水門雞飯 (裕民坊YM²)

又是一個懶洋洋的星期天。看完兩個小時的早場電影已經下午一點，開始肚餓。於是到附近看看有什麼好吃醫肚。水門雞飯於觀塘裕民坊，從地鐵站一出不用5分鐘便到，十分方便。 這裏的裝修簡單，而且寬敞，枱與枱之間有足夠距離，坐得舒服。 我們一行二人叫了幾樣一起分享。 水門雞 (⭐⭐⭐⭐⭐)水門雞是這裡的招牌菜，專程來當然要一試。我們兩人共叫了半隻，份量頗多。雞肉吃起來嫩口，而且有一點點油脂感，搭上特製醬汁，令人停不了口。另外還有雞腎等等內臟，吃起來香口，下飯一流。牛三寶泰式船粉 (⭐⭐⭐⭐⭐)牛筋大大條，吃起來骨膠原十足；牛腩吃起來有點爽口而且入味。微辣的湯底，配上掛湯能力十足的船粉，簡直是一大滿足。魚蛋魚片清湯粉 (⭐⭐⭐⭐⭐)朋友吃得較為清淡，於是點了這個清湯粉。魚蛋魚片也十分不錯，吃起來彈牙而且魚味十足。芥蘭 (⭐⭐⭐⭐⭐)芥蘭是跟餐廳點的，份量也不少，吃起來清嫩爽口。胡椒雞膝骨 (⭐⭐⭐⭐⭐)第一次吃這道特別菜式，口感特別，配上胡椒十分惹味，下酒一流。飲品 (⭐⭐⭐⭐⭐)我們選了生薑蜜和蘋果雪梨水，都不太甜而且清潤，秋天喝一流。~~~~~~~~~~~~~~~~~~~~~~~~水門雞飯 (觀塘)香港觀塘協和街33號裕民坊YM² 1樓101號舖推介菜式：水門雞👍🏻經濟實惠…查看更多

去party room，如果場地無得BBQ，應該一係pizza，一係炸雞，次次都係呢啲太邪惡。今次一樣有炸雞，都係炸嘢為主，有美式、本地同呢個post介紹嘅泰式，不過今次又真係做到有啲無咁邪惡嘅選擇。水門半隻雞 $108 舖頭主打海南雞，望落啲雞有啲瘦，脂肪較少、皮較薄，所以無黃油，佢正正係我地呢晚唯一無咁邪惡嘅選擇。雞髀位置真係滑，不過就算係胸都唔算好鞋，清清地好夠味，若然你真係覺得淡，都係點酸甜汁啦！叫飯有得送冬瓜湯，有食雞雜嘅朋友覺得質素幾好，小朋友食得好開心。原來叫半隻雞都有，相當抵叫。值得一題嘅係，呢度距離party room 少少距離，呢個係同堂食質素最接近嘅嘢。水門炸雞件（例） +$30呢個炸雞係水門雙拼飯另外一個主角，炸得好香脆嘅雞扒切件。咬落加啲胡椒香味，真係非常香口，點埋醬汁更正。泰式腩仔（大） $54 個樣好似燒肉，其實係將一塊五花腩炸到外面鬆脆，然後切得細細條，方便食。點埋酸辣平時點豬頸肉嘅醬汁，的確更加開胃，呢度無啤酒，所以好適合送汽水。炸雲吞 $28 呢啲炸雲吞皮薄脆香，內餡少少豬肉，配埋甜辣醬同黃瓜片，絕對係開胃小食首選！🥟香茅雞翼（4隻） $32 呢啲香茅雞翼炸得外脆內嫩，少少鹹香，帶有淡淡香茅草本味，唔係出面常見甜膩嘅感覺，反而有啲清新，連雞翼尖都好有嚼勁！🍗🌿小計 $252 餐盒費 $10 合計 $262…查看更多

從門口就見到廚房的廚窗掛滿了一隻隻肥美的水門雞，非常吸引。店子分內和外座位，內裏有單人吧台和一張大長枱。選擇種類多，有水門雞、沙律、紅咖喱、阿來、小食串燒、泰式船麵、飲品和甜品，還提供生酮飲食。點咗半隻水門雞（$108）配雞汁和湯，單單賣相已很有心思，吸引！雞完全沒有骨，啖啖肉，皮爽肉嫩，唔肥膩，正！再蘸些秘製雞醬，香辣惹味，更美味！仲配了些雞紅、雞腸和雞腎，三款都爽口美味，食得滿足！以優惠價追加香辣牛舌 (8片/$20），抵！好腍嫩，微辣鹹香，令人回味！叫咗碗豬泰式船麵 （$60），有豬肉丸、扎肉和豬肉碎，再加了些四季豆、芽菜、炸脆片，都幾豐富！河粉好滑，豬肉碎就略為肥咗啲，但豬肉丸和扎肉就彈牙，有些香料香，辣辣地，好美味！蝦頭膏炒雜菜 （$56）用料多變，有椰菜、西蘭花、椰菜花、甘荀、粟米芯、蘑菇等，以蝦頭膏爆炒，鹹香惹味，好有鑊氣。老公要咗杯凍泰式奶茶（+$8），佢話完全跟在泰國飲嘅奶茶味道相似，奶香茶濃，甜度適中。我就要杯熱生薑蜜 （+$8）夠晒辛辣，加上蜜糖的甜美，飲到火辣辣。…查看更多

成日路過水門雞飯嘅分店都以為剩係得雞飯食，今日仔細睇Menu先知原來仲有好多其他泰式嘢食，咖喱、船麵、湯、串燒等樣樣齊。🍽️足料椰汁雞煲 $68椰汁雞煲係呢排嘅新品推介，$68跟埋飲品好抵食。雞煲內雞件唔少，肉質嫩滑而且入味。椰汁湯底帶有濃郁嘅奶油香氣，香料及菇亦好足料唔馬虎，忍唔住一啖又一啖繼續飲，如果跟埋飯會更好。🍽️泰式炒鳳尾蝦金邊粉 $78炒金邊粉一直都係我好鍾意食嘅泰國菜~金邊粉色澤好靚，配菜有豆皮、雞、芽菜、鳳尾蝦等。鳳尾蝦幾大隻，清脆爽口。金邊粉集酸甜鹹辣於一身，辣度唔會好辣，整體偏甜，加上青檸汁好開胃惹味。🍽️泰式無骨豬手(例) +$30豬皮部分近乎入口即溶，豬手肉非常軟糯入味，滷水鹹香上帶啲香草味，甜甜哋，無骨好容易進食。成個豬手啖啖肉好開胃、爽口。🍹泰式奶茶 泰式奶茶有濃郁嘅茶香、香料味、甜味同奶香，層次豐富。整體風味濃郁而唔會過甜。🍹菠蘿冰 $29沙冰打得好勻循，飲落冇大碎冰粒。菠蘿嘅酸甜好適合喺食完辣嘢後飲，好解渴。抵食！…查看更多

喺瑞和街打完波，趕得切5:30前去裕民坊間水門雞飯叫下午茶同dinner，真心抵。佢$38有一個煮食，再加小食，再加$5有杯嘢飲。成單嘢都係43。我叫咗呢啲覺得幾好食：泰式船粉嘅湯底對我嚟講都算有啲surprise，原本以為泰國嘢會好鹹，但係呢個船麵嘅湯底都算鹹淡適中。食完都唔會覺得好口乾嘅水門雞飯基本上都係正常發揮，佢下午茶就輕量裝，打完波都唔想食正餐太飽，所以啱啱好OK跟餐嘅小食有得揀兩隻香茅雞翼，拎外賣返屋企途中聞到香噴噴☺️ 仲有佢涼拌牛舌（四塊）都真係整得幾腍身，加少少泰式辣汁食起嚟會更加有風味。因為自家炆牛舌真係一件好煩嘅事，有得揀都揀買返嚟食。老婆鍾意飲椰青，就加咗$40 order咗一個。都包裝得幾企理，椰青下面仲加個膠兜裝住，有啲椰青水漏咗出嚟，但都裝得住。而且椰青嘅份量真係好大個、兩個人都係勉強飲晒甜品我哋仲叫咗個芒果糯米飯（$58）芒果糯米飯都係幾煙靭口感，拎到返屋企仲可以有一熱一棟，凍嘅芒果再加埋暖身嘅糯米飯入口。雖然我只係坐喺度等外賣，但係阿姐都俾個袋我裝住個書包，都算幾有服務態度…查看更多

水門雞飯既分店我都食過兩間，搬左黎東九龍後，發現原來觀塘都有分店，仲要係距離地鐵站5分鐘就到，真係好方便。今次就叫外賣同屋企人一齊食😋🍴 泰式菠蘿燒雞肉炒飯炒飯粒粒分明，唔會油膩但有鍋氣，菠蘿係用新鮮菠蘿，酸酸甜甜好開胃，仲加埋小小堅果同提子乾增加口感，係小朋友既至愛。🍴泰式串燒（雞肉）串燒好香咖哩味，但食落又唔會太重口味，雞肉本身都軟淋，唔會燒到乾噌噌。個醬都係主角，沙嗲汁香濃，另外既白醋汁就解膩，兩款醬汁都好食。🍴泰式炒通菜食泰菜必點既炒通菜，廚師保持到青菜的爽脆口感同埋冇變黃，係一道簡單而美味既小菜。🍴香辣肉碎沙律生菜包既肉碎香辣惹味，搭配清新既生菜，無得輸既口感同味道。🥤話梅茶其他泰國餐廳都冇見過就點黎試下，點知非常有驚喜，酸酸甜甜好開胃😂食左咁多肉岩晒。蘋果雪梨水本身諗住清潤下，飲到底見到除左雪梨同蘋果，仲有紅棗添，多左份養生既感覺，唔會好甜，清清地。📍水門雞飯 (觀塘)觀塘協和街33號裕民坊YM² 1樓101號舖…查看更多

水門雞飯是一家主打泰國風味海南雞飯的餐廳。以主打泰式海南雞飯聞名，堂食外賣都可以。水門雞半隻：雞肉嫩滑且多汁，口感細緻滑潤，蘸上自家製泰式酸辣醬，更具風味層次。附送的雞雜味道足，口感爽脆。雞油蒸飯：搭配的雞油飯香氣濃郁，米粒飽滿且帶有雞油和蒜頭的香味。跟餐嘅雞湯帶有香濃胡椒味。泰式豬手飯：豬手軟嫩入味，肉質滑嫩富有彈性，配搭半隻流心蛋和鹹酸菜，令整體味道鮮香開胃。水門炸雞件（大）：炸雞皮香脆可口，炸得油而不膩，肉質嫩滑多汁，配以特製泰式辣醬，十分惹味！…查看更多

餐廳最出名當然係水門雞，好欣賞佢地間中會出吓新菜式，天氣凍凍地有椰子雞食添最驚喜係推出咗飲控朋友都會鍾意嘅椰菜花飯，絕對係飲控期間嘅福音😍🎈 水門雞飯雞肉可以選擇加錢轉雞脾，肉質滑嫩帶雞油香配嘅雞汁辣辣地仲有冬瓜湯+油飯，食完味道濃郁油飯再飲啖清清哋嘅雞湯真心正想再豐富啲可以額外加烚蛋、青瓜，營養滿分💯🎈泰式冬陰公船粉船粉特色係湯頭濃郁，味道微辣裡面雞肉份量好多，金邊粉索晒味又幾正🎈串燒（豬肉/雞肉）火喉恰到好處，外層香口，內裡juicy配醋汁醋酸酸甜甜好清新，仲有沙嗲醬香濃惹味，令味道更加豐富，兩款醬汁都咁出色，大推！🎈凍泰式檸茶·凍泰式檸茶…查看更多

性價比高，雞肉滑嫩，份量都多 價錢屬於中間， 今次叫左外賣自取，備餐快，醬料味道都唔錯 一個人最推介蔥油醬 整體來講幾好 會再幫襯 而且方便 地方就腳 觀塘黎講算唔錯 $50-60 一個飯盒 有齊蛋白質 碳水 平時返工最鍾意食 …查看更多

岩岩係觀塘放工經過呢間水門雞飯，決定今晚加餸買返屋企慢慢食😙已經食過好多次都會想再食，而且店員哥哥都好親切👍🏻外賣都好快就ready ～水門雞（半隻）雞肉嫩滑不柴，皮下脂肪少，份量多，蘸上經典泰式醬汁酸辣開胃，附送的雞湯清淡暖胃！雞肉串燒（跟餐$30@3串）超值之選！串燒烤得香口，肉質保持juicy，沙嗲醬濃郁，跟餐加購價十分划算。泰式腩仔（大）五花腩肥瘦均勻，燉得軟腍入味，醬汁帶微辣，配飯一流。香茅雞翼（4隻$32）外皮脆香，醃料有濃郁香茅氣息，咬開肉汁豐盈，係必點小食！青檸梳打（跟餐+$8）清爽解膩，青檸酸甜平衡，搭配濃味菜式剛好。性價比高，泰式風味到位，尤其推薦雞類菜品，會再回訪！📍 水門雞飯 (觀塘)觀塘協和街33號裕民坊YM² 1樓101號舖…查看更多

一路都好想食水門雞飯，同屋企人過黎觀塘咁啱見到，即刻食下😚用餐人數：2▪️紅咖哩牛肉飯 微辣-蘋果雪梨水跟餐$62📌推薦‼️雖然嗌咗微辣，個人覺得個辣度已經好夠😚同埋啲紅咖哩撈埋啲飯一齊食真係一流😋牛肉係肥牛，口感唔會老👍🏻同埋配料仲有白蘑菇同埋一啲花生🙈▪️泰式菠蘿燒雞肉炒飯$78📌推薦‼️無論幾時食泰式菠蘿燒雞肉炒飯，都覺得佢哋嘅味道係非常豐富同埋有層次，啖啖菠蘿雞肉仲有肉鬆同埋提子乾，食落好輕微酸酸甜甜嘅水果香，而且鑊氣都好夠，每一粒米飯都裹有咖喱，食落好香口，米飯粒粒分明，真系好正😚▪️蝦頭膏炒雜菜$56（西蘭花 椰菜花 包心菜/高麗菜/甘藍 粟米仔 紅蘿蔔）呢啲菜嘅口感好爽口，而且蝦頭膏都落得好足夠，食落夠曬鹹香▪️泰式燒和牛串$28📌推薦‼️‼️呢個燒和牛串真系好正！！！一擺入口就食到肉質嫩滑又多汁，味道有啲甜甜地，而且仲提供咗兩種醬汁可以點，有秘制醬同埋沙嗲醬，不過個人覺得唔洗點醬就已經最好味😋▪️菊花茶（熱）$24…查看更多

今日响觀塘見到[水門雞飯]，有抵食下午茶餐，包主食、小食加餐飲都係$38.-，決定買返屋企食，再額外散點做晚餐加餸。下午茶套餐 $38.-水門雞飯(輕盈板)：其實飯量依舊，雞件份量較少。雞皮口感滑溜爽脆，肉質嫩滑，點埋秘製醬汁食，正🥰。仲有勁重胡椒味嘅餐湯，同口感軟腍又入味嘅涼拌牛舌，食完好滿足。水門炸雞件 $54.-雞排炸至鬆脆乾身，肉質嫩滑juicy😋，肉味鮮香，好食到停唔到口。燒豬頸肉 $98.-豬頸肉質感軟滑Q彈，肉嘅邊位焦香又帶微微油香。燒魷魚串 $45.-/2串魷魚燒至表面焦香，口感軟腍軟滑，點埋特製辣汁，更加惹味😍。凍龍眼冰 餐飲加$5.-龍眼香味濃厚，香甜凍凉，配香辣食物一流。…查看更多

以往我成日幫襯油麻地同銅鑼灣分店，今次見到觀塘開新鋪就過嚟試下。叫咗個普通雞飯套餐，跟例湯同飲品。雞肉依然保持到水準，肉質嫩滑又入味，油飯煮得啱啱好，粒粒分明夠香口！特登揀咗蘋果雪梨水，飲落清甜解渴，真係夠晒清爽！不過午市套餐嘅肉量確實有啲少，比起以前食有唔同。另外冷氣有啲唔夠，中午時段坐得耐會覺得悶熱。整體嚟講食物質素保持到一貫水準，雞飯依然係咁好味。如果能夠調整下肉量同改善下冷氣問題，就真係完美啦！以後經過都會再嚟幫襯，希望下次體驗會更加好。…查看更多

呢晚偷懶唔想煮飯喺觀塘收工就順便買幾個外賣返去喺裕民坊見到呢間水門雞飯知道有好多分店但一直都冇機會試價錢又公道 5點幾去到都開始好多人食決定買幾盒飯返去試下必點招牌 - 水門雙拼雞飯$58一次過滿足晒兩個願望水門雞去骨 非常嫩滑 雞肉味道濃郁 加埋泰式醬汁 泰式風味好惹味水門炸雞夠香口酥脆攞到返屋企雖然有少少水氣 但氣炸一下依然香脆入面仲鎖住到肉汁 加埋酸甜辣醬一齊食 正！泰式豬手飯$55睇落好似好肥但食落唔覺油膩反而越食越開胃肉質入口軟滑 咬落去爽彈 滷水滷得好入味兩個餐跟飯仲有雞湯 飲落不油膩 加咗胡椒夠晒香 好飲！阿來篇 - 泰式菠蘿燒雞肉炒飯$78粒粒分明 炒得金黃乾爽雞肉同樣嫩滑 加埋菠蘿、肉鬆、提子乾 每啖口感都好豐富 好好食大滿足！…查看更多

帶來濃濃的泰國街頭風味。店面雖小，卻充滿異國情調，牆上掛著泰式風情的裝飾，空氣中飄散著香茅與辣椒的香氣，讓人一踏進門就仿佛置身曼谷街頭。這次點了幾道招牌菜，先說泰式酸辣雞腳，酸爽開胃，雞腳軟糯入味，辣中帶酸的調味讓人忍不住一口接一口，適合喜歡刺激味蕾的食客。接著是店內的靈魂菜——水門雞飯，雞肉嫩滑多汁，搭配特製雞汁和湯，米飯粒粒分明，吸收了雞油的香氣，旁邊還配上清爽的青瓜，解膩又增添口感。點了一杯熱檸檬水，甜度適中，清新解渴，與濃郁的泰式菜餚相得益彰。另一道蒜香菲菜花微辣，炒得恰到好處，菲菜花保留爽脆口感，蒜香濃郁，微辣的調味讓這道菜多了層次感，令人回味。泰式冬陰公船粉（雞）同樣是亮點，湯底酸辣濃郁，河粉滑嫩，雞肉鮮嫩，搭配一瓶熱蘋果雪梨水，完美中和辣度，帶來一絲清甜。最後的木瓜沙律，辣度固定，酸甜與辣椒的碰撞，爽脆的木瓜絲讓人停不下筷子。…查看更多