到味道驚為天人難食.............首先碗野熱辣辣都好期待 第一啖咬落去已經有d好臭既紹興酒醃肉味 同埋d肉色水好似未熟咁 然後個粟米um過我阿婆塊面.......... 一啖已經震驚左我對餃子既認知 冇諗過五十幾蚊 八隻既餃子可以咁驚為天人咁難食永遠不會回頭為左比到差評我要寫夠200字 希望大家睇到唔好試 唔知係我唔好彩定係呢個味道有人中意 但我覺得一般人應該接受唔到…查看更多

住左喺呢附近幾十年，睇住間舖開，但其實一直無乜幫襯過，都係近呢幾年先有去食，1個月最多都係食1次，不過次次食都覺得keep到個水準，味道唔錯，餃子大大隻，個湯底都好飲。雖然未至於好食到驚豔嘅感覺，但人手包餃，家的味道咁啦～ 不過見好多人話店員態度差，我又忍唔住想幫佢平反下。每次黎幫襯（真係唔係常客），老板（唔肯定係咪）都好親切迎接。今日落雨，諗住外賣。即使舖內已經8成滿，老板係咁叫我坐低等，唔好出去淋到雨。比完錢個收銀姐姐無比單我，個老板係咁幫佢道歉。我話出去行住等外賣，佢又叮囑我小心路滑。拎外賣時又再三叮囑我睇熱唔好淥親。唔單止係咁對我，我見佢都有同其他客人傾計，送佢哋出門口。雖然唔知其他投訴佢哋態度差嘅客人經歷左啲乜，但就我所見所聞而言，佢哋絕對係好親切。食物方面推介鮮肉紫菜餃，紫菜味好香濃。…查看更多

其實食過幾次, 都係好普通既餃子麵, 去得都係貪佢近我住既地方同埋食幾次D碗/餐具感覺都唔係咁乾淨, 所以我再去都係叫 外賣BTW件事就兩年前左右有次行過見到, 打算買個外賣, 行入去見到唯一一個唔知係老闆定員工既人, 係到同客傾緊計, (唔係落緊單, 只係吹緊佢地用咩麵/邊個地方既口味之類) 我企係門口望住佢吹, 吹左十分鐘都唔理我, 我心諗都唔係做生意, 冇出聲打算轉頭走「喂!」個員工叫我, 「食咩呀!」我望左佢一眼, 我繼續走「走囉, 咪手然食~」非常好, 永不幫襯…查看更多

上年暑假嘅時候，同朋友行中上環聚舊，期間搵咗間餃子店落腳食lunch 😎🥟 雞肉冬菇木耳餃 (重慶酸辣湯) 😋😋😋😋由於之後仲會同朋友周圍食，所以叫咗淨餃，兼揀小辣嘅酸辣湯底～ 依度嘅餃子有小編嘅食指👆🏻咁長身，餡料大致同坊間食到嘅差唔多～ 餃子皮厚薄適中，內裡嘅冬菇味香、木耳少少爽脆，雞肉正常發揮 😊 酸辣湯唔多酸，微微地嘅辣味配餃子食係惹味啲～ 😉午餐 💵 約港幣$50/人💁🏻‍♀️ 小編第二次同朋友嚟食，同上次嘅水準差唔多～算係區內幾抵食嘅店舖 (其實5隻餃配麵或米線🍜仲抵食)，地方約有廿個座位，企企理理 😌 鄰近上環港鐵站，食完可以一路行返上古董街繼續漫遊～🙆🏻‍♀️ 最後，喜歡嘅話，歡迎follow @foodirectory.hk ！…查看更多

講真，進到這家餃子店時我無乜大期待，但嘗咗佢哋嘅餃子後，我食指大動！先講講嗰個鮮肉雲耳椰菜餃，個皮彈牙得嚟唔會太厚，裏面嘅餡料又多得黎又實在，雲耳跟椰菜嘅搭配出乎意料地夠晒爽口，食落去真係鮮味滿分。話說返，佢哋個鮮肉紫菜餃，簡直是人間美味啊！紫菜嘅海味配上嗲嗲嘅豬肉餡，每啖咬落都足足嘅滿足，而且隻隻都咁大隻，幾乎係小飽唔到，大飽剛好嘅範圍。😮✨另一寵兒就係佢嘅鮮肉白菜餃配米線。嗰碗花膠豬骨湯底夠香，入口暖笠笠，正喎！米線滑溜溜，同厚實嘅餃子皮相得益彰。雖然白菜餃無紫菜嗰款咁出彩，但都算係差不多，叫人想一試再試。最後，我唔得唔講返嗰煎餃加豆瓣醬，係辣椒控嘅我食落真係停唔到口，啖啖餡肉，啖啖精華。整體來講，這家餃子店既舒服又得意，滿足到我呢啲對食有要求嘅食客，真心推介！👍🥢🍲…查看更多

我只是來用餐，無必要來受氣。😓我帶著小朋友第一次步進這小店已被無禮對待，明明店入面很多位，卻被要求我跟小朋友坐門口附近，放了很多雜物的枱。😵‍💫不知是老闆還是員工，男的女的都很無禮貌。😩只想問一句湯底有什麼選擇，女的員工只想敷衍落單，完全不想解答任何問題。😢餃子質素很差，皮厚，感覺到店主無心製作，完全想不到要再幫襯的理由。🤮亦不會推介任何人來這餃子店，照錢買難受。🙅‍♀️🙅🙅‍♂️…查看更多

嚟上環呢到唔知食咩好，又想食啲平民美食，經過呢間餃子舖，見到佢話花膠淮山豬骨湯好似好養生咁，決定食下先！鮮肉白菜餃 淨餃8隻HK$50湯底好味，好清甜！白菜餃有驚喜，食落去個餡料菜嘅比例比肉多，唔會滯，感覺健康啲～上湯時菜HK$18今日個時菜係生菜，雖然話用上湯煮熱，但係啲生菜完全係冇味嘅，亦冇蠔油果啲比客人點～酸辣土豆絲HK$23土豆絲切得好細，一絲一絲咁，但食落得少少酸味，冇乜辣味同咸味，令人非常失望～…查看更多

以前喺上環返工，成日都會嚟食呢間餃子店，佢主打嘅係用花膠湯底熬湯，仲要有兩隻大花膠俾你食，再配大大隻啖啖肉嘅餃子，估計佢餃子嘅風格係北方餃子，因為皮比較厚，餃子比較大隻，入邊嘅餡好足料😀今日經過上環，所以特登都嚟重溫番呢一個回憶。點知佢而家已經冇咗花膠做配料，問咗店員，佢哋話湯底仍然係用花膠煲嘅，但係已經冇再配埋花膠比客人，因為成本上漲。今日飲啖湯發現燉湯已經冇以前咁濃郁，好似淡口左少少，叫咗四隻粟米餃，四隻韭菜餃，水餃依然大大隻好好味，但已經唔再係回憶入邊嗰一種好濃郁，花膠湯底味嘅餃子店了，有少少失望，但整體來講呢個價錢呢個質素，都推薦大家嚟一試…查看更多

鮮肉雲耳椰菜餃子x花膠淮山豬骨湯自家製餃子x無味精湯底，雖然餃子皮比較厚，但餃子既餡亦相當足料。鮮肉配搭雲耳及椰菜口感相當豐富多元化及爽口，再配花膠淮山豬骨湯整體非常養生。鐘意養生既朋友值得一試。鮮肉香辣餃子x重慶酸辣湯重慶酸辣湯底味道十分濃郁，好有四川風味。香辣既鮮肉餃配上重慶酸辣湯，提升整個餃子味道，令人食唔停口。❤️價錢：6/10❤️味道：7/10❤️服務：6/10永樂餃子店地址:上環禧利街21號地舖…查看更多

平時放工做運動前都食少少野，經過呢間餃子想試好耐，琴日終於試左。點了鮮肉椰菜木耳餃同小食炸雞翼。個湯底雖然過係花膠豬骨，但係個人覺得比較淡，而且餃子的味道一般，冇乜令我驚艷，但都唔算差。餃子size算大，但餃子皮有點厚，餡料的味道也不是很突出，整體感覺有點平淡。評分: /5而炸雞翼的味道略鹹，令我有d失望。不過，炸雞翼的外皮非常酥脆，內裡肉質算好嫩，口感令人滿意。評分: /5總體來說，這間餃子鋪的表現一般，沒有太多亮點。如果你只是想吃點簡單的小吃，可以考慮，但如果你期望高水準的餃子，或是各種創意口味的小吃， 可能需要去找其他地方。整體味道指數：😋😋😋/5性價比：💰💰💰/5環境：❤️❤️❤️/5服務：✅✅✅/5…查看更多

前排放假去左上環行下， 行行下見到呢間餃子店， 我真係好鍾意食餃子， 即刻入去試下。本來我想叫我最鍾意既韮菜餃， 但見餐牌有個好特別既鮮肉咖啡薯仔餃， 我就改變主意試左呢個， 另外紫菜餃都好吸引， 可惜我唔食得紫菜， 所以迫我朋友叫， 咁我睇左當食左啦。黎到先試一口佢個花膠豬骨湯， 真係無味精既， 我清甜， 我鐘意。 而咖哩餃， 好香加上辣辣地好好味， 而我朋友食個紫菜餃， 佢話好特別紫菜好香。 不過餃子皮有點厚， 可能係北方餃子既關係啦。 不過我覺得食物唔錯， 但坐位上如果可能換d舒適d既櫈就好喇。 俾錢嗰時， 老闆同我講佢地星期日都開， 叫我得閒再黎幫襯喎…查看更多

上環夜晚好似真係冇咩野好食，好多café都關左門，可能淨係做返工客。咁岩今晚去上環買野，8點幾左右，就去左餃子店食。炸鮮肉紫菜餃拼鮮肉芝士餃 ($55)炸餃係好香口，不過真係好熱氣，所以叫左杯豆腐降下火。不過餃子就芝士味唔重，個炸皮就比較厚。鮮肉芝士湯餃 ($50)湯餃係豬骨湯，味道都OK，餃子都啖啖肉。不過如果多少少菜中和下就好啦。Overall份量都幾多架，叫一份都夠晒喇！店員仲好nice Tim! …查看更多

作为一个北方人，第一次在香港吃过如此的饺子，点了3份，咬着牙吃了2个，能把饺子做成如此，可能不适合北方的我吧，太不适合了，第一次在openrice写评价，要不是忍不住，真的不会写…查看更多