正斗粥麵專家 (國際金融中心商場)

27/9/2025 星期六今日難得中午同老公吃午飯，叫碎牛肉粥 ： 侍應話冇碎牛肉！為什麼？ 但是為何有乾炒牛河呢？叫馬蹄糕： 侍應又話冇馬蹄糕！！叫杏仁茶： 侍應又話冇杏仁茶！！！但是以上這些菜其他分店有喎，之前去過跑馬地的正斗係有架！最終只係叫咗炸兩、白粥、牛腩麵和蝦餃，其實個餐牌都冇乜食物嘅選擇，仲有一個點心都要$60以上。即係叫乜都冇，食物又差又貴，侍應態度都不好，每台都冇自己嘅茶水，又要叫又等人過嚟斟水！…查看更多

平日中午放飯，兩個人食，叫咗啲點心，仲有一個細雲吞麵。7樣點心+細雲吞麵，600蚊。知道IFC食野貴，貴唔係問題，但要俾返應有嘅食物質素先得囉！炸兩-超難食，入面舊油炸鬼淋到變咗靭燒賣，蝦餃，蒸排骨-正常普通蘿蔔糕-又係超腍，一夾就散蝦仁蒸腸粉-啲腸粉好厚雲吞麵- 正常，唔係話特別出色炸腐皮卷-又係唔脆嘅，腍嘅坐到最入，仲要好似無冷氣咁，邊食邊滴汗，真係可一不可再，衰啲講句，唐記都好食過佢。。。。個侍應仲識叫個熟客坐出啲，入面好熱，但就安排我地坐到最入果張枱，真係熱到出晒汗…查看更多

🥢【生腸及第粥】/ $82炸兩太熱氣就唔食，點返個及第粥。裡頭有齊生腸肉丸豬潤豬肚等足料。豬潤豬腰口感軟嫩粥已經入嗮味。🥢【鮮蝦雲吞麵】/ $72講真，一擺上台嘅時候雲吞麵嘅鮮蝦雲吞真係比預期嘅細粒，不過一咬落去真係一試難忘，個湯真係好香蝦子同大地魚味，鮮甜咸香剛剛好。🥢【豬手】/ $78麵底湯底基本上同雲吞麵差唔多, 不過豬手麵主打就係豬手。佢地用南乳汁醃製豬手，肉質就非常入味,而湯底就過D南乳味比清湯更美味，大件豬手肉質軟腍易咬又不會爛。…查看更多

老朋友相約在中環國金正斗吃簡單午餐後再下樓的士站坐的士入新界天水圍參加朋友新翁之喜的圍村九大簋宴。她訂了兩桌共15人按餐牌點雲吞麵、水餃麵、蝦餃、燒賣、鳯爪、鮮竹卷、叉燒包、油菜、鹹魚雞粒飯和甜點。經過上月我和老婆在中環雲吞麵名店麥xx吃了隔夜雲吞和硬麵後，這次來到正斗讓我對香港的雲吞麵水準重拾信心。我除了感謝朋友相約在正斗讓我吃到何謂完美的雲吞麵外，也必須要寫食評把好吃的雲吞麵介紹給其他喜歡雲吞麵的朋友。我的總結是，正斗除了雲吞麵完勝之外，廣式點心也是很不錯的。…查看更多

📍 正斗粥麵專家 (國際金融中心商場) (中環)中環金融街8號國際金融中心商場3樓3016-18號舖再度跟Super Junior圭賢食盡中菜2.0💙中菜指數：❤️❤️❤️🫖香油條腸粉（炸兩）腸粉皮的確簿滑，可惜油條偏硬，唔夠鬆脆，有點失色🙈🫖流汁叉燒包叉燒包外皮鬆軟，內餡香濃多汁，真係相當唔錯，明明小編已經食到好飽，都忍唔住食多一個😋🫖正斗生腸及弟粥及弟粥粥底軟綿，生腸彈牙，不愧貴為粥麵專家，下次要試試其他粥先☺️🫖正斗鮮蝦雲吞麵原本好期待呢碗雲吞麵架！但送到上黎時，見到細過粒象棋嘅雲吞的確難免有少少失望，不過味道上唔差嘅🥹🫖揚州炒飯呢碗揚州炒飯炒得飯餸粒粒分明，又唔會太油膩，難免圭賢讚呢碗炒飯超凡🤣好食指數：❤️❤️❤️…查看更多

叫咗四樣嘢有三樣都係中伏🙈先講咗樣好食嘅先，唯一係碗粥最好食💖牛肉爽滑、肉丸肉味濃郁，粥底綿滑✅但價錢係80幾蚊一碗，要求好食都叫做正常啦？炸兩個樣就好靚啦，但係啲腸粉散修修😅入邊嘅油炸鬼唔係平時食開油炸鬼嘅味道，而且口感好硬，硬到杉到個口😅炸醬麵入邊嘅肉好嚡，味道唔夠茄汁味，唔係太酸，食得唔過癮🙈感覺就唔係太正宗啦！鮮蝦腐皮卷三份二浸滿油🤧完全食唔到落去！！！直升機指數🚁🚁🚁🚁…查看更多

老實講，一上到台嘅時候雲吞麵嘅雲吞真係比預期嘅細粒，但係一咬落去真係一試難忘個湯真係好香蝦子同大地魚味，冇味精但好鮮甜，咸香味剛剛好！因為唔想兩個人都要晒鹼水麵，所以我就叫咗河粉；個人比較喜歡河粉，因為比較軟熟，但我都試咗朋友嘅鹼水麵彈牙唔會太重鹼水味，所以唔錯。只係食雲吞麵真係唔夠飽，所以我哋要咗個啫啫通菜煲。白通菜佢哋整得幾好食，係因為肉碎再加指天椒，好入味好下飯。我本身對食通菜都幾有要求，因為有啲通菜個莖真係太硬唔好食，但係呢度嘅有驚喜-有咬口之餘係入味嘅。…查看更多

已在沙田分店吃過兩次, 未能完全維持水準, 這晚經過IFC才發現這邊也有分店, 媽咪又想吃, 所以再給它多一次機會 😬 畢竟IFC分店連續多年榮獲米芝蓮推介, 相信品質會相對優質。環境上已經比沙田優勝, 貌似高價酒樓, 門口招牌更是金碧輝煌, 的確是另一個層次 😊雪吞麵 (細) $54還是要點這裡最出名的雪吞麵 😁 麵底十分爽口, 雲吞漲、滿、大! 外皮很薄, 餡料豐富, 有大大粒蝦肉, 湯並沒有太多鹼水味,這點大讚! 😚 不過廚師加了點麻油, 幸好份量不多, 否則母親就吃不下 🙂豬手麵 $78麵底湯底與雲吞麵基本一樣, 豬手則是重點, 用南乳汁醃製, 非常入味, 湯底沾了南乳味比清湯更美味 🤭 大大件橙紅色的豬手, 肉質軟腍易咬, 但不會煮過龍 👍🏻及第粥 $82這是我人生第一碗及第粥 🫣 粥底超綿滑, 豬雜分別有豬肉丸, 豬肚, 豬爽肚, 豬潤, 豬粉腸等等, 由於我一般吃牛雜, 對豬雜沒有太多研究, 吃不到腥臭味大概就可以吧 😅 始終粥的重點還是粥品幼細度。炸兩 $58油炸鬼微微脆, 估計是翻炸, 口感與新鮮炸有出入, 自然不是最理想, 幸好翻炸後也不會有濃烈油膩味 🙃 腸粉皮仍然是又薄又滑。叉燒包 $50點心後上, 所以熱騰騰 🤩 叉燒包皮十分軟熟, 叉燒醬份量剛剛好, 有一點甜是很正常。本身有打算試它的小炒, 但想兩間分店作比較。並沒有先入為主, 但中環分店的確較出色, 部份劣評圍繞服務質素, 用饍後不覺得有很大問題, 而且其中一個個職員工作超給力! 😆…查看更多

best wonton noodles @hongkong_tasty ! must eat in Hong Kong ✨ springy egg noodles in briny-sweet clear broth 🍜 with plump fresh shrimp wontons 🦐 decades of traditional culinary 🕰️ earned multiple Michelin and international awards @michelinguide 🏅 other signatures include congee and dim sum 🥟香港必食雲吞麵 @hongkong_tasty ✨ 蛋面彈牙 湯底鮮甜 🍜 鮮蝦雲吞 粒粒飽滿 🦐 秉承了幾十年傳統烹飪廚藝 🕰️ 多次獲得米芝蓮獎項 (米其林) @michelinguide 🏅 其他招牌包括粥同點心都一定要試 🥟 🍜 正斗鮮蝦雲吞麵 (L) HKD$72house speciality wonton noodles in soup 六粒雲吞 一口一粒 🦐 皮薄滑順 飽滿爽彈湯底以蝦籽同大地魚熬製 🐟 鮮甜清濃全蛋麵 幼爽彈牙 🍜 加入韭黃 增添香氣 🌱🥣 雙拼粥 （豬膶 + 魚片）HK$80congee with 2 selections (sliced fish and pork kidney)多款配料自選 💫 粥底 軟滑綿綢 🍚豬膶 嫩滑爽脆 🐖 魚片 鮮美滑嫩 🐟🗞️ 香油條腸粉（炸兩）HKD$58rice noodle roll filled with twisted cruller布拉腸粉包住油炸鬼 腸粉 軟薄滑溜 ☁️ 油條 酥脆軟鬆 🥨點埋 豉油 麻醬 甜醬 💫 好滿足 ⭐️ tea setting HKD$10/person；茶位 HKD$10/位📍 @hkifcmall 中環金融街8號國際金融中心商場3樓3016-1 8號舖🇭🇰…查看更多

有時都想食返啲廣東地道點心，尤其是雲吞麵、叉燒包腸粉等都係我至愛，唔係下下都鋸扒嘅。嚟開IFC拿文件可以早收工，嚟呢間餐廳食麵食dim sum餐廳裝修幾有氣派■Noodles with "Chu-Hau" Beef Brisket and Wonton柱侯靚牛腩撈麵拼雲吞▪︎上菜時有熱度、要讚個麵質真心唔錯，彈牙爽脆有咬口無鹼水味，我覺得佢先至係主角食撈麵通常都跟碗上湯，呢度嘅大地魚蝦籽湯都唔錯，味鮮甜唔過鹹飲完唔多覺口渴想食牛腩同雲吞又驚點兩份太多吔唔曬，女部長就推介我食雙拼撈麵。點講呢、嚐過有感質素與想像中有出入，牛腩和筋口感偏紮實，雲吞皮都薄滑蝦亦不錯，只是印象不深■Steamed Honey Glazed BBQ Pork Buns with Saucy Filling流汁叉燒包▪︎呢個都係職員大推給我，今次無老點！上桌果下煙霧瀰漫新鮮滾熱辣嘅包漲卜卜、一掰開個包啲餡同汁滿到流出嚟、好燙手但好想快啲咬落去！個蜜汁甜美叉燒好香又好食，包體軟熟鬆香■Rice Noodle Rolls filled with Pork Liver黃沙鮮豬潤腸粉▪︎食咗叉燒包就唔點叉燒腸粉，食豬潤腸都好喎。腸粉口感油潤滑捋捋，豬潤係真爽脆粉嫩無蒸過老也無異味，唯切得較細碎，如果大塊啲就正到痺！位位$10茶錢，職員斟茶都幾密、服務態度okay…查看更多

正斗的粥粉麵飯一向高質有水準，有時放工諗唔到食咩，都會係IFC快食。正斗出餐快選擇又多，又有點心食，包羅萬有。牛腩撈麵嘅牛腩醃上了勁量柱侯醬，煮得又腍。麵條煙韌，無乜鹼水味，撈埋辣醬好開胃。除左牛腩，仲有少量牛筋同菜心點綴。跟餐的湯有濃濃蝦子味又有蔥香，飲完一啖又一啖。叉燒煎蛋飯，相當經典的港式飯。叉燒香氣撲鼻，煎蛋恰到好處，蛋黃仲有少少未煮熟凝固，滑嫩的蛋黃令人垂涎欲滴。將叉燒豉油同蛋汁撈埋，簡簡單單但好好食。…查看更多

米芝連推介餐廳，被評為具質素且經濟實惠的美食！ 中環分店環境雅致，樓底高空間感大，設計時尚舒適，有別於傳統粥店。 除咗鮮蝦雲吞麵同乾炒牛河，粥品、點心等都好出色！ 我最近就同喺中環打工人朋友去咗轉！ 今次試左巧製南乳豬手麵 $78，香噴噴，呈橙紅色，大件而且好飽滿，味道濃郁，綿滑帶爽，軟淋入味，好易咬開！麵底爽口香滑，沾上南乳汁更滋味！ 我就想食啖粥，呢個份量十足嘅正斗生腸及第粥 $82， 粥底超綿滑，有豬肝、腸、肉丸、肚等，好豐富！小食一定要試香油條腸粉（炸兩）$58，腸粉外層薄身而軟滑，包住酥脆油條，就算加咗醬汁，都無減佢嘅脆口！點埋芝麻醬同甜醬就最夾！最後還有一盅四件晶瑩鮮蝦餃 $54，皮薄煙韌，爆餡而且爽彈，真係好好味！…查看更多

由最初1964年既何洪記雲吞麵店到而家正斗粥麵專家已經擁有多年歷史 提起佢地又點可以唔試下佢地最出名既雲吞麵呢鮮蝦雲吞麵$54 清甜既湯底帶有大地魚既鮮甜氣味 幼麵質地剛剛好 加埋4粒大粒雲吞一齊食 好有層次 果然係招牌！玻璃蝦腸粉$78 非常怕厚皮既我真係要讚下師傅技術 外皮做得薄身但又不失口感 燒賣 $54 肉餡材料豐盛實在 而且半肥瘦食落唔會太有負擔感鮮蝦蛟$52晶瑩剔透 每口都品嚐到粒粒新鮮蝦肉 爽口彈牙 全部食物都係即叫即製 確保客人食到最好嘅質素…查看更多

為食妹👧🏻病咗甘耐終於望見曙光 呢排係要戒口食得清清地先得🥺。避開人潮時間 來到粥麵專家「正斗」食個下午茶☕️🫖望望餐牌📃除了粥麵之外 原來有炒粉麵飯、點心、小菜供應🤩正斗鮮蝦雲吞麵（小$54、大$72）一人一碗大碗雲吞麵🍜雲吞餡非常講究✨選用河蝦和半肥半瘦豬肉 爽口彈牙無得彈👍🏿麵條爽彈有嚼勁 難怪成為店鋪名物❤️正斗生腸及第粥（$82）及第粥有齊生腸、肉丸、豬潤、豬腰、豬肚，口感非常豐富🥰粥底香甜棉密。豬潤豬腰口感軟嫩 多食有益補身😍…查看更多

老字號正斗最出名當然係各式麵食同粥品但其實仲有多款精美點心都係即叫即蒸味道都相當唔錯🙌🏻值得一試🌟正斗鮮蝦雲吞麵招牌雲吞麵必須要嗌保留最傳統烹調手法兼且屢獲殊榮湯底以蝦籽及大地魚熬製 湯底濃而不膩而每粒雲吞都係皮薄又足料而麵條亦夠爽脆💯🌟炸兩布拉腸粉包裹著即炸油條外滑內脆既口感 加埋混合醬油更滋味👍🏻🌟香煎蘿蔔糕蘿蔔糕煎得金黃色 外脆內嫩食落帶濃郁既蘿蔔清甜味🌟黃金流沙包白色既外表配上採用新鮮鹹蛋黃製成既內餡 新鮮既鹹蛋黃搭配流沙既奶香 實在令人無法抗拒😋…查看更多