民豐粉麵行

营业中

休息中

近排對開心果狂熱起嚟🔥🔥，狗狗爸爸知道就喺民豐買咗開心果同芝麻糯米糍嚟做甜品。本身都幾大期望，但係。。。開心果糯米糍：呢款比平常口味（如芝麻、花生）貴個double，$12/粒，而size又細啲，感覺矜貴好多🤩；我哋即日食，冇雪過❄️；食落口，第一啖係覺得勁甜，白糖的甜，仲有啲砂糖的顆粒感；開心果味唔明顯，甚至乎可以話係冇❌，甜度將僅有的果仁香冚曬，同埋，我懷疑🤔用好少開心果/開心果醬；糯米糍個皮好厚；完全唔合格🙁芝麻糯米糍：呢款雪過❄️，第2日先食，無可避免個皮係硬咗；佢都係甜🥴，但食到芝麻味，如果新鮮食，加上$6/粒，可以一試🙂我見民豐個盒寫住湯圓，如果啲饀係用喺湯丸度，呢個甜度都可係合適、合理，但用落糯米糍度，真係唔太健康，啲糖亦影響口感👎🏻

最近紅到爆既手工糯米糍難得黎到荃灣當然要試一試😋最出名既係開心果糯米糍（$12@1）聽聞比關注組推到變恆常產品 一咬落去係爆餡🤭開心果碎成口都係但開心果味就唔算太出 可以再重手啲芝麻糯米糍（$6@1）依個就一如以往咁好食 咬落去都係爆餡未食前已經聞到好香芝麻味 應該係炒過但稍為可惜係，因為太紅所以要排好耐😖而且排隊既位樓上有冷氣機滴水所以要小心啲

排左半個鐘，諗住買兩舊開心果、三舊花生同兩舊芝麻（共$42 ）結果翻到屋企打開入面得四舊仲要無開心果🥲🥲有啲失望，大家下次買嘅時候真係要睇清楚 um…. 花生同芝麻正正常常無太大驚喜，外皮太多粉，唔洗排隊都可以試下嘅

呢間既新口味糯米糍突然被好多唔同社交平台炒起左🔥🔥🔥今日放工心血來潮.. 試吓係咪 「排able」Ummmm…估唔到我weekday 夜晚8:00後要都排 25mins, weekend 不敢想像本身目測3-40人姐姐應該都係執執執會好快佢兩款新口味係幾特別 榛子 /開心果$12榛子比較甜開心果個味都幾天然係唔錯既但其實以前既舊口味已經足夠好食$6 佢個糯米糍要即日食，幾軟糯唔可以放雪櫃（會影響口感）但係當你以前細個明明係唔使排隊賣$4嘅時候而家要為咗一個$12嘅糯米糍排半個鐘係一件好黐線嘅事時代唔同咗

民豐粉麵行最初創立於1962年，近排因為開心果熱潮加上大量IG洗版，吸引了大量本地居民前來朝聖。由於針對開心果糯米糍的食評太兩極，小編有興趣試一試究竟好唔好食(順便可以知道邊啲IG/ youtuber Foodie同自己口味一樣😉）小編weekday ~5:30pm排到6:00pm，買了花生，芝麻和開心果味糯米糍。民豐粉麵行的糯米糍有以下幾種口味:芝麻 / 花生 / 豆沙 $6/粒開心果 / 榛子 / 腰果 $12/粒開心果 $12搣開糯米糍見到大量嘅餡，糯米糍皮唔厚🤩🤩🤩。但食落口第一啖心情跌到落谷底……究竟邊個話開心果味濃架？！？小編只係食到好多砂糖，咬落脆口，係有一粒粒果仁，可惜開心果味薄弱，友人表示如果唔事先同佢講係開心果味，佢可能食唔出😂小編則表示食完後，等甜味過咗，口腔都有少少開心果味嘅餘香嘅……花生 $12（Sorry🙏🏻小編食完開心果味後大受打擊，唔記得咗影花生同芝麻嘅相🙏🏻）小編認為花生跟開心果一樣偏淡，砂糖沒有開心果的那麼多。而剛好小編的花生糯米糍的皮較厚，餡也比較少。不過小編覺得手工嘢始終品質冇咁穩定，皮的厚薄、內餡的多少都可能每次不一，可以接

周日下午睡到自然醒，之後來到民豐做排隊的傻事。民豐是家歷史悠久的粉麵廠，每逢大時大節港人會來排隊買湯圓，但近日由於開心果糯米糍大熱，又再次出現超長長長人龍！排足40分鐘真是史無前例，是故一口氣買了一打糯米糍，除了紅豆味從缺外，最受歡迎的芝麻、花生，最新開心果、榛子味仍貨量充足。先試新推的開心果糯米($12)，味道是有點特別，帶淡淡的果仁甜香，可惜烘得不夠乾身，香氣没有充分發揮，再加上貴上足足一倍，因此只是話題度足，建議一個起兩個止，嚐嚐就好。榛子糯米($12)同樣是新口味，店主表示像極了金莎是有點誇張，同樣是淡淡的果仁香，口感偏濕潤，比開心果味更平凡，純為綽頭而己。作為多年的老客，說實話是芝麻味糯米糍($6)一如以往的好，皮薄餡足芝麻夠香，美中不足足砂糖掺得太多，但又比新口味便宜一半，眾裏尋她還是芝麻最好。簡生說挺不喜歡排隊，但看到老店仍能引起港人排隊的慾望，就是不忍心不加入排隊的行列，這是能略盡的綿力吧。

一開社交平台超多人推介嘅開心果糯米糍🫶🏼呢間嘅糯米糍本身都幾多人食依家有埋開心果味 就更加排晒長龍我喺呢頭返工呢日行過就買咗嚟試糯米糍好足料 開心果味就一般 唔算話未到好出不過有朋友仔食過就話好香 呢啲都好睇個底嘅料咁岩遇著靚既開心果就會好食啲🤭另外都買咗花生同芝麻味 一樣脹卜卜有啲偏甜 但都係好食😋不過下次都係等唔使排長龍先買啦🫣

最近開心果糯米糍好熱滿，趁得閒經過買黎試試。開心果糯米糍每粒$12，吃起來不會太甜膩，糯米糍皮唔算薄，裡面的餡料多。不過我覺得嘗鮮一次就足夠了，不值得再排1個小時去買。

排隊排了半小時，排隊期間不斷同致癌物近距離接觸（油煙味好強），都是一時衝動，受影片分享平台影響，趁熱鬧去排隊，一口氣買晒所有口味😰😰😰開心果：算是所有口味中最唔甜的那款，開心果味都算濃，但都有點甜。芝麻：最甜😰😰😰😰😰，甜到唔想食，想吐番出嚟🫠花生：甜，香濃花生味，不過甜⋯⋯⋯榛子：都算濃郁榛子味，但太甜了還有一個不知道是什味，有點像花生但深色啲，anyway, 這個香，但都是甜😰😰😰平時飲凍檸茶少甜/手搖杯少糖/微糖的話真的要三思⋯⋯或者一個糯米糍兩三人分享，太甜真係搞唔掂😩希望佢哋出微甜版，真的太甜🫠🫠🫠🫠

自從上次開心果係期間限定之後一直都等佢變做常規味道，而家終於等到，仲特登去買嚟食！佢size都偏大粒，差唔多係掌心size，同埋都幾有重量，用手秤都覺得佢個餡好足料，好期待咬開佢嗰一下！首先，糯米糍個皮好煙靭，好好咬口，糯米糍仲食到啲香味。皮有少少鬆軟，口感好正！一咬開就係係開心果餡，勁香嘅開心果味，再加上落咗糖嘅甜味，開心果味好出，仲有糯米糍應有嘅味道，一粒十幾蚊好抵食。最後啲碎多到跌晒出嚟，都唔好放過，都要食埋佢，哈哈！

得知荃灣老字號 「民豐粉麵行」最近有爆餡開心果糯米糍買，我地當日去到己經夜晚8點半🕗，姐姐超好人即刻整但只有3️⃣個口味，同埋因為皮係熱♨️只能當晚食。沖好涼🚿後就到甜品時間啦，拎出黎好鬼大粒，剪開後啲餡漏晒出黎，真係非常足料，店家堅持以人手炒香芝麻和花生🥜，磨碎後混合砂糖，好明顯食到一粒粒既碎，本身我勁期待開心果味，結果都係花生好味啲。📍民豐粉麵行📌荃灣荃灣街市街35號地舖#荃灣 #民豐粉麵行 #糯米糍 #荃灣必食 #荃灣好去處 #荃灣美食地圖 #餐廳推介#假日好去處 #ilovefood #hkfood #美食推介 #美食日記#親子 #全職媽媽 #金牛座 #育兒日記 #育兒 #育兒日常 #寶寶日記 #成長記錄 #lemontea.519 #凍檸茶

鍾意食糯米糍，你一定要試吓呢一間民豐！位於荃灣 其實佢本身應該係一間賣粉麵嘅舖頭，不過佢亦都有糯米糍，煎餃，韭菜餅等等可以買而我就非常之鍾意食佢嘅糯米糍$6一粒！好抵食有黑芝麻，花生同紅豆，我見到呢排好似新出咗啲味有開心果，榛子，就要$12一粒不過唔知佢係粉定係醬呢今次就未試新既味買咗三粒黑芝麻三粒花生真係一如既往咁好食名副其實，皮薄餡靚！！！佢啲餡多到係一定會跌出嚟鍾意食糯米糍嘅你一定要去試吓！！！

荃灣必食嘅爆餡糯米糍最近竟然出咗新口味🤩除咗本身嘅豆沙、芝麻同花生味之外，仲有最新嘅開心果味❗️限量發售😍😍平日下晝三點幾去到，雖然唔洗排隊，不過見到數量都唔係剩返好多，如果想試吓開心果味就唔好太晏去🤭🏅開心果糯米糍($12)🖤芝麻糯米糍($6)🥜花生糯米糍($6)糯米糍大約手掌心咁大，餡嘅比例都幾多，一切開即刻爆晒餡🤤🤤🤤不過餡料側埋咗一邊，包得唔係好平均，會有一邊好厚一邊好薄嘅情況😅但糯米皮勝在柔軟煙靭，完全滿足到煙靭控嘅要求😍餡料方面，爆餡就眾所周知😌但幾欣賞佢嘅甜度控制得幾好，唔會太甜得來，厚皮果一邊又唔會話覺得唔夠味道😂喺未出開心果味之前，花生味同芝麻味一直係我心目中並列No. 1🥇今日食完開心果味之後，就被開心果味追過咗了🤭香濃嘅開心果味，仲食得出粒粒開心果果碎好正😋😋

民豐開業過半世紀，實實在在的老字號👴🏻主要售賣粉麵，但最出名係糯米糍同韭菜餅除咗最經典嘅芝麻、花生、豆沙最近佢地仲出咗✨開心果糯米糍✨當然要即刻去幫襯！估唔到收工時間麵買到𓂅 開心果糯米糍 ᴴᴷᴰ 𝟷𝟸意外有驚喜☺️ 食到粒粒開心果糯米皮相對厚身，可能因為唔係即做少咗份果香𓂅 芝麻糯米糍 ᴴᴷᴰ 𝟼同樣可能因為放咗一陣時間 (放工時間買 )所以多咗分淋淋到嘅口感糯米皮都係比較厚身芝麻味都算濃郁，呢個價錢都接受到👌🏻

中意食新鮮野，有日見到啊姐煎緊韮菜餅超級香，即刻買左一塊食。可能韮菜餅係每日5點幾六點新鮮整，啊姐會企係果度一路煎一路賣~🤤🤤🤤佢會煎到個外皮超級脆，硬硬地但唔會痴牙。韮菜勁香勁多，韮菜愛好者必食☺糯米茲有幾隻味，紅豆芝麻同花生都有，買果陣按個人口味就得。我平時中意食紅豆，所以我都最中意紅豆味。糯米茲既外皮軟糯，唔係果種QQ地既外皮，而係好似米麻糬咁既質地(再實正d)，紅豆唔會太甜，整到好似豆沙咁~