永樂餃子店 (已搬遷)

食过依间野，真系其他饺子舖都唔想再食，赢哂八方，其他乜饺勿饺，饺子X。食过不下十次，由港岛东专登过黎，带埋呀爸呀妈黎食。知大家一定会话，我嚟食饺子唔系食人情味，所以人情味就唔讲住。但如果你钟意食厚身皮既饺子，呢一间真系必试。首次甘多款饺，私心钟意羊肉饺，贪佢够苏，亦有啲京葱喺入面，调味都啱啱好我觉得唔算咸。（ 不过咸甜就好主观嘅）再配埋佢𠮶个花胶淮山猪骨汤底，佢写到明绝无味精，每日新鲜制作。 我阿妈一饮味精就口渴，但佢食完成碗都冇话要饮水。 加上人地自家制嘅，个汤一定每一次嚟都有少少唔同味， 我理解系分别系极浓同浓。加上老板娘非常好客有礼貌，老板就更加好。 唔知点解其他朋友会经历咗啲唔系咁好嘅遭遇。所以食厚子饺，我一定揾永乐。…查看更多

上环番工算系比较幸运, 因为午餐选择都几多今日突然想食水饺, 打开openrice一揾, 原来附近已经有一间门面非常老旧既一家老店, 连招牌都甩晒色入到去, 有一位非常健谈同有礼既叔叔招呼明明只系几十蚊一碗面, 叔叔好有耐心同我介绍有咩食, 同埋点样配最后我点左8只韭菜水饺 加 面, $63韭菜饺非常饱满, 皮厚度适中, 中式饺当然唔会好似日式咁薄皮汤底100分, 老火汤咁既味, 好鲜甜好香, 我饮晒面质可以, 唔太淋, 煮既时间好岩而最好既一点, 当叔叔拎袋外卖比我, 我讲完唔该转头谂住走果一刻叔叔拍一拍我膊头, 同我讲「阿仔 就过年, 身体健康啊!」果份人情味, 突然涌上心头, 而家香港有几何重会听到店员讲身体健康?我即刻转番身同叔叔讲, 「大家咁话 你都要身体健康!」叔叔回番句「有心! 有心! 下次见」呢份人情味, 我可能听日已经又同你再见。注: $63一碗面我自己比得起, 唔洗咩赞助, 平台唔好诽谤我食免费面。…查看更多

外卖攞翻屋企食 见到门面好似几有风味谂住买黎食下冇谂到味道惊为天人难食.............首先碗野热辣辣都好期待 第一啖咬落去已经有d好臭既绍兴酒腌肉味 同埋d肉色水好似未熟咁 然后个粟米um过我阿婆块面.......... 一啖已经震惊左我对饺子既认知 冇谂过五十几蚊 八只既饺子可以咁惊为天人咁难食永远不会回头为左比到差评我要写够200字 希望大家睇到唔好试 唔知系我唔好彩定系呢个味道有人中意 但我觉得一般人应该接受唔到…查看更多

住左喺呢附近几十年，睇住间舖开，但其实一直无乜帮衬过，都系近呢几年先有去食，1个月最多都系食1次，不过次次食都觉得keep到个水准，味道唔错，饺子大大只，个汤底都好饮。虽然未至于好食到惊艳嘅感觉，但人手包饺，家的味道咁啦～ 不过见好多人话店员态度差，我又忍唔住想帮佢平反下。每次黎帮衬（真系唔系常客），老板（唔肯定系咪）都好亲切迎接。今日落雨，谂住外卖。即使舖内已经8成满，老板系咁叫我坐低等，唔好出去淋到雨。比完钱个收银姐姐无比单我，个老板系咁帮佢道歉。我话出去行住等外卖，佢又叮嘱我小心路滑。拎外卖时又再三叮嘱我睇热唔好渌亲。唔单止系咁对我，我见佢都有同其他客人倾计，送佢哋出门口。虽然唔知其他投诉佢哋态度差嘅客人经历左啲乜，但就我所见所闻而言，佢哋绝对系好亲切。食物方面推介鲜肉紫菜饺，紫菜味好香浓。…查看更多

其实食过几次, 都系好普通既饺子面, 去得都系贪佢近我住既地方同埋食几次D碗/餐具感觉都唔系咁干净, 所以我再去都系叫 外卖BTW件事就两年前左右有次行过见到, 打算买个外卖, 行入去见到唯一一个唔知系老板定员工既人, 系到同客倾紧计, (唔系落紧单, 只系吹紧佢地用咩面/边个地方既口味之类) 我企系门口望住佢吹, 吹左十分钟都唔理我, 我心谂都唔系做生意, 冇出声打算转头走「喂!」个员工叫我, 「食咩呀!」我望左佢一眼, 我继续走「走啰, 咪手然食~」非常好, 永不帮衬…查看更多