歡樂豆

到石門辦點事，在OR 碌一碌看有什麼好食，發現了這間小店，小店由兩位女仕主理，看中了綠芋仙和香辣炸雞翼，問店員可否走甜或少甜，佢話甜度在制造材料時已定，只可幫我減椰奶減甜，但我鐘意椰奶，所以同佢講算啦！等了幾分鐘，糖水來了，比想像中大碗，芋丸煙韌，不是急凍品，仙草滑，底層的綠豆起沙，甜度適中，椰奶很香。之後店員送上香辣雞翼，還貼心地同我講小心熱，25蚊5隻單骨雞翼，其實覺得有點貴，但食完後還是覺得值，辣味剛好，雞翼極脆，肉很嫩滑。埋單67個大洋，有點担心下次會為了這個下午茶來石門…查看更多

過嚟京瑞食午餐，朋友話想食個甜品，呢間見主要係食豆腐花，見人唔多就入左去試下歡樂豆豆：有珍珠 白玉 芋圓 豆腐花，面頭有個芝士奶蓋，碗野幾足料，奶蓋幾濃同厚，好飽肚芒果西米露：芒果嘅酸味幾出，份量唔少整體味道ok，唯一服務就有啲扣分，態度麻麻，有啲黑面感覺…查看更多

咁啱去開京瑞二期，見到有粢飯食，即刻入去。環境一般，有隻煩人嘅飛飛。但食物抵食！叫咗50幾蚊豐盛一人餐，有粢飯（固定）、8粒燒賣（或魚蛋）、一碗豆腐花（或豆漿），好抵食，直頭飽上心口。最難忘係粢飯，應該係即叫即整，餡料好足，入面條油炸鬼仲係熱辣辣卜卜脆，食第一啖覺得好驚艷，份量好大，有成隻手掌大小。豆腐花都不過不失，唔係太嫩滑，可以改善，但有得自己加薑糖水，反而個薑糖水有驚喜😂好重薑味，食落真係有少少辣口。最後仲食咗紫仙芋，又係好足料，味道幾好食。整體唔錯，如果下次經過會回頭🥳小店嚟講真係唔差，而且價錢都非常合理，如果可以再改善下環境衛生情況會更好！…查看更多

在風景優美的城門河邊行入去石門地鐵站附近的京瑞廣場二樓美食區，發現有一間甜品店綠豆沙，豆漿，紅豆，薏米，楊枝甘露，總之一流， 乾淨企理，茨飯團方便攜帶又好飽，豆漿營養…查看更多

明明一開始同佢講唔要奶，問佢可唔可以要多啲黑糖漿？佢答我「俾少少你」。我心諗黑糖漿好貴咩，算。到咗之後真係好少黑糖水，食咗一半食唔落，因為冇糖，咁我打算買單走。佢問我點解剩低咁多，我話因為冇糖所以食唔落去，佢而家先至同我講「俾你囉」我都冇Mood食了，所以話唔使，就咁埋單得了。之後佢講嘢真係焫㷫我，佢話「乜你唔係少甜嘅咩？」「我淨係話走奶，完全冇講到要少甜！」啲糖水加啲俾我有幾難咁？可能黑糖水好貴？咁小氣仲要屈個客，唔肯認錯道歉，咁嘅服務態度真係垃圾！其實嗰啲乜嘢涼粉珍珠都係細個嘅嘢一筆就上，都唔使佢哋點樣做，咁樣都孤寒，加埋咁嘅惡劣服務態度，以後唔會再去！…查看更多

沙田好少糖水舖，見到石門京瑞廣場呢度有一間，食完晚飯就過嚟食返碗糖水先！.呢度都幾多選擇，有豆腐花、椰汁、薑汁、芋圓、傳統糖水、咋喳、桃膠、豆漿奶蓋、芒果、豆漿系列，仲有粢飯、小食、炸物、芝士蛋糕，每次嚟都可以試唔同種類糖水，唔怕悶。.我哋叫咗「椰汁西米芋圓」及「桃膠芋圓加仙草」糖水都幾大碗，又好足料，甜度啱啱好，食完唔會惹痰或甜到要飲水啷口嘅感覺。.椰汁西米芋圓 —西米同芋圓都有好多；大粒西米煮到透，唔硬，連入面都甜；三色芋圓，煮到煙韌但唔硬，每粒都入味，好食。.桃膠芋圓加仙草 —桃膠同仙草嘅份量都好多；桃膠大大粒，夠爽滑，唔硬身；仙草好滑溜，無苦味。.兩碗糖水又大碗又好食，性價比高👍🏻.而且座位之間都隔得闊落，坐得幾舒服；員工亦唔會催你走，可以一路傾計一路食，好好享受。…查看更多

今日10點去買一個紅棗蓮子桃膠糖水等咗成15分鐘先整到一個咁簡單嘅糖水要等15分鐘真係好離譜返到屋企發現冇紅棗得兩粒蓮子全碗都係糖水同埋少少桃膠價錢38蚊 覺得佢貨不對辦…查看更多

呢間舖頭其實我都有三四次幫襯過，但今次我對職員嘅態度非常之唔滿意，職員嫌錢有污漬唔收，有污漬嘅錢都係上一個小店找回給我的，我有抹過但係唔甩，但職員就話其他客唔收而拒絕收，間舖頭有冇得電子支付，我有同佢哋解釋過佢哋唔接受，我身上有既現金剛好足夠支付該餐費用，佢哋係都要我再俾另一個錢幣，最後迫於無奈我只可以同佢哋提出新嘅解決方法。有錢都唔收，從來冇見過有鋪頭咁樣！…查看更多

今日嚟咗石門搵好嘢食， 食完飯 經過 京瑞廣場二期food court， 見到呢間甜品店，就食個飯後甜品 滿足下 😂， 呢間甜品店 裝修簡單 冇特別嘅裝潢 ，不過牆上有好大幅壁畫幾靚， 地方唔大有幾張枱我見坐滿人我就 買外賣 坐出出面food court到食。 我叫咗碗仙草豆花 加紅豆， 都幾大碗幾飽肚👍， 豆花有香濃豆味 ， 不過放上去嘅紅豆 並唔係紅豆冰嘅紅豆 係紅豆沙嘅紅豆😂， 仲要係好重陳皮味嘅紅豆沙😅， 因為我唔係咁鍾意食陳皮味， 所以 我下次都係叫其他😂， 不過整體都唔錯幾好嘅…查看更多

佢個粢飯好正，油炸鬼好脆， 即叫即整 ，幫趁過兩次，一早一晚，兩次食都係夠熱同埋好脆嘅，真係feel到好有心機整。另外飲品我飲咗仙草豆漿，本身個豆漿係無糖嘅， 可以自選甜度， 我揀咗微糖，加埋仙草，真係perfect match, 好開心喺沙田區可以食到咁好食嘅嘢。 佢哋而家好似有做豬扒粢飯， 下次去一定會試下。…查看更多

⭐️ 健脾芋泥豆漿 $26 芋泥質地綿密軟滑🍠🍠，食落有少少顆粒感，增加咗口感😄😄。甜度適中，唔會太甜。配埋微甜嘅豆漿🥛，豆味香濃，味道夠濃郁，真係出色🤩🤩！飲之前記得攪拌一下，令味道更加均勻👍🏻👍🏻。⭐️ 高纖燕麥豆漿 $22 味道香濃，口感好足😎😎。豆奶嘅淡淡香甜令燕麥片更加美味😋😋。燕麥份量十足🌾🌾，令人食完之後有種飽足感。燕麥豆漿可以促進新陳代謝，係健康飲品之選👍🏻👍🏻。⭐️ 養髮黑芝麻豆漿 $22 帶有淡淡黑芝麻同果仁嘅香味🖤🖤，黑芝麻同豆漿嘅比例恰到好處。黑芝麻香濃，豆漿豆味突出😚😚，兩者嘅組合真係好好飲！啱哂鍾意黑芝麻味嘅朋😝😝友。🍄 總括嚟講如果肚餓程度唔係太大，想食個簡單又滿足嘅一餐，買一支豆漿就夠啦！每次去都會見到賣剩幾支，每款豆漿都保留住原材料嘅原味😍😍，絕對係健康又美味嘅選擇，而且價錢都好親民！👍📍歡樂豆 Joyous Beans沙田安群街1號京瑞廣場2期1樓102A1-07號舖Shop 102A1-07, 1/F, Kings Wing Plaza 2, 1 On Kwan Street, Sha Tin…查看更多

今日👭🏻孖妹去咗石門海濱旁邊睇繡球花，食完晚飯之後就去咗京瑞廣場入面間甜品小店食甜品，慶祝元宵節👩🏻‍❤️‍👨🏻呢間甜品小店主打係豆漿同豆腐花，大部份甜品都以呢兩樣食材做base 👭🏻孖妺一行四人都叫咗豆腐花，只係配料唔同：1️⃣薑汁2️⃣桃膠3️⃣芝麻4️⃣芋圓總括嚟講，每碗豆花都用個大碗呈上比客人，而且份量驚人，豆味香濃又夠滑溜，食完滿足又飽肚❤️而且價錢比較貼地主打街坊生意CP值都還可以🥢薑汁豆花 💰16👷🏻‍♀️細孖揀咗熱豆花，本身以為餐廳會以鮮榨薑汁混入豆腐花煮食，再另外比黃糖比客人隨意加入，但店員會一早整定一jar薑汁黃糖，簡稱薑糖，辣度都適合大部份客人，但👷🏻‍♀️細孖覺得可以再辣一啲會更加好味刺激，勝在薑糖可以任落👭🏻孖妹評分：🌕🌕🌕🌗🌑🥢芝麻豆花 💰22✨呢款配搭係香港人最鍾意，可以一次過食到芝麻糊同豆腐花，滿足兩個願望✨芝麻糊較杰身，份量適中，但黑芝麻味唔夠濃郁👭🏻孖妹評分：🌕🌕🌕🌑🌑🥢桃膠豆花 💰28✨ 桃膠有平民燕窩之稱，含豐富蛋白質，可惜係豆腐花本身並未有加入過多嘅糖分，味道相對清淡，👩🏻‍💼大孖就痴咗👷🏻‍♀️細孖啲薑糖，食落有少少甜味冇咁淡口👭🏻孖妹評分：🌕🌕🌕🌑🌑🥢桃芋芋 💰42✨配料幾豐富，有桃膠、西米、芋圓、芋泥，每樣份量都比較平均，西米、芋圓、芋泥都屬碳水化合物，芋圓一共有三種顏色，由番薯、紫薯同芋頭整成✨加埋花奶同埋有少少芋頭粒增加咗口感，食完就飽咗少少😂👭🏻孖妹評分：🌕🌕🌕🌕🌑🔸🔹🔸🔹🔸🔹🔸🔹🔸🔹🔸🔹🔸🔹🔸🔹✍🏻總評：👭🏻推薦指數：🌕🌕🌕🌗🌑👭🏻回頭指數：🌕🌕🌕🌑🌑👭🏻環境評分：🌕🌕🌕🌕🌑👭🏻服務評分：🌕🌕🌕🌕🌑🔸🔹🔸🔹🔸🔹🔸🔹🔸🔹🔸🔹🔸🔹🔸🔹💰人均消費：$50以下…查看更多

👧🏻同朋友食完晚飯想傾多陣計~去甜品店食野係最好既選擇😆-🍴芋泥豆花 $28✨推薦 同朋友各叫左一碗🤣但店員記錯了 一個裝左係外賣碗度🤭有意外驚喜 堂食個碗個賣相麻麻…但外賣碗個個賣相靚好多🤩見到好明顯成碗係一層芋泥一層豆腐花❤️芋泥同豆花好夾 口感變化一流👍🏻好滿足🤤 🍴芝麻糊 $26係傳統糖水之一👍🏻好滑 唔錯📍歡樂豆Joyous Beans @沙田石門京瑞廣場二期1樓102A1-07號舖…查看更多