榮記(東成)飯店

营业中

休息中

從網友的日記上得知此飯店，還大讚其生炒骨為極品，所以今日同阿媽來一試真偽。點左生炒骨($40)，芝士西籣花($35)，古法蒸烏頭($35)。生炒骨:好失望，排骨應該係一早炸定，食落好硬，唔得鬆化，先打個六析，而且酸甜汁過甜，份量又少，唔合格。芝士西籣花:毫無芝士味，我覺得佢\應該無落芝士，個汁只係牛油加忌廉加面粉，不過西籣花都爽口翠綠，唔錯啦。古法蒸烏頭:呢個好好食，古法蒸係豆豉加蔥，好惹味，條烏頭又夠大條，加埋d蒸魚豉油，飯都送多碗。加埋白飯埋單$115，好平，如果只求飽肚，呢度係一個唔錯既選擇

未夠七時便到達了, 兩個人好不容易才找到個近廚房的吉位坐下, 拿拿臨點了生炒骨($40), 西蘭花斑塊($45),及西檸雞($45) . 五分鐘後廚房炒出了兩碟生炒骨, 侍應竟將將其中一碟送上來, 喜出望外!由於太肚餓了, 一陣狂風便把它掃清光. 之後等了又等, 三十分鐘向不同侍應再催促(因全沒反應), 再過五分鐘才把斑塊及西檸雞送上. 好不好吃? 只覺等了一肚氣!!! :-((((

一年容易又生日, 上個月先同J小姐食生日飯, 個日就反過來輪到我本來決定去花生吧既我忽然想起呢間就好想食, 飯局地點就改係呢度. 7點幾都差唔多爆, 昅到仲有張二人檯即係坐低, J小姐自備清酒, 再叫多兩個食送就係一餐薑蔥魚雲煲- 魚雲幾滑溜, 啜下又有好香薑蔥味, 幾惹味既一道菜啫啫雙雞煲- 田雞同雞件整得唔算滑, 不過佢個汁整得好濃, 之後叫左碗白飯來送又擦晒臨走仲拎埋J小姐支紅酒走, 又食又拎, 多謝晒!

同屋企人三個人六點上去食晚飯, 叫左個羊腩煲(細), 蠔餅同咕嚕肉加三個白飯個羊腩煲好大煲, 好多羊肉, 正!!! ($78)咕嚕肉... 冇得頂, 汁香, 0的肉翠, 正正正!! ($70)相對下個蠔餅好普通... ($28)之後再加個揚洲炒飯行街, 返丁屋企仲熱, 夠鑊氣, 正正($30)其實介order 左個菜, 不過太飽, 佢都幫我cancel, 不錯

前幾天和男友到了這裡吃晚飯，叫了一個羊腩煲，一個蟹鉗和BB骨。個羊腩煲好大煲，好夠味，但食落就好似鹹了少少個蟹鉗就好彈牙，BB骨就最正，食到咀lam lam～～加埋一支大beer，都只係$150左右，抵呀～～

1.椒鹽九肚魚.熱爆上枱,色澤金黃,食味買相俱佳.2.時菜斑片.斑片大大塊,絕不小家.3.炸雞軟骨.散發南乳微香,送酒一絕.4.雜菜煲.清清地.5.沙鍋魚頭煲.吃出鮮味.6.蝦醬炒雜菇.很惹味.7.粉絲蒜蓉蒸蟶子.合共268元,非常抵食.自携green label 1 litre,冰塊免費供應,四人喝了三分二瓶.美酒佳餚,人生一大快事也.

每次去親灣仔街市必定幫襯榮記, 因為有$20-$35的特價小菜.昨晚同bf 來, 因為好肚餓, 2個人叫左4個餸.白灼生蝦$35 - 蝦大隻, 爽口, 份量約有10兩重. 抵啦~炒聖子$30 - d聖子雖細隻不過好鮮嫩, d汁可以撈飯食.辣酒花螺$38 - 螺爽口, 約有20隻, 呢個價錢自己在街市都買唔到啦, 可惜沒有粉絲, 唔係就仲正.菜蒜蓉炒芥蘭$25 - 每次必食, 因為條條菜都一定連菜"徑" 的, 又炒得娖嫩綠, 好甜呀~2個人飲埋汽水同連白飯, 都係$152.

今日同男友2個人少少地黎左食din只係叫左個椒鹽鮮魷同蒜香蒸蟹飯已經夠曬我地食個飯幾好味的..香蒜味!隻蟹都不過不失la..都有膏哩個都值得推介一下!至於個鮮魷都係普通個份量都ok脆就吾算脆但味道不俗試下無妨..我地2 個人食都吾貴..

night諗住同老婆仔食平d先諗住去街市點知,好貴-口-平時都只係食午市,唔知night甘貴不過算la都入左黎叫左蒜香蒸蟹飯同椒鹽鮮魷哇...好大份阿wow隻crab都算大份鮮魷真係好多味道好正!我本身好中2食椒鹽的呢間比我感覺1流!我會覺得值的呢間野!

10-6-2007 2147的炸腐皮卷，2年後再次幫襯亦是這個原因。同朋友打完友誼波後，搭車落黎食晚飯，星期日仍然是墟。兩個人共叫了三碟小菜、兩碗白飯及一支Jolly Shandy。他們的小菜幾乎是即叫即煮，都等左一會先有得食。首先上場是錦繡豆腐，除了主角豆腐外，還有切左粒粒的魚肉、冬菇、紅蘿蔔、魷魚、荀、菜頭等等配料，相當豐富，食食下面還有叉燒粒煎蛋塊，有點似食緊芺蓉蛋，咁既材料陣容唔駛50蚊已物有所值，埋左少少獻，味道都唔算太濃，有人會覺得只係大什燴，我就認為好食就得；朋友喜歡食鱔，就叫了豉汁蒸白鱔，白鱔非常鮮肥，豉汁味道比較輕些少，朋友就覺得淡味，跟住我話唔好食咁鹹。差唔多食左20分鐘到，腐皮卷還未到，於是去追單，他們是立即在另一邊包，然後番去廚房炸，共有3條，每條切開3份，炸得非常香口之餘係冇油，腐皮裡除了有冬菇粒、豬肉粒、筍絲外，今次仲要有蝦仁，套用某食友慣用術語：「超必」，當年寫呢碟菜的食評都係讚不絕口(碌食評碌到最底就係)，所以我有機會第3次黎，仲有呢味野，毫無疑問一定叫硬。

星期六晚有人請食飯, 帶了我們到這裡試試. 我第一次到這些地方食晚飯, 感覺有點污"jo". 一枱八人叫了八碟餸:羊腩煲: 羊腩夠"lum", 好入味, 而且d生菜好新鮮, 可能近街市啦栗米魚塊: 栗米汁唔錯, 魚塊好脆.青檸雞: 好好味, 不用10分鐘已經消失了雜菜煲: 好多不同種類的新鮮菜, 不錯不錯沙爹金菇肥牛煲: 不太辣, 肥牛好香翠塘豆腐: 第一次試, 幾特別煎蠔餅, 椒盬九肚魚: ok 啦, 相對地不太特別叫埋飯, 汽水, 都係$4xx, 好低食不過服務差d, 係厘d地方就預咗啦

尋晚同男友黎食榮記，晚上七點未係太多人既時候，可以揀個無煙唔太嘈既位置食吓野，傾吓計．點咗三個餸加兩碗白飯，埋單$118，只收$115，點解呢？ａ．生炒骨：用酸梅汁，豬扒切片，肉質滑滑，好開胃．ｂ．海蔘菜膽：海蔘＆冬菇數塊，生菜加蠔油，甜而不滯．ｃ．煎蠔餅：ｄ蠔大大隻，好好味．舊年十月同三五知己有黎食過，當時叫咗ｄ海鮮黎食，都覺得ｄ野幾好食，價錢合理．就到八點越黎越多人，ｄ人又食煙又飲酒，加上佢地叫羊腩煲，嗅到死，好彩食完走得．

22/10(日) 7pm吃畢亮明居的brunch後,當時要消耗多少卡路里迎接是晚晚飯,於銅鑼灣會合男友母親,閒逛數小時後,雙腳開始發軟蹄,雙腳示意我是時候讓其歇息歇息.6時許亦是晚飯時間,一行3人走上街市覓食.此鐘數已見不少街坊吃晚飯,環境總算光猛乾淨.3人點了金銀蛋莧菜$35,陳皮蒸泥鯭$50,煎蠔餅$28,蒜香蒸蟹飯$48.金銀蛋莧菜--份量剛好,皮蛋鹹蛋食味一般,而莧菜偏腍身,幸而仍尚算嫩綠鮮甜.陳皮蒸泥鯭--泥鯭4大條,體型絕無欺場,肉質相當滑溜帶點陳皮香,且沒甚腥味,食味不賴!煎蠔餅--蠔仔份量挺多,味道鮮甜無沙,唯蛋餅炸得稍乾身.蒜香蒸蟹飯--寄予厚望的一味,卻是大失人望!肉蟹體積瘦削,肉質腍散,鮮度平平!而飯粒縱然帶蟹香,但彈牙口感欠奉.服務合格,埋單$173.若路過,可一試,專誠來,不必了!

21 July 2006 (Fri) - 晚飯一行七人黎咗呢度食晚飯，有人話好食，我自己則覺得一般啫，我哋叫咗：1. 椒鹽豆腐- 係我食過既最核突同最唔好食既，豆腐似豆腐乾多啲，冇肉食，得塊皮，又砌得細舊，好差！2. 豉汁蒸鱔- 好味道，但係真係好細碟！3. 蒸烏頭魚- 好味道，蒸魚呢度算唔錯，唔太鞋又唔太生，啱啱好！4. 一隻炸子鷄 - 又係令一個ok既餸，不過已經好飽，所以唔係食咗好多，但係炸子鷄既皮永遠都係咁好味！5. 麻辣田鷄 - 呢個係令眾人皆失望既餸，大家都以為會係汁上，點知係炸既加啲麻辣粉喺面，田鷄己經夠晒細隻架啦，仲要將佢炸上，仲邊有肉食架，真係又乾又唔好食，難為了隻田鷄！仲非常細碟，好似係得一隻田鷄咋，真慳皮！6. 雜菜煲- 最普通而又隱陣，實唔會難食既！7. 京都骨- 應該係漏咗單，催時至話轉頭，然後唔知係咪急得滯，完全冇配菜，即係既冇葱又冇菠蘿，只係得幾塊似細扒多過骨既京都汁扒．．．賣相絕對唔得，食就ok，只係一心諗住係骨啫！8. 燒鴨一隻- 呢個餸則係喺隔離舖(惠記)加料，估唔到成八點幾九點都仲有得賣，呢間嘢一向都係收六點，當然當日都已經收舖，但係仲有人喺入面，

尋晚同朋友响灣仔一帶周圍搵地方食飯,諗起呢間啲食評都幾好,就心有靈犀上去試試..1)豉汁蒸鱔-鱔比較細,但好味2)雜菜煲-一般3)黑椒羊仔扒-肉嫩,小羶,汁超正,有鑊氣4)白飯x15)樽裝大可樂x2二人共消費:$152ps.早啲去攞位,我星期二去都好快滿座