檀島咖啡餅店 (軒尼詩道)

营业中

休息中

在灣仔的檀島，時間的味道被烘焙得很具說服力。從門口玻璃櫥窗的金黃蛋撻，到店內叮噹作響的瓷杯，這裡把老牌茶餐廳的節奏維持得剛剛好：快、準、穩。- 奶茶 茶底厚實，層次明確；苦澀被淡淡奶香收斂，餘韻乾淨不滯。泡沫細密、杯壁掛色均勻，溫度控制得好，放到最後幾口也不走味。若喜歡更古早的力度，可選少甜或走甜度自控。- 蛋撻（招牌） 酥皮不夠鬆脆，牛油香上鼻但不油膩。蛋心色澤透亮、凝而不實，微晃有彈性，一口下去甜度清爽，蛋奶比例拿捏到位。趁熱入口，是本店最具代表性的「秒殺級」體驗。- 瑞士卷 蛋糕體蓬鬆、濕潤度佳，帶淡淡蜂蜜與蛋香；忌廉走清爽路線，不厚重。面頭比較粗糙，不夠軟綿綿但以茶點收尾已足夠討喜。環境與服務- 翻桌快、出品穩，店員利落直接，是典型港式效率。- 座位緊湊但有秩序，嘈雜是氛圍的一部分：叮噹瓷器聲、拉茶香、剛出爐的熱氣，構成屬於灣仔的日常背景。性價比- 以地段與出品質素計，性價比不錯，尤其蛋撻值得為它專程繞路。

有舊同事返來Office探班 話咁岩路過見到 檀島 既 馳名 酥皮蛋撻 新鮮出爐 就買左1打上來分甘同味 一齊3點3下午茶～ 試完 一致認為 完全唔值⋯ d酥皮就咁睇 仲以為餅皮來 完全做唔到一層層 食落好實淨 一d都唔鬆化 超失敗⋯ 個蛋漿餡 又唔夠蛋香 亦都唔滑 好鬼甜 聽聞仲要唔平⋯ 真心伏 試過就算 所謂 馳名 既 招牌蛋撻 都做到咁 其他都唔會有期待 我自己就無興趣去幫襯同店其他出品 或 俾多次機會佢再試佢個一d都唔酥既酥皮蛋撻啦～ 留返d錢搵間好d既來試好過！

今天早上要坐中旅大巴回廣州，於是乎選擇灣仔這裡吃早餐和等車，因為老婆説這裡坐得舒服。老婆在港島長大，他說這是一個很古老的茶餐廳，我進去發現正如她說的很有懷舊feel。看看餐牌發現東西不太便宜，上食物後發現味道也是一般般，但這裡勝在位置特佳而且餐廳裡面地方也比較寬敞。我們每人叫了一個早餐，每個都是44元。賣相正常，味道就一般，檀島咖啡味道還是不很錯。如果有時間，對食物要求也不太高，這裡還是比較好的選擇。

今朝一個人同客開完會想搵間坐坐，經過見到有間舊式咖啡店就入去，想歎一杯好咖啡或者一個小小既茶餐。但最後都係揀咗絲襪奶茶同菠蘿油。奶茶味道順滑，唔太甜膩，入口柔滑好有香港味。菠蘿包外層微脆，裏面包住凍凍地既牛油，冰火交融，香濃得嚟有少少鹹香，好驚喜！成個人坐低慢慢歎完，感覺好relax，仲打開電郵回覆客戶訊息。店內環境乾淨企理，侍應主動幫我落單同問我有咩需要，都算幾有效率同埋客氣。雖然只係一人用餐，但感受到普通茶記或咖啡店少有嘅舒適與自在。

有嘢過咗灣仔做，遇啱放飯時間丹X冰室排晒長龍，唯有行遠些少幫襯你呢間老牌茶記，嗌咗個叉燒鮮茄滑蛋飯，完全係垃圾級，茄汁推到有色冇茄味大甜！係極甜嗰隻！零酸味！叉燒冇味，求其當有幾嚿肉係咗，連蛋都唔捨得俾！見隔離條友碟芝士雞扒撈丁，更加係嚇人一驚！估計個鋪位係你伯爺剩落，如果唔係你絕對冇可能喺呢行立足，你隔離是但一間兩餸飯係你一半價錢，賣相係好過你百倍以上，唔怪之得一點行入嚟啲位任坐！係咪俾班廚房佬揸住條頸呀，咁嘅出品都收貨點做老細啊！難怪茶記呢行俾啲新派隊冧咗啦，因為你哋退步哂，連基本都做唔到！

#檀島咖啡餅店 舊年喺灣仔返工都會經常去買麵包做早餐，很奇怪就算朝早時份都冇新鮮出爐嘅麵包 🤔麵包大大個，價錢比一般麵包舖貴兩蚊左右，味道真系麻麻哋，大部分都系實的的，以前都係純粹貪佢就腳。今日經開突然想食蛋撻，就唸起灣仔檀島一入到鋪已經聞到陣噏味，點完嘢食之後，夥計就放低兩份刀叉，其中一隻叉，沾滿蛋跡🤦🏻‍♀️🍴蔥油雞扒撈公仔麵🧁斑斕蛋捲🥚酥皮蛋撻☕️熱奶茶☕️熱鴛鴦食物average但他雖然係凍，但其實酥皮都酥脆，蛋漿滑，可惜欠蛋香。最好味，反而係個煎雞扒，雞皮十分香脆雞肉juicy ，雞肉醃得好入味。斑斕蛋捲，口感鬆軟，但香精味頗重。再要數下茶餐廳嘅靈魂🔮奶茶、鴛鴦兩杯都唔夠滑花奶比例太少，尤其係杯鴛鴦，咖啡味怪怪地😅只可以話。。。風光不再 🥲..📍檀島咖啡餅店📍Wanchai HK💰$104

放工約了友人食飯睇戲，想快快脆食完又要平即想起茶記，大家就腳之下係灣仔食，揀左檀島，老字號茶記，面積大多數都有位，馳名奶茶及蛋撻(亦只食過蛋撻)，但錯重點係好留意佢個忠告牌(當年)🤣，經過以前熟悉的街道，變左好多陌生的店舖，又念懷舊姐上身。茶記格局，晚飯時段唔太多人。餐牌，來到多數都係食常餐、蛋撻等。常餐，$52。沙嗲牛肉麵，牛肉份量適中，尚算爽滑，沙嗲味道濃郁，唔算係好香，正常水準。牛油方包配腸仔煎蛋，有種屋企整嘅感覺，味道正常。熱咖啡，有一刻想叫奶茶，但都係想飲啡，咖啡味香，不俗。蛋撻，$11，一場來到食埋蛋撻，因為幾好食，蛋撻微熱，餅皮入口酥脆，內餡蛋漿嫩滑有蛋香，但印象上以前係好食點比較香甜。食物正常水準，服務態度正常，價格合理。

【灣仔區】【檀島咖啡餅店】大家都知我係一隻不折不扣嘅單身狗，始終我係嗰種「擇善而固執」嘅人，唔想因為滿足性需要而周圍去媾女。不過當然我都有喜歡嘅人，好似電影「月滿軒尼詩」嘅主角咁，因為中意咗一個人而改變晒佢嘅生活，睇到我相當感同身受，並且成為我嘅宿命。電影入面好多場景都係喺呢間灣仔老字號茶餐廳入面拍攝，呢日我就特登以一個「老香港」嘅身份嚟呢度懷緬吓電影情節，哀悼吓我嘅愛情。以 $52 叫咗個「常餐」，主食係「香煎雞扒公仔麵」，雞扒自動幫我另上，抵讚，連埋個麵，成件事真係好茶餐廳。小食我加 $8 轉配「吞拿魚奄列」，幾特別，餐飲「熱奶茶」係優質茶餐廳嘅水準。另外我仲叫咗 $17 嘅「鮮油菠蘿包」同 $11 一個嘅「極品蛋撻」，前者比較平庸，後者就正正常常冇乜特別。埋單 $99，都係食個情懷，就係食嗰一種終將逝去嘅青春。。。（地址：灣仔軒尼詩道176-178號地舖及閣樓）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：西貢區分店：1am0243#1amfoodie #foodie #hkfoodie #thatfoodiething

檀島咖啡店作為一家歷史悠久的老牌店，依然吸引著不少熟客光顧。這裡的環境雖然簡單，但總有一種懷舊的氛圍。食物方面，雖然不算特別驚艷，但還是保持著一定的水準，讓人覺得正常不過不失。然而，讓我感到失望的是他們的麵包。曾幾何時，這裡的麵包香氣四溢，口感鬆軟，令人垂涎。但最近的幾次光顧，發現麵包的味道已經大不如前，缺乏了那股誘人的香氣，甚至吃起來有些冷冰冰的，讓人懷念起以往的美味。總的來說，檀島咖啡店仍然是一個不錯的茶餐廳，但希望他們能重拾昔日的麵包風采，讓食客再次感受到那份熟悉的溫暖與美好。

灣仔意願清單中第一位就是他的大卷蛋，自從九龍城的有名餅店結業後，大卷蛋已不知在那裏尋找，上次經開灣仔見到檀島有售，已暗暗將它記在腦內，下次必要幫襯。今晚剛巧開會，路經心頭好，當然要試，店內有原味及香蕉斑蘭，價錢只差3元，我高當然揀香蕉班蘭。－大件卷蛋；急不及待，好香好濕潤的蛋糕，充滿香蕉及斑蘭香味。只是忌廉略嫌太多，整體甜味可以接受，不算太甜。一個人獨食，頗有罪惡感。由於買少見少，可以括出去。愛卷蛋的要試試

鬆化蛋撻 酥皮一啲都唔鬆化，，蛋漿非常之甜 而且冇蛋味。皮蛋酥我從來未食過咁難食嘅皮蛋酥，酥皮一啲都唔鬆化，蓮蓉非常之甜，皮蛋非常之硬，食完第一啖唔會再想食第二啖。

晨早趕車梗係食地利呢間響巴士站旁既茶餐廳實在係好選擇味道👅再也比不上地點便利咁吸引望住又小紅書又鄰住買都係應該推介比同胞先勿論啲食有無情感製作由送餐速度肯肯定唔係預先整定老員工熟練既工作流程彷彿無用理會新舊客戶情感出餐傳菜都令你領略到堅實既碗碟聲食物食入口既感覺係熟既！食飽走人。素知昔日風光時，店舖以招呼遊客聞名於巿，可憐我都係跨區議會選區遊客丫。唔駛你奶都唔好西。講返食物，免得系統話唔係食評。老實講，又熱又熟又有味，真係充飢一流。價格見人見智；口味就自行調味啦。總結：你有得選擇咪有權選擇囉。

我咁大個人都未食過生既紅豆的紅豆冰，服務員的服務態度不是差，是超級差，我叫了一杯紅豆冰，那紅豆是生的，然後我問服務員，服務員給我來了一句，又不是我做的找我幹嘛。。。。

第一次嬲到上openrice打食評，本身想食嗰間今日冇開，見到附近有間茶餐廳就入咗嚟食，嗌咗個常餐同西炒飯，個侍應攝張單入枱嗰陣見到多咗24蚊，原來係個西炒飯加杯野飲要加24😅提都冇提一句。仲有常餐塊雞扒唔講以為係腸仔，細塊到呢😅又乾又柴超難食，咁都算啦，仲有碗米粉，哇！食第一啖鹹到呢。。。份量又細，啲野食上到嚟嗰下都嚇親，呢一餐食咗144蚊完全唔抵，呢兩個餐唯一正常少少嘅我諗係杯凍檸茶。。。

雖然它號稱係幾廿年老店，並且最近有拍攝節目，不過你可以見到，呢個菠蘿包除咗上邊的皮夠脆之外，其實內裏質地又乾又鞋，很難稱得上是美味。本身喺外面見到，原來而家都要賣成$11 ，灣仔來說不算太昂貴，但是以單單一個菠蘿包，確實係唔平。頂上面的皮雖然夠口夠脆，不過其實不夠鬆化香甜，連屋村嘅菠蘿包都俾佢甜香脆香。雖然中間不是空氣質地，不過內裏太過結實，又沒有感覺到香味，因此結實得來，只感覺有點兒像以前肯德基那些實心鬆餅，厚實，但沒有甜香，沒怎麼有香味的菠蘿包，因此我覺得味道其實較遜於普通茶餐廳。