每日が日曜日

🍛咖喱吉列豬扒飯$68金黃色的炸豬排外皮酥脆，內里肉質鮮嫩多汁，覆蓋著一層濃郁的咖喱醬，咖喱是偏甜口味，非常容易入口，伴有珍珠米飯，顏色對比鮮明，令人垂涎。🍜醬油拉麵（軟麵 ）$60醬油湯底醇厚，帶有淡淡的咸香和甜味！麵條柔軟且有彈性，能夠很好地吸收了湯底的味道。粉嫩色的肉片，肉量再多一些會更好！配有青蔥、筍乾等配料，色彩豐富。🥟雞皮餃子4隻 $30形狀特別，外皮是用雞皮包裹內面的豬肉，炸制後變得酥脆，與內里多汁的餡料！但雞皮入口油膩，建議配上沙律一起食用！ 🥢章魚小丸子6粒 $30小丸子細小的圓形，表面微焦，配有甜醬和木魚花，味道普通！…查看更多

幾個年輕人打理 服務好好 環境都乾淨整潔 😃坐落都舒服 但唯一嘅缺點就係比較多蚊🥲🥲見到午餐啲嘢都幾抵食 款式都算多今次晚市食拉麵 啲嘢味道幾好 👍🏻👍🏻👍🏻…查看更多

咁岩入大埔做野，就搵舊同事食LUNCH，因為大家都鍾意拉麵，所以佢推介左日曜日。可能時間仲早只係12：30，入到去時很一枱客，自己坐底斟水飲，係仲有冰碎既凍水，正。餐牌好簡單，本來習慣第一次食既鋪頭都會點最基本既拉麵先，但被佢個每日限定10碗既二朗系拉麵吸引左。雖然係最貴$120，掙扎左又陣，再加上未食早餐，所以就決定挑戰下。碗麵既實物比佢手機點餐裡邊張相靚好多，亦都大碗好多，有點擔心會食唔晒。幫碗麵影左張後，就正式開始戰鬥。豚骨湯不過不失，麵係中粗都係不過不失。背脂比較碎，一了開個麵就消失係湯底。但勝在佢真係夠二郎系，粗芽菜夠多，椰菜都有，兩都都係好爽口，撈埋落d麵度食好正亦都令人覺得無咁膩。佢呢個叉燒口感同味都好正，筍唔多但算粗切好夠味。仲有無入鏡既半熟蛋都入晒味，蒜頭夠多，成碗感覺都叫滿足。枱上有自制既昆布醋，可惜趕時間無法清到個湯，所以野清得晒，飲埋應該會頂胃😂。可以再食，會搵機會再入大埔。…查看更多

有驚喜～重豬骨味好純粹 濃湯有背脂, 叉燒薄切 有入口即溶的感覺 食完唔係味精的口渴 最正係有杯大大杯冰水畀你人任飲 , 溏心蛋加粗筍一流 小食必食 雞皮餃子 , 女侍應好有禮貌 呢度加好多分😆…查看更多

麵店近太和消防局，店面不大，有那種日式拉麵店格局，平日晏晝幫襯，唔使排隊就可即時入座。最吸引我就係pat pat 碗，可以一次過試兩種湯底，點了鹽味豚骨同辣味豚骨加硬麵，我覺得豬骨湯味道不算太濃，但本身口味偏清淡所以我反而較喜歡，麵質不俗，整體而言是及格，而且$98包叉燒、溫泉蛋，算是值得一試。不過我覺得如果多少少錢，叉燒可以厚D會完美多D。店舖還有其他小食選擇，最吸引我是炸雞，有機會下次和朋友一齊試，…查看更多

見到大埔有新拉麵特登揸車過嚟食。今晚我第一個客，基本上叫你坐低之後淨係擺低個落單QR code就走。唔緊要，我嚟食嘢嘅啫，最緊要好食。叫咗碗黑蒜油豚骨拉麵，一食落去以為自己中咗肺炎冇味覺，得啲豬油味完全冇鹹味嘅？再食多半嚿筍，都係冇味。唔通呢啲先至係正宗拉麵我唔識食？真係從來未試過，諗咗陣都係頂唔順細細聲問 waitress 妹妹個湯係咪冇落鹽？（嗰陣有第二枱客入咗嚟，費事大聲佢尷尬) 點知阿妹喺廚房大大聲話個客問係咪冇落鹽😂 好快師傅出嚟小黑面攞返碗麵走話再整過，咁我就食住小食雞皮餃子等，呢個小食 ok 嘅。好快上過另外一碗，正常，顏色深咗，好明顯第一碗佢完全唔記得落醬油，師傅擺低嗰陣講咗句：唔好意思呢碗應該 ok 㗎啦。講返碗麵，好一般，湯唔夠，筍真係冇味。叉燒正常表現刀功嗰隻，蛋正常。冇下次。…查看更多

成日係屋企煮飯煮到厭 ，見屋企附近新開嘅拉麵舖有個期間限定 ♨️芫荽麻辣味噌豚骨濃湯🍜就即刻入嚟試一試。湯底係麻辣味噌味，入口唔會好辣 係日式辛口 再有少少麻嘅感覺。🥵🥵本身食譚仔五小都嫌辣，呢個湯底完全冇問題而配料方面 如圖 我叫左多芫荽，佢比左足足半碗我😂😂😂 之前食嘢都未試過比敢多 最後！ 職員認真好有禮貌 同好好傾！ ！ 🥹🤍 有種去左日本旅行嘅感覺 ，臨走前仲同我講 遲啲會有酒牌 做埋居酒屋🎑叫我要再嚟希望會推出更加多新嘅拉麵🥰⭐️⭐️…查看更多

突然一人晚餐之前見到呢間拉麵店開著好耐，每次都的唔起心肝去試🥺好啦，今晚試一試啦！好又一餐，唔好又一餐😤入到去女店員勁有禮貌，以香港黎講都好少咯😌點咗個黑蒜油豚肉拉麵$85真心驚喜😦拉麵最緊要係個麵，佢用嘅係幼麵。我揀軟麵都幾好食👍🏽個豚肉最好味，薄薄嘅兩片，好重豬味推薦！湯底夠濃，不過如果再"傑"身多少少更加好，掛到多啲湯👍🏽不過份量多返少少會最好，我一個男人食完有啲唔夠飽😂有機會都會再過嚟食多次👍🏽…查看更多

第一次去呢間餐廳，主要食拉麵，餃子同炸雞，職員很有禮貌，態度好好，環境舒服，坐得唔會好迫，裝修得好靚，，食物方面質素很好，，好好食，飲品又好特別，，下次一定會再幫襯…查看更多

試左推介既豚骨濃湯拉麵有自家醬油加入好濃厚帶沙既豚骨鹹香不乏鮮美背脂不膩口 厚潤度更提麵質好爽口 揀左硬麵 夠口感蛋調味不重生熟程度不俗豚肉叉燒好軟嫩油脂香足整體而言係不錯既新店…查看更多

拉麵店設門面 同埋內部裝潢都係 日系簡約🇯🇵偏向居家舒服既色系 有空間感既食店-介紹前好想講 我都好鐘意食拉面以往 一路食/食完係想飲好多水呢間係 幾正既小店佢既拉面同餃子 都食到好原味既味道食完都吾會 口渴 所有野都剛剛好係個黑蒜湯底相對地清淡1. 炸餃子佢係真係薄脆 *不是乾柴 同埋硬 所以吾刮口餡好juicy好飽滿 同埋試到係新鮮因為啲肉食落 感覺冇太多味精 偏向係original 好簡單既鮮味2.炸雞皮餃子呢款餃子 以為佢會硬身啲 成塊脆但係皮既質感係 邊邊同頭尾脆卜卜其他位置偏向彈牙 有啲驚起皮既彈性 加上入面既肉都有彈性同juicy,咬落成個口感都好正 脆而彈又juicy 係豐富既口感3.鴛鴦黑蒜原味豬骨湯拉麵☺️對於咩都想食 但係肚就得一個既人黎講黑蒜既味道好出 湯底味道相對清淡原味反而剛剛好 佢既湯底 可以飲幾啖細品一下會飲到豬骨骨髓個味道而面底軟硬程度有3種 可以自由選擇*呢個位 都幾細心 糖心蛋既醬油味亦都冇咁重，反而令到糖心蛋嘅蛋黃味道更清晰濃郁至於雲耳 記得落埋原味豬骨湯一齊食啦！小食同拉面 性價比真係好高 重飲左支綠茶可樂 🫣埋單$170左右…查看更多

可以一試的拉麵。不敢說是否很正宗，但麵，温泉蛋，义燒，豚骨湯及其他拉麵必有的都不錯。店舖雖不大，勝在清潔雅緻，明明寫了豚骨湯我還問有否味噌湯，老板很有禮貌回應。只叫了拉麵加紫菜，下次會去試餃子。…查看更多

行過太和諗住搵D野食 咁啱見到有間新拉麵舖 開頭行過見冇咩人都擔心係伏但係門口見又好似幾吸引 就入去試下😋😋食落又唔錯喎 個黑蒜油好香 😋😋而且有好多蒜片係個湯入面😂😂🤣🤣麵係用幼麵 幾好食份量上都ok 女仔夠食有突 男仔就要加多個替玉啦食下食下突然都成間舖滿座 可能始終新開 出餐慢左小小 但係D staff 好好禮貌 服務良好值得一讚 鋪頭D冷氣同冰水好夠凍 食拉麵好舒服 下次黎開呢頭都會再過嚟食 希望下次有再多D口味試吓😋…查看更多

晚飯時間，見店面冇乜人上黎openrice 睇下食評先知原來新開張，就膽粗粗入黎試下，和男友各自都點了黑蒜油豚骨湯拉面，諗住試下好唔好食再決定加唔加替玉，結果比想像既好食，加埋蒜泥同芝麻就更好食！心諗點解冇乜人幫襯呢？最後我再加多份炸雞， 都很不錯，很juicy !絕對可以一試喔！…查看更多

#MC帶你去太和.依一間新開嘅拉麵店喺太和邨附近翠怡花園，依邊本身都好多食肆，人流都幾旺，但店鋪樓面位置唔大，食飯時間就可能要排隊等枱啦。.✨ 每日が日曜日拉麵店行簡約和風格調，配以木系擺設🪵好有日系嘅感覺之餘，又讓人感覺輕鬆舒適☺️拉麵暫時選擇唔多，主要以豚骨湯為主，可以揀原味/鹽味/黑蒜油/辛辣/醬油。🍜 黑蒜油豚骨湯拉麵 $85上枱時，濃濃嘅黑蒜油味撲鼻而來🧄 但飲落豚骨湯底偏清淡，無想像中咁濃郁。日式叉燒肉質幾淋身易咬👍🏻 整體而言，食材質素不過不失，如果湯底可以濃郁啲會生色不少🙊🍜 豚骨濃湯拉麵 $83純豚骨濃湯湯底，反而味道正常比黑蒜油豚骨湯更為濃郁🤤麵線粗幼適中，口感軟滑彈牙👍🏻 溏心蛋口感非常濕潤，食落有香濃嘅蛋香味🥰🍗 唐揚炸雞 $38炸雞份量好適合女生，但略為炸得過火，有少少焦香同乾身，食落口感乾硬，比較失色🙊.⭐整體︰7.5/10⭐食物︰7.5/10⭐環境︰7.5/10⭐價錢︰8.0/10.==============================📍 每日が日曜日 (太和)地址：太和大埔太和路20-21號翠怡花園A座地下7號舖交通︰港鐵太和站 A 出口==============================.#Ming_Course #hkfoodie #foodiehk #hkfood #hkfoodblogger #hongkongfoodies #hongkongfoodie #hkfoodlover #hongkongfood #週末好去處 #拍拖好去處 #情侶好去處 #香港小店 #大埔區美食 #太和美食 #太和一日遊 #太和好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #太和 #每日が日曜日 #日本菜 #拉麵…查看更多