樂園

嚟到這家餐廳，一坐低就覺得滿滿少女心爆棚！場內色彩繽紛至極，簡直係打卡聖地。先嚟嗰碟“發板”盡顯仙氣，帶子鮮嫩多汁，虎蝦彈牙，個烈酒布冧溫暖味蕾。鵝肝多士滑嘟嘟，口感細膩，而嗰螺肉冷盤爽口順滑，簡直係清新轉場。牛柳柳火侯恰到好處，蒜片點綴下更顯層次；蟹棒鮮美，雜菜沙律清新，全晚精彩無窮！三文魚嘅煙燻味道恰到好處，直頂心頂！彩虹特飲帶點趣味，加糖漿時整個顏色漸變，特別討喜。來到甜品，朱古力心太軟輕輕埋口，一陣朱古力嘅奶香撲鼻而來，雪糕滑溜溜，猶如雲朵輕盈。最後，得個招牌Salior Moon裝飾，賞心悅目！喺這家餐廳食晚飯，唔單止係一頓飯咁簡單，仲帶咗一份粉嫩而夢幻嘅回憶返屋企。整晚都好似生活喺童話故事嘅一角，仙氣十足，美妙極了！😇🌷💖…查看更多

啱啱食完一餐咁澎湃！🤤好想同大家嗌一嗌：呢間Cafe真係得！一入到門嗰陣，場面儀式感十足，先係個花花牆，啲顏色靚到令人心花怒放💐。然後啱啱落座，店員就友情推介咗佢哋嘅招牌菜。開胃前菜，敲一敲脆皮雞翼，一啖咬落去，肉汁四溢嘅感覺真係好正，爽口得嚟又唔油膩。接住上嘅沙律，醬汁拌得均勻，雞肉嘅嫩滑同清新菜葉相當夾，滿意，味道夠晒哂層次。講真，個黑松露意粉真係令人回味無窮！鮮香嘅黑松露味道跟芝士嘅香濃，配合得宜，啖啖都得意！嗰種係口入邊慢慢融化嘅感受，真係鬼香！兜嗰兜芝士好入味，完全符合我對美食嘅掛求！肉眼扒就更加不得了，顏盤子上就已經感覺到佢超大份，一刀切落去，嗰份嫩滑連詞都形容唔到，各位肉控必食無疑！而且佢哋嗰啲炸薯角，外脆內軟，點睛之筆呀！飲品方面，朱古力摩卡同色彩繽紛梳打，除咗味道悠揚之外，仲有心思巧妙嘅造型，好得心應手！整體食宴之後，除咗記住個滿足嘅滋味，最深刻嘅係店員嘅服務態度，滿分！音容笑貌，真係咁多年罕見。最後，嗰隻貓店長嘅趣緻乜，一定要提下，咁可愛嘅“貓主子”，加埋呢場美食饗宴，冇理由唔令人心情大好！🐱👍🏽…查看更多

This cafe is so pretty with lots of flowers decoration. There are 2 cats here and they are super cute! I love their food which are asthetically appealing and are very creative! The taste are also good. Recommend to anyone who loves cats! Booking can be made online.…查看更多

好耐無試過平日夜晚🌃出去同朋友食個飯，輕鬆開心講笑又一晚啦依間樓上cafe係友人網上見到，就黎唔做啦，好想試之下，可以一班人約出黎架好開心喔一早已經訂左個3人份量嘅廚師發板一上檯，個勢真係會「嘩」一聲🤣可能因為有乾冰，同份量大嘅關係啦😆味道方面，不過不失啦，因為我只可以食帶子、藍莓、沙律🥗螺、粟米🌽煙三文魚，其他唔食得，所以就試得咁多，但5個人食，我覺得係唔夠飽嘅🙈所以後加左一個麻醬烏冬、薯蓉煙肉青口、醬爆雞翼同芝士焗西蘭花🥦中間我都叫左壺菊花杞子茶，熱水無限添飲，味道清淡👍🏻整體都還好啦，但cafe開心係大家可以拎下皇冠👑（店鋪提供）影下相，大家玩下board game咁樣啦，好開心🥳後面果兩道野食，唔記得左影相🙈但雞翼做得係出色嘅，表皮夠脆唔會太咸，唔洗要醬都夠味大家趁佢仲做緊嘅，不妨去支持下喔👍🏻小店係要幫襯架…查看更多

店中有2隻貓店長的餐廳，設有廚師發板Menu.可what’s app先預訂食物。老闆娘好Nice的服務。食物同飲品都好好影相打卡的餐廳，餐廳不算很大。屬於可以靜靜坐低飲吓野傾嘢嘅樓上Cafe. …查看更多

朋友聚會最啱就係去樓上cafe，有得食又有得玩，旺角嘅樓上cafe就去得多，今次轉下新意思，嚟到尖沙嘴嘅樓上cafe，唔只有食得玩得，仲有貓貓陪住大家，一次滿足三個願望🐱🐱🐱　🧈蒜香牛油焗原條龍利柳 ($168)以樓上cafe嚟講，依間嘅食物賣相算係頗精美，用乾冰營造仙氣效果，右下角再撒上得意嘅貓貓造型，打卡一流～龍利柳以香草調味，唔洗點汁都已經夠香味，味道唔錯，不過價錢貴少少🛁朋友叫咗仙氣·花浴（玫瑰菠蘿西柚特飲），同餐牌張相一樣，個特飲用迷你浴缸裝住，扭開花灑真係可以噴啲飲品出嚟，得意又玩得，玩味十足…查看更多

走進樂園的童話世界～ 滿載著少女心的環境打卡點~牆壁佈滿花花佈置也有著溫馨小屋感覺 !餐廳貼心提供影相的飾物～食物設計煙霧瀰漫更有著童話的賣點～廚師特別設計畫面令人童心滿溢！店內更有兩隻可愛肥貓貓胖著~如是愛貓者一定非常開心啊!飲品有特色用浴缸盛載的飲品仲有得玩～食物都好味～真係有得玩有得食! 疫情期間除廚師指定,其它仲有五折優惠超值!因為有折所以我哋四人叫咗八款食物店員招待有禮仲親切開心晚上超值嘅服務～ 性價比高…查看更多

好味指數😋😋😋回頭指數⭐️⭐️⭐️開心指數🤗🤗🤗🤗朋友見呢間樓上Cafe出咗post 講就嚟結業，就嚟試下...可以用Whatsapp 訂位同預訂食物，服務態度勁nice 又回覆得快！依家仲有7折，我哋預訂咗廚師發板！一入到去先見到一片花海，跟住見到兩隻好得意嘅貓貓，我幫佢哋改嘅花名係高傲貓同厭世貓😂毛色好靚亦都習慣咗同人玩！試咗覺得係gimmick 大於食物質素類別！服務態度係超好嘅，想打卡嘅朋友可以一試！🍴 廚師發板（$198/位）入面有9樣食物，跟返人數出分量，每樣都係finger food size，有牛油檸檬汁煎帶子刺身、香煎加拿大特大嘅虎蝦、黑魚子鵝肝多士、鹽水煮榮螺、蒜片配香蒜安格斯牛柳、蟹棒、和風雜菜沙律同埋戀之花煙三文魚，佢哋好有心思，presentation 好靚，仲可以自選寫咩字，打卡十足gimmick！講返食物，我自己覺得最好食嘅係蒜片配香蒜安格斯牛柳，好香好入味，細細粒唔會「鞋」，黑魚子鵝肝多士就好香脆，鵝肝都大大舊幾厚身！虎蝦肉係夠爽嘅，有兩隻係幾大隻，有兩隻唔太似特大號！實在地如果只係食呢個係一定唔夠飽，食物質素係尚可，屬於gimmick 打卡類別！🍴彩虹特飲系列 - 青（青蘋果荔枝乳酸特調）（$78）叫咗廚師發板每位可以半價叫飲品！我叫咗呢個！都係打卡系飲品，梳打水入面有D罐頭生果，上面有支test tube 放咗糖漿，上面放咗花做裝飾，飲落係糖漿梳打水，唔太覺青蘋果同荔枝味，亦feel 唔到乳酸味咁～🍴鮮雜菌雞粒炒飯（$148）因為大家唔夠飽嘅關係，叫咗個炒飯，好普通，有少少唔西式又唔中式，冇咩味咁，如果冇7折係有少少over-priced🍴醬爆雞翼（免費）店主送嘅，呢個係我覺得最好食嘅，雞翼夠入味，又香又脆，每人有兩隻，唯一可惜嘅係我食嘅兩隻都煮唔熟，只可以食表面那層，食唔到落去！🍴日本飄浮雲朵蛋糕配手造低糖雪糕（$68）雲朵係用椰子mousse 整嘅，中間夾住芒果醬心，有好薄餅底，造型係幾靚嘅，texture 上係okay 嘅，味道就正常啦，唔太特別出色！…查看更多

今天去試吓這間cafe , 真的很驚喜 ! Services 十分好和有善， 知道我們喜歡影相， 主動介紹哪個位置是打卡位外， 還幫我們影相。 飲品真的很好味 今天叫了龍利柳， 味道不錯因趕時間，沒有吃甜品，下次會再嘗試現在疫情關係，做半價優惠，真的很低食 …查看更多

去一間Meow Meow Cafe係唔夠, 點都要去夠最少兩間先會有比較😂 今次黎到尖沙咀既哩間😺😺Cafe, 哩度d貓少過Urban, 得兩隻😽 但佢哋佈置係花花背景 好適合黎打咭😂 食物味道方面都正常但d汁普遍都有d多 尤其係個麻醬salad 擺盤都好有心機, 會畫畫😂 個浴缸🛁飲品非常特別 造型有趣!!🙌🏻 店主同佢媽媽都好Nice 送左兩個snacks俾我地食 又搞抽獎送口罩😂 睇得出店主都係好花心機去打理 人情味💯 🎉🎉…查看更多

在美食地圖發現這尖沙咀樓上小餐廳，在門口已被以花為主題的牆飾吸引。入到裏面，更加是滿墻花飾，燈光及座位彩色繽紛，溫馨浪漫得很。下午茶時間清靜，炎熱夏日一杯濃香的凍榛子latte, 一件日式疍糕伴雪糕，簡直是賞心樂事。（急不及待飲完，竟然忘記影相！只留下香甜記憶）。老板竟是年青貌美的女孩子，熱情好客，招呼殷勤，誠摯感人，還請我吃東西。幾個年青小伙子的待應，工作勤快，令我這中年人也感染了些青春氣息！看見menu 的廚師發板，像tasting menu, presentation 又有創意，還有平價午餐及飲品，豐儉由人，不久將來一定要試！…查看更多

一間令你心花怒放 十分療癒的貓貓餐廳他在尖沙咀某個大廈的二樓進入餐廳你會發現餐廳佈置很多花花很多打卡位置特別適合特別日子聚會或慶祝生日餐廳的兩位主角（貓貓）很愛睡覺不過睡醒後便會到處行走 不怕陌生人這時你要捕捉時間和牠們拍照牠們也習慣了陌生人 所以你可以盡情地拍照另外食物配合裝飾很有心思味道是不錯的飲品造型也很吸晴不過大部分都比較甜最特色是他有生日雪糕蛋糕服務員端出來的時候餐廳會一邊播放生日歌很有氣氛絕對是樓上嘅 cafe 搞party之選 👍👍👍…查看更多

與友人試新野，可能因為要訂位，所以當晚人流唔多，坐得舒適。女店主（店員？）服務好殷勤滿場飛，感覺唔似餐廳，似去咗朋友屋企咁。一去到，已經見到檯頭放咗搓手液同消毒濕紙巾俾我地用。我地叫左孖份廚師發板，同一份豬肋骨，同一份牛柳粒。食物無咩特別，但由調味/醬汁，到擺盤都睇得出花唔少心機，值得一讚！店主主動幫我地合照。見我地乖，又送左份甜品俾我地。食完飯仲有得抽獎收口罩，好多驚喜。好開心呀，我地好似俾人氹嘅小朋友😇其實店內有貓貓架，但當晚唔太睬我地，愈接近愈走遠，笑死🤣🤣🤣…查看更多

同3個fd子 search 「尖沙咀打卡點」搵到呢度見到呢度評語唔錯就去咗首先Menu啲嘢食相係見到都唔太想食 好唔吸引而且價錢唔平 所以我淨係叫咗杯嘢飲自己叫咗mint mocha嚟到杯野係唔凍唔熱又唔係室溫真係形容唔到咩溫度好甜好難飲 真係好有自己喺屋企都沖到嘅感覺而朋友叫嘅野飲都係伏其中有朋友叫咗花茶 嚟到好似水咁完全冇味真心覺得呢度除咗有2隻可愛貓貓冇野吸引打卡？都冇地方好打！唯一讚嘅係見啲職員對貓貓幾好囉...…查看更多

見到新x期賣廣告話呢到有貓貓睇，咁岩呢日約左班姊妹係tst，所以就諗住上黎tea一tea。首先先室內裝修黎講，個人認為一啲都唔美觀，亦無咩意欲想影相打卡。另外menu上面既食物相既貌相又唔吸引，而且價錢唔平，所以完全揀唔落手之下，我叫左杯薄荷朱古力。然後杯野我覺得自己整仲好飲，或者去便利店買枝維記我會更開心。朋友叫左杯桂圓紅棗茶，飲咗第一啖，然後好疑惑咁望住我講：「無味既？」跟住我自己都試咗啖，又真係無味嫁喎～🤡另一位朋友叫左個雞沙律，但由於沙律本身無咩技術可言，所以只能夠講，嗯，唔難食既。不過公道咁講，無叫到主菜，所以唔知野食方面係點，但野飲黎講就不了。同埋貓貓係可愛既～不過唔會再黎了。完。…查看更多