水門雞飯 (汀角路) (已結業)

兩人自選套餐$198水門雞飯不愧是主打飯！雞肉滑嫩美味，再加上淡淡的油脂超嫩口，食到停唔到口！菠蘿燒雞炒飯味道也很好，最喜歡食菠蘿炒飯甜甜地的同時還有雞肉配合，好有滿足感！香辣鳳爪沙律很惹味，微酸微辣和涼涼的口感，滋味與別不同！馬拉盞肉醬芥蘭苗，嫩口的芥蘭苗用上馬拉盞來香炒，味道鹹香之餘加上肉醬就可以吃一大碗飯！最少不免的是必點的芒果糯米飯！就算食到好飽都要叫這個甜品嘗嘗才是真正的大滿足啊！蘋果雪梨水是清熱潤肺的首選，尤其是轉季滋潤喉嚨的必叫之選！芒果冰的味道也不錯！…查看更多

今日係平安夜晏晝約咗朋友出嚟食嘢因為朋友好鍾意食泰國菜所以佢諗都冇諗就帶我嚟食仲話食過好多次覺得好好食咁就一於試試佢啦～- - - - - - - - - - - - - - - - - - - - - - - -1. 水門雞飯（轉雞髀肉）+湯+熱柚子蜜朋友話水門雞飯係必食同埋一定要轉做雞脾肉因為一嚟容易入口二嚟可以試到佢啲雞肉有幾嫩滑多汁配埋滲透雞汁嘅白飯仲有泰式濃郁鼓香醬汁口感超級豐富2. 泰式豬頸肉朋友亦都大推泰式豬頸肉食落充滿碳烤香味之餘又略帶啲蜜糖嘅甜另外肉質口感嫩滑多汁加埋個碟辣辣哋嘅醬汁好惹味啊～3. 泰式炒通菜本身已經好鍾意食通菜所以唔使多講食親泰國菜都會必點呢間用嚟炒通菜啲調味食材好足食到底會見到好多蒜/辣椒不過又冇話辣到食唔到4. 雞肉串燒雞肉似係本身有用咖喱醬醃住跟住先拎去碳烤至熟透所以出嚟已經有陣陣嘅咖哩香味仲配埋碟泰式咖喱醬入口簡直就係雙重滿足味蕾好啱啲鍾意食咖哩嘅朋友如果覺得太重口味可以食佢附帶個碟酸甜青瓜可以用嚟過口 或者當開胃菜…查看更多

行過大埔嘅一間餐廳，內裏香味四溢，實在忍唔住要入去試吓佢哋嘅招牌—水門雞飯。跟隨味蕾去嘅旅行咁，一碟碟香氣撲鼻嘅飯菜上嚟嘅時候，我已經先勝一籌。😍雞肉切塊，腍滑得嚟肉感飽滿，白滑得嚂心。重點係塊肉冇咁肥，無論老幼都啱食。攞筷子蘸嗰啲特製醬汁一夾，啖啖肉，食落去實在滿足到喊。飯粒軟硬適中，不過一D都唔油膩，對比其他地方嘅油飯，佢哋嘅真係鬼香！湯呢，溫暖又添味。蒸一蒸，滋味細膩，胡椒味恰到好處，輕輕提醒緊你「唔好浪費哦！」隨便一啜，真係好暖笠笠，教人回味無窮。至於配菜呢，酸香嘅泰式檸檬茶真係解膩到不得了！青瓜爽口，同雞肉嘅絕配，一清二鮮嘅滋味，真係唔食都唔得！我諗佢哋嘅食物唔單止係搭配得宜，更加係藏住一份心思同匠心。做得好，唔需要太多花巧術語去修飾，每一啖嘅味道，都係啱啱好嘅見證。總之食完之後，你都會心甘情願變身回頭客㗎！👌🤤…查看更多

一向都好中意食泰國嘢，今日係大埔考完試，見到「水門雞飯」嘅招牌就吸引左我入去幫襯。餐廳嘅風格同泰國當地嘅分店好似，牆身有大象嘅畫，而且店內都播放住泰文歌，而且有冷氣同埋環境乾淨。餐牌上有各種各樣嘅泰國菜式可供選擇，我點左幾道招牌菜。水門雞飯我最鍾意嘅一道菜，雞肉嫩滑多汁，配上香氣四溢嘅油飯和特製醬料，非常美味。而且仲包咗一碗湯，性價比好高。海鮮冬陰功湯金邊粉冬陰功湯底濃郁，辣辣地好開胃，而且海鮮配料豐富，有蝦、青口、魷魚等等。小食方面，胡椒單骨雞翼同串燒我都十分推薦。胡椒單骨雞翼雞翼外皮酥脆，內裡多汁，微辣嘅胡椒味道，非常開胃。而且係單骨，方便進食！串燒方面，雞同豬都點晒，肉質鮮嫩，配上惹味沙嗲醬料，水準之作！馬拉盞芥蘭馬拉盞通菜就食得多，估唔到馬拉盞同芥蘭都咁夾，芥蘭非常爽脆，而且冇苦澀味！芒果沙冰鮮甜嘅芒果同沙冰完美結合，味道濃郁。餐廳環境同食物味道都還原左泰國風味，而且價錢實惠，如果你中意泰國美食，絕對值得一試。…查看更多

我最近品嚐了一份水門雞飯，現在讓我分享一下我的食評。這道菜的特點是它的湯帶有一些辣味，而且食材的搭配也很正常。首先，我必須說這份湯的辣度有些偏高，對於喜歡辣味的人來說可能會非常適合。然而，如果你對辣味不太敏感，可能需要小心。雞肉的質地和味道是正常的，沒有特別突出的地方。它的口感嫩滑，味道鮮美，但沒有太多驚喜。如果你喜歡傳統的雞肉口味，這道菜應該會符合你的期望。另外，這道水門雞飯還附有一種辣汁，這是一個很好的亮點。辣汁的味道非常美味，可以為整個菜餚增添一份特別的風味。如果你喜歡辣味，這個辣汁絕對值得一試。總的來說，這道水門雞飯的湯帶有一些辣味，雞肉的味道正常，但辣汁是一個亮點。如果你喜歡辣味和傳統的雞肉口味，這道菜可能會很適合你。然而，如果你對辣味不太感興趣，可能需要考慮其他選擇。…查看更多

搵食唔易，今次行過一間好有人情味嘅茶記，擺明就係老字號，攞過D餐牌，決定嚟個滋味經典組合。第一啖脆皮豬扒包就已經整個心情嗱嗱聲，豬扒外脆內嫩，撞上甜甜麵包，兩件嘢完美咁交織埋一齊。啖啖肉嘅口感，啱晒喜歡嘎唔啦咁食嘅我。跟住嚟個鮮滑腸粉，現點現做嘅感覺真係無敵。皮薄餡靚，每一啜都似靚絲滑過香口，正到冇朋友。再加埋拉絲西多士，熱辣辣好香甜，炸到啱啱好，外脆內軟，實在係太好味喇。飲品方面，絲襪奶茶點少得？幾口落去港式濃厚，好似打咗啖強心針咁激晒，唔怪得香港人朝朝都要黎一陣。飲落去熱辣辣又香滑，精神一百。社交媒體網站上見唔少人話味同年代味，今次真係試到原汁原味。整體嚟講，呢度嘅茶記食物、環境同服務都一流，一個人食都唔會覺得孤單，兩三五知已一齊嗌，就更加溫馨。下次一定會再嚟大快朵頤！🍞🍵🥢…查看更多

水門雞飯一向都是我的常到店家之一是日下班途經看見有新菜式的菜單便二話不說選擇了水門雞店果腹 二人餐加錢要了炒金邊粉炒得很乾身很有鑊氣蝦很大隻 是新鮮的炸雞飯很足料大碟 😸小食馬拉盞芥蘭芥蘭給了很多 比較其他分店足料😽由於太欣賞招牌水門雞加錢點了半隻 很滑身👍🏻新菜式點了炸黃金門鱔魚皮上桌時有點兒貨不對版大概是魚皮... 碎?我在Open rice看尖沙咀分店的是完整的一大片一大片😿除了炸魚皮之外這一餐很滿意😸…查看更多

剛好今天去教大拍畢業照，搭小巴去大埔看到有水門雞飯，就帶媽媽去試一下。剛好是下午茶時間，非常抵食👍🏻足料又好吃😋水門雞飯 $50雞件已切件，沒有碎骨，而且口感滑嫩，即使不沾醬汁也不錯。飯有雞油味，但不油膩。泰式豬肉丸湯金邊粉 $42金邊粉抄得乾身，麵質口感煙韌。有三隻大蝦，口感彈牙。配料有碎蛋、芽菜、花生碎和辣粉。配豬肉丸湯，帶少少胡椒味。馬拉盞肉醬芥蘭苗 $18 （追加小食）超好吃😋😋芥蘭苗煮得不會太老，夠爽甜。豬肉串燒（2串）$24 （追加小食）雞肉串燒 （2串）$24 （追加小食）串燒燒得剛好，不會太乾，仍保留肉汁。椰青 $38每次吃泰菜都會喝椰青，清甜解渴。餐牌如下。…查看更多

香港人有時就係鍾意泰菜呢啲重口味野😌見到水門雞飯開到成河成市，就試一試呢間：📍 水門雞飯 (汀角路) (大埔)大埔汀角路11號地舖🔻裡面嘅裝修打造輕工業風，門口仲有賣佢地生招牌—秘製醬料！🔻1. 鳳尾蝦泰式金邊粉 $68有四隻好爽口嘅蝦，攪拌埋花生碎同辣味香料，將金邊粉本身提升另一層次，但提一提如果怕太辣，唔建議撈哂啲辣粉，要自己調適🙈🔻2. 水門雞飯 $56雞好嫩滑，加埋雞汁配油飯真係食到停唔到口，啖啖都點啲酸酸辣辣醬汁，食到重味時仲有碗湯俾你中和下🤩🔻3. 泰式腩仔腩仔整得好香口，炸粉偏薄，所以都算入味入心🔻4. 椰青椰青好新鮮，清新解油✨飲完仲要食埋厚厚嘅椰肉🔻兩個人食簡直食到捧住個肚走，下次我希望可以食到下午茶限定嘅咖央多士☺️…查看更多

琴日同完小朋友返學，返到去掠埋衫就肚餓，諗諗同家人食咩好，於是睇睇OpenRice ，先知原來屋企附近係有間水門雞飯，咁就去返袋鼠度睇下咁，又有自取優惠，就叫幾款試下，我地叫左水門雞飯，炸雞，泰式燒腩仔，同埋芥蘭苗，水門雞飯雞肉唔錯，泰式燒男仔好香口，肉質亦OK，芥蘭苗都炒得唔錯，同埋想講佢哋嘅醬汁整得幾好味，幾香，同埋幾好味，送飯都一流，水門雞飯一人餐有配埋野飲，國飲都好多選擇，有芒果冰，龍眼水等…查看更多

平靚正既一餐估唔到250蚊左右可以食到咁飽先揀個2人自選餐 $198-水門雞飯雞肉滑 份糧剛好黃油飯夠香配埋啲特式秘製醬汁 好味道海南雞飯仲係冇骨嫁-馬拉盞肉醬炒飯意想不到地香肉醬好多肉 食起黎唔會好似外邊個啲餐廳咁空虛仲有隻蛋食添-泰式炒通菜菜唔會太乾水份保持良好有少少汁一齊食 炒得香越食越開胃-豬肉串燒有沙爹醬同醋比你揀去點豬肉香味好出 燒得剛好唔會太老 又唔會唔熟-班蘭大菜糕甜點揀左佢好香班蘭味 個人好鐘意食班蘭產品啱晒我 撈埋椰漿一齊 味到再昇華泰式燒腩仔 $52又估佢唔到咁大塊好抵食呀 出面燒得香脆野飲叫左蘋果雪梨同生薑蜜特式得黎又健康推介埋單先$250👍👍…查看更多

同泰國嘅水門雞飯一樣有質素，雞身非常滑，而且雞飯香味濃，串燒肉質唔會鞋口，而且非常之新鮮熱辣，仲有佢嘅沙律都係非常之啱口味唔會太酸，又非常之開胃。位置非常方便又近太和站。…查看更多

Weekend放假想簡單食個午餐就要去水門雞飯，叫假日套餐再加到成枱都小食差啲夜晚都唔使食飯，都係人均百幾蚊，CP值👍🏻🌟水門雞飯 $62 鹽水雞肉味道鹹香，肉質爽滑，再點醬油更加有風味🌟牛肉湯牛丸生牛肉湯米 $60大塊薄切生牛肉好嫩滑，牛丸多汁又彈牙，牛肉湯超濃香，炸豬皮吸咗少少湯勁正🌟雞 / 豬肉串燒 $26$26有兩串都好多肉，豬肉肉質較實，雞肉比較軟身，但兩隻都好Juicy，點沙嗲汁食少少辣好開胃🌟香辣鳳爪沙律 $52天氣熱真係好需要呢啲涼菜開下胃，無骨鳳爪醃得好入味又夠淋，配上涼浸浸嘅酸辣汁好開胃🌟馬拉盞肉醬芥蘭苗 $22🌟餐飲我哋兩個分別叫咗龍眼水同凍柚子蜜，清甜又涼爽…查看更多

⭐️ 水門半隻雞 $108呢個係一個好健康嘅選擇。佢嘅雞肉好嫩滑😗😗，仲有個酸酸甜甜嘅秘製醬汁，真係好開胃。仲有一碗胡椒雞湯，夠胡椒味，又清甜。雖然雞睇落蒼白，但係佢嘅肉質好嫩滑，多汁得嚟，食落去唔會覺得油膩，冇咗一般雞嘅黃油同埋油膏👀👀。係好清新健康，食得無負擔😄😄。半隻雞仲無骨，就係一閃眼就食晒。總括嚟講，呢個真係好好味又健康嘅選擇，我好推薦，真係非常出色💛💛，尤其係對鍾意食清淡嘅人嚟講，一定會好鍾意。⭐️ 水門撈麵 $58呢個撈麵加埋雞腳、鴨血同豬手。食落去有種滷水撈麵嘅感覺，豬腳、豬手同鴨血都炆得好入味🤤🤤。撈麵嘅麵質好彈牙，有咬口，啲汁都好好咁掛喺麵上面，份量都好足夠🤩🤩。送餐嘅時候，佢地仲會配返一個小碗，可以裝住啲骨，服務好細心👍🏻👍🏻。⭐️ 清湯魚片金邊粉佢個湯底好清爽，仲有好多料，有炸蒜、豬皮、芽菜、蔥粒，食落去好豐富嘅感覺😆😆。魚片好大塊、好厚身，食落去有彈牙嘅口感，真係可以嚟到魚嘅鮮甜味。金邊粉又軟滑又入味，份量剛剛好😎😎。⭐️ 香茅特飲唔多餐廳有呢個香茅特飲，味道好清新，唔會太甜，夏天好熱嘅時候飲落去好解暑😋😋。香茅味道好突出。同其他餸菜一齊飲，可以解油膩感覺。真係好特別，值得一試😚😚！⭐️ 泰式檸茶好推薦呢個！同一般用紅茶加檸檬嘅檸檬茶唔同，佢用泰國茶葉做底，再加埋檸檬🤪🤪。整個味道特別得嚟，飲落去濃而不澀，仲有種香草味，好出色😝😝。🍄 總括嚟講價錢親民，份量好足夠😻😻。菜單有唔同選擇可以揀。味道好好，質素都高。特別係水門雞、同埋嘢飲方面，真係有好多驚喜，絕對值得一試🤤🤤！📍水門雞飯 (汀角路) Water Gate Chicken Rice (Ting Kok Road)大埔汀角路11號地舖G/F, 11 Ting Kok Road, Tai Po…查看更多

同朋友去大埔食晚餐，想食泰國菜，最後決定去好多人推薦嘅水門雞飯。去到餐廳，餐廳望落唔算大，但裡面位置都幾多，有十幾張枱，坐落唔會太逼。餐牌有好多菜式，我哋研究咗餐牌好耐，最後發現二人自選套餐最抵食($198)，包兩份主食、兩份小食、兩杯飲品、一份甜品。泰式魚蛋魚片河因為冇魚蛋，我哋轉左要牛丸。呢碗泰式船河有好多蔥同芽菜，牛丸嘅牛味好濃，魚片好彈牙，味道正。鳳尾蝦炒金邊粉 ＋$10金邊粉配炸蒜頭同辣椒粉，可以撈勻食，小辣。仲有四隻蝦，蝦都幾新鮮，味道唔錯。水門雞(半隻) +$38水門雞配一碗湯，仲有雞腎，雞血、雞腸。水門雞好滑，點醬食好惹味。湯飲落有啲胡椒味，都幾易入口。泰式炒通菜通菜份量都好多，比較多菜莖，但味道唔錯。泰式奶茶 (熱)泰式奶茶味道都幾正宗，好飲。泰式咖啡 (凍)班蘭糕班蘭糕有兩件，上面嗰層係斑蘭，下面嗰層係大菜糕，最上面仲有椰汁，味道好夾，斑蘭味都好濃，好食又解膩。…查看更多