橫濱日本料理 (已結業)

刺身唔新鮮 ！其他野食非常普通 味道一般 ，員工服務差 ，仲要間鋪好似無人管咁 啲員工系度嘻嘻哈哈又爆曬粗口，又成日系後門擔住支煙出出入入，野食係好緊要，但環境同員工方面亦都好重要。…查看更多

真係貼錢買難受之前已經試過嚴重漏單，諗住今次餐廳已經得1-2台客，唔會再咁差，但都係嚴重漏單囉⋯⋯啲員工企係到吹水，叫佢地落單好似阻住佢傾計，叫左杯「柚子蜜」成20分鐘都未到，問完有未之後，個男職員勁大力放係枱面到囉！真係不知所謂寫左要2件，次次都比1件食…查看更多

忍唔住即場開account打第一次食評叫左滑蛋吉列豬扒飯 （$39 跟雀巢雪糕一杯)一上碟已經呆左 啲蛋極其量稱為蛋碎 邊到滑?味道普通 豬扒 乾 吉列皮淋 一夾就甩左我諗 就算價錢平都可以質素做得好少少無下次☹️ …查看更多

今晚啲刺身比較差,仲要 母親節前夕，每位加十蚊。壽司手捲,都仲可以。火灸的壽司ok.梅酒ok,但其他食物都很一般.食物選擇唔多，刺身選擇也唔多。帶子比較細粒，淡而無味，得個凍字。整體唔夠新鮮。甜品都冇咩選擇，只有好普通嘅雪糕。有小小失望。食1700 to 1900每位200左右…查看更多

同事說放工不如到附近吃吃，隨便選了這間。放題便宜，心想，在藥房、金鋪處處的上水，能夠屹立幾年的小店，應該不差吧！結果，哈哈。食物沒拍照，刺身下的冰，感覺不太衛生。吞拿魚紅得奇怪，火炙三文魚壽司，燒得過熟，而且灰灰黑黑，賣相很不好。任飲的清酒更是災難，以往放題清酒，質素不好就是意料中事，不外乎兌水太多，飲酒如飲水，又或清酒是普通酒/本釀造添加大量人造酒精。但是，今次所喝的，入口「酸酸縮縮」，像開了很久的酒，氧化變味。酒杯「痴立立」，非常不乾淨，好像沒清洗的樣子。其他熟食正正常常，就是刺身、壽司、酒、器具不太好啦。…查看更多

漏單情況非常嚴重！第一次入單，order好多嘢，但只嚟四碟！再入，只嚟一碟，等到時間到就同你講last order!唔止我呢一枱，睇見身邊4枱都一樣！漏單係佢哋策略…查看更多

話說和朋友一齊去食呢間餐廳 ! 入到去裝修唔差 ! 侍應態度好惡劣 ! 多次錯單 ! 點完野唔食上黎 ! 野食上到黎 刺身唔新鮮 !食落有怪味 ! 炸物一般 ，有d太咸 ，有d有怪味 !! 如果大家去試記住2樣野 1 野飲係自己拎 ! 2 記得要寫台號! 呢兩樣野會令侍應好怒氣 ! …查看更多

琴晚情人節同老婆去食呢間。入到去同另一對情侶坐一張六人座，我地坐入面，另一對情侶坐外面，我地係唔識既。交第一轉單時個姐姐同我講野飲可以自己拎，我坐入面點拎呀?姐姐一轉身就黎左碟牛柳粒，已經知會錯單。之後入左三次單我都係黎左四碟仔刺身同幾串串燒，我同待應追單佢話今日旺冇辦法，話廚房忙做唔切。咁我諗住主攻壽司啦，點知十五分鐘後都係冇野到，我要餓住走。點知叫埋單一分鐘都唔洗有單到。服務又差，去旺角食好過…查看更多

我在這吃飯時，漏過幾次單。叫羊架，就唔知來左啲咩，後來又來翻，仲要叫一個就比2個。鰻魚炒飯燶嘅，烏冬硬的~壽司的飯爛的，差極了~服務員的態度也不好，追單時還未講完，他就走開了…………到底想點呀？原全不滿意，我絕對唔推薦大家去~還未完~我聽見旁邊桌子的客人對那個好像是經理的人説:「我吃過那麼多間，你這間最差，這個蝦是暖的。」不一會兒，他很不滿意的走了~他們出野都出得超慢~唯一快啲嘅就系汽水~我決定以後都唔會再來這個鬼地方啦~…查看更多

同家人第一次係度食午餐 本來打算食一般午市套餐後來見到有個午市壽司放題$98@ 反正都係 就試下啦其實食物選擇唔多 壽司為主有幾款小食 炸物 沙律 甜品同任飲入座時已知食到2：45咁都ok嘅 但佢野食黎得勁慢勁少又勁漏單 追完都無黎 或 黎一兩款等極都無野食同個經理追單 話d野食無黎 佢幫我追 之後出左一碟（一款）入4張出得一張嘅野佢居然話你入咁多張單廚房會以為你玩 所以唔出但明明頭先我已經同佢追過 佢無黎果d叫我寫過張 佢之後仲夠膽講話得你呢枱係咁明明我聽到前面果枱都有追 話佢d野無黎我圈多一張無黎d咩嘅單比個經理之後都係黎多一碟野 就無黎我搵過第二個侍應 同佢講漏單佢都即刻入廚房拎比我早知搵佢就搞掂 經理有咩用？！有幾款野食 到我走都無見到嘅食到一肚氣 又唔係好食浪費時間…查看更多

新界(上水)難揾日式放題，這間價錢親民，可以一試刺身共九款三文魚，吞拿魚，魚，甜蝦，帶子，八爪魚，北寄貝，榮螺片，希靈魚八爪魚，好鲜甜(口感彈牙)三文魚(好鮮魚味)魚(爽口)希靈魚(無乜腥味)甜蝦(肉質差左d)吞拿魚(欠口感)帶子(鲜味)螺片，北寄貝(雪味重)雞軟骨(好香口，七味粉夠辣)炸蠔，天婦羅(熱熱上枱)蠔算大粒(肉好嫩)外表得意越南蔗蝦，薯絲蝦將蝦滑包住蔗煮(蝦滑爽口，细咬蔗中蔗汁so sweet)薯絲(花刀功)包住蝦炸，好特别(上枱唔熱，令味道失色)白汁帶子(熱燙上枱，帶子爽口帶甜)燒菠蘿(只是輕輕一燒，失火燒香味，本身菠蘿甜甜的)燒茄子(辣粉夠辣惹味)香芒三文魚卷(味道清新，酸甜芒果配三文魚的组合，好美味)火炙芝士三文魚，火炙三文魚，火炙玻璃蝦，火炙海饅壽司(火炙只係輕輕一燙，上枱唔熱)墨魚丸配上七味粉，燒得香口冬菇(多汁，但燒得不夠香口)虎蝦(味道一般，肉質好實)翠肉瓜(好重七味粉，好惹味)另外熱食蒜香牛柳粒(重調味醬煮，好香蒜味，牛肉嫩口)蒲燒鲷魚腩醬汁甜甜地，魚腩幼滑(但有小小腥味)牛油粟米(重牛油woo)粟米甜馬拉盞通菜，用好小馬拉盞炒(味道淡)白酒忌廉青口(似白汁煮，欠白酒香味，青口比較细隻，味道無鮮味)地獄鍋燒大蜆(蜆细隻，比青口鲜甜，湯汁夠辣)最愛是紅豆雪糕梅酒(重梅子味，酒精不算多，易入口)起碼10張點菜纸5:00入座最抵食(加一後$174一位)，食2個鐘…查看更多

放飯去同6個fd食,等咗半個鐘頭仲未嚟齊d嘢,服務態度差,之前吹咗三四次完全當人無到,隔離枱遲過我地唻都食緊,最後搞到我地冇食飯就要上堂好啦因為趕時間返學校取消張單, 走嘅時候發現收錯錢,我哋食得三個餐(約33蚊)但收成130, 之後返去同佢理論啦,佢話因為我地冇食餐要單收嘢飲錢喎,9蚊杯, 但我計返條數都係收多咗錢, 可惜我冇攞單同佢理論唔到, 最後仲要九衝返學校以後唔會再幫襯呢間垃圾嘢…查看更多

記得上一次食都還可以，感覺不過不失。所以今次落雨近近地又耐冇食放題，就食啦，誰之今次極之差差差（因為真係好差，所以要講三麼次差），入去好多位（可能打颱），但入左好耐都冇人理（但其實有好幾個侍應在的），為有自己搵位座，魚生刺生唔新鮮，口感好怪，有叫同冇叫既刺生類別都來曬，但有d類別魚生唔食。三文魚細細件，魚肉深橙紅色（好似假咁），帶子好細粒，食落好似擦子膠（聽隔離枱投訴似腳皮😂😨），燒既蝦食落係梅肉，炸既野食好乾好硬， 天婦羅d粉炸到好似石頭，但見令一d桌客人刺生有唔同，類別是一樣，但新鮮同大件既，顏色鮮明好多，明明一樣放題，點解...so sad!!!同d侍應落既單，又成日漏…查看更多

因為女朋友想食放題，而又撞正禮拜，好多地方無位，睇到呢個係上水近近地，食評又好似ok，就諗住試下。入到黎其實環境唔錯，不過幾特別係佢卡位搭檯就唔係一邊坐一枱客，係對住坐，一枱入面一枱出面，而一坐低，佢就咁岩要上個熱飲俾入面個枱，不過呢度d人堪稱極之輪盡，係係咁跌野，呢次就一野倒瀉左落我女朋友個位，仲整到我女朋友，不過個女侍應一句野都無講、sorry都無句，換走左張濕既墊枱紙就算。之後食野其實都ok，魚生算幾新鮮同幾鮮甜，三文魚細塊左d，但唔錯，甜蝦有頭，北寄貝有少少檸檬汁，幾清；不過所謂帶子刺身只係貝柱，壽司就真係帶子，不過有d薄咁解。熱食方面個烏冬湯底有d淡，但粥都ok，燒物都唔錯，牛柳粒個d份量好足，不過d豬頸肉就肉質麻麻，有d過熟。而有趣既係有次鄰桌倒瀉野or跌野，有個男侍應係咁既樣沖過去大叫：「做咩野事呀！？」我唔知點形容，但佢驚慌失措到我以為佢地識既，整跌左佢d野既咁。同埋d人你一講「唔該」，d人第一個反應通常係走，過一陣先有人過黎，不過d人全部勁匆忙勁趕，偏偏d熱食又慢，漏就無，但慢，我可以不斷落野但有差唔多三個字係食完野無野食，齋坐。…查看更多

食物種類多，最正就係羊排同三文魚刺身，還有天婦羅大蝦，泰式蝦刺身，燒烤品即叫即燒，非常好食，飲品種類都有好多選擇，還有梅子酒任飲，可惜冇人同我飲，所以冇飲到梅酒，值得推介推介…查看更多