樂園魚蛋粉

营业中

休息中

石門而家真係勁多食店，鎖定有幾間都會成日去的，樂園而家都有好多分店，一星期有時都有幫襯一兩次算好好啦，坐位又唔係舒服，舖位近商場出口又唔係特別涼，我明白午巿多人時我地都會食完快走（當然阿姐不停執野比訊號），咁大家都識做唔會hea食。早前啲麵未到時換枱，朋友拿住杯凍檸水時唔小心倒瀉了，這是冇人想的吧，一個阿姐抹枱一個拖地，拖地阿姐邊拖邊比說話你聽，抹枱嗰個都冇咁多野講，佢又話什麼‘痴痴笠笠仲麻煩’，我朋友講呢杯走甜的不會‘痴笠笠’你放心，後來叫返店員落返杯飲品，黑色衫收銀阿姐即提醒我們是倒瀉的啊！okok咁咪照（比錢）落單囉～ 雖然好多食店都未必收錢拿拿聲斟番杯比你，佢哋唔樂意咁做都冇問題，加$8落多杯囉，提醒我地係自己倒瀉嗰個，仲要叫後生啲好禮貌既店員同我地講要正價$18，因為一碗粉加一杯$8，而家個客人唔小心‘自己倒瀉’要收正價$18🙄🙄🙄呢啲服務態度真係一流👏🏻👏🏻，我地唔飲野都冇問題唔要囉，其實咁既態度除左係趕客，我都唔知講咩好了，只怪我地倒瀉一杯飲品好似犯左彌天大罪咁。

大家好今日去了石門既樂園魚蛋粉食麵我是在早餐時段去食發覺原來早餐食粉係有熱飲送果日食左兩碗粉面第一碗係古法鮮蝦雲吞面湯底係傳統既大地魚湯面是蛋麵都幾彈牙雲吞有四隻都比較大隻有蝦同埋豬肉而另一碗就係我比較鐘意既潮式牛三寶河因為一碗就有齊 牛肚牛筋同牛腩這個湯底都係比較有牛味而每一樣材料都起碼有四件見到牛肚牛筋都炆得好腍牛腩D部位俾得幾靚無牛肚牛筋甘腍可以咬到牛肉既口感飲品方面要左熱檸茶同熱奶茶都有茶餐廳既水準熱檸茶有四片檸檬比較有茶味而熱奶茶都幾香濃另外仲加$12要左碟蠔油菜心菜心幾軟熟且份量都多所以呢間整體既食物質數都唔錯早餐或下午茶時段有熱飲送就更加抵

今日lunch食完熱氣嘢，夜晚就想食返清淡啲，嚟到石門見到有樂園魚蛋粉，價錢經濟實惠，就幫襯佢啦。.我哋每人叫一碗粉，再加一碟菜share，份量啱啱好。.我哋本身想食主打嘅魚蛋同崩沙腩，可惜都賣晒了🥲 咁我就叫了雙拼 — 韭菜餃 + 墨魚春卷河粉；老公就叫了五香牛雜河粉。另外加碟腐乳通菜。.呢度啲河粉係窄身，幾彈牙；湯底都唔錯，幾好飲，唔係落味精死咸嘅味道。.🥢韭菜餃 皮好滑，餡料都多，估唔到有大大粒蝦喺入面，有驚喜。一碗有4大粒韭菜餃 ，份量都算多。.🥢墨魚春卷外表似鮮竹卷嘅皮，餡料有粟米及墨魚肉，都幾滑幾好食。.🥢牛雜有牛肚、牛膀、牛肺、牛腸，全部都煮到好入味。牛肚同牛腸都好爽口；牛肺、牛膀都夠淋。份量都唔少，真係食得好滿足。.🥢腐乳通菜幾欣賞佢莖同葉份量都俾得幾平均，淋度煮到啱啱好，淋得嚟啲莖仲有少少爽口。.上菜速度好快，樓面服務態度都唔差。粉麵大大碗好夠飽！真係平靚正之選👍🏻 下次要再嚟試吓魚蛋同崩沙腩先😋

樂園餐廳的秘製牛雜面和招牌魚蛋面，絕對是香港地道美食的完美演繹！牛雜軟腍入味，湯底濃郁香醇，麵條爽滑彈牙，每一口都充滿著街頭小吃的風味。招牌魚蛋面則以彈牙的魚蛋和鮮甜的湯底取勝，配上爽脆的蘿蔔，更添口感。加配的蘿蔔爽脆清甜，豆漿香濃順滑，完美地平衡了麵食的油膩感。整體而言，這頓餐點不僅美味可口，而且份量十足，絕對能滿足你的味蕾，讓你感受到香港美食的魅力。人均消費大約40至50蚊相當抵食，上餐速度都十分之快。

不留好想食牛雜粉尤其牛膀，但一系5好食，一系好貴，search 到石門竟然有一間，仲話幾好，於是乎去試吓。睇菜牌又幾抵食，$ 3 9牛雜米，凍熱飲加$ 8，碗粉內牛雜種類齊全，份量多，牛膀👍🏻，牛肚可以腍D，牛雜大大件🤣，奶茶5夠滑一般，如果突然想食牛雜要求5高可食下😎。這𥚃雖然環境5大，但乾淨，晚市都多人食，又5覺服務員無禮貌，一般平民食肆服務員態度！可接受👌🏻。

位於商場內地下近石門站石門附近都好多野食 但今日想食簡單d 無咁heavy 就簡左呢間啦崩沙牛腩拼豬肉丸粗面崩沙腩系店舖既招牌菜👍🏻牛腩軟嫩豬肉丸的豐潤牛腩未到入口即化,但系肉質都唔錯搭配韌勁十足的粗面條,口感層次豐富。就算雙拼份量都唔會佔得少豬肉丸子都夠彈牙套餐亦可以加$12有碟菜生菜/菜心/蘿蔔加菜心菜心爽脆 莖同葉各有一半 份量適中配上蠔油，簡單健康天氣熱 忍唔住環叫凍飲凍檸茶都沖得唔錯👍🏻新鮮檸檬 唔會太澀 甜都酸調教得唔錯👍🏻環境上座位都寬敞 乾淨想簡簡單單食一餐都系一個好選擇見佢都有下午茶時間就系包埋熱飲同埋加菜$12但凍飲都系照加$8 的見到唔少人都叫魚蛋河地道既港式美食下次試下先👍🏻👍🏻

今天在石門分店午餐，我地兩個大人，兩個小朋友，叫左三碗粉，兩杯野飲，由坐低到離開店舖不足一小時，其間有兩個店員呀姨不停過嚟講嘢，一個紫色衫，一個係深色衫，走過來講阿妹食完未，阿妹你好慢，最慢係你，阿妹你食快啲。係咁催促個小朋友食，我哋個小朋友得幼稚園想佢食幾快？同埋喺背後係咁單單打打，講話：成個午市張枱就俾咗你用膳時間其實都冇一個鐘，成餐係勁多說話聽請問貴公司可否改善一下石門的員工態度？深色衫阿姨直頭走埋嚟張枱拎起張單，再劈番落枱我哋唔係冇叫嘢食，又唔係特登拖慢黎食，一個鐘都冇係咁催，覺得俾錢買難受，雖然係食碗粉，唔係要五星級，係連正常態度都冇中間有個學生哥一個人入嚟食嘢，座位又比較迫，唔小心撞到張枱，個深色衫阿姨走過來同個學生講，叫佢唔好撞跌啲辣椒油，又鬧個學生，話而家我哋好唔得閒個學生撞到都淨係喺度話返個學生哥，個學生又冇倒瀉嘢嗰兩個員工係一肥一瘦如果石門分店係不歡迎學生同小朋友請在店舖外寫明，極不友善

石門京瑞廣場一向都餐廳林立，大大小小不同種類都有齊，港式、日式、西式任君選擇🤭之前見過樂園魚蛋粉其他分店，今日咁啱又遇到就試下啦。一碗粉麵最平麵係$36，下午茶時段仲要包熱飲，價錢相宜貼地😆潮式牛三寶米線金牌牛三寶有齊牛筋、牛腩同金錢肚，牛筋軟稔漿口，骨膠原爆燈，牛腩入味份量多，金錢肚有嚼口但唔會似香口膠咁樂園四寶丸河四寶包括手打魚丸、手工魚皮餃、墨魚🦑丸同豬肉丸，自家製手打魚蛋超彈牙又大大粒，魚皮餃都係日日新鮮自家製👍🏻記得要試下哩到嘅辣椒油，夠辣夠香，配上魚蛋粉一流下午茶餐包熱飲，凍飲就+$4。飲品選擇多，仲可以揀熱西洋菜蜜添

星期六早上開工, 走到京瑞找早餐,  想不到小小魚蛋粉店一早已坐了不少客, 看來有點保證不少推介食品也想試試, 只是怕會眼闊肚窄, 還是保守一點安全記得樂園的墨丸很好吃, 見到有墨魚春卷, 就決定這個吧滿滿的蔥花是粉麵店必備的浙醋也是少不得的墨魚春卷外也加點了很喜歡的魚皮餃, 這裡的魚皮餃外皮很滑溜, 配上店自家制的辣椒油更加不得了墨魚春卷原來加了很多的粟米粒, 每一口墨魚肉也夾著粟米的清甜, 很不錯還是很實惠的收費

近排好鍾意食呢種潮式粉麵，尤其是係牛腩、牛筋麵，今次又來到石門，試下呢間周圍都有嘅樂園魚蛋粉，咁樣嗌咗成枱野都只係$118超級抵食手打魚蛋麵 $36叫得樂園魚蛋粉呢度嘅招牌就當然係魚蛋粉，除咗魚蛋仲有埋魚片頭，全部都好大舊，呢度嘅魚蛋全部都係手打嘅，所以見到佢嘅形狀就唔會係圓形，食落就真係超級彈牙，口感超級好，食到魚肉嘅鮮味，果然係招牌😍😍牛三寶米粉 $54牛三寶咪又係好足料，其中我最鍾意嘅就係牛筋，牛筋煮到好入口，口感超級腍，入口輕輕咬下就吞到，唔似平時嗰啲要咬十世🙏🏻牛肚亦系煮得啱啱好，有口感得來唔會太靭，牛腩亦肥瘦相宜，成碗麵都好高質上湯浸蘿蔔 +$12蘿蔔份量好多，大大舊，煮得好腍，味道清甜好味凍檸茶 +$8估佢唔到呢度嘅凍檸茶居然咁好飲，我嗌咗少甜少冰。甜度對我來講係啱啱好，檸檬同茶嘅味道配合得非常好，比例恰到好處，係近年飲過最高質嘅凍檸茶凍華田 +$8華田就正正常常，勝在夠大杯

今天早去開石門二期做facial， 見此樂園魚蛋粉麵。見隔離枱食牛腩飯， 但賣相一般， 於是轉食雲吞麵。 點知又中伏。早上11點幾人流7-8成， 以為多人幫襯會唔差。$36 雲吞麵一碗4粒雲吞麵麵爽的， 以為ok啦。點知食第一粒雲吞就知唔掂。雲吞皮厚，尤其包褶位，唔掂雲吞餡又梅，蝦又雪藏唔新鲜。食左2粒便放棄， 唔食了+$8 咖啡。 4分茶餐廳以下水準。感覺好差， 是否此店出名魚蛋， 應該食魚蛋才正確？！！！！總評。雲吞麵。 3分環境。 7分。服務。 7分食完唔會再幫襯了。

樂園魚蛋粉是一家經濟實惠且多款粉麵店。他們的招牌菜是手打魚蛋。我揀了手打魚蛋麵，這道菜包含了豐富的魚蛋和魚片，給人一種滿足感。除了魚蛋麵，他們還提供其他多種口味的粉麵選擇，讓顧客有更多的選擇空間。我特別推薦他們的韭菜餃麵，這款麵食有著大大隻的餃子，每個餃子都充滿了韭菜的香氣。另外，我在點餐時選擇了油菜：芥蘭。至於飲品，我選擇了凍檸茶，幾解渴。總的來說，樂園魚蛋粉提供了經濟實惠且多款粉麵可供選擇的選擇，他們的手打魚蛋麵和韭菜餃麵都非常美味，讓人大快朵頤。

某日晚上心血來潮想食下粉麵就去左石門 睇下有無好野食行左幾個舖位見呢間個樣好似幾得就坐低試下點知味道都幾令人失望叫左魚皮餃韭菜餃河粉兩款餃都唔係好掂特別係魚皮餃 直情係難食個皮好奇怪 好鞋好乾 又唔吸湯 好似紙皮咁直情係會見到佢個皮d色係好唔均勻唔似一般魚皮餃咁通透未食過質感同味道咁奇怪既魚皮餃韭菜餃就非常少餡 完全唔足料味道都麻麻河粉同湯就無乜特別唔係好食 又唔係難食另外叫左炸魚皮係脆既 但味道一般D阿姐d服務都麻麻地 總之食完一次唔會想食第二次

幫襯過兩次，兩次啲店員態度都十分差勁，第一次上啲餸麵勁大力掉咗枱 ，啲湯都倒咗出嚟，無語，第二次去叫外賣，等咗好耐之餘，外賣到咗叫號碼都冇叫就直接掉落張枱，要問佢先至指話呢度。總之，全部店員啲態度都10分差勁。

馬鞍山一日遊，🚶‍♀️🚶行到攰攰地要搵嘢食，突然之間好想食碗牛腩河，入到京瑞廣場二期，見到有粉面店就即刻 坐低，每人叫一碗河粉，Honey 要牛腩河，我要潮州三寶河，有牛腩牛筋牛肚。店員介紹奶茶好正，🍵☕️我地每人要一杯奶茶試下，尼度好乾淨好光猛，店員好有禮貌，客流不斷，可見D野好食，兩碗粉好快送到，大大碗面頭舖滿牛腩牛筋牛肚，仲有一大羹芫茜蔥， 聞到香噴噴。食牛腩粉當然少不了辣椒醬，尼度的辣椒醬油香鮮辣，令到啲牛腩更加好味，當然加少少醋就錦上添花。辣椒油同醋係食粉麵不可缺少的調味料，檯面的辣椒醬和醋樽是乾乾淨淨的，一點油跡也沒有，非常欣賞這乾淨的環境。奶茶也是名副其實，非常有水準。首先夠熱夠大杯，飲落茶味奶味調配平均，入口絲滑，食粉前同食粉後飲的奶茶味道都有少少不同，各有所長，是很好的體驗。這里的粉面餐早餐和下午茶有飲品送，所以是非常超值的。👍👍😋😋