橫濱家系町田商店

嗰日咁啱好想食拉麵，就喺係附近搵吓有冇，跟住見到呢間好似唔錯，就入咗去試～咁啱嗰日冇乜人，所以唔使等位就有得入去！後尾先知原來平時都好多人排隊🤣-🍜橫浜終極MAX拉麵$118呢個好似係佢哋嘅招牌，一於就試吓！食落又真係唔錯，湯底幾濃郁，啲麵都幾掛湯，而且啲拉麵嘅軟硬煮得啱啱好～另外個拉麵本身已經有叉燒同溏心蛋！唔知有冇人同小編一樣食拉麵一定要有溏心蛋😆😆呢間喺airside嚟講唔錯嘅選擇！食物質素幾高，而且價錢唔算貴，都明點解咁多人會排隊食😋…查看更多

週末到Airside 揾食唔容易，幸好都揾到間餐廳即時入座，叫左以下食物：1. MAX拉麵(粗) 配菜材料有薄切叉燒X3，鵪鶉蛋X1、溏心蛋X1、紫菜X3、海帶適量，1碗加了蒜泥，蒜泥好重蒜味，齋食佢係會頂唔住，要放湯才令湯味更濃。2. MAX拉麵(幼 )配菜同上，只是由蒜泥轉了味荀，感覺冇特別。3. 章魚小丸子：配搭酸薑、柴魚片、沙津醬齊齊食又熱辣辣，搭酸薑特別好食。 服務幾好，上菜都好快手，基本上一個鐘之內可以完餐及結帳。…查看更多

橫濱家系町田商店係一間日本的連鎖拉麵店，啟德Airside 嘅分店係香港第一間分店。今次已經係第三次幫襯，我哋叫左辣味噌拉麵 、魚介豚骨沾麵、餃子。我哋仍然覺得好好味，水準保持得好好。………………………………………………辣味噌拉麵 ⭐️⭐️⭐️⭐️⭐️麵條偏粗有咬口，係我鐘意個種。湯底好濃郁，辣度適中，咸香美味。配菜有日式叉燒、辣肉碎、椰菜、鵪鶉蛋。我個人好喜歡。魚介豚骨沾麵 ⭐️⭐️⭐️⭐️麵條偏粗有咬口，魚介沾麵汁好夠熱好掛麵，配料有日式叉燒、溏心蛋、紫菜、荀。朋友表示好味。餐廳仲有建議食法，可供參考。餃子 （6隻） ⭐️⭐️⭐️⭐️⭐️外皮雖然唔係好脆，但係肉餡肥瘦適中，好多肉汁，好好味，一個人都可以食晒6隻。………………………………………………拉麵店的座位幾闊落，同隔離枱有足夠嘅空間同距離，而且唔係傳統拉麵店個種bar枱，店員都好有禮貌，食得好舒服。…查看更多

假日去啟德行街，經過呢間係日本都好出名嘅拉麵店🍜 😍 雖然都有條人龍，但毫無猶豫地要入去試😆✨ 有幾款唔同嘅拉麵，仲有丼飯同小食👍🏻 我同朋友決定咩都試下🤩🔸 橫濱終極MAX拉麵 ($118)呢個拉麵嘅配料係加咗份量🔥 有三件叉燒、溏心蛋、鵪鶉蛋、紫菜🤩 湯底好濃郁嘅豬骨味✨ 拉麵可以選粗/幼，我揀咗粗，都幾煙韌🍜 最正係配料真係幾多，好特別嘅係有鵪鶉蛋🥚 成碗都幾滿足，好飽🥰🔸 豚肉丼 ($68)朋友想試下呢度嘅丼飯😆 熱辣辣嘅豚肉丼😍 豚肉係半肥瘦🐷 醬汁都幾入味👍🏻 仲有鵪鶉蛋同紫菜，所以整體都幾豐富😍🔸 香菜雞肉 ($40)呢個有驚喜🤩 雞肉非常多，而且係好滑嘅雞胸😳 配著超多嘅芫茜🤣 芫茜控啱晒💚拉麵非常出色，配料又多，會再encore💛 而且佢哋有唔少小食，下次會想試埋其他小食😍…查看更多

喺Airside參加完活動就求其搵咗一間餐廳食飯，入座冇耐就差唔多爆棚，真係好彩😵🌟橫浜終極MAX拉麵 $118有兩隻糖心蛋、一隻鵪鶉蛋、菠菜、兩塊紫菜，湯底係豬骨湯，揀咗粗麵😗粗麵有啲口感好好，唔會淋曬，而且都幾瓜湯🫶🏽湯底係經典豬骨湯，驚喜地覺得湯底唔錯喎，濃厚得嚟有香油味😍整體大碗份量夠晒飽肚😆🌟辣味增拉麵 $103有大量椰菜、肉碎、辣醬、一塊叉燒，表面有層辣油，叉燒係肥瘦相間，口感介乎入口即溶，幾好幾好🥳湯底辣得有層次，整體比另一個更加重口味😋仲有大量椰菜清脆解膩，有助平衡番少少。-整體味道唔錯，偏向濃味嗰種🌸但覺得價錢略貴，百幾蚊拉麵仲要加一🥺…查看更多

最近好鍾意行Airside，貪佢交通方便，又新淨又有高檔感覺。今日試咗呢間成日排長龍嘅拉麵店，出品都幾好喎，重點係性價比真係非常高！斑馬大蒜牛油拉麵，大蒜味勁香，加埋牛油真係好濃郁，拉麵質感又有彈性，食落好滿足。其次要推介嘅係香蒜雞肉，慢煮雞胸肉質一啲都唔柴，仲好入味，絕對啱晒減脂人士。另外試咗佢哋幾有特色嘅日式粟米球，蔬菜類可以滿足到成餐嘅均衡性，幾好。總結呢間餐廳，樓底高座位舒服，出品有質素，價錢又公道，值得推介！…查看更多

｛超多人食既拉麵店｝啟德airside無時無刻都有超多人行商場。而依間「橫濱家系町田商店」 係keep住不停有客出入，超多人食🍜。環境走日式風格，燈光微暗嘅特色。橫浜家系E.A.K.拉麵🍜餐廳招牌之選。依間拉麵店可自選粗/幼麵及軟硬度。湯頭濃郁，遠遠都聞到香氣。豚肉超好食🤤。斑馬大蒜牛油拉麵依款我個人超鍾意❤️黑蒜油超香但未夠邪惡👿，仲要配上一粒牛油🧈，令成碗拉麵超滑身！單點凍綠茶罐裝但平時冇見過。味道幾特別，可以解油膩…查看更多

平日夜晚去咗位於Airside嘅横濱家系町田商店食拉麵，第一次幫襯，總體感覺唔錯。横浜終極MAX拉麵（幼麵） - $118湯底係典型家系豚骨風味，濃郁得來略為偏少少咸，個人覺得味道還可。幼麵口感彈牙，配搭湯底算順口，但如果湯底可以淡返少少啲會更好。極上和牛野菜拉麵（黑椒風味） - $158和牛有得揀正常或全熟，我就揀咗正常，肉質軟嫩，入口鬆化，幾滿足！湯底黑椒味好突出，香濃得來唔會太油，仲有啲新鮮野菜增加口感層次，唔錯！餃子（3件） - $30餃子味道皮薄餡香，煎得外脆內軟，幾好食，但份量偏少，價錢略貴，性價比一般。餐廳環境舒適，燈光柔和，座位寬敞，坐得幾舒服，適合同朋友輕鬆聚餐。服務態度OK，店員反應尚算快。點餐同上菜速度都OK。價錢偏高，拉麵價錢（$118-$158）如果同市面上其他拉麵店比，略為偏貴，飲品偏貴，一罐罐裝飲品要$20，仲要加一服務費。整體黎講，係一間唔錯嘅拉麵店，係性價比差少少。…查看更多

呢間餐廳其實都經過好多次，晏晝嘅時候成日都見到有人排隊，今日早收工就直接約咗朋友喺呢度食晚餐，好彩朋友早到，早咗嚟排隊，我一嚟到之後即刻有得坐低，呢度裝修都好有日式餐廳感覺，幾特別！我同朋友一人叫左一個，包括終極MAX 拉麵同EAK 拉麵。呢度好貼心咁樣有得揀粗麵或者右面，而且我覺得呢度個湯底都整得幾好，湯底味道夠濃郁之餘，又唔會覺得太油膩，但係食完之後都會有一種濃濃嘅garlic butter味留喺口入面，真係好正！…查看更多

今日同朋友去咗啟德搵食，撞正一間日式拉麵店，食完真係要寫低！橫浜終極MAX拉麵（幼麵）湯底超濃郁，豚骨香味爆棚，飲完唔會口乾，夠晒誠意！🍜 幼麵掛湯力十足，唔會太腍，口感啱啱好～叉燒厚切又入味，肥瘦比例完美，咬落去有幸福感💖🥚 半熟蛋流心靚，鹵得好入味～鰻魚丼鰻魚燒得香口，岩好醬汁，甜甜地好開胃🍚 白飯粒粒分明，吸晒鰻魚汁，食到最後都唔會漏！環境又舒服，啱晒朋友聚餐～🏷️ 橫濱家系町田商店 (九龍城)📍 九龍城啟德協調道2號AIRSIDE地下G011號舖…查看更多

又嚟呢個場睇戲順便食個飯，今次求其揀咗～橫濱乜乜拉麵。入場前望過餐牌，價格比一般拉麵店高，唔知係咪因為咁，喺星期六晚八點零鐘，入座七成。叫咗～極上和牛野菜拉麵(黑椒風味 ) x 2 炭燒雞軟骨串 海老天婦羅 5件首先到嘅係～炭燒雞軟骨串佢嘅「型態」唔係我哋喺串燒店果啲一粒粒，係好似啲魚蛋小丸子（如圖）型態，一啖咬落去，係好淋，好似食豬肉丸咁，但唔係彈牙果隻，咬到最後，有小小小小雞軟骨件 ～感覺一般。跟住～炸蝦，比較好嘅係唔會「油淋淋」，蝦算新鮮彈牙，略嫌個炸醬厚咗，呢個整體合格。主菜～極上和牛野菜拉麵（黑椒風味），眼見咁多材料，主要係一塊薄薄嘅半生熟和牛，黑椒風味就係一個啖而無味嘅湯底上面耍啲胡椒喺上面，牛肉可以選正常（呢個型態），或者全熟，麵可以選粗同幼，我選粗，首先試啖湯，真係唔知想點，淡～完全無味，淨係嘗到面頭黑椒味，係『面頭』！跟著用筷子撩吓啲麵，成個「麵團」黐埋一舊未散開，咁都得？師傅煮麵果時唔係揾筷子撩開晒嘅咩？我可以幻想個畫面係，成舊麵餅掉落碗，加上所謂嘅「𤴓湯」，再加上配料，起貨？！當然以上純粹個人幻想同感覺，講返碗麵，塊牛肉薄得可憐，係較為可取，但真係唔夠喉，成$158碗，真係唔值。二口子埋單$475。回頭度～2/10性價比低，呢個價錢可以食到好多嘢。到不如食good court 果間，好小食呢類拉麵個湯底係，無牛無豬無雞味～佩服！或者大家有機會可以試吓其他拉麵，而我就一定唔會再嚟。以上純粹個人食後分享，絶無收受任何利益同優惠，亦願意承擔所有責任。…查看更多

今日就同朋友去左橫濱家系町田商店餐廳好有日式風情, 除左拉麵，仲有丼飯選擇橫浜家系E.A.K.拉麵湯底好濃郁，豬骨味好香，飲落去creamy但又唔會好膩, 拉麵係粗麵，好有咬口，掛湯力一流，每啖都好入味，旁邊仲有鵪鶉蛋，配搭叉燒，肉質軟腍，肥瘦適中鰻魚丼鰻魚肉質嫩滑肥美，完美覆蓋飯粒，鰻魚汁甜甜哋又唔會太鹹，飯粒索滿醬汁，食落好香口餃子外皮煎到金黃色，咬落脆卜卜，入面既餡料好juicy，爆晒汁，點埋醋食更惹味…查看更多

横浜家系町田商店喺啟德AIRSIDE商場，地方新淨，坐位夠闊落，裝修好有日本拉麵店feel。今次試咗佢哋兩款麵。橫浜終極MAX拉麵揀咗幼麵湯底濃郁，豚骨味香，飲落去有少少膠質感但唔會太膩。麵條彈牙唔會過腍，吸晒湯底。有三片叉燒，叉燒夠腍身，蛋半熟流心，仲有菠菜、紫菜等配料，食落層次豐富。魚介豚骨沾麵麵條粗身有咬口，擺出嚟好吸引。沾麵醬汁魚介味同豚骨味都好突出，味道濃厚，咸香帶微甜。每啖麵都掛晒醬汁，食完好滿足。配料同拉麵一樣有叉燒、蛋同紫菜。…查看更多

今日喺 AIRSIDE 附近做嘢，就嚟咗橫濱家系町田商店食 LUNCH！ 😋 聽講呢度嘅拉麵夠晒特色，啱晒拉麵控！ 💖📍 地址：啟德AIRSIDE地下G011號舖🍜 橫濱終極 MAX 拉麵朋友係食肉獸，叫咗佢哋終極 MAX 拉麵！ 🔥 好多塊叉燒，一定夠滿足！💯🍜 斑馬大蒜牛油拉麵我叫咗斑馬大蒜牛油拉麵！ 🤤 有一大塊牛油，連埋豬骨湯就好有層次！ 👍 我點咗幼麵，掛湯剛剛好，唔錯！ 😋 特別係個蒜味唔算重，唔洗怕大味！ 😌 呢間拉麵店嘅拉麵夠晒特色，不妨嚟呢度試吓！  🥰@chillchill_aloye @machidashoten.hk #啟德美食 #香港美食 #foodie #拉麵 #AIRSIDE #橫濱家系町田商店…查看更多

作為拉麵控，鍾意成日捐窿捐罅試唔同既拉麵。呢間啟德嘅拉麵館bookmark 左好耐，今日見唔係好多人，決定試試佢。餐牌選擇都算多元化，除咗拉麵、沾麵、仲有丼飯同多款小食。人氣之選一定係橫濱終極Max拉麵（$118）呢款拉麵係豬骨湯底，味道食落同日本食既不相伯仲，濃郁但鹹少少。叫得終極Max，配料都係double 份量，有三塊既叉燒、三塊紫菜同全隻糖心蛋，食完好滿足！ 而且好特別地每碗都有一粒鵪鶉蛋，其他舖頭比較少見。本身想試埋魚介沾麵，但係賣哂，真係好可惜。最後叫咗斑馬大蒜牛油拉麵（$103），個名好特別，其實就係黑蒜拉麵。蒜味唔算好濃，加咗牛油既關係，成個湯底比較油膩，食到後面有d 漏。見到其他小食都好吸引，炒飯有日本風味。不過實在食完碗麵太飽，下次有機會再試😆…查看更多