鍾意飲蕃茄湯🥣食蕃茄嘅朋友仔 真係唔好錯過呢間🤩📋小妺就叫咗一個 ［ 腐皮墨魚卷-酸菜湯］+［脆炸雞扒-香芹湯］💁🏻 上菜速度好快 可以揀自己鍾意嘅小食再加湯底。佢湯底就有五款可以揀，小妺就選左酸菜蕃茄 湯同香芹蕃茄湯。🔸酸菜蕃茄湯：加上佢醃製嘅鹹酸菜，味道獨特，令蕃茄湯底鮮味更加突出😋 鍾意食酸嘢嘅朋友仔可以揀呢個湯底🔸香芹蕃茄湯：個湯會加有少少香脆嘅芹菜，令湯底更加鮮甜醒胃，口感清新。飲落去有少少似羅宋湯嘅味道。💘炸過嘅腐皮包住墨魚卷，再浸落啲湯度，吸晒啲湯汁，咬落去啖啖蕃茄湯味🤤外脆內軟 強烈推介！ （建議大家快啲食，如果唔係腐皮冧咗就冇咁出色啦）🍗脆炸雞扒外裹金黃酥脆嘅外衣，外脆內軟。肉質鮮嫩。🙌🏻佢哋自家製嘅蕃茄麵 顏色係蕃茄紅。食落去有少少似拉麵，口感軟滑。食落去有淡淡的蕃茄味。⚠️店舖茶餐廳格局 環境比較陳舊 💰 腐皮墨魚卷蕃茄麵($54)+脆炸雞扒蕃茄麵($51)+凍西洋菜蜜+紅豆冰 合共116元 人均消費大約55元❗雙拼就64元 凍飲加$2 特飲加$9📍荃灣大壩街29號安康大廈地下📞 2433 3251…查看更多
係燙口 好似90度滾水個種個種過左10mins有多碗麵先正常啲 嚴重影響進食心情及質素 請三思
依一年大家都開始注重於健康:(方面，蕃茄湯麵會唔會係其中一個選擇呢，一於睇吓呢間蕃茄湯麵有幾健康。由於疫情關係，政府要求餐廳暫停🚫晚市堂食，我唯有趁下午茶時間🕠少人的時段去食。一如既往，入去餐廳食嘢之前要量體溫。但係呢間餐廳我一入去，餐廳又無提供紅外線體溫器，店員也沒有主動幫我量體溫，直至我提出才幫我量體溫
，似乎呢間餐廳的防疫意識不足夠。
下午茶時間店內只有數位客人，一看餐牌封面見到「推介」
二字吸引我眼球，於是我叫了8號隊長肉餅湯麵餐。1至8號蕃茄湯麵餐的蕃茄湯底都有4️⃣款比你揀，分別有香芹蕃茄湯、酸菜蕃茄湯、黑胡椒蕃茄湯、同埋風味辣蕃茄湯。
下午茶餐牌的蕃茄湯麵餐會平好多，不過下午茶餐牌無隊長肉餅湯麵餐依款揀。大家唔想食蕃茄湯麵，呢度都有提供特式飯餐、常餐、同埋特色小食比大家選擇。隊長肉餅湯麵餐(2塊)配熱菜蜜(3/5)🌕🌕🌕🌑🌑講翻我叫個餐先，8號隊長肉餅湯麵餐(2塊)，配熱菜蜜，$52 。價錢方面$52黎講的確比較貴，依個價錢係荃灣的確有幾多的選擇。下午茶時段野食黎得幾快，賣相唔差，大大塊蕃茄🍅、肉餅、同埋其他配料，餸多到麵都見唔到，其實係麵少到見唔到。飲啖湯先，蕃茄湯底比較淡，勝在湯麵食不到味，蕃茄整的麵條煙煙韌韌，口感幾特別，唔係好爽口鮮甜，唔係其他麵店的濃郁。肉餅兩塊都算是大大塊，厚身，食落去不過不失，每啖都可以大大啖，味道口感比較普通，如果可以有芝士或者其他配搭會更好。最後個杯跟餐的熱菜蜜，比較啖，啖而無味，溝得太多水，當日天氣比較凍，杯熱菜蜜算是帶了一絲溫暖。整體來講，隊長肉餅湯麵餐價錢偏貴，味道健康，食唔到味精，肉餅大大兩塊，不過不失，而至於杯熱菜蜜啖而無味。疫苗期間，餐廳可能因下午茶時段而防疫意識似乎不太足夠。對於我來講，麵的份量比較少，食完都唔夠飽。最後，我都想推薦比大家
，味道無味精，而且蕃茄整的麵條值得一試，加上健康為重的一年，大家不妨可以過黎正品蕃茄湯麵店試吓。
