榮記(東成)飯店

营业中

休息中

到鐘食飯 行咗好耐，幾個人行行下到街市，收工時間行人好多索性上樓開餐😋🦐 🦐 椒鹽瀨尿蝦蝦有膏質地唔錯椒鹽味十足 香脆口感餸啤酒就應該夠嗮喉🦀 🦀蒸蟹飯味道幾有特色蟹汁收入米度一人一啖蒸料好味 甜鹹中帶點香🦪 🦪蒜蓉粉絲蒸大蟶子蟶夠大隻 一啖過去都覺得飽生鮮又冇沙 蒜蓉同蟶蒸出水🥘🥘 豉油王鵝腸麻麻地 唔係特別好食有少少食材臟器味唔係特別餸飯🍲 🍲粉絲蝦煲粉絲夠鮮味 蝦肉夠彈又係蝦味煮粉入味

星期五晚上同朋友聚餐搵左間大排檔叫左5樣野1. 乾炒牛河 $68夠乾身夠味牛肉爽2. ⁠鎮江豬仔骨 $88共四條拎住食係好爽肉煮得剛剛好但味普通3. ⁠紅燒豆腐 $68有豆腐 菇 翠玉瓜 蘿蔔正常4. ⁠蝦醬通菜鮮魷 $98鮮魷係大條好食爽蝦醬味唔算好重5. ⁠⁠椒鹽豬扒 $78調味唔平均一係太咸一係冇味比膏位多又煎得唔夠熟可能因為多人啦啲野食唔算快上檯但當然都唔趕人走食物中規中舉係個豬扒真心差啲不過要預左超嘈

今次同啲女仔朋友去食飯，想有啲新意揀咗食大排檔🤣～因為比較即興，所以都係隨便揀咗間唔使預訂嘅去試吓。呢間餐廳喺熟食中心入面，去到有10幾個人喺前面排緊隊。我哋叫咗個魚香茄子煲、蟹肉飯同埋椒鹽鮮魷。上菜嘅速度唔算特別快，都係逐碟逐碟上嘅。價錢方面唔算太貴，又幾十至到百零蚊都有一碟。椒鹽鮮魷好大嚿，炸得好好味，我哋食到停唔到口🤭個蟹肉飯都好有驚喜，入邊有好多蟹肉撈埋一齊食，送埋茄子超開胃🤣。如果下次有一大班人，就可以嗌多啲嘢食。

睇完youtube 介紹銅鑼灣熟食中心入面有好多正嘅餐廳 今個weekend 即刻黎左試😆😆✨椒鹽鮮魷 $128鮮魷好新鮮 好彈牙👍🏻 個粉好薄好薄 椒鹽味啱啱好 又唔會太咸✨辣酒東風螺 $98都有好多粒 又大粒 兩個人每人都食到十幾粒😆 個辣酒超級惹味🤤🤤 食食下都幾辣 送酒一流！✨XO腰果蝦乾銀魚 $128呢個超級推介！黎到呢度必定要叫！🤩個乾銀魚炸到脆脆超級香口 配埋啲蝦乾腰果同韭菜花好夾👍🏻👍🏻 🍻嘉士伯*2總括黎講全部野食都好好食🤤 環境都闊落 不過喺室內就比較嘈 預左傾計要大聲啲味道❤️❤️❤️❤️💔抵食❤️❤️❤️❤️💔服務❤️❤️❤️💔環境❤️❤️❤️💔💰晚餐人均～$204（唔使+1）

早幾日去晚市食飯一去到現場環境周圍都非常嘈吵多人，同枱基本上同鄰座人交談都有困難。某侍應態度惡劣冇禮貌，起初因為物品擺放椅子問題態度已經唔好，到點菜下單嘅時候，有一半嘅菜式已經售罄，最後重複下單嘅菜式時又好似唔識比反應我哋咁樣，一副你點就點唔點就罷就嘅感覺，並用命令式語氣跟客人談話，最基本嘅服務態度都冇，食物質素唔可以話難食但味道很一般。本身一班人食餐飯開開心心，都搞到氣氛唔高興，我哋係嚟食飯唔係嚟受氣。冇下次。

今晚同friend在times 附近操完野, 近近地去鵝頸街市食個大排擋⋯⋯都好耐冇去了，九點左右到，雖然平日但近lift口area完全full 哂… d 師傅😂😂帶我地坐另外一邊，仲好！小d 人冇咁嘈添，叫左beer 酒和三樣嘢….叫左個小炒王， 椒鹽魷魚鬚同埋豉油王炒麵，三樣嘢都好有鑊氣，尤其是個小炒王好食，用嚟送酒一流；個豉油王炒麵就幾大碟，正正常常；個椒鹽魷魚鬚同以前一樣咁好食⋯⋯建議坐入邊會好啲，因為如果近lift口個邊真係太太太嘈，完全聽唔到人講嘢！市政街市都預咗係比較污糟，但食佢個風味同埋都幾平，埋單兩個人都係$340⋯⋯

尋晚喺灣仔搵宵夜食，就黎左鵝頸橋街市上面大排檔，先叫啲野食送下酒😅😅沙薑雞腳，沙薑味夠，雞腳夠淋👍🏽椒鹽九肚魚，椒鹽鮮魷，下酒一流👍🏽👍🏽👍🏽仲有炸大腸，夠脆夠香😋😋星洲炒米都好食，夠晒鑊氣，仲有個好惹味既，XO腰果蝦乾魚仔，入面有啲蝦乾、魚仔乾，好香口，好好味，不過可能太夜先黎到，有幾樣想食既餸都沒有了🤦🏽‍♂️🤦🏽‍♂️唯有下次早啲黎再食過，飲左好多枝啤酒，飲飽食醉，回家好好訓😂😂

一行5人行完山去到銅鑼灣上去熟食市場搵飯食，7點上嚟已經坐滿場，好彩等咗一陣就有位，呢到勝在有冷氣，鑊氣夠，價錢合理，分量都正常，係地方坐得迫d, 同環境比較嘈吵同貼地d😅 今晚叫嘅每樣餸都覺得好食👍叫埋啤酒汽水都係$800太抵食啦😍蠔餅$78蠔仔大粒唔腥👍 炸得好鬆脆入口好輕身😋鎮江豬仔骨$88先炸香口，再沾上香濃帶酸酸地的鎮江汁，十分香口惹味👍XO 腰果蝦乾銀魚 $118銀魚仔腰果炸得超脆香口，整碟菜炒得夠鑊氣又唔覺太油膩😋 少辣不咸味道惹味👍咕嚕肉 $78食到大大粒肉，炸粉好少脆口，唔會成舊炸粉包住食粒粉咁，個汁酸酸甜甜好開胃😋椒鹽鮮魷 $118炸粉好薄好脆，魷魚肉厚但不韌👍豉油皇炒麵 $58見好多枱都有叫呢款，碟碟出品都好大碟🤩 就叫一碟試下，又真係炒得入味得嚟好乾身，食落一d都唔會覺得油膩😋椒絲腐乳通菜 $58菜炒得夠惹味，食落有d辣。 呢到可以成為我地日後港島區行山後嘅飯堂😝

間餐廳久負盛名，終於搵到機會過來一試究竟。嗌嘅都系正路野，小炒皇、椒鹽鮮魷之類，餸啤酒一流。小菜味道方面，鍋氣十足，新鮮熱辣，但以笠個價錢同份量來講，性價比略顯不足。環境方面，可能系晚市，人頭湧湧，非常吵雜，雖然預左大排檔系差不多情況，但喧囂聲之大都超過預期，最好食完即閃。總而言之，路過可以一試，但無需專門過來。

星期五晚上6點2嚟到，當時已經好多食客，成個場已經半滿。到7點尾，我地食完離場果陣全滿之餘，仲有人等位😯完全FEEL唔到所謂香港餐飲業有危機呢件事。睇左好多食評，絕大部分人都一定會點兩樣野，分別係XO腰果蝦乾銀魚同埋椒鹽鮮魷，聽聞有時鮮魷仲會賣哂，而改為魷魚鬚添，所以想食嘅話，真係要趁早!! 😏其次比較多人推介嘅係豉油皇炒麵、炸蠔餅、鎮江豬仔骨，由於實在太多野想食，加上價錢十分相宜，所以兩個人叫左四樣野，最後食唔哂，要打包😆XO腰果蝦乾銀魚$118雖然佢個樣同配料都似小炒王，但大家小心唔好叫錯🤓。 個人覺得呢個小菜無小炒王咁鹹；XO味唔濃；炸到脆卜卜嘅銀魚幾大條；另外仲有蝦乾、腰果。唯一缺點係韭菜花切得太短，有D難夾。椒鹽鮮魷$118呢個小菜上枱果陣真係好香魷味，食落亦不負所望，鮮魷雖然唔厚肉，但真係好魷香!! 😋炸粉唔厚，食落油膩感唔重；略嫌鹹左少少。咕嚕肉$78呢個小菜熱到辣口😳個汁偏酸，份量幾多，而且食落唔會成舊炸粉，依然食到大大粒肉。豉油皇炒麵$58呢個略為遜色左少少🙉，無乜鑊氣，但勝在大大份，最後食唔哂果個就係佢。四款食物另加一罐可樂，合共$382。嚟呢度食野一定要有心理準備

鵝頸橋街市日頭係由咖哩羊腩飯，燒鴨，魚餅同埋牛雜各領風騷。而晚間搖身一變，全層都變成榮記嘅天下~嚟到必點 XO 腰果蝦乾銀魚！表面上好似小炒王，但佢嘅蝦乾鮮味唔太乾，銀魚夠脆身，好食！（呢個係貴過小炒王20蚊㗎~）椒鹽鮮魷 經典大排檔小菜，脆口又鹹香用嚟送酒一流薑葱生蠔煲 份量足大大隻，夠惹味又有鑊氣，啲生蠔仲係脹卜卜肥肥的~ 😍呢度竟然有少見嘅砵仔焗魚腸！蒸起熱辣辣加少少胡椒粉一齊食，令我完全改觀冇晒以前嗰種腥味壞印象，外脆內嫩又帶點魚肝嘅鮮香，不錯！椒絲腐乳通菜牛肉 好 raw，個人覺得啲菜就老咗少少豆腐x魚湯 - 無乜味，飲了個寂寞價錢實惠，開到兩點，宵夜好去處（悄悄話：有冷氣~）

現在能吃宵夜的地方不多，最近就發現了一家灣仔餐廳能開到凌晨兩點，就是在鵝頸橋街市熟食中心一樓的榮記。雖然同層有不同食肆，但晚上開始至凌晨兩點，只有榮記一家開舖，所以所有桌子都是榮記的客戶可使用，位置非常充足。濕炒牛米（$68）大排檔格局，首選乾炒牛河，但是日河粉已賣光，所以選了濕炒牛米。牛肉大件嫩滑，米粉煎過有燶邊，配汁真的超級好味。豉椒炒蜆（$88）豉椒炒蜆，微辣，是卜卜蜆，非常肥美，暫時是我在不同大排檔吃豉椒炒蜆吃過最肥美的炒蜆。金針雲耳蒸滑雞（$78）金針雲耳蒸滑雞，雲耳非常入味，部份細件雞件會比較滑，雞胸則有點嚡。菜心炒牛肉（$78）菜心炒牛肉，牛肉與濕炒牛米的牛如出一轍好味，菜心亦非常新鮮，不會炒得過腍。晚上宵夜到榮記氣氛真的不錯，不過略嫌有煙味，周圍環境比較大所以嘈吵。

碩果僅存傳統大排檔今次試咗鎮江豬仔骨鹹菜豬肚雞煲八珍豆腐煲鎮江豬仔骨味道有驚喜酸甜適中鹹菜豬肚雞煲份量足材料樣樣都好多味道還可以八珍豆腐煲材料多又豐富有紅燒豆腐，豬肝，魷魚🦑，肉片，蝦仁再加上翠玉瓜作點綴成餐嚟講都好滿意，價錢親民

今晚諗唔到食咩，就去咗依間大排檔食對比起其他大排檔，呢度環境通爽，都幾乾淨，地下唔會濕笠笠黐笠笠，同埋坐得到舒服。第一碟上嚟嘅係蝦醬炒通菜，蝦醬味濃郁，唔會好鹹，食落啱啱好第二碟上嚟係生炒骨，比想像中幾酸吓，不過連埋啲肉一齊食，中和到，啖啖肉，份量都幾多。跟住就係椒鹽鮮魷，就咁食幾好食，個醬係生炒骨個汁黎，點完醬之後反而覺得唔夾，好似食緊咕嚕魷魚🦑茄子🍆牛仔骨原本睇個名伏伏地，點知上到嚟好惹味，送飯一流，茄子好食，入晒汁，牛仔骨拖過油，口感好正生炒牛肉飯一黎到已經好大陣炒焦左既焦味，跟住都試左一啖，滿口焦氣味第一次係大排檔會食到焦味炒飯整體小菜好食，炒飯唔得

心血來潮，突然間想食乾炒牛河，好彩太太又肯陪我出嚟。 本來想去茶餐廳。 行去天樂里的途中，記得好久以前在樓上吃小炒， 老婆着條靚裙，但也不反對大排檔，所以和她上來吃晚餐。時間大約六點已經差不多坐滿。還有一張小枱給我們。馬上叫了乾炒牛河，椒鹽九肚魚及一支青島啤酒。太太喝一杯，真的是很relaxing 的事情。牛河份量足夠，非常夠鑊氣。少許油，預咗。炒得非常均勻。九肚魚炸得好乾身。隻碟食完係乾嘅。外脆內軟非常出色。再來一碟炒蜆。份量充足，成碟有兩隻有少許沙，但可以接受。沒有死蜆。服務很快手，餸菜都好快送上。見到有其他小炒都很多人叫。老婆說要帶埋阿女再來，吃田雞，蒸魚腸，及魚雲煲。坐的時候大約八點，已經出現人龍排隊。喝了三支啤酒，過了一個非常浪漫的晚上。