樂雅軒中菜廳

本人好少寫食評大大今次真的不吐不快我食蛇羹大大話話都已經有廿幾次今次的蛇羹真的差到一個點一食落去第一個感覺就係好鹹超鹹我哋係訂咗一圍12位全部人都有呢個感覺咁我哋就搵部長反映點知個部長試都唔試就同我哋講咸度個人口味你哋唔啱食我幫你哋調教吓咁跟住再上枱嘅係溝咗水嘅蛇羹囉今次都係覺得鹹同埋冇咗味囉我想解釋嘅係雖然淡咗，但係都係鹹跟住部長話呢個唔啱食，我換過一個海皇燕窩羹替換啦再上嘅海皇燕窩羹，係正常嘅不過就完全冇落鹽囉換轉就淡到飛起啦咁樣做生意係咪鬥氣呢？我哋都冇再質疑啦只係覺得一間酒店出咁嘅食品係令人太失望囉…查看更多

伏伏伏，質素差，每位$368，試過就知道完全唔值得這個價錢，每樣菜式只是一口size,最離普是燒雞，竟然是每人一嚿，一般酒樓都唔會放一嚿雞一碟咁難看，而一口size甜品竟然是隔夜味道，這間都是酒店中菜廳，做得好差，以後唔再去食，唔信就去試，包中伏。…查看更多

弟影完相約我食晚飯,忽然又話想吃中菜,於是揀比較就腳的城景酒店樂雅軒. 這間餐廳之前都光顧過吃大閘蟹套餐感覺良好,今次就不吃大閘蟹了試下二人套餐.  樂雅軒座位不多,而且餐廳中央又無擺放座卓,令到空間感好大環境夠晒闊落. 喜歡清靜用餐的朋友這裡是好選擇.二人套餐連同湯和甜品共有九道菜,每位418元.紅白餐酒,啤酒及汽水任飲. 我們點了白酒,只要酒杯飲到半滿,侍應就第一時間斟酒填滿,非常殷勤,服務水平值得攞滿分.首先上場是江南三小碟分別有黑豚肉叉燒,黃金豆腐條和葱油海蜇. 豆腐和海蜇不是巧手菜,味道正常已經可以了. 叉燒肥瘦勻稱, 入口算是軟腍而保留少許咬口,不錯! 醬汁恰可不會搶走原有的豬肉味. 我覺得叉燒水準不下於一些出名的燒味店.原盅花膠螺頭湯,大塊花膠,湯夠清甜.燒汁焗原隻鮮鮑魚,牌面上是套餐的主角. 但我反而覺得是整晚較為失色的一道菜,鮑魚夠彈牙但無乜味道,純粹靠過火特濃的燒汁推起味道,然而這個汁醬與鮑魚格格不入,有種不中不西的感覺.天白菇扒鵝掌~鵝掌夠腍炆得入味. 覺得鮑魚和鵝掌一起炆,用鮑汁推味會比現在分開兩個菜效果好.三層片皮雞~其實即是兩片燒雞. 皮脆,肉不咸不鞋. 香口食物當然好食,但無甚特別之處.鐵板煎白鱈魚~套餐中最喜歡的一道. 外表酥脆,肉質嫩滑而帶有甜美細膩的鱈魚味. 非常好吃.菜遠蝦球煎麵~大大隻蝦爽口彈牙,味道則較淡. 麵夠脆夠鑊氣. 有營紫薯包~煙靭的外皮,包著香滑清甜的紫薯蓉. 算是一道不錯的甜包點心.季節滋潤糖水-紫薯糖水, 一匙羹糖水再吃一口紫薯塊,非常滋味.樂雅軒二人套餐的九款菜式有高有低,就算最差的都值合格水平,無一道菜特別差. 以價錢來說是略高,然而環境和服務則不是一般酒樓能相比. 所以今餐整體評分在3至4星間,我都給予笑的總評,望給員工一點點鼓勵. 日後如有機會都有興趣品嘗下其他的菜式.…查看更多

樂雅軒食記來喇！🍽️ 呢間喺城景國際嘅餐廳，環境靚靚，幾適合friend聚會。今次試咗佢哋嘅 [金枝玉葉全饗餐]，真係一個字—正！先講講頭盤情四小品啦，有蔥油海蜇燻蹄，呢啲味道清新得嚟有股燻香味，醒胃又開胃。再講下鳳尾蝦多士，炸得啱啱好，夠香口，又唔會太油，蝦肉啖啖肉，好食到停唔到口啊！🍤個滋補濃湯花膠雞，溫暖哋咁滑入喉，感覺啲花膠同雞肉都燉到夠曬時間，又腍得滋味，好飲！桃酥鱈魚球呢個菜，我可以講你知係crispy啲啲，魚肉鬆化嘅，咬落去口感好豐富，啱晒愛嚼勁啲嘅食客。然後到菇扣鮑魚，講真啊，啲菇嘅鮮味同鮑魚啲鮮香真係好夾，料足味靚，鑊氣十足，叫我唔愛都難！🐚去到呢度，我已經有少少攰，但係一見到個炸子雞就精神番晒，皮脆肉嫩，啲川椒葉仲有嗰陣特別香，一試難忘。飯局總會有個食得清爽嘅菜，手工雲吞百合泡時蔬就做到啩嘅效果，鮮蝦雲吞超正，簡簡單單但就係好味！🥟最後個甜品黑糖桂圓紫米露就為今次嘅餐點一個完美嘅註解，甜而不膩，滑中帶糯，一流！總體嚟講，樂雅軒為呢次聚會增色唔少，食物好味，地方正，定必再嚟！🥂…查看更多

走入茶餐廳，濃濃的茶香夾雜住炒菜的鍋巴聲，嘩，立即食指大動。我點咗份豉油皇炒麵，疑，係咪太普通？但料理嘅師傅將佢變成平凡中嘅不凡。麵條跳過廚師嘅鍋仔，帶住輕微嘅焦香，但又保持住Q彈嘅口感，高手！配料有青菜、豬肉絲，簡單得黎又正！蒜香飄散嚟，係禁食，唔覺意滿嘴都開始流住口水。 另外，我仲試咗個脆皮炸雞，酥脆嘅外皮同香嫩多汁嘅雞肉，啖啖肉，真係爽口得滯，點住輕微帶甜嘅檸檬汁，酸酸地提升咗雞肉嘅滋味，真係一流！飲品方面，我揀咗杯凍檸茶，檸檬片浮喺清澈嘅茶水面，入口嘅鮮甜與茶嘅苦澀完美融合，消暑提神，清新過癮。個餐完結，心情好似都同呢份小食一齊high咗起嚟。下次又要嚟試下佢哋嘅牛腩撈面喇！🍜🍗🍋…查看更多

朋友請食飯,  訂了樂雅軒,  油麻地城景國際酒店 一樓的中菜廳. 餐廳地方寬敞,  燈光悠和, 裝修典雅.  糸晚飯聚會好地方.   朋友訂位時, 已預訂套餐  [金枝玉葉全饗餐] , 每位 $398-.  菜式特別又豐富.  頭盤:   皇軒情四小品:  1 ) 蔥油海蜇燻蹄, 開胃好食.2)  鳳尾蝦多士,  蝦多士夠大件, 炸得金黃色, 很香脆, 蝦膠飽滿豐富, 入口彈牙, 加點醋汁, 更醒胃.3) 黑魚子醬帶子萵筍,  手工菜, 帶子萵筍吃得清甜,  伴上黑魚子醬及杞子, 囗感更好.4)  七味豆腐磚,   炸豆腐外皮炸粉鬆脆, 外脆內軟,  有豆香,  調味非常好. 接著送上  滋補濃湯花膠雞, 養生燉湯, 湯料足, 花膠膠質豐富, 雞肉甜美, 燉湯火喉夠, 味清香, 慢慢品嘗.  桃酥鱈魚球,   鱈魚球肉質優,  煎得十分香口,   配上炸合桃,  香脆可口, 更添美味.   蠔皇花菇扣鮑魚,   鮑魚及花菇燘得入味又軟稔,  用上蠔皇醬汁, 肉汁豐富,  入口更惹味,  伴有嫩綠菜心, 正 !!金枝玉葉炸子雞,   脆皮燒雞伴上川椒葉, 賣相亮麗.   上枱時仍帶溫熱, 金黃色炸皮, 入口香脆,  雞肉也嫩滑鹹香, 好食.手工雲吞百合泡時蔬,     雲吞內有鮮蝦,  配上幼滑菜苗, 吃得清爽健康.芙蓉瑤柱蟹肉炒米粉,  吾油膩, 簡簡單單幾好食.黑糖桂圓紫米露    餐後送自家制甜品.   香滑清甜.  好滿意.食材豐富, 烹調質素有水準,  餐廳地點方便,  價錢合理, 會再來.  …查看更多

朋友請食生日飯，突然想食點心放題，上網搵吓！搜尋了酒麻地Cityview的樂雅軒，$298.00 一位，有9折優惠。兩小時用餐。見價錢都算唔貴，又方便我餐後去探親人，所以決定一試。到了當日，取位後坐底還未點餐，經理非常細心，叫我們叫住幾樣，食吓，傾吓再Order,咁樣慢慢食好d！我們跟著指示，唔覺都叫咗好多樣，可能慢慢食，食得唔覺好飽，但覺滿足，樣樣食物唔錯，環境算好的，見我們食了點心，吉碟又收得快，加熱水又快，我們見Order豬腳薑幾耐，問吓經理，他又好有禮貌回復又去跟進，今次選擇是對的，我會再去的，希望會保持水準啦！…查看更多

呢個地方嘅環境有啲舊舊地同烹調方法都偏咸，不過佢嘅食物量真係夠撐，同埋都足料既！唔好太高期望同屋企來都可以既金榜龍蝦鮑魚宴👆🏻京漚三小碟（雪菜毛豆素雞、四喜烤麩、鎮江肴肉）😼小碟嘅味道唔算特別出眾，但係份量真係多得夠👆🏻金榜開邊龍蝦😻呢道菜係佢地嘅招牌之一！龍蝦鮮嫩多汁都仲有膏tim!👆🏻花膠螺頭燉湯😼呢碗湯用咗花膠同螺頭燉煮而成，但唔知點解味道偏淡👆🏻鮑魚炆滑雞😿呢個鮑魚汁好濃不過又係咸，雞又唔係好滑👆🏻濃湯瑤柱津膽😼X雲生雞湯菜 完👆🏻三杯斑腩煲😼好大舊魚，濃郁嘅煲仔菜，呢個撈飯幾好👆🏻客家梅菜豚肉脆米飯😼呢道菜用梅菜豚肉同埋脆米為主要配料，口感豐富多樣，反而幾開胃👆🏻椰汁雪耳燉桃膠😿唔會太甜，好多桃膠，但冇咩味咁*無限供應指定紅白餐酒、啤酒及汽水...💸.消費. $478 （每人）🈵.回頭率. 7.0 / 10📸.打卡率. 4.0 / 10 …查看更多

食物可以，服務都有水準，可惜冷氣唔多夠，整體用餐經驗是可以的，大良炒鮮奶最為出色，至於點心拼盤就很一般，可能因為係放在碟上的關係，普遍都比較凍咗，尤其是叉燒包嘅質素，俾唐記包點還要差一點…查看更多

今天嚟食套餐，$398/位另加小食費及唔知咩費用，兩人埋單$910左右！又話已包菜介？6:40左右到，開始食，食物一般，起菜太快，未食完已經叫我哋埋單！我問你哋收幾點？佢話10點，但9點鐘已經要我哋埋單！全晚得4枱客，9點得三枱，洗唔洗趕客！义燒太鞋！…查看更多

已經來過一兩次，其實食物選擇不多而且普通，如果不是同老人家一齊想找個地方近D，真係唔想去。今日早上11:35去到話全book咗，不過一個人都無，一張walk in 枱都無，等老人家白行，真係高級。以後也不敢來。…查看更多

曾到訪多次，無論食物質素和服務水平都令人滿意。今次再度光顧，水準大不如前，食物質素下降好多。蝦餃味道怪怪，腸粉皮厚厚的又不滑，雞扎內的魚肚並沒有之前的飽滿多汁，每碟魚肚份量也少了，紅豆沙不綿和沒有陳皮味道，其他食物都是偏離水準。服務仍可接受，只是服務人員更換了，人數也不足，某程度上是比以往差了。希望餐廳可正視問題，不然顧客必然流失。…查看更多

中午任點任食點心，食物跟平日單點水平差好多，點心選擇不多，沒有精品，糖水只有兩款選擇，綠豆沙及楊枝甘露，以此價錢$298一位，唔值！服務員都係老員工，有幾個態度不合格，經投訴后，經理來接手招呼，佢態度好好。…查看更多

約姊妹去油麻地買神樓，去果欄，附近找食，原想食西餐，但最後選擇飲茶，我負責地方，又自然在openrice我的收藏，找到此處，其實我亦放此處在心已久，我喜歡集郵-酒店中餐，此處雖然不是五星，自然價格不會5星價，但又無一般酒樓嘈雜，擠逼，而且一定較乾淨，枱與枱距離又有空間，座位夠寬濶，最後適合閒聊慢歎點心。 點心不會太差，但無驚喜，本來就不寫此編，但偶遇汪阿姐與家瑛哥飲茶，再加謝雪心，阿姐有台型有氣牆，高興見到，就寫低，姊妹說有次在油麻地戲院遇見，可能在那處做粤劇。 豉油王銀芽炒腸粉， 腸粉質彈性，但少芽菜， 有色豉油不過味淡。 帶子燒賣，原以為一粒帶子，食時係好似剁碎咗帶子，味略咸。 蝦餃，有金箔，皮晶瑩，樣子靚，但味一般。 杏仁茶，真係水質，不是糊，好香，當然北杏多的，帶少少苦味，有微粒，真即磨，甜度宜。 叉燒包，糯米雞，棗皇糕都合格滿意，因埋單有8折。 跟着去香港築地-果欄…查看更多

繼續在往後的中餐飲食篇進發，今次選址是油麻地的樂雅軒，裝修格局如同酒樓一樣沒有太大分別，面積不算大所以連員工眼見鋪面都只有四個職員，幸好看到他們熟練的技巧，沒有令到在場的客人舉手不見的地步。。。提早說如果沒有訂位是絕對很難即是Walk in 入座,敬請如果要去品嚐的記得預約～【附有影片可在文字下方收看】（XO醬蘿蔔糕）HK$68.我覺得是全枱中最抵食的一度，份量大煎得脆脆口，上枱還是熱熱的，合格之餘分數算是幾高～（粉果）晶瑩剔透，餡料飽滿，也是午市點心必要的選擇～(蝦餃)HK$88.正正常常中規中矩，在蝦餃皮身上畫上幾點金箔片增添多一份貴氣～（蝦腸）腸粉做得很滑可惜米漿味道欠奉，蝦肉雖爽但整體上來說是無味之作～（黑毛豬叉燒腸）HK$88.敗畢之點所謂的黑毛豬又乾又嚡又靭，完全吃不到黑毛豬應有的表現（牛肉球）打得唔夠鬆，亦吃不到應有的果皮味道，如果不喜歡食芫荽的這個應該絕對過關~這裏亦有懷舊的（鵪鶉蛋燒賣）HK$88.，坊間食鵪鶉蛋燒賣的酒家已經少之又少，這一個懷舊點心沒有閃失～即撞的（豆腐花），HK$68.需要大約半小時，不過一打開面上充滿泡泡的豆腐花，猶如一個(豆皮婆)一般，為何在酒店式的中菜廳連這個應有的撇除豆花泡泡的小動作都不會做，有點不甚理解～（蘆筍松露龍蝦卷）HK$118.相信是全枱之中自己感到稍為可推之一道點心小食，松露醬味道灌注（蝦）身上，味道冇得輸，不過就問心吃不出是否（龍蝦）味道，整體上是在全枱之中較為出色的一道～食物上叫了的點心較多，不作一一評論，因為沒有太令人嘩然之作～(當日埋單單點點心有15%折扣)★茶界每位HK$18小食HK$30行過路過可以一嘗特別到訪就不用太需要！★…查看更多