歡樂豆

到石门办点事，在OR 碌一碌看有什么好食，发现了这间小店，小店由两位女仕主理，看中了绿芋仙和香辣炸鸡翼，问店员可否走甜或少甜，佢话甜度在制造材料时已定，只可帮我减椰奶减甜，但我钟意椰奶，所以同佢讲算啦！等了几分钟，糖水来了，比想像中大碗，芋丸烟韧，不是急冻品，仙草滑，底层的绿豆起沙，甜度适中，椰奶很香。之后店员送上香辣鸡翼，还贴心地同我讲小心热，25蚊5只单骨鸡翼，其实觉得有点贵，但食完后还是觉得值，辣味刚好，鸡翼极脆，肉很嫩滑。埋单67个大洋，有点担心下次会为了这个下午茶来石门…查看更多

过嚟京瑞食午餐，朋友话想食个甜品，呢间见主要系食豆腐花，见人唔多就入左去试下欢乐豆豆：有珍珠 白玉 芋圆 豆腐花，面头有个芝士奶盖，碗野几足料，奶盖几浓同厚，好饱肚芒果西米露：芒果嘅酸味几出，份量唔少整体味道ok，唯一服务就有啲扣分，态度麻麻，有啲黑面感觉…查看更多

咁啱去开京瑞二期，见到有粢饭食，即刻入去。环境一般，有只烦人嘅飞飞。但食物抵食！叫咗50几蚊丰盛一人餐，有粢饭（固定）、8粒烧卖（或鱼蛋）、一碗豆腐花（或豆浆），好抵食，直头饱上心口。最难忘系粢饭，应该系即叫即整，馅料好足，入面条油炸鬼仲系热辣辣卜卜脆，食第一啖觉得好惊艳，份量好大，有成只手掌大小。豆腐花都不过不失，唔系太嫩滑，可以改善，但有得自己加姜糖水，反而个姜糖水有惊喜😂好重姜味，食落真系有少少辣口。最后仲食咗紫仙芋，又系好足料，味道几好食。整体唔错，如果下次经过会回头🥳小店嚟讲真系唔差，而且价钱都非常合理，如果可以再改善下环境卫生情况会更好！…查看更多

在风景优美的城门河边行入去石门地铁站附近的京瑞广场二楼美食区，发现有一间甜品店绿豆沙，豆浆，红豆，薏米，杨枝甘露，总之一流， 干净企理，茨饭团方便携带又好饱，豆浆营养…查看更多

明明一开始同佢讲唔要奶，问佢可唔可以要多啲黑糖浆？佢答我「俾少少你」。我心谂黑糖浆好贵咩，算。到咗之后真系好少黑糖水，食咗一半食唔落，因为冇糖，咁我打算买单走。佢问我点解剩低咁多，我话因为冇糖所以食唔落去，佢而家先至同我讲「俾你啰」我都冇Mood食了，所以话唔使，就咁埋单得了。之后佢讲嘢真系焫㷫我，佢话「乜你唔系少甜嘅咩？」「我净系话走奶，完全冇讲到要少甜！」啲糖水加啲俾我有几难咁？可能黑糖水好贵？咁小气仲要屈个客，唔肯认错道歉，咁嘅服务态度真系垃圾！其实𠮶啲乜嘢凉粉珍珠都系细个嘅嘢一笔就上，都唔使佢哋点样做，咁样都孤寒，加埋咁嘅恶劣服务态度，以后唔会再去！…查看更多