水門泰式海南雞飯專門店

去開深水埗買嘢，聽過有幾間都好出名嘅海南雞飯，咁今日就走咗去食水門餐廳，位於西九龍中心，美食廣場位置，我哋一行二人平日中午，當日美食廣場都唔係太多人都好快已經搵到位，叫左兩set 海南雞飯和青檸梳打，海南雞飯d肉滑嘅，而且咬落都唔太肥，不過其實冇乜特別冇乜味，油飯雖然份量多，不過沒有油香，而且啲油飯整到太淋太濕好難食，最後唔想浪費夾硬食埋，然後個湯都係一般例湯咁，雖然價錢唔貴嘅，不過下次應該唔會再食了。…查看更多

前幾日去咗西九龍食水門海南雞，分量對$40來講合理，個雞油飯都唔錯，而佢嘅雞都算嫩滑，海南雞完整，唔會好零碎，個湯就正正常常嘅，再去嘅話都會食呢間。不過如果個美食廣場環境好啲就更好。…查看更多

本身想幫襯同場另一間海南雞飯但賣哂，即管試下。以45蚊叫左個海南雞飯跟脾， 一上枱就覺得份量偏細。個湯無料喺入要， 只係好咸嘅水。雞肉算嫩，雞味一般。油飯中規中矩。 總結黎講， 性價比一般，以西九龍foodcourt有更好選擇。…查看更多

又係食雞時間啦,哩期已經唔係關注青少年食雞要返海南島,或者關注食越南雞要去持牌店,而係食雞大比併係係西九龍中心!新一間無色全日雞開張,西九海南雞我地齊齊試,今日我地食下最耐歷史既水門雞雞先,其實我都食過幾次,水門既雞,多次黎講水準平均,雞係比較淡身,斬得整齊,冇碎骨,湯係南瓜雞湯,清清淡淡,飯係雞油飯,冇黃薑飯或豬油飯咁重味,佢地整既汁好好味,用黎點雞撈飯真係成桶都食得曬,無錯,係一桶飯,佢本身比果個飯已經係一桶.水門雞車車相入便每份雞為半隻份量.今次仲特登叫斬雞少年留d 雞pat pat 比我食XDD正呀.…查看更多

疫情下，食店營業時間有限制，加上市民減少出外用餐，令到不少食店陷入困境，食店唯有主攻外賣生意。有些網上飲食平台隱形費用不少，所以，有些食店索性自己送外賣到港九新界各區，其中一間筆者會不定期光顧的是【泰式水門海南雞專門店】。當食店計劃出專車到我果區，就會收到FB message 及菜單，菜式款式多，其中有以下款式：- 唔正宗去骨海南雞(冇跟飯)$85 半隻 $170 一隻- 芒果糯米飯 $55- 泰式小菜 (小菜奉送雞油撈飯1個)- 冬陰公牛腩$85- 粉絲蝦煲(6隻蝦)$85- 泰式咖哩蟹肉$95- 好撚肥咸蛋黃牛油墨魚$65- 金不換肉碎炆茄子$60 - 泰式煎肉餅$55 - 泰式檸檬葉蜜汁燒豬頸肉$65 之前每次order 海南雞，今次想試下其他泰式小菜。準時到達取餐。返到屋企仲暖暖地。小菜奉送雞油撈飯1個（原價$15）。【泰式咖哩蟹肉$95】倒出來翻熱，原來蟹肉在盒底，份量超級多！每口啖啖肉，雖然蟹肉鮮味麻麻，但咖喱汁味道不錯，用來送飯一流！【泰式檸檬葉蜜汁燒豬頸肉$65 】醬汁味道很好，如果豬頸肉燒得再香口一點就會更美味。整體來講，兩個菜式的味道一般，勝在方便又抵食。…查看更多

位於西九龍中心8樓美食廣場既呢間泰式雞飯聽講都幾出名，今日就去試一試佢😋首先店鋪既位置係唔係在美食廣場中心的，初頭兜左一圈都未見到，原來發現係在𨋢口位置對出既～佢既餐牌亦十分簡單，只係賣雞飯，選擇嚴格嚟講得雞同雞翼飯，今次就揀左泰式海南雞飯，佢隨餐有附送雞湯👍🏻👍🏻今次就係外賣食既，佢送既果個湯就味道比較淡，唔太出味，不過佢有隻雞腳係碗湯底食下，叫做有啖湯飲下無咁dry😂😂泰式海南雞飯（$40）首先一打開見到雞既份量都算多，唔會話淨係得幾舊雞😂而每一件雞佢都已經起左骨，去骨亦做得左好乾淨，食果間就唔覺有碎骨，值得抵讚👍🏻而雞既處理十分好，食落相當嫰滑，雞肉唔會太老或太鞋，絕對係水準之上既雞飯，至於油飯略嫌唔太有味，但做得好既地方就係飯無痴埋一舊，粒粒分明，而佢附送既泰式醬汁就好岩送飯，個味酸甜辣都有，加埋蒜頭令到更香，要嚟送飯或蘸雞肉都十分岩食😋😋😋總結以$40嚟講，呢間小店既海南雞飯絕對係高質既，以小店嚟講雞既水準分分鐘比外面店舖做得更好👍🏻👍🏻唯一可以講下就係對於胃口比較大既朋友嚟講就未必夠食😋對我嚟講就岩岩好👍🏻值得嚟一試👍🏻👍🏻…查看更多

👌🏻泰式海南雞飯 $35整體味道普普通通，但勝在夠平🤑雞髀黎講肉質唔算嫩滑，去左骨，但無咩雞味油飯都無乜雞油香，偏淡口附送既人蔘雞湯無落鹽，飲落甘甘地幾健康，但稀左少少，似人蔘水咁🤭個汁係好味既，咸咸辣辣好香蒜味，雞肉點左醬汁即刻好食左🤣味道：6/10性價比：7/10-📍#水門泰式海南雞飯專門店深水埗欽州街37號西九龍中心8樓美食廣場55號舖…查看更多

呢間既海南雞好出名, 成日聽到朋友大讚但都未有機會試, 今次遇著屋苑團購即刻試下!佢既團購menu除咗海南雞之外重有幾款小菜, 冬蔭公牛腩、金不換肉碎炆茄子、泰式煎肉餅、泰式香葉肉碎煎蛋. 我除咗無要牛腩之外其他都有點! 本身海南雞整得好好味不在話下, 雞肉好嫩滑, 雞皮咬落爽口, 烹煮時間控制得宜, 雞皮&肉之間重有啫喱, 真係一食難忘!! 其他小菜都好好味, 個人鍾意金不換肉碎炆茄子, 夠野味, 不過鹹咗少少, 泰式煎肉餅一咬落去首先就有陣啖啖既檸檬葉之類(??)既香味! 好正!! 重有鮮榨雞油撈飯都好出色, 外賣既份量好多! 食得好飽呢!!! 👍🏻 …查看更多

難得黎到深水埗一定要黎西九龍中心嘅foodcourt，呢度經濟實惠得黎仲好多選擇，可以話係成個西九龍中心最旺嘅一層。呢度除左水門泰式雞飯之外其實仲有幾間黃店，大家記得都要支持一下。海南雞飯（轉雞髀）40蚊有海南雞飯又有湯，CP值真係非常高。雞脾嫩滑得黎皮又薄，個飯亦都充滿住油香，味道同質量絕對比得上啲貴價餐廳。個湯亦都非常有誠意，唔係一般食海南雞飯配既清湯，係養生既中式湯，入面有雞仲有唔少蟲草花，真係食個飯飲啖湯都可以補肝益腎，正!人均消費：$40推介指數（10分為滿分）：9分…查看更多

水門泰式海南雞飯專門店之前有去深水埗買過佢地既外賣，但對我地呢啲新界人真係唔多就腳，終於等到佢地各區外送，嘩...拿拿聲落單是常識😂💛又雞又茄子，仲有個煎肉餅添，咁又一餐啦我又可以唔洗煮飯，爽😌😌😌隻雞好滑👍🏻茄子好味😋個肉餅堅好食，有6塊，平時遇到呢啲數量，我會3條友平分，但今次唔可以啦，我自隊咗3件😬😬😬查實我好想自己一個食哂佢😂，真係覺得好好食🤤🤤🤤#深水埗 #西九龍中心 #荃灣 #南豐紗廠#屯門 #元朗 #外送 #團購#海南雞 …查看更多

水門泰式雞飯專門店💛🌝西九龍中心絕對係平民飯堂，尤其係food court 嗰層超多平價飯，今日介紹呢間係我喺西九最中意食既小店，手緊既時候會幫襯佢地既廿蚊飯，同樣配足料雞湯架！唯一美中不足既係呢度飲品方面只有青檸梳打而無泰式奶茶...💁‍♀️海南雞飯（$35)👍“性價比高的海南雞飯 仲要配油飯同超足料雞湯""雞肉夠嫩滑 加上惹味醬汁 但略嫌油飯有點黏"雞湯真心超足料，好香，食哂之後個人即刻暖粒粒喔！…查看更多

今日嚟到深水埗覓食 聽說西九龍中心有一間人氣爆棚嘅海南雞飯店就上咗去 food court 等咗一陣就有位海南雞飯 雞肉嫩滑 配泰式醬 沾雞同撈飯都好夾藥膳雞湯 真係好足料 味道好濃泰式青檸蘇打 加咗全糖都有啲唔夠味…查看更多

呢間店最近就好人氣，呢日去到深水埗西九龍中心，呢間店都排長龍呀，相反有好多店都冇乜人食喎。呢間店好好找，就係西九龍中心的foodcourt入面，都算係出面既當眼位，唔洗行到好入。不過係得美食廣場，就意味住要自己揾位啦，都有唔少人買外賣番屋企食既。不過都唔洗等好耐，十分鐘左右就有得食。比多D錢可以揀雞脾飯，不過我就冇加到，不過D雞肉都唔鞋，都好嫩滑，所以唔加都得。咁既價錢以為得兩舊雞，份量都已經比想像中多，油飯好味，仲有埋湯添。少少地想食下海南雞飯可以考慮一試，店員好nice，亦都有好多人買外賣番去一買就幾個飯添…查看更多

之前聽朋友話系元朗食過話啲雞好味好滑，所以尋日經開深水埗就買左一隻雞返屋企做餸試食，同埋叫左兩碗油飯，隻雞超滑同有雞味，油飯我自己就鐘意佢油吾多，吾似出面一般油飯好油，不過飯吾夠香但都算可接受。不過等外賣時間比較長，我都等左差不多成30分鐘，希望可以改善另外，希望快啲黎南區開分店，南區朋友都可以食到😋💪💪💪…查看更多

之前去西九龍中心foodcourt會食嘅一間餐廳，每一次去條隊都排到好長，無返咁上下耐性都唔好排隊啦，可想言之幾好生意！飯底係油飯，青瓜清爽，雞肉好嫩，配埋個泰式醬，撈飯一流！個湯都好足料，有花生、雞腳、杞子，幾濃嘅藥膳味，真係真材實料！…查看更多