樂天經典

营业中

休息中

🥺❤️小編我都好少嚟日出康城，既然一場嚟到，梗係要試吓啲好味嘢啦！咁啱今日同好耐冇見嘅朋友敘舊，咁開心梗係要食返啲有鑊氣嘅菜式，賀一賀佢！樂天經典@paradisegrouphk 估唔到呢度嘅菜式，除咗選擇多，份量大之外，水準都好足！大家嚟到日出康城又有多一個選擇啦！。蝦湯大蝦熬河粉 (大)$118唔係講笑，呢個蝦湯真係超級濃郁！河粉係同茶餐廳唔一樣嘅，呢度嘅河粉比較闊，好大張幾得意！口感Q彈，裹滿晒醬汁，我哋都食得好開心！除此之外，大份仲有三隻蝦咁多，每一隻都有手掌咁大！除此之外，仲有肉片，增加口感，令到成個河粉更加豐富。如果大家怕大份食唔晒仲有例牌$78可以選擇，個人認為大份真係太過「名副其實」啦！真係超級實惠，大家記住量力而為，唔好浪費食物呀！。黃金蝦球$168講起我哋嘅最愛就梗係鹹蛋黃啦！而家仲加埋可以唔使自己剝蝦！簡直完美呀！大大份黃金蝦球，連個碗都食得㗎！每一個蝦球嘅每一面都鋪滿晒沙沙嘅鹹蛋黃，一啖咬落去，真係超級滿足！鹹蛋黃味好突出，蝦球嘅口感亦都好好，呢個配搭我真係推薦大家都要過嚟試吓！。星馬金磚豆腐$60我都冇諗過今日嘅全場MVP竟然係呢一個睇落最普通嘅家常菜，金磚豆腐

雖然有點遲，但都想紀錄一下2022年的最後晚餐，是與家人一起食的，所以選了中餐。樂天經典是樂天皇朝的姐妹店，但價錢上便宜很多，適合一家大小主菜方面我們點了🥢菜香鐵板豆腐 $98🥢秘制燒汁排骨王 $108🥢再配以主食🥢家鄉炒麵線(小) $58🥢雞油飯 $16🥢豆腐好香好滑，放在鐵板上能保持熱度，邊聽著炸炸聲邊食豆腐，味覺聽覺同時享受排骨夠淋亦好入味，但對我們來說似乎太濃味，可能我們平時食得較清淡，所以食完這個排骨會覺得口渴相反炒麵線就比較普通，又淡味，而且真的很小份，且淡味，如果可以和排骨打均就最好了，雞油飯有濃濃的雞油香，可以一試

💡南洋風味中菜館係康城睇完戲，搵野食，康城開了第二間樂天經典分店，餐廳裝修有特色，座位寬敞舒適，玻璃嘅座位仲可以離望到樓下嘅溜冰場 ，景觀好開揚。🍽蝦湯大蝦滑河粉🦐招牌蝦湯係餐廳嘅主打，湯汁蝦味濃郁，有三隻大蝦，蝦肉爽口彈牙，另外仲有豬肉同菜心。而河粉有點似腸粉，大片得黎，幼滑有口感，河粉索晒啲湯汁，所以食落夠飽肚。🍽新加坡海南雞(半隻)🐔份量都幾多，雞肉有部分已經去咗骨，雞肉結實有肉感，雞皮滑溜得黎非常嫩滑，唔會有鞋口的感覺，唔會韌，點埋醬食仲好味😋另外加左油飯，粒粒分明，食落好香。🍽沙拉排骨🐷排骨好大舊，沾滿好多沙拉醬，排骨好鬆軟，送飯一流。🍽班蘭龍眼冰飲落清甜好味，入面有好多粒龍眼肉，有咬口，飲完好解喝。

Lunch time 同同事去The Lohas 揾食🤓以為呢間係有小籠包嘅樂天，點知原來係食小菜嘅，食物味道都唔錯👍🏻🦐蝦湯鮮蝦泡飯推薦😋蝦湯蝦味濃郁，配料有青瓜粒、粟米粒，兩隻蝦、幾隻蜆，仲有啲脆米增加口感。⭐️星馬金磚豆腐嫩滑嘅豆腐出面包住薄薄嘅脆皮🥹好味🐷脆脆咕嚕肉夠脆，咕嚕汁嘅酸甜度控制得好好。🐷沙拉排骨正常沙拉骨。🥦蒜茸炒西蘭花正常西蘭花。🍚蝦味魚子蝦球炒飯正常炒飯。🍎蘋果與荔枝甜到飛起🥹

早幾日去左康城睇戲，見到對面新開左間樂天經典，主打星加坡風味的東南亞菜式，同之前食過的樂天皇朝主打上海菜完全唔一樣，趁未夠鐘睇戲，梗係要試試佢啦！餐廳位置寬敞，坐得非常舒服，雖然位置在溜冰場上方，但都唔會好嘈。星期一晚上雖然唔使等位，但都睇得出客人流動率都算快，如果忙的話都應該唔使等好耐。老公好鍾意食蝦，所以我地叫左招牌的蝦湯系列，一碟大蝦炒河，一個蝦湯海鮮泡飯，再加左個金磚豆腐同兩個送，以為呢個裝修風格感覺Ｄ 野食會貴同好細碟，所以叫多大，點知黎到絕對夠食，個河粉係粗身嗰只， 超索汁，大推！另外個蝦湯泡飯都好大碗，個湯都好濃，好夠味，但唔會太咸，配埋泡飯非常好，Ｄ 飯又唔會浸到爛哂，但又好入味。金磚豆腐炸到好脆身，入面非常嫩滑，我好喜歡。另外兩個餸都好好食，兩個人飽到飛起，非常滿足。佢平時仲有啲餐，下次多人先試星洲蟹🤭

樂天經典今日約左個朋友係康城食午餐，係the lohas 搵野食，因為朋友大緊肚又就嚟生既關係我地想搵間闊落啲坐得舒服既餐廳。經過樂天經典，望入去有卡位，枱與枱之間夠闊落，而且見到門口擺左Menu望左下見到有喇沙食，唔洗諗就入左去😁侍應見到我朋友蘿咁大既肚即安排個好闊落既4人枱俾我地坐好貼心👍🏻我地嗌左以下食物喇沙海鮮米線好香喇沙湯底，味道夠濃。海鮮有大蝦仁，魚片，魚片仲要兩大塊好厚身，仲有隻溏心蛋☺️米線份量都好多。好食大蝦炆米粉個米粉完全索曬佢個蝦汁同湯，好香好入味，配料有肉片同蛋仲有2隻大蝦🍤蝦肉好爽身好正！個米粉真係啖啖都有蝦味同豐富配料，抵食黃金魚皮朋友話臨生要放肆下，叫左呢味香口野😉超正好多咸蛋黃醬沾滿炸魚皮，而且炸得好脆食落又唔油膩，可能個魚皮太香口既關係，我地一塊接一塊咁食勁快清曬😂海南雞半隻好滑身既雞肉，唔會太肥岩岩好，配搭埋佢俾既醬汁同薑融，好想嗌多碗飯😋飲品我地嗌左2杯無糖豆漿，因為食得太多所以飲返杯無糖既飲品感覺無咁大罪惡感😝總括黎講呢間餐廳性價比幾高而且真係食物份量大而且好食，環境闊落，同朋友傾計一流。

同屋企人唻食晏, 見呢間啲嘢幾啱食就試吓, 隨意叫咗幾款小菜, 估唔到有驚喜其中最正嘅係脆皮燒雞, 新鮮炸起熱辣辣, 皮又薄又脆, 肉質嫩滑, 味道亦啱啱好😋海鮮馬來麵係侍應推介, 麵質彈牙有口感, 少少辣幾惹味炒飯都炒得好靚，夠乾身，粒粒分明有咬口👍🏻除咗嘢好食, 佢哋服務都好好, 我哋嗰枱對住風口, 怕老人家同bb仔吹親, 侍應生就幫我哋安排坐另一張枱, 期間會主動斟水同收空碟

屋企樓下商場新開嘅餐廳琴晚去咗試啦～ 餐廳地方都算大，平日夜晚竟然爆場，樓面好似有點不足，但出餐就正常速度😄蝦味魚子蝦球炒飯(小）炒飯粒粒分明，飯有有好香好惹味嘅蝦香味～份量適中，仲有幾粒爽口大蝦～喇沙湯滑雞米線喇沙湯好得👍🏻 湯底濃厚，表面有一層紅油，味道帶有椰香～ 米線，豆卜超吸湯，正啊😄 滑雞份量夠多，口感真係好滑😄阿婆蕃茄炒蛋炒蛋夠滑身，而且生熟度啱啱好，味道甜甜酸酸幾有住家味道😋新加坡海南雞(半）海南雞件滑身皮薄而脆～雞冇多餘油脂～ 點醬油來食，別有一番風味🥰特飲加$18 青檸梳打

樂天皇朝就食得多，今次見將軍澳開咗間樂天經典，見餐廳裝修幾靚，餐牌食物選擇都多，一於去試下先。蝦湯大蝦燜米粉（$78）- 招牌蝦湯係餐廳嘅主打，湯汁蝦味十分濃郁，除咗有大蝦之外，仲有豬肉同菜心。米粉索晒啲湯汁，味道好濃郁，充滿大蝦鮮味。蝦味魚子蝦球炒飯（$78）- 例牌份量都唔少，炒飯炒得有火候，飯炒得乾爽，上枱仲係熱辣辣。蝦球彈牙爽口，仲落咗好多魚子，味道好好。薑蔥爆生魚片（$118）- 薑蔥加埋洋蔥，炒得好香，生魚片份量都唔少，入口啖啖肉。馬來風光（$78）- 店員推介，通菜炒得好惹味，少少辣，好有風味。除咗蝦之外，餐廳定一個主打係蟹，見有幾款二至六人嘅蟹宴套餐，望落都相當吸引，有機會可以試吓。餐廳響溜冰場旁邊，空間感唔錯，入面裝修舒服，座位闊落。

🤩過嚟康城探親戚及相約晚飯, 佢帶我嚟咗呢間食店推介話, 我值得試下🥰餐廳裝修有特色, 座位寬敞舒適, 一排近大玻璃嘅座位, 可以望到樓下嘅溜冰場, 景緻開揚🥰🧑親戚極度推薦👇Signature Prawn Broth🦐招牌蝦湯：以蝦為主的招牌主食, 選用大蝦配搭各種香料特製....佢話上次食過, 滋味無窮😋📝餐牌款式選擇多,除咗各式粉麵飯嘅選擇, 仲有多款熱炒菜式, 真係另我哋有選擇障礙😆✨Top up 優惠：任何餐牌惠顧, 可以$12 or $18 加購特色飲品🍹🥰雖然係佢主場,今次我嚟探訪, 梗係以客為先啦！😉由我決定揀咗👇✨海鮮馬來麵😍例牌 $73 大 $110上枱賣相吸引, 海鮮配料豐富, 微辣帶甜味, 麵質好有嚼口感, 炒得非常惹味😋🍤青芥末蝦球 $168沾滿芥末醬汁嘅蝦球爽口彈牙, 芥末醬汁柔和唔會太攻鼻, 仲帶著絲絲甜香味😍🥬金銀蛋浸時蔬 $83上湯煮得好入味, 夾雜著蛋香, 蔬菜食材新鮮, 份量十足💕

樂天經典早幾日夜晚約咗朋友去將軍澳搵野食，未夠8點去到已經見到好多人喺門口排隊等入座，撳咗飛靜等咗大約半個鐘先有得入座！等候期間見到好多人叫外賣，聽到經理同其他客人講，果晚廚房出餸比平時慢。全場大約120個位，通道算闊落，坐得好舒適！我哋總共叫咗2個主食、1個小食、2杯飲品、1個甜品。1.蝦湯大蝦滑河粉（細）$78＋班蘭龍眼冰$18（8/10）湯汁蝦味濃郁，有兩隻中大size嘅蝦，size有一隻細碗，無咩鮮味，估係雪藏蝦，仲有4片豬肉同2條菜心呢個係非一般湯河粉，相信係製成河粉之前未切嘅模樣，出面睇係有d似腸粉，幼滑有口感；由於河粉係一層層，相當飽肚！班蘭龍眼冰飲落清甜好味，有淡淡龍眼香味，入面大約有10幾粒龍眼肉！2.蝦味魚子蝦球炒飯(細) $78＋無糖鮮豆漿$12（9/10）一上枱聞到好香，炒飯有火候，入面有5隻蝦球，炒飯粒粒分明，十分乾爽，每啖飯都有好多魚子，雖然只係細份量，2個人食啱啱好！豆漿嘅豆味香濃，入口有陣陣豆香！3.椒鹽香酥鮮淮山$60（9/10）呢個淮山熱辣辣上枱，外面香脆可口，軟硬適中嘅淮山，再加上椒鹽甜味，配搭非常新穎；一碟大約有15件淮山，呢個係好有驚喜！4.椰

恐怖一：有一位女 waiter 突然間叫無拎飛排隊既食客入座（女 waiter 話佢唔知運作要拎飛入座）恐怖二：有吉枱但唔入客，部長話廚房整唔切野食，起碼等半個鐘，驚比食客投訴所以唔入客… 佢寧願客人響出面等… 但一直由得人拎飛，都唔出聲話比食客知，野食有半個鐘先有！

將軍澳多野食 但係康城就真係得好少選擇搵親男朋友都真係唔知食咩好🥺🥺點知係康城原來有間樂天經典💡係好出名嘅樂天餐飲集團旗下 一定有信心保證❣️臘味炒飯 $68(例)📣係我男朋友大讚📣一上碟就見到炒飯啲色炒得好靚每粒飯嘅顏色都炒得好均勻🤩🤩有時啲餐廳慳得就慳 俾勁少臘腸落去炒係樂天經典食你係可以每啖都會食到有臘腸嘅出現😚💗❣️星馬金磚豆腐 $60呢個正呀喂‼️‼️炸到勁熱焫焫 抖左一陣都仲係辣口🤣而炸粉唔多唔重 薄薄的🥰👍🏼做到外脆內軟嘅口感再係面層灑上少少嘅椒鹽🧂完全令你食完一舊又要再食❣️大蝦燜米粉 $78(例)大蝦系列係佢地樂天經典嘅招牌主菜✨係用左新鮮大蝦再加慢火熬煮6️⃣小時而成雖然我地叫嘅係燜米粉無湯底 但都食到成碟米粉好重鮮蝦味🦐可能係啲米粉煮口個陣已經索曬成個濃湯😋就算係例牌都送返兩隻大大嘅大蝦俾你食❣️泰式空心菜 $73 馬來風光同泰式空心菜都係炒馬拉盞🇹🇭而分別就在於呢個會辣味更重🔥更香口食落的確係幾惹味 而辣味都係真係出🌶️❣️桂花烏龍茶 $12 (凍/熱)呢杯桂花烏龍茶係無限添飲💕💕💕💕💕呢到係無茶芥錢👀但一杯嘅價錢再飲返好幾杯都已經值返個價錢啲staff見到你差唔多飲曬會自動幫俾斟

今次嚟到日出康城嘅樂天， 小編並安排坐喺大玻璃隔離， 一路食仲可以一路望住啲人玩冰上曲棍球， 食物方面非常有水準，但係商場嘅冷氣實在太凍喇， 食物上菜唔使兩分鐘已經吹到凍曬。海南雞飯: 滑雞真係好滑嘟嘟😌, 點埋秘製嘅三色醬汁真係叫多份雞都仲得❤️, 大力推介。脆脆咕嚕肉: 呢個必點😁, 每口咕嚕肉外脆內軟, 酸酸甜甜而且無骨😘, 啱曬啖啖都有肉嘅食肉獸。喇沙湯滑雞米線: 雞肉份量比較少， 喇沙湯偏向淡味， 可能就返香港人口味， 正常發揮啦呢個米線🤟。~~~~~~~~😋味道: 8/10📸賣相: 8/10🛋️環境：8/10💁‍♂️服務: 8/10💎性價比: 9/10💲人均：$100up⏪回頭率：90%~~~~~📍樂天經典將軍澳康城路1號The LOHAS 4樓415A號鋪~~~~~

將軍澳星馬菜餐廳 — 樂天經典樂天經典係樂天王朝嘅姊妹店，菜式偏向經典星馬菜，星洲經典黑胡椒蟹、海南雞等經典菜式都可以喺呢度食到，夜晚去到都幾多人食！大蝦米線湯($78)呢款米線係佢哋招牌蝦湯系列之一，湯底味道好濃郁，感覺上係好似用咗好多大蝦熬製咁😍凍咗都依然咁好飲！米線質感比較爽口，份量係可以2個人share食～藥材走地雞湯($155)啲湯好清甜，有雞肉、豬肉、杞子等，份量好多，夠飲5-6碗😍👍黃金蝦球($168)賣相好吸引，蝦球夠大隻爽口，沾上鹹蛋黃醬，充滿鹹香，好想再食多一份！🤣