水戶日本料理

已經有一排冇喺上水粉嶺食日本嘢，之前一間高質嘅已經結業多時，另外一間都好食，但係質素近來下降好多，但今日真係唔想去咁遠，即管去OpenRice搵一間，估唔到．．驚世大發現🤣，近在咫尺粉嶺中心居然有一間好味，性價比又高嘅先來燒蟶子，細細條肉質好爽，好新鮮，size 啱啱好唔靱，連鋪面的蔥同埋蒜蓉都新鮮好味。壽司盛得一款，上枱時見到其中一件係吞拿魚腩（單點都50幾蚊），真係眼都大埋，真係好少見二百幾蚊嘅壽司盛都會俾吞拿魚腩咁正，另外幾款魚壽司都好新鮮，我鍾意壽司飯嘅size細細嚿。燒雞泡魚乾，老人家都食到，最鍾意食佢添，燒得香，亦都腍身。另外叫咗一個蕎麥麵，都係正常嘅日本餐廳嘅水準。甜品係檸檬雪葩，賣相普通，都好味好Refreshing，但係價錢偏貴要58蚊，不過整體價錢都抵，所以拉勻完全唔貴。改善嘅係服務員的態度，可以友善少少，有d d笑容就更加好…查看更多

粉嶺黎講都算係一間唔錯既日本餐廳，食咗油甘魚壽司，火焰壽司🍣，最愛嘅鵝肝壽司牛油果軟殼蟹卷物，都好新鮮嘅食材❤️而且位置卡位坐得很舒服，同屋企人過黎食，都好滿意…查看更多

難得入到粉嶺，想搵間好嘢食，上網見到評論唔錯，就諗住試吓！水戶日本料理主打多款日式定食、鍋物同小食，環境裝修都幾有日本風，價錢亦尚可。今次試咗幾款，可能期望唔高，所以同預想中差唔多🤔🥩🍲牛肉壽喜燒（$106 + 手打烏冬 $18）牛肉壽喜燒湯底帶甜甜的醬油香氣，牛肉質素一般，但份量唔算少，洋蔥、白菜等配菜都幾多，好健康😂至於手打烏冬係比較幼身嗰款，個人覺得兩個人share可以加！🍣 火炙醬燒三文魚壽司（$30）口感上算嫩滑，但兩件就要$30，質素嚟講，壽司郎好似係個更好嘅選擇，性價比一般。🥓 豚肉大阪燒（$48）大阪燒食落主要感覺嘅係大量粉漿同椰菜絲😂，豚肉唔太食到，面層淋上醬汁同柴魚片，味道算中規中矩，整體口感麻麻地。整體評價個人覺得水戶喺鍋物方面做得比較好，至於壽司同大阪燒就唔太推薦啦～ 店舖嘅環境唔錯，不過，以粉嶺嚟講，性價比稍嫌偏低。…查看更多

以前好中意黎粉嶺中心搵食，次次都見到呢間日本野好多人食，印象中食過lunch唔錯，見到仲有位唔洗等就決定入去食我地今次2個人，得返吧枱坐，期間師傅整壽司不停拎同擲返d膠盒入櫃，有嘭嘭聲，唔多唔少影響到食客😓我哋叫咗一個豬軟骨拉麵加特製麻辣醬，一個牛肉壽喜燒加烏冬，牛油果軟殼蟹卷，三文魚腩壽司，蝦壽司，蒜香牛舌，食到好飽，唔知係咪叫得太多，所以覺得啲嘢食都冇咁好食，不過整體嚟講都算抵食，埋單$438。味道方面特製麻辣醬唔錯，佢唔係好辣，但香味夠，都值得加錢試。…查看更多

在現今的餐飲市場中，顧客對於預訂的期待越來越高，尤其是當談到熱門的日本餐廳時。然而，許多餐廳在接受預訂後，卻經常出現「訂了位卻還是沒有位置」的情況，這不僅讓顧客感到困惑，甚至引發不滿。若餐廳的座位有限，為何還要開放預訂？這個問題值得探討。許多餐廳可能出於提升知名度和吸引顧客的考量，選擇接受預訂，但實際上卻無法有效管理座位。當食客在不知情的情況下提前訂位，卻發現到達時卻需要等待，這樣的體驗讓人感到失望。顧客希望能夠在繁忙的生活中安排好時間，享受美食，而不是因為訂位問題而浪費時間。如果餐廳無法保證預訂的可靠性，或許不如乾脆不接受預訂，讓顧客可以隨時前來，用餐時不必面對不必要的等待。這樣一來，顧客也能更自由地安排自己的用餐計劃，餐廳也能減少因管理預訂而產生的困擾。總之，餐廳在接受預訂時，應該考慮到顧客的實際用餐體驗，確保每位顧客都能享受到順暢的服務。否則，這樣的預訂制度不如不設，反而能讓人更安心地享受美食。…查看更多

最喜歡平日到來，裝修後的午市拉麵比之前便宜，服務態度親切，食物質素不錯。拉麵大大碗還有溫泉蛋、日式蒸蛋、前菜和味噌湯。井定食則有沙律、前菜和味噌湯，比較上水日式餐廳便宜得多。😘😋…查看更多

睇咗openrice食評過去試試，很失望，好評怎樣來的！什麼高質日本料理，CP值高，北區隱世日本菜呀！！夠膽說？！叫咗下面食評推薦嘅牛油果軟殼蟹卷，土佐豆腐，滑蛋豬扒飯，一般！under average！另外，鰻魚炒飯嘅鰻魚淋jetjet有啲腥！冇下次！…查看更多

粉嶺比較少高質日本料理，所以通常想食日本菜都會去呢間水戶日本料理，最近裝修完重新開業比之前更寬敞，環境整潔，食物水準都keep到，食材一如以往新鮮，員工服務態度良好會主動幫忙換碟加茶，唔知食咩好問老闆會細心介紹各種不同食材，空運象拔蚌爽口鮮甜，壽司同刺身都新鮮肥美，壽司飯嘅醋酸度剛好，鮮磨wasabi超正，天婦羅粉漿厚度適中，蕃薯好甜，生蠔好新鮮唔會腥，重海水味，食完想再追加最後食埋甜品雪葩超清新大滿足…查看更多

嚟到粉嶺，我真係撞正咗間寶藏 — 水戶日本料理！🍣 我一坐低，先點咗個「竹盛」壽司拼盤，啲海鮮份量好犀利，厚實肥美，就算係用眼食，已經滿足到！其中，帶子嘅滑嫩同油甘魚嘅微妙脂香，真係抵死㗎啦！再講吓嗰個姬路蠔，要數值，這間絕對係No.1！一啖落去，蠔味純正，海滋味噴發出嚟，令人一試愛上。三文魚壽司方面，飯粒啱啱好，唔會搶咗三文魚嘅風采。啲三文魚切得靚仔得嚟，捧喺飯上，跟住溫柔蘸咗啲醬油，清新滋味直沖腦閘。再講埋嗰個芝士鰻魚卷，我嘅天呀，真係罪惡同誘惑並重！芝士噴香散發住鰻魚嘅醇厚，話說夾埋一齊嘅滋味，真係標青一絕㖭！佢哋嗰串燒汁牛柳粒就稍微遜色啲，牛肉熟咗啲，嗰份嫩滑未能完全表現出嚟。但整體嚟講，食得出店家嘅用心同對食材嘅尊重，真係令人讚賞！想體驗粉嶺嘅日式料理，水戶營造嘅親民又細緻嘅氛圍，絕對值得你走一轉㗎！🎌👍…查看更多

嘩，準備過一個悠閒嘅週末，就行到呢間藏喺粉嶺嘅日本小店，心諗，食食日式晚餐，岩曬！🍣 先講講個壽司拼盤，啲壽司真係得嚟又靚仔又新鮮，那種筍筍地、冰冰涼嘅口感，真係令人想即刻又食多件！呢啲嗜好壽司嘅食客，應該會覺得好正點！ 但講到呢個蕃茄海鮮烏冬就啱晒啲唔怕「濕漉漉」嘅同路人，湯頭酸酸甜甜，幾適合夏天嘅感覺。至於配料嘅海鮮嘛，就真係冇能過壽司咁令人心花怒放，可能啱啲唔太計較嘅食家啦。😅同坐嘅點了杯啤酒，搭住晚風喝，一啲都唔覺得突兀。從四周嘅笑聲入耳，睇得出呢度係街坊心目中既寶藏小店啊！環境簡單舒適，冇嗰種張狂嘅豪華，倒係多咗份貼地嘅溫馨。如果想一飽口福，又或者想要個微醺嘅夜晚，呢度絕對係一個唔錯嘅選擇！🍺…查看更多

開店初期幫襯過，當時食物質素唔錯，食材新鮮，可能係咁，爆場返枱，人流不斷；今日喺附近做完嘢，諗住順便食埋晚飯，但食物質比以前下降，今次叫咗油甘魚刺身、水戶壽司盛、鍋燒烏冬、火炙碟魚裙邊壽司、生蠔，整體來說，食物的水準一般。刺身和壽司只能說一般般。味道普通，沒有特別突出的地方。魚肉的質地還好，但也沒有什麼驚喜。生蠔有點腥味，不太新鮮。可能是因為品質不夠好，所以沒有完全展現生蠔的鮮美。這讓我有點失望。至於鍋燒烏冬，它是這些菜式中最普通的一個。沒有什麼特別的風味，也沒有什麼驚喜。就是一道普通的烏冬湯，沒有太多可以令人印象深刻的地方。…查看更多

【高CP值！北區隱世日本菜︳親民貼地價錢‧享受日式居酒屋】#MC帶你去粉嶺.依間居酒屋喺粉嶺中心比較隱蔽嘅位置，要行到走廊盡頭，反而令到用餐環境安靜，隱私度高。. ⚡ 清酒煮大蜆 $88清酒煮蜆都算喺居酒屋必點嘅大熱菜式。蜆肉Size大粒、無沙，但清酒可能揮發曬啦，酒味偏淡。⚡ 鹽燒牛舌串 $36 / 鹽燒雞奕串 $26牛舌厚切得嚟有嚼勁，牛味香濃；雞奕就小口精緻，小朋友都食得到。⚡ 土佐豆腐 $46用雞蛋漿同埋木魚絲包住豆腐炸到金黃色，外皮香脆、豆腐超嫩滑，另外木魚絲炸過嘅關係，比起普通炸豆腐，口感更加豐富！⚡ 滑蛋豬扒丼 $86滑蛋豬扒丼賣相一般，肉質厚實，味道中規中矩。平時食得多拉麵，偶爾食返細個成日食到嘅丼飯都唔錯！⭐整體︰8.0/10⭐食物︰7.5/10⭐環境︰8.0/10⭐價錢︰9.0/10.==============================📍 水戶日本料理 (粉嶺)地址：粉嶺新運路33號粉嶺中心C座地下1C-1D號舖交通︰港鐵粉嶺站 A1 出口==============================.#MC #Ming_Course #hkfoodie #foodiehk #hkfood #hkfoodblogger #hongkongfoodies #hongkongfoodie #hkfoodlover #hongkongfood #週末好去處 #拍拖好去處 #情侶好去處 #香港小店 #北區美食 #粉嶺美食 #粉嶺一日遊 #粉嶺好去處 #香港美食 #吃貨 #相機食先 #本地遊 #香港一日遊 #香港好去處 #香港 #粉嶺 #水戶日本料理 #日本菜…查看更多

即興約有刺身癮嘅朋友粉嶺食飯，首先一定諗起「水戶」。我哋已經去過好多次，最緊要去到唔好要排長龍，即日打去book位基本上一定full咗，所以想食就盡早walk in，我哋6點去到剛剛有卡位。佢位於粉嶺中心，商場泊車有得免鐘，我哋兩架車揸去都好方便。❁梅·剌身盛 $518刺身癮起，再次嚟都再次叫，好似加咗少少價，一大隻刺身船夠晒睇頭，佔晒張枱一半嘅位置，有八款刺身，有啲三片，有啲四片，藍鯨吞拿魚大腩最好味，入口即化，我哋四個人，如果有四片就更好，三文魚、鱆紅魚、八爪魚、赤海蝦、北寄貝、帶子全部新鮮，最鍾意有板海膽，不過好似比之前份量少咗啲，同埋有少少溶溶地。❁室津生蠔 (6本) $178新鮮即開，肉質飽滿爽口，淡淡海水味，抵食。❁壽司刺身魚大大片，全部新鮮肥美，壽司飯緊實細細舊。三文魚壽司 (2件) $26金目鯛壽司 (2件) $44深海池魚壽司 (2件) $44油金魚腩壽司 (2件) $46劍魚腩壽司 (2件) $40❁牛油果軟殼蟹卷 $88卷物都抵食，軟殼蟹炸得酥脆卷成反卷，配埋牛油果、蟹籽同沙律醬，成件放入口層次豐富。❁自家玉子燒 $38唔算大件，入口微溫，濕潤鬆軟，淡淡蛋香甜味，淋上芝麻醬。❁蟹籽沙律 $44其實已經食飽，不過同朋友傾吓傾吓又想叫多樣嘢食吓。蟹籽份量十足，新鮮卜卜脆，配青瓜絲、蟹柳絲，沙律醬另上，簡直係最佳配搭。#水戶日本料理地址：粉嶺新運路33號粉嶺中心C座地下1C-1D…查看更多

據說是人氣爆滿的日料站門口排了半小時这家日料网上的点评也好多,我们七点多来的都要排队等位,这生意也太好了吧！住粉岭附近都知道他们家,食物简直就是便靓正！好多人说这里已经是大家的饭堂了,我是朋友带我过来的,不然还真不知道这隐蔽角落还藏着一家日料呢～三文鱼很肥美很新鲜,一口满满的肉很满足的感觉呀～他们家的甜虾也很正诶,虾好大一点也不小一口一个！当然这碗拉面🍜才是灵魂,卖相就已经勾起我满满食欲的啦，这颗流心蛋真的很漂亮,好看又好吃！室内装修都是日式设计在这里拍照也是很有感觉哒！位于粉岭中心的一个角落，很难发现在这里有个日料店的！如果你来香港了一定要来吃 水户日料上水粉岭朋友们的食堂，人均💰100…查看更多

相約朋友粉嶺食日本嘢都一定想起水戶，佢位於粉嶺中心比較隱蔽嘅位置，店舖唔大，食物出色價錢又合理，所以次次都多人排隊，近年都成為了我嘅飯堂，今次要排隊等位都照排，因為想帶朋友嚟試吓。店舖佈置充滿日本風情，我哋一行四人入座卡位，寬敞舒適又夠私隱，無限時，可以盡情傾吓計。#梅剌身盛 $438刺身用木船奉上，賣相一流，三文魚、藍鯨吞拿魚大腩、鱆紅魚都係厚切，八爪魚、赤海蝦、北寄貝、帶子、全部鮮甜無雪味，仲有一板海膽，味道濃郁，配上新鮮青瓜絲及紫菜，回味無窮。#日本生蠔 新鮮，肉質爽口，有海水味，抵食。#蔥藍鰭吞拿魚蓉軍艦 (2件) $32藍鰭吞拿魚新鮮，份量足，加生蔥絲及紫菜一齊食，口感更有層次，飯唔大舊。#油金魚壽司 (2件) $40油金魚大大片，新鮮肥美，細細舊壽司飯握得緊實。#牛油果軟殼蟹卷 $94軟殼蟹炸得香口，蟹籽多新鮮卜卜脆，配埋牛油果、同沙律醬簡直係最佳拍檔。#三文魚壽司 (2件) $24三文魚肥美，飯細細舊。#雞泡魚乾 $32一大塊都幾抵食，同朋友一路傾偈一路慢慢食，送酒更加一流。#明太子玉子燒 $72比出面食大件厚身，有蘿蔔蓉鋪面，整體比較濕同淡口，可能要加多少少明太子。#水戶日本料理地址：粉嶺新運路33號粉嶺中心C座地下1C-1D…查看更多