氷燒

🔹蜂蜜豆腐2.0日式刨冰 ($118)黃豆粉味嘅刨冰好綿滑，望住店員/老細整完一層刨冰就唧啲醬，咁樣重複幾次，所以食到入邊嘅冰都唔驚冇味。上面有一層豆腐cream cheese，超級好味！有好濃郁嘅豆腐味，口感好似奶蓋咁，值得一試！另外配上蜂蜜醬油，可以按照自己嘅喜好加落刨冰，又鹹又甜嘅蜂蜜醬油令到刨冰再增添一啲獨特嘅味道，令人忍唔住一啖接一啖。鍾意食豆腐味雪糕嘅人一定要試！🍨🟤總結本身為咗Tiramisu刨冰而去，點知去到賣晒，就試咗蜂蜜豆腐味，點知有驚喜！雖然位置唔係超級就腳，但都容易搵到，會下次再去食！😋💸$118 (無需加一)…查看更多

北角新開嘅日式刨冰店「氷燒」，最近人氣急升，幾乎每日都見到人排隊！當中最熱爆款式非「蜂蜜豆腐2.0」莫屬，一試難忘。頂層鋪滿豆腐味芝士奶蓋，入口滑順又帶微微鹹香，豆香味濃而不膩；冰身幼滑細緻，表面灑上香氣四溢嘅黃豆粉，味道更加突出，有種豆乳甜品的清香感。 加上黃金比例嘅蜂蜜醬油甜鹹交融，層次豐富得嚟又清爽，唔怪得成為人氣大熱、幾乎枱枱必點嘅皇牌。 下次想試吓店內另一款同樣搶手嘅「Tiramisu刨冰」，聽講早早就賣晒，仲未有機會食得到！希望下次可以順利試到…查看更多

早幾日上網見到有人影左一碗幾核突嘅冰圖，再寫埋其貌不揚，但味道好好食嘅限定粟米冰。驚死食唔到嘅我趁今日即刻放工搭過去北角一探究竟🤣🤣間冰店好難搵，完全無可能行街經過，行到街尾，走過車房，再行去另一邊街先搵到🫩鋪頭細細，但係裝飾幾別緻，有一塊裝滿唔同粉色系嘅磁石貼，內裡都比較清涼。首當其衝即刻order左個9/10月限定粟米冰（內心其實好想食埋社交平台限定香蕉朱古力冰，但係自己一個，真係食唔晒），再叫左個焦糖餅乾銅鑼燒（有平）。等左一陣，叫檯號，就可以出去拎啦😍😍個冰唔會話超級大個，但足夠一個人食晒，冰面有層黃色厚身cream再加粒粒粟米，食落去！！！大癲！超濃粟米味，完全唔淡，同平時飲粟米忌廉湯係兩個唔同層次，佢中間無其他配料去襯托個粟米冰，但係貌似用岩鹽芝士整嘅忌廉奶蓋已經完全同個粟米融合！味道超夾，甜中帶鹹令到成個mixture 昇華，痴左線🥹🥹仲有兜小蜂蜜醬油，我倒落冰中間，蜂蜜醬油嘅鹹甜味同冰嘅粟米味，又中和出另一種口味🥳🥳超幸福，雖然去到底有冰唔係棉花狀，但完全無損我繼續飲，係，我飲埋🙂‍↕️焦糖餅乾銅鑼燒，銅鑼燒質感綿密鬆軟，焦糖餅乾唔會話死甜，加左d 白色嘅東東（唔記得左咩黎，成個腦都係得粟米冰）令到d餅乾可以黏住銅鑼燒皮唔會一路咬，一路跌。銅鑼燒其實都好好食，但粟米冰太驚艷，完全無得比🤭🤭…查看更多

今晚試過抹茶刨冰加銅鑼燒餅。 自己掃枱面 QR code ，自己去 counter 攞， 自己食完擺去自助回收位置。 價錢是 $147 （包 $19 銅鑼燒） 呢個價錢在北角錦屏街面言，絕對唔平。 味道算不錯。 但感覺老板俾多少少人工兩位伙記，起碼不是那麼冷漠。 …查看更多

大阪黑芝麻红豆刨冰黑芝麻香气很浓，质地细腻，能吃出明显的芝麻颗粒感。红豆馅和红豆粒粒给得足，甜度控制得不错，不会过甜。黑芝麻牛奶汁的加入让整体更顺滑，Oreo碎的加入增加了脆脆的口感，层次丰富。整体风味协调，芝麻和红豆的经典搭配果然不会出错。焦糖脆饼铜锣烧焦糖风味突出，但不会甜腻，脆饼颗粒丰富了口感。铜锣烧的部分处理得不错，保留了柔软的质地，和gelato搭配起来毫无违和感。整体甜度中等，焦糖的微苦和脆饼的香脆平衡得很好，是一款有创意的口味。总结：两款都值得尝试，尤其适合喜欢创新搭配的人。黑芝麻红豆层次丰富，焦糖脆饼铜锣烧口感有趣。…查看更多

見到社交媒體有人po新刨冰舖🍧又有桃味刨冰 所以特登搭咗1粒鐘車嚟北角食!期間限定桃味刨冰🍑成個冰最好食覺得係啲桃😹桃下面係cream cheese，食頭幾啖覺得唔錯，但食到後尾真係膩到食唔落，啲冰好似又冇乜味，整體覺得一般，食一次就夠🙌🏿反正覺得銅鑼燒有驚喜，個皮濕潤，餡都又夾，成件事好match🌟個人覺得食刨冰都會揀返sharishari或者labzero更出色，下次都可以試下氷燒其他口味，但見其他comment都話唔係特別好食，有緣再嚟…查看更多

一開始見人分享尼間刨冰可以媲美Sharishari 又話店主喺日本學藝多年回流即刻拉高左Expectation 專程去北角一轉食冰我地嗌左蜂蜜豆腐刨冰同Frd一致認為唔係幾啱我地口味🥲本身以為係輕盈啲嘅豆腐味但頂層係好厚實 杰撻撻嘅豆乳奶蓋 食落好漏蜂蜜醬油嘅味道係鹹鹹地 個人覺得同個刨冰唔係好夾🙂‍↔️食到後面兩個人都避開啲奶蓋嚟食除左上面層豆乳奶蓋 下面啲冰係冇味的 今舖真係飲水💧而且啲冰唔夠綿密 食到後面有一舊舊冰磚出現🧊個人覺得尼個味道同個價錢不成正比…查看更多

同朋友食完飯，諗住搵一間甜品店嚟食，所以決定嚟呢間試吓點餐方式係掃QR code，然後自己去櫃檯拎，坐嘅位置好少，菜單選擇唔多黃豆粉好香，可以自己加蜂蜜，佢個蜂蜜好香但好甜，同豆腐味好夾，所以建議唔好一次過加咁多，表面嗰層豆腐cream，好濃好正，同埋冰嘅頂部加咗杏仁，可以增加佢嘅口感，入邊中間嘅位置亦都有好似豆腐布甸咁嘅嘢，有淡淡豆香味。整體嚟講好食，口感豐富。地址：北角錦屏街31A號書局街入口入東發大廈B座地下…查看更多

🍧 ɪᴄᴇʏᴀᴋɪ📍 𝟹𝟷 ᴋᴀᴍ ᴘɪɴɢ sᴛ, ɴᴏʀᴛʜ ᴘᴏɪɴᴛ新開嘅日式刨冰店，係北角嘅一條小巷子入面，可能咁啱嗰日落雨所以唔使等位。見店主話噝日本學藝返嚟，有少少期待，每月都會有一款期間限定，今個月係紫薯，但夜餐食得太飽就冇揀到。🍧蜂蜜豆腐 $𝟷𝟶𝟾個冰嘅ᴛᴇxᴛᴜʀᴇ係比較鬆散 好易會跌到周圍都係😂最頂層似有豆乳奶蓋咁樣嘅質地 淡淡嘅豆漿味加粒粒合桃蜂蜜醬油有少少甜甜鹹鹹咁 幾特別但我自己就唔太鍾意甜+鹹呢個組合😝個冰底好食！！係甜甜的牛奶冰嚟🤤舗頭仲有賣銅鑼燒＆和菓子，不過當日可以太夜已經賣哂，下次希望可以試到啦😙…查看更多

☀️🍧👭🏻🐶🌞夏日炎炎，最啱食刨冰，清涼又滿足～🍧✨蜂蜜豆腐刨冰2.0登場！
由1.0原本牛奶汁base升級成黃豆粉牛奶汁，選用日本深烘焙黃豆粉，配上蜂蜜豆腐，口感輕盈，豆香濃郁，清新得嚟又唔膩～
果然係 #氷燒 人氣No. 1 💯🥜期間限定！開心果刨冰登場～
下次再黎，唔知又有咩新口味等緊我哋呢？期待ing✨🍡紅豆黑芝麻銅鑼燒
每日新鮮製作，軟綿綿口感超驚喜！紅豆同黑芝麻爆餡，芝麻香氣超濃郁～一試難忘！👨‍🍳店主多才多藝
男店主喺日本留學3年，擁有製菓技術卒業証書，更曾喺東京米芝蓮級刨冰店學藝，功力深厚，誠意滿滿！🏮店內除咗刨冰，仲有售賣和菓子
牆上紙黏土裝飾超吸睛，門口木桌椅加日式擺設，打卡一流📸🐶每次Luffy同老師約會都好精彩，表現”最真實”既一面💩
今次冇偷食但走入廚房，叻仔！🤣
老師人美心善，包容我哋兩母子嘅小混亂～📍: 氷燒 ICEYAKI…查看更多

大熱天時有乜好過住涼住冷氣食 #刨冰 🎐🎏？位於📍北角錦屏街呢個帶有日式裝潢嘅舖位最近易手，以前嘅咖啡店變成日式刨冰/銅鑼燒專門店🍧🥞。店內牆上掛有店主喺 🇯🇵 日本製菓技術卒業証書，裝飾牆上掛有 #和菓子 紙黏土，一顯專業。─ · ─ · ─ · ─ · ─Menu 簡單，刨冰共有3️⃣ 款，有1️⃣款每月期間限定（今期係開心果），奴才叫咗 #黑芝麻 #紅豆 。全程自助，店主即叫即做。聽店主講，黑芝麻貨源由日本，唔怪之得又香又濃，紅豆細細粒但甜糯適中，食前淋上黑芝麻牛奶汁更添美味 🖤🤍。─ · ─ · ─ · ─ · ─眼見人流不絕嚟外賣 #銅鑼燒 ，奴才話食冰唔飽又追加一個。銅鑼燒共有6️⃣ 款選擇，奴才試咗#紅豆抹茶 （忌廉） 🫘🍵，紅豆餡比起刨冰上嘅紅豆甜度低好多，同樣軟糯，銅鑼燒外皮鬆軟，我都偷食到少少！唔怪得有日本客人幫襯😋。雖然稱唔上神級美味，但係店主聰明捉緊夏天開舖，加上區內無同類食品，出品亦算穩定，仲係毛孩友善🐾，大家一定要支持有心小店哦❣️Follow me @bichoncoolcool …查看更多

早排見Threads有人介紹北角呢間新開嘅刨冰店就去咗試 知道店主喺日本學藝返嚟拉高咗個期望但試完有少少失望😞嗌咗蜂蜜豆腐刨冰 $108呢隻味第一次見 份量都多不過就較鬆散 好易食食下跌到枱面都係（有食過香港其他刨冰店 個冰會實啲）豆腐醬好厚（有啲似好實嘅奶蓋 有種食緊cream cheese嘅感覺）略嫌唔夠輕盈 似豆乳奶蓋多過豆腐味 食食下會覺得有啲膩 本來以為佢係嗰種好清新嘅豆腐味蜂蜜醬油都幾特別 好杰身食曬成個會好飽好膩個人嚟講覺得Shari Shari同Lab Zero嘅刨冰出色啲另外冷氣有啲大 越食越凍想邊食邊傾計都難…查看更多

芝麻味係屬於芝麻牛奶味，同紅豆配搭幾好，冰裏面都係紅豆做配料，不過食到底就有啲淡。反而蜂蜜豆腐個味好特別，質感好似cream cheese咁 但係味道係豆腐 蜂蜜就好似麥芽糖咁好似溝咗少少豉油鹹鹹地 幾得意成間舖感受到店主嘅用心，仲見到佢喺度自己一手一腳build緊啲枱凳，好有日本匠人嘅心機The sesame flavor belongs to the sesame milk taste, which pairs well with red beans. The ice also has red beans as a topping, but it tastes a bit bland by the end.On the other hand, the honey tofu has a very unique flavor. Its texture is like cream cheese, but the taste is tofu, with honey resembling malt sugar, giving it a slightly salty soy sauce flavor—quite interesting!You can feel the owner's dedication throughout the shop, and I even saw them building the tables and chairs by hand, showing a true spirit of Japanese craftsmanship.…查看更多

好好食既刨冰，我叫左期間限定既開心果榛子刨冰，個開心果醬好濃好香仲有勁多果仁碎，個冰底係榛子味，就咁食冰都夠味，老闆有放多個榛子奶俾你加，所以唔洗怕中食到最後個冰會冇味。不過個冰太大，一個人絕對食唔哂我仲叫多個銅鑼燒，係紅豆cheese cream一熱一凍好夾。好推薦大家嚟試，個環境又chilli，拍拖一流…查看更多

身為新界人，專程嚟北角試吓依間既銅鑼燒同埋刨冰🍧我同男朋友叫咗三款唔同味嘅銅鑼燒，同埋期間限定嘅開心果榛子味刨冰牛油紅豆銅鑼燒👦🏻男友最推依款味，味道最溫柔🤣Cream cheese 紅豆銅鑼燒👧🏻👦🏻我係抹茶控但依款優先推薦，男友都大讚，口感好軟熟😆Matcha紅豆銅鑼燒👧🏻抹茶味好濃好正，茶味較出，建議放喺最尾先食3款既口感好軟綿綿，紅豆餡爆多亦唔會過甜👍🏻開心果刨冰🍧👧🏻👦🏻超級大推，開心果醬十分濃 ，有開心果粒，增加口感，配榛子醬，超級夾😆食到中間嗰層亦有開心果醬，yumm😋仲可以加$19加購銅鑼燒🙂‍↕️雖然冷氣偏大，我愈食愈凍🤣變左紫嘴，但值得既😆從食物感受到老闆用心製作，真係好滿足，香港終於有好食又高質嘅銅鑼燒🥹而且價錢公道，仲識講日文（好犀利👏🏻）…查看更多