樂園素食

营业中

休息中

是日午餐簡簡單單今日去咗樂園素食食過素食午餐呢度呢可以話係呢我喺銅鑼灣嘅飯堂今日呢好可能呢係我食過嘢呢即係最有驚喜一次本身呢間素食呢就好多唔同類型嘅嘢食嘅即係食多國菜嘅自助餐除咗有中式點心同埋西式沙律之外呢我今日食煎餃子、西式沙律、時菜、中式點心同埋炒豆角今次呢就冇食到壽司上次就食咗喇當然唔少得我鍾意食嘅蘿蔔糕啦仲飲咗杯檸檬水

#20250806 🤍📍 #樂園素食 @paradiseveggiehk 銅鑼灣謝斐道535號Tower 535地庫B04號舖➖➖➖➖➖➖➖➖➖➖➖➖➖➖➖➖➖#平日晚市90分鐘 $188/位 🥢 #冰鎭咕嚕肉 #原盅燉湯 💭 呢個價位係素食自助餐尼講其實算貴，應該七成都落晒啲租度🙈但佢地都識做既，有送啲野令人覺得抵啲，咕嚕肉上枱並無冰鎮，不過味道係唔錯，用菇扮肉連啲纖維口感都好似，可惜有限量供應😅燉湯都好高質，無肉所以個湯頭超清，而飲落又超甜，難得地兩樣送既野都值得食晒😋. 🥢 #冷盤 💭 有個沙律吧有啲粟米、車厘茄、沙律菜、生果等等，仲有唔少前菜小碟，特別在有隻蒟蒻扮既魚生，望落有三文魚、吞拿魚，食落口感彈牙幾得意，仲有係素食自助餐未見過既海葡萄，高級🍣. 🥢 #點心 💭 作為聲稱全港唯一既素點心放題，咁佢點心既數量令人有啲失望，數埋都係得四五款，當中有素燒賣、雜菌餃、芋頭餃、粉果，再數已經係平時飲茶都會見既蓮蓉壽桃包同薑汁糕，無咩驚喜🥟. 🥢 #關東煮 💭 呢度有個corner係食咁多間素食自助餐第一次見既，就係有麻辣味同蕃茄味既關東煮，新鮮滾熱辣咁煲住，啲丸同平時食既都唔太大分

小編今日來到銅鑼灣一間素食自助餐廳「樂園素食」，是全港唯一的素食放題💚餐廳提供午餐、下午茶及晚餐都是都可以體驗全港獨特的素食自助餐廳，餐廳提供超過70款美食任食，包括新鮮水果、各式蔬菜、熱食及素點心、素壽司、炸物、薑醋蛋、糕點、中西湯、糖水及多種主食選擇，素食愛好者必食的最佳選擇，整體健康又輕負擔的素食🥒👏🏼 推介以下多款素食美食✨推介以下10款推薦素食✨1️⃣「鹽酥海鮮菰」炸至金黃色，外酥內嫩，鹹香惹味，還原酥炸八爪魚鬚🐙口感逼真，推介之選🍄‍🟫 2️⃣ 「一口蘿蔔糕」迷你版蘿蔔糕，口感軟糯粉嫩，一口大小剛剛好👏🏼3️⃣「豆卜冬瓜火腩」豆卜吸滿湯汁，冬瓜清甜，素火腩口感似真火腩🐷4️⃣「素三文魚/素吞拿魚壽司」刺身以蒟蒻製成，仿魚生質感細膩，蘸醬油芥末點綴更似日本壽司🍣5️⃣「薑醋蛋」薑醋酸甜🫚 雞蛋煮至入味，開胃小食🥚 6️⃣「咖哩薯仔魚蛋」咖哩香濃不辣，素魚蛋彈牙有嚼勁，帶有少少魚味感覺✨7️⃣「芝麻豆沙炸球」外皮酥脆芝麻香，內餡豆沙細膩，甜而不 🫘 8️⃣「素蝦餃」 餃皮晶瑩剔透，啖啖鮮甜不輸真蝦9️⃣「豆腐蟹肉羮」豆腐嫩滑，仿蟹肉口感細膩味道🔟「素菜煎餃」餃皮金黃酥脆，內餡蔬菜鮮甜🥬，清新之選💚🍽 ：素食自助餐

樂園素食下午茶講真，真係冇諗過咧銅鑼灣有個咁好食嘅素食自助餐成間鋪頭嘅環境好乾淨衛生其實店員嘅服務態度都唔係話好差啫有好多都係甚至係佛家子弟有政見呢就自然呢有師傅嚟幫襯有藏傳佛教嘅師傅，亦都有南傳佛教嘅師傅我就呢食咗一啲沙律飲咗小小例湯有食佢地招牌嘅一口蘿蔔同埋呢一啲其它嘅小食當然唔少得食佢哋嘅點心同壽司啦全部都係手工制即叫即蒸好少落味精同埋添加劑嘅

是日午餐簡簡單單，樂園素食自助餐非常豐富我品嚐了中式點心、葡汁焗四蔬、壽司、例湯及水果店員十分友善，現場環境亦都非常衛生食品質素不錯可媲美酒店效果此店的點心師傅最擅長用澄麵做一些素蝦餃或者素餃子

今日放半晝帶媽咪去素食自助餐上面各款素壽司炸雙皮奶同天婦羅茄子素餃子、綠茶餅豆沙芝麻球同春卷一口蘿蔔糕冷豆腐、冷烏冬沙律區洛神花檸檬水、羅漢果甘草水豆漿、凍水綠豆沙同木瓜雪耳糖水素蝦餃同素粉果皮比較厚，素燒賣入面係粉絲木耳天婦羅茄子、春卷同炸海鮮菇～炸物好好食熱盆都有好多選擇炒麵炒得夠乾身蒸蛋好滑底有皮蛋咖哩就一般素薑醋蛋、醃酸蘿蔔同炸海鮮菇媽咪最愛綠茶餅～餅皮咬落似老婆餅咁入面嘅餡唔會好甜加埋外面嘅芝麻估佢唔到好好食喎一口蘿蔔糕都好味最後食咗碗綠豆沙，有臭草同海帶甜到適中。百零蚊食到咁多款素食真係好開心

呢度起碼食過兩三次，今次真係好失望 。每次都係為咗佢好特別嘅咕嚕肉過嚟 。今次好似炸得有啲皮同中間個菇分得好開 。嘢食嘅種類好少，今日你都行出去自助區食嚟食去都係嗰啲嘢，二百幾蚊一個人可以食啲更加好嘅嘢 。基本上行一轉已經可以喺你碟上面擺晒所有出面嘅食物 。最失望嘅係員工嘅態度，得閒嘅時候就成堆企埋一齊喺客人面前大大聲講個客是非 。唔係就明明你自己食緊嗰個碟，都係你眼前收走 。就嚟喺個口入邊拎走我食緊嘅嘢，完全唔明點解要咁樣做又唔係多人？同佢講食緊佢都照收走真係勁奇怪 。未到九點已經通知話出邊會收檔，叫我哋攞最後一次嘢，但係我哋攞嘅時候又黑口黑面喵嘴喵舌咁樣好似阻住佢哋收工 。今次會係最後一次嚟 。

呢間餐廳已經好耐都冇嚟食過。咁啱趁當日一定要食素就嚟試吓。印象中以前食過晏晝同夜晚但下午茶時間反而未試過。 價錢方面依然係比其他正常餐廳的自助餐比較抵，計埋加一平日成人大概$97左右，下午茶時間2:30開始用餐時間90分鐘。依家餐廳最大嘅特色係仿壽司🍣，印象中暫時冇食過其他素食自助餐係有依款的美食。 話明素壽司外表當然像真壽司那樣，一粒粒望落好像三文魚、吞拿魚等，10分新穎作為素自助餐，除了沒有肉類在內的分別大致其實跟一般自助餐相近，沙律吧會有一些像車厘茄蘋果沙律菜等選擇。熱食區會有一些熱食，包括飯面等等，甚至有點心。凍盤方面會有紫番薯、筍、酸蘿蔔等等。 總會有炸物，包括炸牛奶，炸香蕉等 ，太多選擇完全食唔晒🫣仲會有甜品糖水等等！ 當日嘅湯品係老火湯，飲落似係赤小豆湯，味道比有肉的更清甜同健康。 飲品方面除了咖啡機上的咖啡牛奶等等外還會有特飲。

《樂園素食》提供自助餐形式的素食盛宴，定價為每位HKD108，加一服務費後亦屬合理。餐廳環境整潔，適合素食者及希望輕盈飲食的朋友聚餐。餐點方面選擇相當豐富，冷盤如素壽司種類多樣，口感清新；點心方面有蒸素餃、腸粉及蓮蓉桃包等，其中蓮蓉桃包造型討喜，甜而不膩。薑汁糕味道偏甜，啖啖薑味令人回味。熱葷部分亦見心思，小菜如麻婆豆腐、羅漢上素、豆卜東坡肉及皮豆秋葵蒸蛋等各具風味。麻婆豆腐香辣惹味，羅漢上素清淡卻不失層次感，而豆卜東坡肉則以豆製品模擬傳統紅燒口感，十分驚喜。炸物區同樣吸引人，當中最特別的是炸雙皮奶，外層酥脆，內裡滑溜，甜度恰到好處；豆沙芝麻球香口不膩，脆皮香蕉糕則外酥內軟，令人一試難忘。整體而言，《樂園素食》在食材選擇、烹調手法及擺盤設計上皆見用心，讓人對素食有更豐富的想像與感受。無論是素食者，抑或偶爾想「食得清」的你，也值得一試。

第一次吃素食自助，很是健康的样子。在HK终于能吃饱饱啦碳水很多，也有特色口味的创意菜。一口番薯很趣怪。还有素虾饺和素寿司，可可爱爱。服务员也很热情。午餐没有炖汤，老火汤和其他都还不错。

記得之前食過一次，當時畀我感覺唔錯，但係幾多年前我真係唔記得 ...網上睇到有好評亦都有朋友讚，最近去過一間齋舖同啲齋有傾計佢哋都話幾好，所以今次再慕名而去。大約一點鐘左右去到 ，覺得唔算好多人( 同我記憶中 好似少咗)因為好耐都冇食齋，所以今日真係 抱住好大希望食好嘢。可能我年紀開始大了，條脷嘅感覺差咗，好似覺得冇上次咁好食。 我諗係我自己本人問題啩， 我朋友同我年紀差唔多佢都話好似冇咁好食。我哋覺得啲菜好似冇以前咁淋， 而食物方面好似比較淡咗。我哋唔敢批評佢哋嘅質素係味改變了，只係覺得自己年紀大咗 ，可能享受食物 冇以前咁方便呀。所以今日食完之後都唔敢畀大家 推薦乜嘢，只係 自己認老， 遺憾罷了。

素食自助餐款式多元化樣樣試一件，基本上已經飽哂每人送一份素鮑魚同一盅燉湯有冷盤，點心，熱盤，壽司，炸物同甜品...壽司做得好出色，夾左兩轉蒸籠裏面素燒賣同蝦餃好足料炸物脆卜卜，各有不同，推薦炸豬扒同炸香蕉麻辣關東煮夠辣，仲有薑醋蛋食最後以朱古力布朗尼同綠豆沙作為結尾

位於銅鑼灣的素食自助餐廳，深受家庭歡迎。這裡的食物種類繁多，從新鮮的水果、各式蔬菜到熱食應有盡有，甚至還有美味的Pizza可供選擇。餐廳提供無限量自取服務，讓你可以隨心所欲地品嚐各種健康美食。午市時段，人均消費不到100港幣，性價比非常高。餐廳的環境也相當出色，空間寬敞、乾淨，讓用餐體驗更加舒適。無論是與家人聚餐還是與朋友小聚，樂園素食都是一個理想的選擇。地址位於銅鑼灣謝翡道535號地庫B04舖，交通便利，讓人輕鬆抵達。喜愛素食的人士，絕對不容錯過這個美味又健康的選擇。無論你是素食主義者還是偶爾想吃點清淡的食物，都能滿足你的需求。

自從一次上網找自助餐時，知道這間素食自助餐，就和男朋友來了這裏不少於10次，因為不論環境整潔，舒適，店舖位置，食物的質素都很不錯。銅鑼灣d1出口附近，唔使2分鐘就行到，非常方便。去過咁多次都好少話要等好耐，因為座位夠多，最啱我和男朋友肚餓時又想食好啲健康啲嘅時候去。這間素食自助餐食款實在太多樣，近排食物款式仲多了素中式點心，尤其是香芋粉果好足料，薑汁紅棗糕口感軟韌，味道清甜。而沙律吧的沙律菜新鮮爽口乾淨，非常難得是有鷹嘴豆，紅腰豆，藜麥，還有多種沙律醬配搭，男朋友嚟呢度都會食返兩碟，是健康之選。仲有非常多款的炸物，味道多樣，各有不同，我最推薦的是綠茶餅，因為綠茶皮入面是香芋蓉。各款壽司，前菜也很不錯，每次嚟一定會食返幾舊。飲嘅方面有老火素湯，中式糖水，健康生津自家製飲品，亦有咖啡機。價錢也非常合理，一個自助午餐都是只需要一百幾蚊，是一間性價比高，又食得健康的自助餐廳。

上星期六一家3口去左銅鑼灣食素食lunch buffet..成人價錢$108，小朋友9歲（小童價錢半價$54)以上價錢未連加一服務費。小朋友去食好抵食🤭一入餐廳感覺好光猛，裝飾好簡潔，環境好舒服。侍應安排好坐位就可以直接出去拎野食。。有冷盤，熱盤，壽司，炸物，點心，湯類，甜品。食物款類好多，真係花多眼亂。令我最深刻既係個蕃茄胡椒湯，胡椒味好濃。好好飲。其他食物都好好食。Refill食物速度快。還有，我試過好幾間素食自助餐，飲品類只有呢間係有有糖豆漿飲🤤