影片
石门而家真系劲多食店，锁定有几间都会成日去的，乐园而家都有好多分店，一星期有时都有帮衬一两次算好好啦，坐位又唔系舒服，舖位近商场出口又唔系特别凉，我明白午巿多人时我地都会食完快走（当然阿姐不停执野比讯号），咁大家都识做唔会hea食。早前啲面未到时换枱，朋友拿住杯冻柠水时唔小心倒泻了，这是冇人想的吧，一个阿姐抹枱一个拖地，拖地阿姐边拖边比说话你听，抹枱𠮶个都冇咁多野讲，佢又话什么‘痴痴笠笠仲麻烦’，我朋友讲呢杯走甜的不会‘痴笠笠’你放心，后来叫返店员落返杯饮品，黑色衫收银阿姐即提醒我们是倒泻的啊！okok咁咪照（比钱）落单啰～ 虽然好多食店都未必收钱拿拿声斟番杯比你，佢哋唔乐意咁做都冇问题，加$8落多杯啰，提醒我地系自己倒泻𠮶个，仲要叫后生啲好礼貌既店员同我地讲要正价$18，因为一碗粉加一杯$8，而家个客人唔小心‘自己倒泻’要收正价$18🙄🙄🙄呢啲服务态度真系一流👏🏻👏🏻，我地唔饮野都冇问题唔要啰，其实咁既态度除左系赶客，我都唔知讲咩好了，只怪我地倒泻一杯饮品好似犯左弥天大罪咁。
继续阅读
大家好今日去了石门既乐园鱼蛋粉食面我是在早餐时段去食发觉原来早餐食粉系有热饮送果日食左两碗粉面第一碗系古法鲜虾云吞面汤底系传统既大地鱼汤面是蛋面都几弹牙云吞有四只都比较大只有虾同埋猪肉而另一碗就系我比较钟意既潮式牛三宝河因为一碗就有齐 牛肚牛筋同牛腩这个汤底都系比较有牛味而每一样材料都起码有四件见到牛肚牛筋都炆得好腍牛腩D部位俾得几靓无牛肚牛筋甘腍可以咬到牛肉既口感饮品方面要左热柠茶同热奶茶都有茶餐厅既水准热柠茶有四片柠檬比较有茶味而热奶茶都几香浓另外仲加$12要左碟蚝油菜心菜心几软熟且份量都多所以呢间整体既食物质数都唔错早餐或下午茶时段有热饮送就更加抵
继续阅读
今日lunch食完热气嘢，夜晚就想食返清淡啲，嚟到石门见到有乐园鱼蛋粉，价钱经济实惠，就帮衬佢啦。.我哋每人叫一碗粉，再加一碟菜share，份量啱啱好。.我哋本身想食主打嘅鱼蛋同崩沙腩，可惜都卖晒了🥲 咁我就叫了双拼 — 韭菜饺 + 墨鱼春卷河粉；老公就叫了五香牛杂河粉。另外加碟腐乳通菜。.呢度啲河粉系窄身，几弹牙；汤底都唔错，几好饮，唔系落味精死咸嘅味道。.🥢韭菜饺 皮好滑，馅料都多，估唔到有大大粒虾喺入面，有惊喜。一碗有4大粒韭菜饺 ，份量都算多。.🥢墨鱼春卷外表似鲜竹卷嘅皮，馅料有粟米及墨鱼肉，都几滑几好食。.🥢牛杂有牛肚、牛膀、牛肺、牛肠，全部都煮到好入味。牛肚同牛肠都好爽口；牛肺、牛膀都够淋。份量都唔少，真系食得好满足。.🥢腐乳通菜几欣赏佢茎同叶份量都俾得几平均，淋度煮到啱啱好，淋得嚟啲茎仲有少少爽口。.上菜速度好快，楼面服务态度都唔差。粉面大大碗好够饱！真系平靓正之选👍🏻 下次要再嚟试吓鱼蛋同崩沙腩先😋
继续阅读
乐园餐厅的秘制牛杂面和招牌鱼蛋面，绝对是香港地道美食的完美演绎！牛杂软腍入味，汤底浓郁香醇，面条爽滑弹牙，每一口都充满著街头小吃的风味。招牌鱼蛋面则以弹牙的鱼蛋和鲜甜的汤底取胜，配上爽脆的萝卜，更添口感。加配的萝卜爽脆清甜，豆浆香浓顺滑，完美地平衡了面食的油腻感。整体而言，这顿餐点不仅美味可口，而且份量十足，绝对能满足你的味蕾，让你感受到香港美食的魅力。人均消费大约40至50蚊相当抵食，上餐速度都十分之快。
继续阅读
不留好想食牛杂粉尤其牛膀，但一系5好食，一系好贵，search 到石门竟然有一间，仲话几好，于是乎去试吓。睇菜牌又几抵食，$ 3 9牛杂米，冻热饮加$ 8，碗粉内牛杂种类齐全，份量多，牛膀👍🏻，牛肚可以腍D，牛杂大大件🤣，奶茶5够滑一般，如果突然想食牛杂要求5高可食下😎。这𥚃虽然环境5大，但干净，晚市都多人食，又5觉服务员无礼貌，一般平民食肆服务员态度！可接受👌🏻。
继续阅读