樂天冰室 (萬迪廣場)

點了樂天冰室的燒鵝五寶飯點了樂天冰室的燒鵝五寶飯真心不錯。首先10時多都仍買到，相當難得，同區的只買到麥當勞，選擇其實並不多，所以得知這間店鋪仍在營業，實在相當興奮，雖然這間店鋪只收取現金而比較不方便，但都不能車求太多改變，有得食已經心滿意足，因為吃快餐已經食到厭，多一種選擇當然是件非常好的事。燒鵝不是頭頭尾尾，而是最多肉的部份，相當抵食。師傅人很好，給我很多醬汁，所以白飯吃起來不會覺得太乾，而是非常順口，亦有燒味的肉汁，比想象中好吃太多。還有很香的鹹蛋，簡直如虎添翼。叉燒亦相當肥美，不是我想像中的骨瘦如柴，肥膏很香，這種油脂是不能取代的香，絕對推介，值得一試。…查看更多

點了白汁牛脷意粉這間店在地鐵站鄰近。，算是個不錯的選擇，因為感覺它的食物是即製的，新鮮又夠熱，算是信心保證。這次點了喜歡的牛脷，看便很想吃，牛脷超厚切，非常足料，別看它小小一盒，絕對是起值而飽肚。牛脷有慢煮般的軟嫩效果，非常綿，像手撕般都不用怎麼咀嚼，相信我家婆婆一定喜歡，我亦然。牛味仍吃得出，不會覺得是殭屍肉，而是新鮮的。厚切絕對加分，感覺啖啖肉，相當滿足。果然是必點。然後白汁將牛脷完美連結在一起，又飽足，又好吃。意粉不會煮得過軟，已經是超出預期了。…查看更多

今日試咗個$63午餐🍱咕嚕雞球飯+羅宋湯+凍檸茶😋驚喜位係咕嚕雞球份量十足，炸皮脆而不厚，雞肉嫩滑唔乾柴，酸甜汁開胃又掛得均勻！白米飯確係亮點——粒分明唔油膩，索盡醬汁真係完美配搭。羅宋湯料多濃郁，蕃茄底夠酸香，隱約有牛肉香氣。凍檸茶茶底夠濃，唔會得死甜，撈勻檸檬後清爽解膩。以六十幾蚊價位來說，絕對是抵食之選，飽肚又滿足，會再encore！性價比高👍🏻侍應服務非常好👍🏻座位舒適👍🏻…查看更多

一入門口，就因餐廳地下油污，冼到跪左系地，大前題系我已行得好慢。員工無幫手之餘，系搵唔到任何人去處理場地嘅危險性，今次我可以避得過爆缸之災，下次如果系長輩同老人就真系不敢想像，都系果句，劣評呢間茶記…查看更多

呢間在新蒲崗堪稱，喺巨無霸茶餐廳，生意做得有聲有色，越來越旺場，除咗午市和晚市在黄金時間内，要在餐廳門外排隊等員工，外排入座外，而家連下午茶時段都有，要排隊等店員安排才可入座嘅情況出現正如在。7月3日揾食肥華約咗靚媽，大約16：3O在此店飲下午茶，就要在餐廳門外排咗隊1O分鐘左右隊，才獲店員安排入餐廳内就座，而今餐肥華所點嘅下午茶時段特價食品。(一)叉燒拼豉油雞飯，無論賣相，叉燒及豉油雞，嘅味道和白飯嘅質量都令人滿意加上顧客，可自行加添䓤油，更令此碗燒味双拼飯，變得無懈可擊。(二)酥皮蛋撻，個酥皮好食，但蛋味較淡明顯比早年多前，此店同一產品退步。而靚媽今日柯打嘅食品。乾炒牛河，賣相和味道都喺一般茶記貨色，份量亦算Ok。總結在此店，食下午茶時段套餐，價錢合理又座得舒服，呢餐值。⭐️⭐️⭐️⭐️…查看更多

招牌焗飯果然沒有令我失望。絕對因為他們寫著招牌才令我去點，因為上次吃了他們的肉醬意粉，熱騰騰的，十分好吃，但這次居然都有驚喜，一點也沒有失望。醬汁雖然濃稠，但吃起來沒有一pat pat的感覺, 充分發揮白汁應有奶香和美味，它不只是靠芝士吊味，很好吃，合格有餘。牛脷夠軟綿，像手撕般，而且充滿肉味，不會像吃霉霉的肉般，很優秀，值得一點再點。還好去的時候尚早，不用排隊便可入內，所以建議提早去吃，否則可能要輪候入內，因為這店太受歡迎了…查看更多

跟餐例湯沒有選擇，只有一項，如果一紅一白會更合理貼心和切合大眾所需。不過這款湯真心好喝，跟罐頭湯完全不可同日而語，是質素很好的出品，有滿滿香味，說不出來，而且夠厚身濃郁，但沒有粉味或腥味，跟白汁牛脷中的白汁味道完全不同，不會一雞兩味，感覺不是換湯不換藥，雖然它沒有白汁加的芝士去吊味和加持，但仍然好喝,想不到Shark Fin那麼驚喜，有營養又好喝，謝謝餐廳精心炮製和安排這款例湯，夠熱騰騰又美味，是個難忘的午餐體驗…查看更多

肉醬意粉好吃，味道濃郁，肉醬和芝士都滿滿的，肉餡𣎴嚡不膩，約79元，份量挺足的，吃完不會覺得肚餓，有飽足感，晚餐的話可考慮加個小食，因為這裡的食物都很有質素。等候時間不算長，大約三時多非繁忙時段去買，都沒甚麼人輪候排隊，只有我和另一人在等，不過因為是即焗關係，等了約18分鐘，但是是值得的，所以先whatsapp下單會比較明智，便可節省很多時間。可惜餐廳沒提供電子支付選項，只收現金，但收銀那位店員的態度很友善。…查看更多

跟餐飲品味道不俗，點了凍朱古力和凍奶茶，好的是兩者都很夠甜，最怕那種明明點全糖都不夠凍，想要糖漿還再收你錢的店家，但明明點了少冰，冰仍多得很，起碼三湯匙，這樣就是少冰了？真是讓人開眼界，可能大家標準不同。但朱古力和凍奶茶都很夠味，偏甜少少，但我都不敢點少甜，怕完全淡而無味…查看更多

鳳梨拔絲咕嚕肉 $82（ 轉套餐加$18）沒有拔絲， 但明顯示即叫即整，要一點時間才上餐桌。咕嚕肉炸好後才跟酸酸甜甜的醬炒在一起，味道口感不錯，而且最值得一讚的是用新鮮菠蘿，沒有非常甜的味道。沙嗲粉絲牛肉煲 $77（ 轉套餐加$18）上餐桌時出煙，一看就便知道是即叫即做，牛肉的數目很多，也有不同的配料例如菠蘿，青椒，而且粉絲，金菇及芽菜也是充足的。牛肉是用梳打粉少少醃製，過吃到一點點梳打粉的味道，最好吃是粉絲，吸收了所有的精華。但可惜有一塊牛肉是不熟的浪費了一點的食材，但整體也是一個值得推薦 的食物。忌廉湯熱到不足，是罐頭普通的忌廉湯沒有很特色。羅宋湯味道很有誠意，而且蔬菜的材料很充足，味道也不錯，這個是有一點驚喜的例湯。杏霜（熱）滿滿茶餐廳的味道，濃郁的杏霜。咸檸漆加$6其實七喜汽水會更貼切，餐廳是給了雪碧但不影響整體的味道，餐廳給了一個完整的青的咸檸，應該是自行醃製，味道真的是很好，而且汽水是一罐，加$6是值得。#小師奶 #美食 #鑽石山…查看更多

去開新蒲崗做野，行過呢間樂天冰室，侍應帶我坐餐廳入面近水吧位置，我一睇手提電話完全一格都收唔到，我仲比埋手提佢睇，要求坐門口位置，同個男經理講，佢大聲講佢話佢收唔到電話喎，你要轉我都冇辦法架😤😤😡😡呢啲咁嘅態度真係冇下次👎🏻👎🏻…查看更多

今日約左朋友食飯，因為朋友要快食，所以特登揀左間出菜快的餐廳。叫左三個小菜，其實一個轉左餐，加18蚊有個飯、湯同飲品。蒜蓉西蘭花味道唔錯，無草青味，不過西蘭花就比較硬。鹹蛋肉餅就好大碟，雖然唔厚但好飽肚，至於沙嗲牛肉粉絲煲，就正常水平。至於羅宋湯，都係正常港式西餐的水平。整體而言，都係一個唔錯的體驗。…查看更多

因為係附近整車，等個陣去左呢到食美極生炒牛肉飯。首先，牛肉算多，我啖啖飯都可以食到牛粒，炒得啱啱好，仲有啲鍋氣，令到香味更加突出。美極調味非常到位，鹹中帶甜，啱晒中意濃味嘅人。飯粒炒得乾身又唔會太硬，每一啖都好有層次感。份量十足，叫一碟已經夠飽，我完全食唔哂，分三餐食都夠。食得特別滋味。服務態度都幾好，出餐速度快，價錢合理。唔怪得之咁多人去食！值得再返去試其他系列！…查看更多

放工咁啱要去新蒲崗搵朋友兜左好幾間食肆 見到樂天最多人幫襯應該有返一定水準嘅同老公叫左兩個小菜朋友就點左咖哩豬扒飯以茶記嚟講 算係合格以上嘅水準起菜快 色香味都合格以上豬扒肉質夠林 咖哩幾香 送飯一流薯仔牛柳粒合格嘅 份量同價錢成正比最驚喜係酸菜魚D魚塊肉質唔會散開可以原塊都有酸辣味湯底又唔算好油 美中不足係加錢先跟白飯野飲以而家嘅經濟 可以考慮野飲平d d同埋送白飯 香港人應該會開心d服務正正常常 侍應哥哥好快應你好欣賞唔係QR code落單咁樣先係飲食文化交流如果最理想 就希望可以有電子支付因為喺新蒲崗㩒cash唔容易…查看更多

今日同朋友二人一人一碟叉雞飯，我碟勁靚，燶邊厚叉，雞脾肉。可惜我friend 碟差一半（我冇影佢碟飯）。瘦薄叉，雞胸，攪到我都唔好意思，同佢交換幾件食下。呢間茶記好坐，乾淨，有出爐麵包，只收現金。…查看更多