正品雞煲點心專門店

見到食評話呢度個雞煲好出色，所以就過咗嚟試一試。試咗半份招牌麻辣雞煲，叫左微辣，的確係幾惹咪，但係$158半份，不過幾舊雞，仲要每一嚿都好細。性價比就差啲。另外叫多咗一個豉椒排骨煲仔飯，賣相的確好靚仔，不過火候控制得唔好，嚟到唔係得個香味，而係有浸燶味，成個飯底都黑晒，食落啲飯都有浸Gas味死個雞煲，另外加咗碟鯪魚滑$39同埋鮮蝦水餃（半打$39…兩樣都好難食。鯪魚滑食落有酸味，水餃無咩料到，蝦又細，肥豬肉一大舊:(唔抵食。不過服務係幾好，同老闆反映鯪魚滑有酸即刻幫我地取消返，又會時不時幫我加水。…查看更多

酸菜魚米線是一道令人驚艷的美食組合。這道菜將酸菜魚與細緻的米線完美結合，味道獨特鮮美。米線筆直細緻，入口滑爽，與酸菜魚的湯汁相互融合，形成了一種令人垂涎的口感。酸菜的酸爽和辣椒的辣勁在口中交融，帶來一種刺激的味覺享受。魚肉的鮮嫩與米線的綿密相得益彰，讓人回味無窮。這道菜不僅味道美味，而且營養豐富，是一道既下飯又下酒的絕佳選擇。無論是冬天的暖胃料理還是夏天的清爽口味，酸菜魚米線都能帶給你美味的享受。…查看更多

1月7日揾食肥華專誠到，牛頭角尋找舊樽裝，竹葉青酒，順便和靚媽到呢間在OPenRiCe食評中，没有負評的食店，食晚飯，睇吓此店係咪傳聞中，咁堅！此店位於宏光楼一條巷内，舖面細又唔顯眼，肥華要經保安叔叔指引，方能尋獲此店，而此店面積真係偏細，座位擺得逼狭，給肥華首個印像並不佳，更有中伏感覺。但當肥華和靚媽品嚐過，今晚在此店所點嘅食品，都認為用大隱，隱於市，高世在民間，呢兩句彥語，來形容此店係最貼切，在OPenRiCe没有負評，係值得嘅，因今晚肥華在此店食到嘅，㗎喱牛腩煲，啫啫排骨煲，青椒黃鱔煲仔飯，及飯後甜品，蕉糖燉蛋，杏仁蛋白糊，都非常好味，此店值得肥華翻啅，甚至吹雞拖馬，嚟捧埸👍👍👍👍👍…查看更多

水庫烤鯇魚超好食!辣得好過癮!魚肉都幾多幾滑👍🏻食落唔覺得油膩同食得出唔係味精味👍🏻未係時候但係竟然有得食枝竹羊腩煲😻羊腩炆得好腍好腍 一啲都唔肥唔難咬!而且冇雪藏同羊肉臊味😍超入味超好食…查看更多

這間小店在九龍灣地鐵站淘大花園附近，位於巷仔入邊，一不小心就會錯過。所以客人大部份都係附近的街坊，老細非常健談，無論新客、熟客都很熱情。鋪仔細細，但經常客滿，當日就有12人訂枱。舖面墙上邊貼滿了不同款式的菜式，圖文並茂，並寫上價錢。真係款式眾多，無論係煲仔飯，麻辣雞煲、魚煲、炒粉炒麵炒飯、椒鹽菜式，海鮮類…….真的是種類繁多。飲品也不少。藤椒魚皮$78魚皮是冰凍的，非常爽口彈牙，配上辣汁，真係越食越想食。小炒王$98入邊了很多料：大大條魷魚鬚、蝦乾、燒肉粒、腰果、韮芯、蘿蔔乾……炒得非常香口，很有風味，鑊氣很足夠。四川水庫烤鯇魚 （麻辣小辣）$189足足有半條大鯇魚，鯇魚是先煎炸過，再放上麻辣汁上煮，配上豆卜、油麥菜、蘿蔔、鮮冬菇、秀珍菇、金菇…….真的是份量足夠，魚肉味道新鮮，越食越辣，食完鯇魚，還可以叫配菜打邊爐。兩個小菜、個鯇魚煲，一杯鹹檸七，埋單$384 ，沒有+1服務費。價錢非常實際，味道亦都不錯，老細兩公婆老實健談。 街坊小店，充滿熱情，收工後過嚟，食幾個小菜，飲下啤酒🍻 ，吹吓水，的確是一番風味，這類型的小店是非常值得支持的。…查看更多

呢間主打四川水煮魚雞煲，小炒嘅舖頭喺牛頭角淘大商場隔離，係喺行仔入邊嘅所以呢就比較難搵啲，真係食咗好多年，價錢平又好食！想外賣嘅話可以喺OpenRice度落單會平少少😆🍴四川水庫烤鯇魚 麻辣 中辣 $189 (8/10）有酸辣麻辣薑蔥味，有辣唔辣任君選擇。呢個係有半條鯇魚嘅份量，仲有好多配菜有豆卜油麥菜木耳雜菇芽菜，呢個價錢可以三四個人食真係好抵食，份量好足。中辣都都唔算好辣，少少麻，濃得來又唔會太鹹，可以買返屋企打邊爐都得！魚肉炸香過，好香新鮮有魚味，配菜都好多，都幾好食😋推薦指數: 8/10小店用心經營，材料新鮮分量足又好食，真係值得大家去試一試，雖然個環境就唔算好靚不過勝在都有冷氣整整齊齊嘅！…查看更多

選用紫洋蔥，一般餐廳少有。牛柳亦高級貨。 用嚟伴酒亦可以飽腹。另外亦有小食及雞煲可飽腹。同時也可以選取巧手小菜，例如京葱爆海蔘等等。或者食完雞煲可以叫其它食材打邊煲， yummy yummy…查看更多

屋企附近有間小店，好親切好有人情味。招牌雞煲整得好入味，尤其微辣嘅鍋底 (我本身唔係咁食辣)，十分香口，雞肉幾嫩唔會有雪味，另外加份大腸，大腸都洗得好乾淨，食完雞同大腸，再加份皇帝菜，咁就Prefect。另外叫咗兩個小炒，一個係咕嚕肉，一個係椒鹽鮮魷，咕嚕肉幾有咬口，但唔會靭，酸酸甜甜啱晒我，椒鹽鮮魷就專登叫比佬友送啤酒的，都好香口。整體覺得間雞煲係值得再嚟食。…查看更多

睇之前食評與真實完全不相符!招牌雞煲實情是水煮雞煲，水多到浸晒成個煲入面既食材。是之前食評貼錯圖了嗎?叫小辣一隻雞份量成個煲淡而無味，無麻無香。是稀釋了的水味。一隻雞既份量一定無之前食評那麼多，十分少。太過分了。未試過同食評差那麼遠。忍唔住要寫食評提醒會被騙的食家，不要浪費金錢食!!衛生環境差。有小強走上台面，一齊開餐!!…查看更多

就來入秋，已開始想食雞煲。想在九龍灣食有水準的雞煲比較困難，無意中俾我們搵到這間小店，人情味濃，雞煲風味更濃。我們只叫半隻雞，小辣。可能有很多配料關係，雞煲很惹味，雞很大件很滑亦很入味。食完雞煲後必定是打邊爐，我們叫了魚腐（但今次忘記了影相）。魚腐吸了濃郁的雞煲湯底後很好食，推介選擇之一。魚腩，厚切，但食不出鮮味，有些失色。…查看更多

心血來潮想食雞煲, 但九龍灣選擇不多, OpenRice後決定試試正品!雞煲價錢不貴, 而且超足料!!!一直都愛跟男友點一隻雞, 而平常都可以全部消滅, 但正品雞煲我們真是放棄了, 實在太多雞了味道雖然略咸, 但真是超香, 配料都很足夠, 雞又滑!!!另外, 點了雜菜籃, 真是很雜, 很多款。有唐生菜, 白菜, 菜心, 津菜, 豆卜及不同種類的菇, 兩個人食剛剛好!!!我見很多食評都說正品很有人情味, 我完全贊成! 服務態度真是很好呢…查看更多

雞煲周圍都有得食，但這間小店人情味濃，食物質素又不錯，價錢雖然不是好平，但勝在款式多，有雞煲，魚煲，水煮牛 等多款選擇。中午飯餐較平，都是$40左右，學生仲有9折，飯量頻多，一個大男人都足夠飽，雞煲，雞好滑，好香。魚煲，魚預先煎過，夠新鮮。水煮牛，個人覺得最好味，牛肉頻多，夠嫩滑。 不怕辣的就好正其他小菜都不錯，平均值較高。香港租金貴, 這店位於橫巷內，好容易走過，所以平時都不太多客人，多數做街坊熟客生意。希望這種小店能堅持下去。…查看更多

最喜歡這間小店，真材實料，大大份，即使平時下午茶叫炒飯炒粉麵都相當足料，夠飽。今晚叫了海鮮瓜粒湯飯，清清地，不錯。小食要了個尖椒皮蛋，麻得嚟不太辣，啱我口味。以前吃過西炒飯，蒜泥青瓜都不俗。是附近最有誠意的小店。…查看更多

今晚同班同事happy hour, 試下呢間雞煲專門店, 聽班同事講呢間店幾抵食, 等我睇下係咪先~~ 睇menu似乎都幾多野食 點左一碟尖椒皮蛋, 都幾入味 麻辣雞煲用料好足, cp值好高, 埋單每人都只係$80已經食到好飽, 值得一試…查看更多

本來一早安排好晚飯到觀塘潮川館食川菜，冒住雨走到門口，拉左閘？誰知星期日休息，但 openrice 顯示係營業喎！突然搞到勁狼狽唔知去邊度搵川菜好，最後決定走去九龍灣是但雞煲，失望啊！未夠七點步入一品，大把座位任坐。細心閱讀一下 menu，無咩什麼特別菜色或食材，主打雞煲烤魚。有廣東小炒、川菜涼拌或水煮。睇埋生料目錄都甚為普通，都可以嚐試叫幾款既。水煮田雞，辣汁呈現淡啡顏色，淺呷一口，輕輕的辣散發微微的香，餘韻中有少少甜味，濃厚度調得不錯，清爽麻辣而不強烈。白雪雪田雞肉滑滑的，充滿彈性有勁，肉汁泛著肉香。墊底還有份量不少的幼幼紅薯粉，嚥韌帶滑跟湯汁一齊倒落肚，滋味無窮！掛住食忘記影麻辣青瓜豬肚絲啊！豬肚大大條，並不是我幻想中的絲，青瓜切得粗而短，兩者混合既口感始終一般。豬肚腍中有點嚼勁夾㕦著爽甜青瓜還可以啦。麻辣汁微微辣而偏甜，但麻就唔多食得到。招牌麻辣雞煲半隻中辣，兩個半隻雞夠喇，試下其他野麻。侍應姐姐約 5 分鐘送到，已煮好的熟雞件不熱的，加上秘製麻辣汁混上新鮮味菜香菜翻熱，耐心等候滾開及出味。芫茜、芹菜、紫洋蔥、洋蔥、大蔥、辣椒乾、花椒、紅尖椒、青尖椒、等等，一滾起香氣四溢，隨著白煙四處飄香，口水直流，開動！熱騰騰咬件雞髀肉，皮香肉嫩，肉質嫩滑肉汁澎湃。醃味香甜細緻，雞件一早處理過，並不是馬虎烚熟就供應給食客，有 heart！自家麻辣湯香料味豐富，深不可測。各種香菜、醬汁比例及份量都拿捏準確，互相聯繫而又不蓋過對方。濃郁香甜、夠麻夠辣、氣味芬芳、不嗆不濁，精華完全滲透進雞肉每個細胞之中，好好味！後悔只有半隻雞，有點唔夠喉添！冷烏冬，menu 形容得好搞笑喎，我完全想像唔到囉，原來係硬掘掘剛係雪櫃冰格提取既贊岐手打烏冬。如果食奇味雞煲或乾雞煲的話，烏冬要煮熟先炒到呢。我見麻辣汁都不少，應該可以生炒無問題，即刻二話不說成餅烏冬掉落去，再將所有湯汁、雞件蓋著解解凍先。其實湯汁又杰又厚又夠都幾難著，不過給多一點耐性，最終都完成。超級美味呀！烏冬外層滑嘟嘟，趙落嚥韌有彈性，高質手打烏冬不能掩蓋的米香。吸收左辣湯汁香辣非常又帶麻，將辣度更加濃縮，味道更濃仲隱約嚐到雞肉味呢。朋友仔唔食真係唔識貨，睇黎又減肥啦！報告所有雞件都已被我兩消滅得一乾二淨，可以放湯打邊爐喇。對生料並無抱太大期望，已有心理準備，一試無妨。美國肥牛，見到 menu 上只有美國肥牛及肥牛粒都心知不秒，但我又想食牛就搏一搏啦！不出我所料，真係平價肥牛，朋友仔見到肥騰騰掂都唔掂下。無緊要，成碟我孭，全數搞掂！灼到剛剛熟泛著輕輕粉紅色就立即掉入口，肥牛吸收左麻辣湯，味道微麻辣可口，食得出濃郁牛肉味道跟肉汁。的確質地差一點點，瘦肉位偏鞋硬，肥膏位都爽滑既，還可以。黃鱔柳，新鮮度令人失望，無鮮味可言，還散發一絲腥味。切得太大舊質感死實，鞋而乾硬，滑彈感強差人意，試兩幾件算比面，我地放棄左半碟。又掛住食而忘記替鯪魚滑拍遺照，蛋白淋面無跟魚滑撈埋一齊，蛋還蛋、魚還魚。我諗師傅原意想魚滑更滑，但打係表面又有咩用呢，就算跟魚滑撈得均勻，蛋白烚得耐都會老架。依家質地硬淨無鮮鯪魚肉味道，欠缺嫩滑、欠缺滑彈質感、欠缺水潤多汁，試左幾舊都係要掉埋一邊。其實加少少水、胡椒粉、麻油、生粉，攪勻再撻幾下起晒膠，即時彈滑水潤，洗咩諗得咁複雜啫。皇帝菜，估唔到打入頭三名好食架呢！轉睇比我地食晒，翠綠鮮甜爽嫩多汁又無渣，堅好味！最後以冰凍檸樂可完美句號，埋單 $530 蚊，中規中矩啦。雞煲真係好味既，可以添食，生料就免喇，時蔬菇菌豆品應該好食無問題。…查看更多