樂天皇朝 (青衣城1)

营业中

休息中

我想分享一下我在這家小籠包店的用餐體驗。這家店名聲在外，喜愛小籠包的朋友們應該都知道。儘管價格偏高，但小籠包的質量確實不錯，咬下去時 feel good，讓人感到十分愉悅。因此，我經常在下午茶時段前來，因為那時有部分菜式半價，實在是相當划算。不過，有一點讓我感到不太舒服，那就是座位安排。座位排得有些長，坐下去時不免有些壓迫感，讓我感覺像是在大型餐廳用餐，缺少了愉悅的氛圍。有時候下午人不多，我想請服務員調整一下座位，卻被告知「不行」，我只能自嘲自己選擇了「inmate 式」的就餐體驗。不過，最近他們的油炆筍味道確實有了很大的提升，這讓我感到驚喜！然而，麵食方面，尤其是蔥油撈麵卻讓我略感失望。如此高的價格，卻沒有一絲蔥油的香氣，讓我不禁思考：「這究竟是撈麵還是水煮麵呢？」此外，店內的服務態度有時候也讓我感到不太舒適。尤其是在下午茶時段，儘管人多我能理解，但在客人不多的時候，服務人員的堅持規定讓我覺得與奧海城的服務相比，差了許多。希望這家店能夠加快改進服務態度，讓食客們體驗到更優質的用餐環境。畢竟，雖然小籠包美味，但服務的溫暖與人情味更是不可或缺。客人都希望能在愉快的環境中享用美食，而不是感

♡ 小籠包迷必食｜樂天皇朝 ♡-今日經開青衣 ～ 就去咗食樂天皇朝 而家佢出咗「秋意蟹逅亅系列真係啱晒鍾意食蟹嘅人啦❗️- ♡ 特色皇朝小籠包 ♡ $148色彩繽紛既王牌小籠包一共8粒，由原味去到川味😍😍😍店員特別提醒由淡開始食直到濃而且只有「原味」同「蟹粉」需要點醋店家好細心會附上一張小籠包食用貼示，跟住貼士順序食用就最能夠食出王牌既感覺啦！粒粒都湯汁飽滿，好Juicy啊！👍🏻👍🏻-♡ 蟹粉白玉盅 ♡ $88上海菜好多時都會食湯羹，除左平時好鍾意既宋嫂魚羹之外，今期樂天皇朝仲有特別既蟹粉白玉盅，佢係一款由蟹🦀膏蟹肉同豆腐混和起黎既滬式湯羹，秋冬有涼意一入黎坐低即刻整翻碗，食完成個人都暖笠笠。👍🏻-♡ 蟹粉兩面黃 （一兩蟹粉）♡ $168 兩面黃其實姐係乾煎麵，係一種起源於上海同蘇州嘅特別麵🍜食，呢個兩面黃同我地平時食開粵式既會有少少唔同，我地平時係街或者酒樓食到既兩面黃/肉絲炒麵用既係廣東蛋麵，而呢個兩面黃係用翻滬式粗面，食落去脆卜卜，再淋上滿滿既蟹粉真係好有風味啊！-❥#⇢店鋪資料：樂天皇朝 (青衣城1) (青衣)青衣青敬路31-33號青衣城1 3樓310B號舖

心血來潮想食上海野，揀左位於青衣城嘅樂天皇朝，夠多選擇👍🏻當日閒日去都有七八成滿，兩個人都坐得舒服唔洗同人逼。今次叫左幾樣野食，首先嚟左碗京式炸醬麵，分量超多，勁大碗！而佢個汁都幾辣，但係夠惹味，食完忍唔住一碗又一碗😜而蘿蔔絲酥都炸得好香脆，入口有帶少少鹹嘅蘿蔔絲，好正！醬鴨入口充滿鹹香，亦都啖啖肉，送飯一流！蟹皇餅亦都唔錯，本身個包嘅肉餡夠香夠多汁，加埋蟹皇一粒粒籽夠晒鮮味！食到大滿足，下次帶長輩嚟食應該幾中意。

通常在星期天我和阿妹都會帶著行路不太方便的老媽子出去逛逛，今天下午也不例外，我們坐的士去青衣城，本想週圍行行，見到青衣城有好多商舖都轉換了，但仍見位於3樓的樂天皇朝還在，又見有少少肚仔餓，我地一行3人推著輪椅就上去睇下有無位!剛巧是下午兩點幾，過了午飯時間，店舖不算太多人，侍應見我哋有輪椅，也很貼心地安排我哋坐corner的窗口枱，枱與枱的位置很濶落，而且又有小火爐興住茶壼，一邊傾喫，一邊飲茶，確是嘆滬式下午茶的好地方!由於我哋是想入來食啲嘢順便給老媽子休息下，所以就order咗3道小食:-招牌原汁小籠包： 小籠包一籠有6個，送上來熱辣辣，size好正宗，咬落去肉汁鮮味，皮薄餡靚 ，而且又不覺得膩，食完好想繼續食，yummy!蘿蔔絲酥餅：蘿蔔絲砌得很又幼細，味道又很香甜，再加埋酥餅焗得很鬆脆，整個配搭恰到好處，唔怪之得是這裡的必食之選啦!皇朝擔擔麵： 由於我們不吃辣，我們叫了走辣! 擔擔麵份量好足料，麵條非常煙韌彈牙，沒有浸到淋bet bet，而且湯底非常濃鬱，再加埋花生碎和蔥花，味道非常惹味可口! 整體來說，小妹好滿意今日的滬式下午茶，既可以舒舒服服歎茶，又可以品嘗美味食物；而且吃

今日同朋友去了青衣食飯，又系我最鍾意的小籠包🥰。估唔到晚市比起下午茶，仲要多人。  ⦁香辣蒜泥白肉 $83肉質鮮嫩，蒜泥和辣椒🌶的搭配，讓味道層次分明。    ⦁紅燒扣肉豬骨湯拉麵 $92湯頭濃郁，拉麵🍜彈牙，搭配醇厚的扣肉，讓人滿足。    ⦁招牌原味小籠包 $78皮薄多汁，肉餡鮮美，湯汁豐盈，讓人一口接一口。     ⦁刀切小饅頭（炸）$32外酥內軟，炸至金黃，搭配煉奶更添風味。    ⦁蟹粉鍋貼 $58蟹肉鮮香，鍋貼底部煎得酥脆🥟，搭配醬油醋，口感出色。    ⦁百香果檸檬茶🍹 $32清新爽口，酸甜適中。估唔到樂天皇朝都趕上潮流。  

同朋友去東南亞三日兩夜之旅 喺青衣站搭機場快綫之前 先去青衣城 食個快閃dinner-🥦乾煸花菜個人認為 食花菜最好乾扁 香口得嚟 突顯菜本身嘅清爽 花菜炒得乾身 黑木耳增加爽脆口感 底部唔算過多紅油 又唔油膩喎😊-🧆麻婆豆腐上海式麻婆豆腐有別於川式 紅油少咗 由濃稠醬汁取而代之 味道一樣有麻有辣 豆腐嫩滑 下飯一流🍚-🥣肉絲湯年糕一向都係食炒年糕 今日喉嚨痛唔敢食太多麻婆豆腐 唯有叫個湯年糕 薄片年糕放湯之後 感覺更chewy 津菜絲香菇絲肉絲做料 味道清清哋又飽肚

所有菜式既食物品質好、有信心保證、質素良好😋 特別欣賞蘿蔔絲酥餅、小籠包、蒜香排骨拉麵、紅油抄手拌麵🥰 🍜點心師傅手藝了得、有水準，蘿蔔絲酥餅最可口鬆脆👍🏻 超好食❤️😋員工樂於助人，有良好既待客之道，特別係經理既細心體貼💕，令人有賓至如歸嘅感覺👍🏻💕佢用心對待每位顧客，不但盡量滿足顧客需要，還與顧客建立良好關係，致力提供賓至如歸既服務，為其他員工既學習對象，令我非常欣賞❤️😄🥂

諗起食小籠包 我哋偶然都會嚟樂天皇朝必點既依然係佢地既 #八色小籠包粒粒都充滿湯 口味夠哂特色而佢既蟹粉同埋芝士味都係值得回味芝士味咬開既時候有拉芝既效果..有驚喜聽講慶祝銅鑼灣店開張優惠推廣仲出左最回味猫山王榴槤小籠包鍾意榴槤既朋友可以去試下啦而前菜我地仲揀左 #素鴨 同埋 #鍋貼鍋貼又係爆湯之選 外層煎得黃金脆口 入面啲餡料出哂煙 夠哂熱必點推介而主食就係 #上海炒年糕份量夠多 味道適中 而且無想像中咁油膩唔錯每次食都覺得水準穩定而且坐得舒服一家人嚟食都係唔錯既選擇樂天皇朝 (青衣城1) (青衣)青衣青敬路31-33號青衣城1 3樓310B號舖………………………………….🙋🏻‍♀高妹小編

服務態度好差一向食開旺角，見食物有水準，服務好，環境舒服所以想在青衣看花燈，就過嚟一試分店點知真係難以置信的服務真係可一不可再現在連去其他分店食飯，都要重新考慮

中秋節gathering 都係揀中菜，兩個人簡單點兩個菜，話梅元蹄同雲吞雞，已經大滿足😌。🥢話梅元蹄：每次去樂天必點！我中意佢個㊙️製話梅汁夠足料！用話梅同楊梅煮過既汁，有種獨梅香。雖然只點半份，但送上兩大件元蹄。豬🐽皮充滿膠質又Q彈，加埋酸甜梅汁唔會濟😋。🥢雲吞雞：雞湯用金華火腿煮，有咸香味。同菜肉雲吞味道好夾。半隻雞好大份，$168已經serve 到4-6人份 ，性價比高👍🏻。職員問我試唔試猫山王榴槤小籠包，做緊特價$48/6粒(至9月13日)，不過今餐已飽。味道：🔅🔅🔅🔅🔅新鮮：🔅🔅🔅🔅🔅分量：🔅🔅🔅🔅🔅衛生：🔅🔅🔅🔅速度：🔅🔅🔅（5🔅為滿分）

小學雞📚正式開始番全日🎒我同老公就去青衣城 #樂天皇朝 撐枱腳食個午餐茶位 $12，餐前小食$15▶️蟹粉鍋貼 鍋貼底金黃色，好香口，一咬就一口蟹粉汁，餡料蟹肉一絲絲，好滋味▶️上海生煎包 包底煎到金黃香脆，一咬就先有酥脆口感再有滿滿肉汁，層次豐富▶️李白醉雞 醉雞閃令令，好光滑，一上枱就有陣陣酒香味撲鼻，雞皮清涼爽脆，雞肉嫩滑JUICY，每口充滿酒香，但唔會蓋過雞肉味，好出色▶️菜肉雲吞豬骨湯拉麵豬骨湯底好濃厚，麵條順滑，食到雪雪聲菜肉雲吞大大粒，食落好滿足慶祝鑼灣店 #開張優惠 推廣🎉最回味猫山王榴槤小籠包 (8月21日至9月13日)特價$48/6粒(原價$98/6粒) 全線分店供應

鍾意食小籠包嘅朋友應該都聽過呢間出名嘅小籠包專門店-樂天皇朝💕特式皇朝小籠包皮薄餡靚有七款口味嘅小籠包：原味、糖溜絲瓜、黑松露、芝士、蟹粉、蒜香、川味店員建議順序食，口感由輕到濃味，更能享受小籠包嘅層次滋味🌟❤️‍🔥**原味**小籠包經典之選，皮薄餡多，湯汁豐富咬落去時瞬間溢出的鮮美與肉香， 口中爆哂肉汁，好正🍲**糖溜絲瓜**別出心裁，絲瓜的清甜與小籠包的鮮美結合，清新又不膩，令人愉悅🍈**黑松露**奢華的選擇，松露的濃郁香氣與肉餡完美融合**芝士**呢款小籠包將芝士融入其中，香濃的奶香四溢，帶來難以抗拒的芝士味🧀想Encore 🥹**蟹粉**鮮香四溢，蟹肉的細膩與小籠包的外皮相得益彰🦀**蒜香**清新的蒜香縈繞喺嘴邊 **川味**刺激的口感與湯汁交融🔥不過好彩川味麻而不辣小編再另外嗌招牌原味小籠包（6粒）經典之選，皮薄餡多，咬落去的瞬間，湯汁瞬間溢出，口感鮮爽，帶來最原汁原味的享受 🍲上海生煎包（3個）外焦內嫩，底部酥脆咬落去時的那種脆響聲帶來幾分驚喜鮮肉的滋味與微微碳香的融合，唔錯🔥蟹粉鍋貼蟹肉的鮮美濃厚配上獨特的鍋貼焦香口感層次分明 🦀宮廷驢打滾外層柔軟，內陷甜香，入口即化樂天皇

好耐冇食上海嘢，突然想食小籠包就去咗樂天皇朝🤤水準都不錯，小籠包皮薄肉汁多，溫度啱啱好，一定唔會失望，自己一個都可以食6粒😆今次試多個話梅元蹄，醬汁酸酸甜甜，仲有一粒粒話梅伴碟，好開胃，一解元蹄皮既油膩，仲好夾。元蹄好大舊，皮厚肉多，充滿骨膠原，好黏口。肉質嫩滑，一d 都唔柴。蔥油拌麵既麵質彈牙，仲好掛汁，蔥油味香濃，加上乾蔥增加口感，真係一口接一口。配埋清雞湯，清一清味蕾，好滿足😌最後加個蒜蓉炒菠菜，鮮甜冇渣，唔會太油，份量食食下都唔少，總括都好滿足。

我最愛嘅中餐一定係「樂天皇朝」☺️ 今日去青衣城搵朋友，順便叫佢一齊食午餐，叫咗兩個麵同埋兩份包點，款款都好高質！一入座，店員就送上茶及小食😚🍵🍜蒜香排骨豬骨湯拉麵 $88推薦！拉麵湯底清新鮮香，麵條滑順可口。排骨大大件 肉質軟嫩，蒜香味好濃😍 健康，又美味之選🦐紅油鮮蝦抄手拌麵 $78色澤誘人，香氣四溢。抄手皮薄餡多，鮮蝦的鮮甜與紅油的微辣完美結合，酸酸辣辣 十分惹味🔥🦀 蟹粉餡兒餅 $68外皮酥脆，內餡豐富，蟹肉十分鮮甜，口感層次分明，推薦👍🏻🥟無錫鮮肉鍋貼（3粒） $45無錫鮮肉鍋貼外皮金黃酥脆，煎得恰到好處，內餡鮮嫩多汁，好好味😋

今日返回屋企附近嘅青衣城食飯，突然間好想食小籠包，就搵咗3樓一間餐廳食嘢。剛好派到窗邊位有落地玻璃，傾偈一流，食完亦唔會比餐廳職員趕走，餐廳沒有時間限制。餐廳仲有茶壺熱住啲茶喜歡飲茶嘅朋友一定好鍾意。上海炒飯 $95上海炒飯非常好食，夠乾身夠鑊氣。非常多料有蔥有蝦仁有雞蛋。每食一啖飯粒同餸之間嘅比例，一比一豉油滿粒粒飯中。抄飯的外觀色澤亦非常吸引。招牌原味小籠包 （6隻） $78 外皮夠薄、餡料夠大粒、一咬即爆出濃厚嘅豬肉汁。 點埋該餐廳自製嘅醋同薑絲。令豬肉餡鮮上加鮮，非常好味。紅油炒手 （6隻） $68非常夠味辣椒唔會過辣、微辣中帶點甜好易入口。上面仲有蔥花作為伴碟蝦仁酸辣湯拉麵 $78飲落酸酸甜甜，非常開胃。湯入面嘅材料亦非常多。有筍絲、豆腐條、木耳絲及蝦仁。拉麵非常爽口彈牙，唔會好腍啤啤。整個拉麵吸收咗酸辣湯嘅精華，每食一啖都感受到酸辣湯嘅味道，非常惹味。